Gamlar myndir

20100508 Merkur áfangi í sögu varðarhúss í Laugafelli

20080307 Vegna slæmrar veðurspár var ákveðið að skíðaferðin frá Hlíðarfjalli að Þelamörk, sem fara átti á sunnudag 8. mars, væri farin, á laugardag 7. mars. Myndasmiðir Valur og Kristín og fararstjóri var Frímann Guðmundsson.

201002106 Þessi ferð varð Hlífá, Hranastaðir. Lagt var af stað upp með Heimari- Hlífá og gengið upp á Súlumýrar, þar sem skíðin voru sett á. Þaðan var haldið upp á Súlumýrar. Gengið suður Súlumýrarnar sem eru drjúgar, var haldið hæð neðan við Súlurnar, til að finna snjó. Síðan var farið eftir snjólænum í áttina að Hranastöðum þar sem við enduðum. Ferðin gékk í alla staði vel enda sól og logn. Fararstjóri: Frímann Guðmundsson. Myndasmiður: Randver Páll Gunnarsson

20090626

20070304 Sunnudaginn 4. mars var farið skíðaferð á Reykjaheiði. Ingvar Teitsson var fararstjóri. Frímann Guðmundsson tók myndirnar.

20100609 Gengið var upp með Reykjá í Eyjafirði. Mjög góð þátttaka var. Fararstjóri var Frímann Guðmundsson. Ljósmyndir tóku Frímann Guðmundsson og Maximilian.

20100524 Ekið á einkabílum að Freyjulundi við Reistará og gengið þaðan upp norðan ár. Þegar komið er upp í skarðið er stigið á skíðin og sveigt til suðurs og upp á Flár, hábungu fjallsins, þar sem gott útsýni er yfir Þorvaldsdalinn og fjöllin vestan við. Gengið áfram suður eftir fjallinu uns haldið er til baka. Fararstjóri: Frímann Guðmundsson

20080817 Gengið var upp Reistarárskarð frá Freyjulundi gegnum skarðið og þaðan upp á Reistarárfjall. Veðrið var gott logn og hiti um 20 stig. Þegar leið á daginn fór mistur að hamla útsýninu. Fararstjóri: Frímann Guðmundsson. En látum myndirnar tala sínu máli sem Frímann tók.

20090523 Ekið var að Freyjulundi við Reistará og gengið þaðan upp norðan ár. Veður var stillt en skýað. Hægt var að fara á skíðin þegar komið var vel upp í hlíðina. Alltaf þyngdi í lofti og þegar tekið var kaffistopp fór að slydda og hríða. Ekki var langt eftir að brún Þorvaldsdals, nú var skyggni orðið ekkert og skall á okkur sannkallað hrakveður slydduhríð og brátt urðu allir holdvotir, var þá snúið við hið bráðasta og rennt sér niður úr veðrinu. Myndasmiður var Frímann Guðmundsson og fararstjóri Grétar Grímsson.

20090717 FFA efndi til ferðar á Öskuveginn 17.-21. júlí 2009. Ekið var að Drekagili og gengið þaðan í Öskju í blíðskaparveðri morguninn eftir. Þ. 19. júlí var gengið yfir Jónsskarð í Dyngjufjalladal. Daginn eftir var gengið í Suðurárbotna. Síðasta daginn var gengið í frábæru veðri í Svartárkot. Fararstjóri og myndasmiður: Ingvar Teitsson.

20100508 Laugardaginn 8. maí 2010 var unnið við að ganga frá stiga upp á efri hæðina. Einnig var unnið við milliveggi á neðri hæðinni. Þá var farið að ryðhreinsa og grunnmála gám sem verður gasgeymsla við Drekagil. Myndasmiður: Ingvar Teitsson.

20090221 Laugardaginn 21. febrúar 2009 hófu félagar í FFA að smíða nýtt skálavarðarhús fyrir Laugafell. Stálbitar sem mynda undirstöðu hússins voru stilltir af. Þá var smíðuð timburgrind ofan á stálbitana en sú grind verður gólf nýja hússins. Myndasmiður: Ingvar Teitsson.

20060401 Laugardaginn 1. apríl 2006 var farin skíðaferð frá Skíðastöðum í Hlíðarfjalli yfir að Laugarlandi á Þelamörk. Frímann Guðmundsson var einn þátttakenda og tók hann meðfl. myndir.

20060311 Helgina 11-12 mars 2006 var farin skíðaferð frá Kröflu til Húsavíkur um Reykjaheiði og var gist á Þeistareykjum eina nótt. Frímann Guðmundsson var fararstjóri og sendi hann myndir og ferðasögu frá ferðinni sem tókst í alla staði mjög vel

20110326 FFA efndi til skíðaferðar norður Fljótsheiði frá hringvegi 1 að Hafralæk í Aðaldal þ. 26. mars 2011. Við gengum norður háheiðina í suðvestan golu og léttskýjuðu veðri. Skíðfæri var gott en norðantil þurfti að þræða lænur. Við komum að mastrinu á Háamel og á Fjallshnjúk ofan við Ytra-Fjall í Aðaldal. Norðan við Fjallshnjúk fórum við niður í Aðaldalinn og norður vestan Hafralækjar að brúnni hjá hitaveitunni vestan skólans á Hafralæk. Leiðin var 21 km, útivistin tók sex klst. Þátttakendur voru 13, fararstjóri og myndasmiður: Ingvar Teitsson.

20060423 Frábær skiðaferð sem farin var 23. apríl s.l. Nokkuð hvasst var, en sólin yljaði okkur þannig að þetta var bara topp útivera. Það var sæmilegt skiðafæri, en rennslið mátti vera betra. Ekki skemmdi að gangan endaði í jarðböðunum í sveitinni. Ég væri til í að fara þessa ferð aftur. Roar Kvam

20090207 Lagt var af stað í fyrstu skíðaferð ársins í heiðríkju og stillu um kl. 10.30. Gengið var frá bílastæðinu við Heimari-Hlífá á Glerárdal. Við fylgdum stikuðu leiðinni fram í Lamba að mestu. Komið var fram í skálann eftir 3ja klst. göngu. Þar var logn, léttskýjað og 15 stiga frost. Eftir áningu í Lamba var haldið sömu leið til baka. Skíðafæri var gott og vorum við 1 klst. og 45 mínútur til baka að bílunum. Þátttakendur voru átta. Fararstjóri var Anke-Maria Steinke og myndasmiður Ingvar Teitsson.

20090301 FFA efndi til skíðaferðar á Vaðlaheiði þ. 1. mars 2009. Ekið var upp í Vaðlaheiði vestan megin, norður fyrir Geldingsá. Þaðan var gengið suður og upp á heiðina. Hópurinn var 1 klst. og 45 mín. upp að Skólavörðu. Síðan var haldið sömu leið til baka. Veður var ágætt, SV-gola og vægt frost. Þátttakendur voru alls 7. Fararstjóri Frímann Guðmundsson, myndasmiður Ingvar Teitsson.

20090404 Ekið var frá Akureyri að Öxará í Þingeyjarsveit. Við lögðum á fjallið um kl. 10.10. Nægur snjór var en uppi á fjallinu var skel á snjónum og erfitt færi. Við komum upp á Háafell kl. 15.10. Háafell er 918 m y. sjó og hæsta bungan á fjallinu milli Bárðardals og Fnjóskadals. Þar var nærri logn, heiðríkt og afar fallegt útsýni í allar áttir. Við renndum okkur svo austur af fjallinu sömu leið og vorum komin niður í Öxará um kl. 18.10. Þátttakendur voru 9. Fararstjóri og myndasmiður: Ingvar Teitsson

20040415 Myndir úr skíðaferð í Laugafell í apríl 2004

20110403 Ekið var frá Akureyri Út undir Dalvík og beygt þar inn Svarfaðardalinn að austan og ekið sem leið liggur inndalinn. Síðan var beygt inn Skíðadal og ekið að innsta bæ Kóngstöðum. Ekki hafði verið mikill snjór í dalnum en við vorum að fara í skíðaferð, en þegar inn að Kóngstöðum kom var snjórinn kominn. Veður og færi var gott þó ekki væri albjart þá sá til sólar annað slagið, en myndirnar tala sínu máli. Fararstjóri og myndasmiður Frímann Guðmundsson.

20110416 Ekið var að Skarði í Dalsmynni og gengið þaðan á Skessuhrygg. Þar var snúið við sökum veðurs Til baka var farið sömu leið heim að Skarði. Fararstjóri og myndasmiður Frímann Guðmundsson.

20060810 Frá Öskjuveginum í ágúst 2006

20060729 Lögðum af stað frá FFA kl. 16. Í Mývatnssveit var hefðbundið stopp og síðan ekið útaf þjóðvegi við Hrossaborg

20100620 Það voru fáir sem skráðu sig á réttum tíma í ferðina. Ég mætti á skrifstofuna kl. 18:30 og þar voru mættir fjórtán sem ætluðu með. Það voru svo tveir sem bættust við í Ólafsfirði. Við vorum því sextán sem héldum á fjallið í góðu veðri. Ferðin upp gekk vel og sáum við mjög víða. Upp vorum við kl. 23:30 allir hreissir og kátir. Heimferðin gekk mjög vel. Gunnar Halldórsson.

20080620 Ferðin á Múlakollu gekk mjög vel. Allir voru mættir á gamla múlaveginn fyrir ofan Brimnes í Ólafsfirði kl. 20:00. Alls voru þar um 30 manns, mjög góður hópur. Ferðin upp gekk vel og vorum við uppi kl. 23:30 í ágætis veðri og sólin sást við hafsbrún. Ferðin niður gekk líka vel og allir komnir í bílana fyrir klukkan tvö. Myndir tóku. Konráð Gunnarsson, Gunnar Halldórsson og Sigurgeir Haraldsson.

20100618 10 manna hópur ásamt fararstj. Ingimar Eydal labbaði meðfram Glerá í mjög góðu veðri. Frábær gönguferð innanbæjar á Akureyri. Roar Kvam tók myndirnar.

20060708 Myndir frá ferð á Mælifellshnjúk 8. júli 2006 Frímann Guðmundsson og Roar Kvam voru fararstjórar í forföllum Böðvars Finnbogasonar. Var þetta hin besta ferð, nema hvað þokan var að angra okkur þegar á toppinn var komið. Frábær útivera samt sem áður. Roar tók myndirnar.

20100924 Farið var í lokunarferð í Dreka daganna 24-26 september 2010.

20100716 Nýtt skálavarðarhús flutt og komið fyrir í Laugafelli.

20080624 Þarfaleysisgangan á Laufáshnjúk. Björn Ingólfsson var leiðsögumaður og leiddi tæplega fjörtíu manna hóp frá FFA upp á Laufáshnjúk . Fararstjóri var Roar Kvam. Frímann Guðmundsson tók myndirnar

20070422 Myndir úr skíðaferð í Laugafell í apríl 2007. Myndasmiður, söguritari og fararstjóri var Frímann Guðmundsson.

20090724 Dagana 24.-26. júlí 2009 var gengin Látraströndin að Látrum og gist þar. Daginn eftir var ferðinni svo haldið áfram inn í Keflavík og að Þönglabakka í Þorgeirsfirði. Þriðja daginn var svo gengið frá Þönglabakka að Gili í Hvalvatnsfirði. Ljósmyndir tóku: Sigurgeir Sigurðsson og Þórarinn Torfason.

20060501 Frímann sendi inn nokkrar myndir sem hann hefur tekið nýverið, úr ferð á Súlur og úr skíðaferð á Kröflusvæðið

20080223 Laugardaginn 23. sl. var ákveðið að ganga á Súlur. Frímann Guðmundsson tók myndirnar

20100726 Lagt var af stað frá Akureyri um kl. 16:00 mánudaginn 26. júlí. Þær fréttir höfðu borist að ófært væri um Herðubreiðalindir og vegurinn lokaður þar sem Jökulsá á fjöllum væri í vexti og flæddi upp í Lindá og vaðið væri svo djúpt að engum væri fært. Því var farið austur fyrir Jökulsána og upp hjá Grímstöðum á Fjöllum. Bílstjórinn hafði á orði að sér fyndist vegurinn góður fjallavegur þótt öllum öðrum í rútunni fyrndist nóg um endalaus þvottabretti. Allt gekk þetta þó og um kl. 22:00 var komið í Dreka. Fararstjóri Frímann Guðmundsson.

20050728 Myndir úr ferð félagsins um Öskjuveginn sumarið 2005

20100716 FFA efndi til ferðar á Öskjuveginn 16.-20. júlí. Ekið var að Drekagili á föstudagskvöldið og í leiðinni var farið í stutta skoðunarferð um Herðubreiðarlindir. Laugardaginn 17. var lágskýjað en þurrt. Þá var farið að Svartá við Vaðöldu, í Nautagil og Drekagil og einnig gengið inn í Öskju að Víti og Knebelsvörðu. Sunnudaginn 18. var gengið frá Öskjuopi yfir Jónsskarð í Dyngjufell. Þá birti til og var frábært veður það sem eftir var ferðarinnar. Þann 19. júlí var gengið í Suðurárbotna og daginn eftir í Svartárkot. Fararstjóri og myndasmiður: Ingvar Teitsson.

20090727 11 manna hópur frá FFA ferðaðist á Öskjuveginum í mjög góðu stuði þrátt fyrir að veðurguðirnir voru ákveðnir í að vera okkur ekki hliðhollir. Fengum við öll sýnishorn af íslensku öræfaveðri, smá sól, þykk þoka, ausandi rigning, norðan steytingur, haglél og snjókoma. En ekkert beit á skap ferðalangana, frábær og jákvæður hópur sem alltaf var í góðu skapi. Fararstjóri og myndasmiður var Roar Kvam

20100623 Vinnu og opnunarferð í Laugafelli. Brú var smíðuð frá snyrtihúsi að laug, lokið var við kaldavatnsveitu, laugin hreinsuð og skálar undirbúnir fyrir sumarið. Myndir tók: Árni Gíslason.

20050303 Hafin er bygging nýs skálavarðarhús sem sett verður upp við Dreka sumarið 2006. Unnið er við bygginguna alla laugadaga

20110101 FFA efndi til göngu um Vaðlareit á nýársdagsmorgun 2011. Veður var ágætt, bjart og stillt og hjarnfæri í skóginum. Töluvert var af rjúpu og auðnutittlingum í Vaðlareit. Þátttakendur voru sex. Fararstjóri: Grétar Grímsson, myndasmiður: Ingvar Teitsson.

20100101 Ferðafélag Akureyrar efndi til nýársdagsgöngu þ. 1. jan. 2010. Gengið var frá bílastæði neðan við Kjarnaskóg suður fyrir enda Akureyrarflugvallar og yfir gömlu brýrnar á Eyjafjarðará austur að þjóðveginum neðan við Kaupang. Síðan var gengið sömu leið til baka. Blíðskaparveður var, en hörkufrost, -18°C. Þátttakendur voru 10, fararstjóri: Grétar Grímsson, myndasmiður: Ingvar Teitsson.

20090101 Ekið var frá skrifstofu FFA að bílastæðinu við Leiruveg syðst við Vaðlareit. Gengið var upp stíginn í Vaðlareit og síðan norður skóginn að grunninum eftir þjónustumiðstöðina á Húsabrekku. Síðan var haldið sömu leið til baka. Veður var mjög fallegt, logn, bjartvirði og 5 stiga frost. Gönguleiðin fram og til baka var um 4,5 km, gangan tók 90 mínútur. Þátttakendur voru 12, fararstjóri Grétar Grímsson, myndasmiður Ingvar Teitsson.

20080910

20060714 Fararstjóri var Helga Guðnadóttir en myndasmiður var Tryggvi Már Ingvarsson.

20080621 Á sumarsólstöðum gekk vaskur hópur frá Víkurskarði í Gæsadal og þaðan upp á YstuVíkurfjall. Helga Kvam tók myndirnar.

20100206 Laugardaginn 6. feb. 2010 var unnið við að klæða húsið að utan með panel. Einnig var borin olía á klæðningu sem fer á innviði hússins. Myndasmiður: Ingvar Teitsson.

20091107 Nú í haust, 2009, er haldið áfram að smíða skálavarðarhús fyrir Laugafell (Þórunnarbúð). Laugardaginn 7. nóvember var þakjárnið sett á húsið. Myndasmiður: Ingvar Teitsson.

20100123 Laugardaginn 23. jan. 2010 vann hópur manna við nýja húsið. Borin var olía á klæðningu fyrir innveggi og unnið við panel utan á húsinu. Þá var kjölur settur á þak hússins. Veður var frábært, sunnan gola og hláka.

20060826 Roar Kvam tók myndirnar.

20060815 Fararstjóri var Sigurgeir Sigurðsson og tók hann myndirnar.

20070905 Gengið á vit óskemmtilegra atburða sem gerðust haustið 1870 þegar 26 hross hröpuðu fram af hengiflugi. Frímann Guðmundsson var fararstjóri. Myndirnar tóku Frímann,Tómas og Valtýr.

20100724 Gengið var á Torfufell inn í Eyjafirði 24. júlí 2010. 10 voru með í för auk fararstjóra og var veður með besta móti. Gengið var upp norðurhrygg fjallsins og niður í Villingardal. Myndir tók Grétar Grímsson

20060722 Gengið var á Þverbrekkuhnjúk 22.júlí sl. Ekið var að Hálsi í Öxnadal og þaðan gengið um Vatnsdal á hnjúkinn. Síðan um Bessahlaðaskarð og Beitarhúsagil að Hálsi þar sem göngunni lauk.

20080405 Skíðaferð á Þorvaldsdal. Farið var á Þorvaldsdal þ. 5. apríl 2008. Ekið var að Stærra-Árskógi og gengið þaðan suður dalinn. Skýjað var og norðvestan gola þegar lagt var af stað, en fljótlega lægði og gerði glampandi sól. Nægur snjór var en víða djúp lausamjöll. Fjallasýn var óviðjafnanleg allan daginn. Snjórinn entist því nær heim að túni í Fornhaga. Gangan tók tæpar 8 klst. og gekk í alla staði vel. Fararstjóri og myndasmiður var Ingvar Teitsson.

20100823 Myndir af Þórunnarbúð að innan. Myndirnar voru teknar 23. ágúst 2010. Ljósmyndari: Hilmar Antonsson

20080301 Fararstjóri og myndasmiður var Frímann Guðmundsson.

20060915 Helgina 15. til 17. september 2006 var nýrr varðarhúsið flutt í Dreka

20090619 Farin var árleg vor-vinnuferð í skálann Lamba á Glerárdal helgina 19.-20. júní 2009. Skipt var um klæðningu innan á austurvegg skálans og hann málaður og þrifinn að utan sem innan. Skálinn er nú í góðu ásigkomulagi og gönguleiðin inn Glerárdal að austan (sunnan) um göngubrúna á Fremri-Lambá að verða þurr. Myndasmiður: Ingvar Teitsson.

20101031

20070525 Vinnuferð í Dreka um Hvítasunnuna 25.-28. maí 2007

20100618 Helgina 18.-20. júní var Bræðrafellsskálinn gerður klár fyrir sumarið og málaður í leiðinni í nýjum litum. Tók hann sig vel út þannig eins og myndirnar bera með sér. Umgengni var með ágætum og notalegt að gista tvær nætur í skálanum. Okkur taldist til að 43 hefðu skráð sig í gestabókina í 20 heimsóknum. Veðrið lék við okkur og ekki amalegt að ganga yfir hraunið til Bræðrafells um miðnætti á föstudagskvöld í sólskini og hátt í 20 stiga hita! Í ferðina fóru átta manns á tveimur bílum. Gerðar voru smá breytingar á slóðinni að uppgöngunni að Herðubreið að frumkvæði Hreins Skagfjörð og með samþykki þar til bærra yfirvalda. Er nú unnt að komast þangað akandi án þess að klöngrast hraunið nema að litlu leyti. F.h. Bræðrafellsnefndar Hjalti Jóhannesson,

20090423 Á sumardaginn fyrsta, 23.04.09, var unnið við samsetningu á sperrum á húsið. Sperrur voru reistar með aðstoð Stjána Júl., kranabílstjóra. Einnig var gengið frá sperrufestingum í hliðarveggi hússins. Myndasmiður: Ingvar Teitsson.

20100120 Laugardaginn 20. jan. 2010 var unnið við að klæða innveggi á neðri hæð með þilplötum. Einnig var súð á efri hæð klædd með panel. Myndasmiður: Ingvar Teitsson.

20041010

20100911 Enn einu stórvirki FFA er lokið með smíði nýs varðarhúss auk gistiaðstöðu í Laugafelli. Hilmar Antonsson vígði nýtt og glæsilegt varðarhús og gaf því nafnið Þórunnarbúð. Laugardaginn 11. september var haldið af stað frá Ferðafélagi Akureyrar inn á öræfi. Tilefnið var tvíþætt: vígja átti nýtt varðarhús í Laugafelli og svo að halda Sviðamessu, sem er uppskeruhátíð velunnara FFA. Lagt var af stað frá Strandgötu 23, húsi Ferðafélagsins, kl. 11 með 40 manna rútu frá SBA og ekið inn Eyjafjörð og fararstjórinn var Ingvar Teitsson. Gott veður var og gekk ferðin upp eftir vel þótt vegurinn væri ekki góður á köflum. Kom hópurinn í Laugafell upp úr kl. 13. Síðan var hið glæsilega hús sem smíðað var á Akureyri af félögum í FFA undir öruggri stjórn formannsins og yfirsmiðs Hilmars Antonssonar vígt. Á eftir var boðið upp á léttar veitingar. Í tilefni dagsins kom Páll Guðmundsson framkvæmdastjóri Ferðafélags Íslands og færði okkur gjafir. Síðan hófst Sviðamessan með áti gríni og glensi sem stóð fram á nótt undir stjórn Helgu Guðna. En látum myndirnar tala sínu máli.

20060304 4. mars 2006 var fyrsta ferð ársins á dagskrá og var farin skíðaferð í nágrenni við Kaldbak

20060819 Ingvar Garðarsson sendi okkur myndir úr ferðinni.

20110212 Ekið var upp á stæðið sem Kaldbaksferðir nota. Lagt var af stað um kl. 13 og gengið upp Grenjárdal í góðu færi upp á þröskuld. Færið breyttist þegar haldið var niður Trölladal komið harðfenni og tók vel í lærin að halda hæfilegum hraða. Ekki var hægt að taka kaffipásu strax þar sem vélsleðamenn yfirtóku bestu staðina í spyrnukeppni og okkar ferðamáti er að njóta kyrrðar og náttúru en ekki mengun og hávaða, en neðar í dalnum fundum við okkur friðsælan stað til að hvílast og drekka. Gekk niðurferðin að mestu vel þrátt fyrir nokkrar byltur nema í einni byltunni snéri Hildur sig ílla en hélt þó áfram. Þegar í Gil kom var slegið upp þorrablóti og mikið étið eftir erfiðan dag. Ekki er nú hægt að hrósa hitanum á Gili þrátt fyrir fína kamínu en hitinn fór allur út í staðin fyrir inn. Daginn eftir var haldið út Leirdalsheiðina og gekk heimferðin vel en látum myndirnar tala sínu máli. Fararstjóri og myndasmiður Frímann Guðmundsson

20080216 Farið var í árlega þorrablótsferð i Botna þ. 16. febrúar 2008. Veður var frábært en snjórinn hefði mátt vera meiri. Hópurinn átti ágæta kvöldstund í Botna og var gengið til baka í Svartárkot sunnudaginn 17. feb. Þá var hláka og síðasta hluta leiðarinnar skiptust á krapapollar og hrísflákar. Allir voru þó ánægðir í ferðarlok.

20080315 Myndir úr ferð á Strýtu 15. mars 2008. Lagt var af stað með hálfum huga í þessa ferð og sumir hættu við, því þoka var og allt rann saman í eina hvíta veröld. En það átti eftir að breytast eins og myndirnar bera með sér. Myndavélin fékk að vísu ofbirtu í augun og breytti um lit. Gretar Grímson var fararsjóri og myndasmiður var Frímann Guðmundsson

20100608 Gengið var upp með Stóralækjargili í Öxnadal. Góð mæting var í frábæru veðri.

20090607 Sunnudagskvöldið 7. júní var gengið upp með Stóralækjargili í Öxnadal og það skoðað . Þátttaka var mjög góð en 28 tóku þátt fararstjóri var Konráð Gunnarsson. Ljósmyndir tóku Lilja Guðmundsdóttir og Konráð Gunnarsson.

20110205 Ekið var inn að Öngulstöðum og gengið frá sumarhúsinu Seli upp að vörðunni nyrst á Hausnum. Þá var gengið inn eftir fjallinu um greiðfær holt inn að Helgárdal. Fararstjóri: Grétar Grímsson, Myndasmiður Frímann Guðmundsson

20080708 Gengið var frá Litla-Árskógi upp Lækjardal á Sólarfjall (Krossahnjúk) í blíðskaparveðri. Í ferðinni voru 4 alsælir ferðalangar. Gengið var svo niður að eyðibýlinu Kleif í Þorvaldsdal og með Þorvaldsdalsá að Litla Árskógi aftur.

20090118 Smíði skálavarðarhúss fyrir Laugafell miðar vel áfram. Laugardaginn 18.04.09 var lokið við að setja loft yfir jarðhæð skálans og einnig voru stafnar reistir á enda hússins.

20090307 Haldið var áfram að smíða skálavarðarhús fyrir Laugafell laugard. 07.03.09. Efnað var niður í grindur fyrir þrjá veggi hússins. Grindurnar voru síðan settar saman og reistar. Veður var sæmilegt framan af degi en eftir hádegið mokaði niður snjó.

20090425 Á kosningadaginn, 25.04.09, var unnið við að klæða með timbri ofan á sperrurnar á þaki nýja skálavarðarhússins. Einnig var unnið á neðri hæð hússins, við að setja laska undir gólfklæðningu o.fl. Í lok dagsins mátti segja að komið væri þak á húsið. Myndasmiður: Ingvar Teitsson

20090321 Haldið var áfram að smíða skálavarðarhús f. Laugafell í suðvestan golu og blíðviðri þ. 21.03.09. Lokið var við að reisa grind útveggjanna fjögurra. Einnig var klæddur krossviður utan á tvo veggi. Myndasmiður: Ingvar Teitsson.

20090206 Lagt var af stað rétt vestan við afleggjarann upp í Fálkafell og haldið þaðan upp á Súlumýrar. Gengið suður allar Súlumýrarnar sem eru nú ansi drjúgar. Síðan má segja að það hafi verið ein salíbuna alla leið niður í Hrafnagil. Veðurspáin hafði verið fremur leiðinleg en veðrið var mjög gott og batnaði eftir því sem á daginn leið en ferðin tók nú ekki nema tæpa fjóra tíma með stoppum. Frímann Guðmundsson var fararstjóri og myndasmiður

20070501 Myndir úr hinni árlegu ferð FFA á bæjarfjall Akureyrar Súlur. Kári Árnason var fararstjóri. Frímann Guðmundsson o.fl. tóku myndirnar.

20070224 Helgina 24. - 25. febrúar var farið hin árlega Þorraferð í Suðurárbotna. Ingvar Teitsson var fararstjóri. Frímann Guðmundsson tók myndirnar.

20090214 Hin árlega þorrablótsferð FFA í Botna var farin helgina 14.-15. febrúar 2009. Ekið var í Svartárkot og gengið þaðan á skíðum í blíðskaparveðri upp með Suðurá. Hæg suðvestangola var og sólskin á laugardaginn, frost um 6°C. Við áttum skemmtilegt kvöld í Botna við snæðing, söng og upplestur. Í myrkrinu um kvöldið var farið út að horfa á stjörnur og norðurljós sem nutu sín vel þar sem engin útiljós trufluðu. Á sunnudagsmorguninn gengum við til baka í Svartárkot og vorum komin þar um eitt-leytið. Þá höfðum við suðaustangolu í bakið en verður var þurrt og hlýnandi. Þátttakendur voru alls 13. Fararstjóri og myndasmiður: Ingvar Teitsson.

20100213 FFA efndi til árlegrar þorrablótsferðar í Botna við Suðurárbotna helgina 13.-14. feb. 2010. Ekið var í Svartárkot og gengið þaðan upp með Suðurá í Botna. Snjólítið var og skíðin því skilin eftir heima. Hópurinn átti ágætt kvöld í Botna við söng, upplestur, leikflutning og stjörnuskoðun, að mat og drykk ógleymdum. Suðvestan gola var á laugardaginn og fram eftir morgni á sunnudeginum en snerist í norðanátt undir lok ferðarinnar. Þátttakendur voru alls 7, fararstjóri og myndasmiður: Ingvar Teitsson.

20090905 Laugardaginn 5. september var genginn svokallaður Þingmannavegur yfir Vaðlaheiði, frá Hróarsstöðum í Fnjóskadal að þingstaðnum í Eyjafjarðarsveit. Myndasmiður og fararstjóri var Grétar Grimsson.

20100611 Gengið var upp með gilinu við Syðri Tunguá í Hörgárdal og skoðað fossa. Gengið var svo niður með gilinu við Ytri Tunguá. Fararstjóri var Konráð Gunnarsson. Ljósmyndir tók Lilja Guðmundsdóttir og Konráð Gunnarsson.

20100829 Ekið var að bænum Syðri Bægisá í Öxnadal og gengið inn dalinn sem er um 10 km langur. Gengið var yfir jökulinn og var hann lítið sprunginn og í þetta sinn ekki erfiður yfirferðar. Í skarðinu var þoka svo ekki var farið upp á Tröllatind né Tröllahyrnu heldur haldi niður í Glerárdal yfir Glerá og að Lamba. Ekki var stoppað í Lamba í þetta sinn nýbúin að fá okkur nesti. Síðan var gengið niður Glerárdalinn sem reyndist langur, lengri en venjulega enda flestir ornir þreyttir. Jökull og Glerá reyndust mun auðveldari en búist var við en 26,2 km ganga yfir fjallgarðinn í Glerárdal tekur í.

20090621 Hér eru myndirnar sem Friðfinnur Gísli Skúlason tók í Sólstöðugöngunni 21. júní s.l. Roar Kvam var fararstjóri.

20100501 Þetta var hin árlega gönguferð FFA á Súlur. Vorum verulega heppin með veðrið, glampandi sólskin og stillt. Göngumenn voru í upphafi 17 talsins. Þrír sneru við. Færið var þokkalegt, fimm skíðamenn í hópnum. Göngutími 5.30 klst. Prýðileg ferð.

20090501 Rúmlega tuttugu manns lögðu á fjallið, þrátt fyrir að skyggnið væri ekki gott. En kyrrt var og hið ágætasta útivistarveður. Fararstjóri var Kári Árnason.

20100713 Nú er smíði Þórunnarbúðar, nýja skálavarðarhússins fyrir Laugafell, að komast á lokastig. Að kvöldi 13. júlí 2010 var unnið við ýmiss konar frágang í húsinu, en húsið fer á fjöll þ. 16. júlí nk. Myndasmiður: Ingvar Teitsson.

20080813 Hjalti Jóhannesson bætti við nokkrum myndum sem hann og Fjóla kona hans tóku í ferðinni. Þarna má glöggt sjá að ýmis sýnishorn af veðri voru í boði þennan daginn. Ferðin gekk í alla staði vel og var einkar eftirminnileg. Voru aðstæður allar líklega betri en hjá þeim félögum sem fyrst gengu á fjallið réttum hundrað árum fyrr.

20070126 Vinnuferð í Dreka 26.-27. janúar 2007

20060127 Vinnuferð í Dreka 27.-29. janúar 2006

20081107

20100227 Vinnuferð í Dreka

20110318 Skruppum í Dreka til eftirlits og til að taka mál á gluggum í Gamla Dreka sem á að endurnýja í vor.

20071013 Myndir úr vinnuferð í Dreka helgina 13. til 14. okt. 2007

20100611 Farin var vinnuferð í Dreka 11. - 13. júní 2010. Vatni komið á og skipt um glugga á loftinu í Gamla Dreka. Einnig var borið á alla palla og hús þrifnin að innan. Á laugardagskvöldinu var kíkt upp í Öskjuop og er þar með snjóléttara móti.

20100314 Gengið var frá bílastæði efst á Víkurskarði og upp á fjallið, skíðafæri var blautt og vildi klessast neðan í á uppeftirleiðinni. Þegar upp var komið var skyggni lítið sem ekkert, allt hvítt himinn jörð og haf, en veður stillt og gott. Þrátt fyrir allt var þetta hin skemmtilegasta ferð enda góður hópur á ferð. Fararstjóri: Gunnar Halldórsson, myndasmiður Frímann Guðmundsson.

20070428 Myndir úr skíðaferð á Draflastaðafjalli 28. apríl 2007. Fararstjóri var Gunnar Halldórsson. Myndasmiður var Frímann Guðmundsson.

20090620 Gangan hófst við Hrafnagil þangað sem bíllinn fór. Sólskin var og hægviðri og tók gangan tæplega 8 klst. Þátttakendur voru 10. Fararstjóri var Grétar Grímsson.

20040615 Bygging nýja Dreka sumarið 2004

20110310 Frímann Guðmundsson, formaður ferðanefndar kynnti fyrirhugaðar ferðir 2011. Páll Ásgeir Ásgeirsson sýndi okkur Fjallabak og hinn óeiginlega Laugaveg með frábærri sýningu.

20070715 Siglt var til Flateyjar á Skjálfanda i mjög góðu veðri sunnudaginn 15. júlí s.l. Eikarbáturinn Knörrinn hjá Norðursiglingu á Húsavík, með skipstjórann Hörð Sigurbjarnarson, sem sá um að koma okkur tryggilega til og frá eyjunni og grillaði jafnfram dýrindis máltíð fyrir ferðalangana eftir skemmtilega gönguferð um eyjuna undir leiðsögn heimamannsins Ingvars Sveinbjörnssonar. Í alla staði frábær ferð. Roar Kvam tók myndirnar.

20070529 Frímann Guðmundsson og Gretar Grímson fóru í könnunarleiðangur upp á Flár sem er mikil slétta uppi á Möðruvallarfjalli. Lítill snjór hafði verið þetta árið en þarna var hann þótt komið væri fram undir júní. Gott að vita af því.

20080517 Skíðaferð á Fláa 17. maí 2008. Grétar Grímsson var fararstjóri og Frímann Guðmundsson tók myndirnar.

20090606 Þessi ferð var farin 6. júní 2009. Fararstjóri var Sverrir Thorstensen. Ljósmyndir á Maximilian.

20070708 Sunnudaginn 8. júlí 2007 var ný Fjólubúð vígð við Drekagil. Fjölmenni var og blíðskapar veður á fjöllum. Myndir tók Ingimar Árnason

20100613 Fararstjóri var Bjarni E Guðleifsson. Roar Kvam tók myndirnar

20080708 Gengið var frá Hrauni að Halloki undir Leiðsögn Bjarna E. Guðleifssonar.

20100806 Ekið var í Herðubreiðarlindir föstudagskvöldið 6. ágúst. Morguninn eftir var Herðubreið á kafi í þoku. Því var ekið upp í Öskju og gengið inn að Víti. Síðan var farið í Drekagil og Nautagil. Um kvöldið var farið í göngu um Herðubreiðarlindir. Á sunnudagsmorguninn var Drottningin enn hulin þoku. Var þá ekið heimleiðis og stoppað í Hrossaborg. Eftir það var farið að Sæluhúsinu við Jökulsá, Klaustri á Mývatnsöræfum og fuglasafninu í Ytri-Neslöndum. Fararstjóri: Ingvar Teitsson, myndasmiður: Konráð Gunnarsson.

20080823 Ferðafélag Akureyrar efndi til gönguferðar á Herðubreið þ. 23. ágúst 2008. Ekið var á einkabílum í Herðubreiðarlindir kvöldið áður og gist í Þorsteinsskála. Að morgni 23.08. var ekið að uppgöngunni vestan Herðubreiðar og gengið á fjallið. Gangan upp tók 3 klst. og 15 mín. Á tindinum skiptust á skin og skúrir. Við sáum m.a. Kverkfjöll, Hofsjökul, Kerlingu v. Eyjafjörð, Kinnarfjöll, Smjörfjöll og Dyrfjöll. Alls voru 20 manns í þessum hópi FFA sem gekk á þjóðarfjallið. Fararstjóri og myndasmiður: Ingvar Teitsson.

20090822 FFA efndi til ferðar á Herðubreið þ. 22. ágúst 2009. Gist var í Herðubreiðarlindum að kvöldi 21.08. og gengið á fjallið morguninn eftir. Nokkur snjór var í efri hluta fjallsins að morgninum. Frábært veður var og glæsilegt útsýni frá tindinum (1.682 m y. sjó). Fararstjóri og myndasmiður: Ingvar Teitsson.

20090807 Gengið var frá Herðubreiðarlindum að Bræðrafelli á föstudegi. Á laugardegi var gengið frá Bræðrafelli á Kollóttudyngju og Hrúthálsa og austur fyrir Eggert aftur í Bræðrafell. Sunnudagurinn fór svo í að ganga aftur að Herðubreiðarlindum. Myndir tók Frímann Guðmundsson og Stefán Sigurðsson. Einnig má finna myndir úr ferðinni sem Skúli Júlíusson tók á þessari slóð: http://wildboys.123.is/album/default.aspx?aid=155748

20080418 Gengið var frá Svartárkoti á föstudagskvöldið upp með Suðurá og gist í Botna. Á laugardagsmorguninn var farið að upptökum Efstalækjar og gengið þaðan á skíðunum í beina stefnu á suðurenda Bláfjallshala, um 16 km. Þaðan var gengið norður með Bláfjalli að austan, um 9 km, og gist í skála FFH á Heilagsdal. Gangan á laugardaginn tók um 8 klst. Á sunnudaginn var gengið norður úr Heilagsdal, norður yfir Seljahjallagil og norðvestur yfir Garðsbruna að Garði við Mývatn. Logn og bjartvirði var alla helgina og gott skíðafæri. Fararstjóri og myndasmiður: Ingvar Teitsson

20101205 FFA efndi til aðventuferðar á slóðir Fjalla-Bensa helgina 4.-5. des. 2010. Þá voru 85 ár liðin frá eftirleitarferðinni sem Gunnar Gunnarsson hafði sem fyrirmynd að skáldsögunni "Aðventu." Ekið var að Péturskirkju og síðan að Sæluhúsinu við Jökulsá á Fjöllum. Síðan var ekið áleiðis í Herðubreiðarlindir og stoppað á leiðinni við Tumba í Miðfelli. Hópurinn gisti í Herðubreiðarlindum í góðu yfirlæti. Morguninn eftir var ekið heimleiðis norður öræfin og heim. Gott veður var á laugardaginn, suðvestan gola og sólskin öðru hvoru. Á sunnudaginn var norðan mugga. Þátttakendur voru 11, fararstjóri og myndasmiður: Ingvar Teitsson.

20080331 Aðalfundur FFA var haldinn mánudaginn 31. mars 2008.

20110507 Gangan hófst við Fornhaga í Hörgárdal. Gengið var meðfram árgili Ytri-Tunguár og notið fegurðar þess. Þegar komið var inn í Þorvaldsdalinn var farið yfir Lambána á snjó og genginn Úlfárhryggur upp á Illagilsfjall. Á fjallsöxlinni var komið upp í þoku, gengið síðan á samfelldum snjó yfir hábungu Illagilsfjalls og norður á hrygginn að Nautárhnjúk þar sem snúið var við þegar við áttum eftir um 1.5, km á hnjúkinn og skyggni mjög lítið. Haldið var sömu leið til baka og komum að Fornhaga eftir um 8 tíma ferð. Fararstjóri og myndasmiður Grétar Grímsson.

20110422 Laugafell. Keyrt var á einkabílum frá Ferðafélagi Akureyrar föstudaginn 22. apríl kl. 13 að Vatnahjalla í Eyjafirði. Þar hófst gangan upp á hálendið. föstudagur 22. apríl Vatnahjalli - Bergland laugardagur 23. Bergland - Laugafell Páskadagur 24. Laugafell, slökun í lauginni og hátíðarhöld. Mánudagur 25. apríl Laugafell Vatnahjalli Ferðasaga

20100613 Mjög áhugaverð kvöldferð í Eyjafirði. 32 þátttakendur ásamt fararstjóranum Konráð Gunnarssyni. Roar Kvam og Konráð Gunnarsson tóku myndirnar.

20100612 Frábær kvöldferð í Hörgárdal. 51 þátttakandi ásamt fararstjóranum Frímanni Guðmundssyni. Roar Kvam tók myndirnar.

20060819 Undir fararstjórn Unu Sigurðardóttur fóru sjö vaskir göngumenn að Stekkjarhúsum í Skíðadal og gengu upp Vesturárdal, á fjallið Ingjald og ofaní Kolbeinsdal í Skagafirði í alveg frábæru veðri. Sjón er sögu ríkari. Myndirnar tók Una.

20090610 1. ferð í gönguviku FFA. Frímann Guðmundsson var fararstjóri og Roar Kvam tók myndirnar.

20101015 Ferðafélagið bauð fararstjórum upp á léttan kvöldverð í Laxdalshúsi svona smá viðurkenning fyrir þeirra mikilvæga starf. Ferðanefnd hefur unnið hörðum höndum undanfarnar vikur að setja saman ferðaáætlun fyrir næsta ár og er sú vinna langt kominn. Alltaf vantar okkur góða fararstjóra og ekki væri verra að fara að yngja upp í liðinu í bland, þess vegana er fyrirhugar að halda rötunarnámskeið og vonandi einhverja fleiri þætti í starfi fararstjórans, seinna í vetur bæði fyrir núverandi fararstjóra og nýja. Það verður auglýst síðar.

20100904 Gangan hófst við Þverárrétt í Öxnadal. Gengið er inn mynni Þverárdals og stefnan sett fljótt í austur upp Lambárdal. Gengið er upp botn Lanbárdals upp skálina milli Kistufjalls og Jökulborgar og þaðan á toppinn. Af toppi Jökulborgar er mjög flott og mikið útsýni. Fararstjóri. Gretar, Myndasmiður Magnús

20080813 Þann 13. ágúst 2008 voru liðin 100 ár frá því að Dr. Hans Reck og Sigurður Sumarliðason gengu á Herðubreið, fyrstir manna. Ferðafélag Akureyrar og Ferðafélag Íslands efndu til gönguferðar á þjóðarfjallið þann dag í tilefni afmælisins. Ekið var að uppgöngunni vestan Herðubreiðar og gengið þaðan upp á tind á 3 klst. Á tindinum voru til skiptis sólskin og hríðarél. Nokkurt útsýni var til vesturs og norðurs. Ný kassi fyrir gestabók var settur á hátindinn. Í hópnum voru 18 manns, á öllum aldri. Fararstjóri og myndasmiður: Ingvar Teitsson.

20070720 Stefán Sigurðsson tók þessar myndir í ferðinni um Náttfaraslóðir.

20110409 Ekið var árla morguns frá Akureyri og sem leið lá að Golfskála Ólafsfirðinga í mynni Skeggjabrekkudals. Þar var áætlað að stíga á skíðin og ganga Botnleið fyrir botn Héðinsfjarðar og niður að Hóli á Siglufirði, þar sem golfvöllur og íþróttamiðstöð Siglfirðinga er. Átta manns tóku þátt í ferðinni, þar af var einn dani og stóð hann sig með ágætum þrátt fyrir að vera alls óvanur að skíða í fjalllendi. Veður var með ágætum, milt, 10 12 °c hiti en sólarlaust, smá gola af sunnan. Ekki fór mikið fyrir snjónum til að byrja með og þurfti göngufólk að axla skíði sín og ganga nokkurn spöl til að byrja með. En fljólega var hægt að þræða snjó í skurðum og lægðum og inn við Hóla var kominn þokkalegur skíðasnjór. Færið var ágætt, passlega hart, - eða mjúkt, eftir því hvernig á það er litið. Að vísu versnaði heldur færið þegar fara átti niður brekkur því misrennsli var mikið og það var ómögulegt að halda einhverri reisn, hvað þá stíl niður brekkurnar! Þegar komið var niður í botn Hólsdals á Siglufirði fór aftur að skorta snjó og skíðin enduðu því aftur á öxlum göngufólks síðasta spölin. Að vísu náðu þeir hörðustu góðum skurði í restina, því eins og Konni sagði þá var þetta jú skíðaferð! En ferðin gekk vel og allir komust heilir niður að Hóli. Á Hóli beið Hilmar eftir görpunum og sá um að allir kæmust aftur til Ólafsfjarðar. Að endingu var hópnum boðin hressing í bústaðnum hjá Helgu og Hilmari áður en haldið var aftur til Akureyrar. Hér með leggur undirrituð það til, að sem flestar ferðir FFA endi á Ólafsfirði, nánar tiltekið yst á Kleifunum..... Fararstjóri: Una Sigurðardóttir. Myndasmiður Grétar Grímsson. Siglufirði. .

20100801 Gengið var á Blástakk, Blekkil og ónefnt fjall og Sörlatungufjall. Lagt var af stað úr Barkárdal í þoku en létti fljótt til. 9 voru með í för og tókst ferðin vel. Veðrið var mjög gott og frábært skyggni. Myndir tók Konráð Gunnarsson

20080809 Þann 9. ágúst 2008 stóð FFA fyrir gönguferð á Bláskógaveg. Þetta er gömul þjóðleið frá Sæluhúsmúla á Reykjaheiði að Undirvegg í Kelduhverfi. Gengið var frá Rauðhól austan Sæluhúsmúla að Undirvegg, um 20 km. Veðrið var frábært, kyrrt og úrkomulaust en skýjað. Þátttakendur voru 13, fararstjóri Sigurgeir Sigurðsson, myndasmiður Ingvar Teitsson.

20060623 Á Jónsmessu var gengið á Blámannshatt undir fararstjórn Konráðs Gunnarssonar sem sendi okkur þessar myndir.

20050420 Myndir úr skíðaferð yfir Bíldsárskarð í apríl 2005

20100320 Gengið var upp Vatnahjalla fyrst eftir gamla veginum og svo upp á þann nýja. Veður var milt og gott en í miðri hlíðinni var gengið í gegn um þokubelti. Áð var við Santi Pétur og matast. Síðan var að mestu fylgt varðaðri leið og gengið í gegnum Gullna hliðið. Komið var í Bergland við Urðarvötn um kl. 19:00 eftir um 5 klukkutíma rölt. Notið dvalarinnar um kvöldið og gist. Á sunnudegium var kominn norðan hvessingur með skafrenningi. Þá var farin bein leið að Santi Pétri í gegnum sortann með engu skyggni. Þaðan haldið niður Vatnahjalla og að bílnum. Fararstjóri og myndasmiður Frímann Guðmundsson

20090329 Farið var í Baugasel smá sárabót vegna þess að hætta varð við ferðina Klaustur Húsavík . Barkárdalur er hliðardalur úr Hörgárdal.Baugasel er gamalt býli sem fór í eyði 1965 en Ferðafélagið Hörgur, sem stofnað var í Baugaseli á Jónsmessu 1981, hefur unnið að lagfæringu gömlu bæjarhúsanna. Bærinn er torfbær með tveim timburburstum og er frambærinn óþiljaður með moldargólfi en baðstofan þiljuð í hólf og gólf. Fararsjóri og myndasmiður Frímann Guðmundsson

20080210 Fyrsta skíðaganga ársins 2008 hjá FFA. Ekki var farið upp á Súlumýrar eins og til stóð sökum éljagangs, en í staðinn farið inn bakka Eyjafjarðarár. Grétar Grímsson var fararstjóri og Frímann Guðmundsson tók myndirnar.

20100829 Ekið var að bænum Syðri-Bægisá í Öxnadal og fengið leyfi hjá bóndanum að ganga inn dalinn sem er um 10 km langur og gljúfrin og fossarnir skoðaðir í leiðinni. Smá hrollur var í fararstjóranum að ganga yfir Bægisárjökulinn sem hann hafði ekki farið áður yfir og var búinn að fá fregnir af að jökullinn væri sprunginn. Þegar sást til jökulsins virtist hann snarbrattur uppgöngu, en þegar nær dró var þetta missýning. Gangan yfir jökulinn reyndist létt og engar sprungur. Ekki var farið á Tröllahyrnu að þessu sinni þar sem þoka var á fjallinu heldur beint niður í Glerárdalsbotn. Farið var niður snarbratta fönn, þar læddist aftan að okkur steinn á fljúgandi ferð og þaut í gegnu um hópinn en hitti engan sem betur fór, margt er að varast á fjöllum. Síðan var vaðið yfir Glerá og að Lamba. Þaðan farið niður um Grenishóla yfir Lambá niður Bungur og heim að réttinni þar sem Súluvegurinn endar. Erfið ferð á enda þar sem farið var um stórbrotið landslag, gljúfur, fossa, jökul, há fjöll, útsýni, vaða ár, Hvað er hægt að fá meira út úr einni ferð. Fararstjóri og myndasmiður Frímann Guðmundsson.

20050707 Laugardaginn 7. júlí var farið gönguferð til að skoða eyðibýli á Mývatnsheiði og Austurgil. Ingvar Teitsson var fararstjóri. Roar Kvam tók myndirnar.

20100614 Látraströnd. Sigling og gönguferð Ekið út á Grenivík. Siglt þaðan út að Látrum. Farin verður kvöldganga upp í Uxaskarð. Gist verður í húsi eða tjöldum. Gengið inn Látraströnd næsta dag. Fararstjóri: Gunnar Halldórsson.

20090504 Gengið var á Kaldbakshnjúk á Öxnadalsheiði í góðu veðri, síðan var gengið inn hnjúkinn og niður Kaldbaksdalinn til baka. Fararstjóri og myndasmiður var Konráð Gunnarsson.

20060811 Keyrt var í Laugafell á föstudegi og á laugardag var farin Gæsavatnaleið og gist í Dreka um kvöldið. Fararstjóri var Björn Magnússon og myndirnar tók Jakob Kárason

20090815 Ekið var frá Akureyri á föstudegi að Dyngjufjöllum og gist í Dreka. Á laugardegi var ekið í Kverkfjöll og gist í Sigurðarskála. Á sunnudegi var ekið niður með Jökulsá á fjöllum að austan, Hvannalindir, Sænautasel og Möðrudal.

20100410 Gengið var á Hvassafellsfjall 10. apríl 2010. 6 voru með í för og gekk ferðin afar vel. Ágætis gönguveður var, skúrir við og við í byrjun ferðar en annars þurrt. Ekki var vindur mikill þó vindhviður áttu til að stríða okkur. Ágætis útsýni var til nærliggjandi fjalla en sást ekkert lengra til og erfitt myndaveður.

20090516 16. maí. Hvarfshnjúkur í Svarfaðardal. 1036 m. Ekið var að bænum Hofsá í Svarfaðardal. Fararst. Konráð Gunnarsson.

20080826 Helga Guðnadóttir fararstjóri leiddi hópinn, Gunnar Tryggvason tók myndirnar.

20090531 Gengið var á Hvannadalshnjúk með Ferðafélagi Íslands. Fararstjóri var Haraldur Örn Ólafsson. 80 tók þátt og þar af voru 9 að norðan.

20090209 9. febrúar 08 Skíðaferð Fararstjóri og myndasmiður var Frímann Guðmundsson.

20050710

20070414 Laugardaginn 14. apríl var farið skíðaferð í Hólsdal/Karlsárdal. Grétar Grímsson var fararstjóri. Frímann Guðmundsson tók myndirnar.

20080705 5. júlí. Kerahnjúkur, 1097 m. Ekið var sem leið liggur til Ólafsfjarðar. Komið var saman á planinu við Tjarnarborg og ekið þaðan stuttan spöl upp að fjallinu. Gengið var eftir troðningi fyrir kaldavatslögn meðfram hlíðinni í átt Bustarbrekkudal. Síðan var haldið á brattann.. Fararstjóri: Helga Guðnadóttir. Frímann Guðmundsson tók myndirnar.

20100717 Laugardaginn 17. júlí 2010, héldu 14 óhræddir, ævintýraþyrstir, fjallasjúkir og öllu viðbúnir göngugarpar frá brúnni við Grenjá af stað upp á Kaldbak í Eyjafirði. Hugmyndin var að ganga öll fjöllin frá Kaldabak norður að Gjögurfjalli, alls 16 tindar. Áætlaður göngutími var um 20 klst. 10-15 metra skyggni var á okkur nánast allan tíman en þó lítil bleyta og vindur. Fararstjórinn þurfti að hafa sig allan við að rata rétta leið í þokunni og var því lítið um sögur og söng á leiðinni. Huggun harmi gegn hélt einn tónelskur stuðinu uppi með afar fjölbreyttu og fögru blístri sem ómaði um tinda Látrastrandar með miklum fögnuði viðstraddra og þegar sá hinn sami var ekki að blístra, bauð hann upp á nýuppáhellt pressukönnukaffi. Eina almennilega skyggnið á leiðinni var á Uxaskarði, en þá vorum við á milli skýjalaga og var skýlaust í 300 til 500 metra hæð, þokubakki niðri og lágský fyrir ofan okkur. En eftir að hafa gengið á 16 tinda á 17 klukkustundum og 15 mínútum og hækkað okkur samtals um 3200 metra komum við niður í Látur og skömmu síðar komin í bátsferð til Grenivíkur þar sem ferðinni lauk. Flestir voru á því að þessi ferð skyldi endurtekin í betra skyggni. Myndasmiðir eru Viðar Sigmarsson og Sólveig Haraldsdóttir.

20110325 Farið var af stað í Lambagöngu þótt veðurútlit væri ekki gott. Þegar upp á dal kom var hvass vindur niður dalinn. Skíðafærið var ekki afleitt en vindurinn tók vel í og annað slagið gerði dimm él. En áfram var haldið þótt ferðin hraðinn frameftir væri lítill. Í einu gilinu var stoppað og fengin sér smá hressing voru hengjur í gilinu fyrir ofan okkur sem hrundu niður en með snarræði varð ekkert undir nema skíðin. Þegar við vorum komnir inn undir Lambá gerði dimmt él og var þá snúið við. Fararstjóri var Stefán Stefánsson og myndasmiður Frímann Guðmundsson

20090710 Farin var kvöldganga að Skólavörðu á Vaðlaheiði þ. 10.07.09. Lagt var af stað frá skrifstofu FFA kl. 19 og ekið að Veigastöðum. Gengin var stikaða leiðin sunnan Bæjarkletta upp að vörðunni. Veður var bjart og milt og frábært útsýni yfir Eyjafjörð og nágrenni. Síðan var gengið sömu leið til baka. Þátttakendur voru 26, fararstjóri og myndasmiður var Ingvar Teitsson.

20090711 Farin var gönguferð frá Vöglum á Þelamörk upp með Krossastaðagili á Litlahnjúk, Stórahnjúk og Hlíðarfjall þ. 11. júlí 2009. Gengið var suður af Mannshrygg og niður að Skíðastöðum. Veðrið var frábært, bjart og stillt. Þátttakendur voru alls 7, fararstjóri og myndasmiður: Ingvar Teitsson.

20070726 Heimsókn í fyrrum afskektustu byggð við norður-atlandshaf. lagt var af stað frá Kleifum, gengt Ólafsfjarðarkaupstað þar sem fararstjórinn hefur komið sér upp fallegu húsi ásamt manni sínum, sem er óspart notað sumar sem vetur. Gengið var eftir góðri götu sem liggur meðfram fjallinu Arnfinni útí Fossdal. Sem er hömrum girtur dalur, forsmekkurinn á því sem koma skal. Eftir smá stopp í Fossdal var haldið á brattann, uppá Hvanndalabjarg. Þegar upp var komið fór fiðringur um magann, þegar horft var niður í Skötugjá. Enda erum við stödd á brún Hvanndalabjargs, hæsta standberg við sjó á Íslandi, hér er eins gott að fara varlega. Fararstjóri: Helga Guðnadóttir Frímann, Helga og Elín tóku myndirnar.

20090418 Laugardaginn 18 apríl var ákveðið að fara í könnunarleiðangur á leið frá Hlíðarhaga við Eilífsvötn og alla leið til Þeistareykja með viðkomu í Litlavíti og Stóravíti. En fyrst þurfti að komast í Hlíðarhaga. Farið var á tveim bílum annar skilinn eftir á Kísilvegi á hinum var ekið langleiðina að Jökulsá á fjöllum eða að vegi sem liggur niður með Jökulsánni að vestan. Í þessari ferð voru Anke María Steinke, Vilhjálmur Agnarsson, Margrét Guðmundsdóttir og Frímann Guðmundsson sem var fararstjóri og myndasmiður. En látum myndirnar tala sínu máli.

20100424 Ekið var á tveim bílum yfir Fljótsheiði og norður Reykjadal. Þaðan beygt upp Hvammana hjá Laxárvirkjun og inn á Kísilvegin þar var annar bíllinn skilinn eftir við afleggjaran upp að Þeisrareykjum. Áfram var farið á hinum bílnum um Mývatnssveit yfir Námaskarð að Klaustri á Mývatnsöræfum, rétt vestan við leiðina niður í Hólmatungur. Klukkan var að verða 9:30 þegar skíðin voru sett undir og gengið norður að Hlíðarhaga og ekki mátti snjórinn vera minni sumstaðar Eftir góða hvíld í Hlíðarhaga var haldið út á Eilífsvötn í góðu skíðafæri. Gengið var upp hlíðina norðan við Hágangnahala norðan Hrútfjallarana. Eftir kaffistopp var gengið norður gjástykki í gegnum apalhraun en sem betur fer var snjórinn nægur til að þræða á milli hraunstrýtanna. Nú var stefnan tekinn á Víti og farið upp Gjástykkisvegginn sem er þarna mjög hár en góð leið upp rétt norðanvið þar sem hann er hæstur. Haldið áfram að Litla-Víti og Stóra-Víti skoðað. Ekki var komið að Þeistareykjum fyrr en um kl 9:30. Það var þreyttur og slæptur hópur sem hlakkaði mikið til að koma í hlýjuna í Þeistareykjaskálanum og gist þar. En þegar inn var komið var skálinn ískaldur og var gasið búið líka? Þvílik vonbrigði. Sem betur fer voru allir með þurr föt og eitthvað var eftir að gasinu. Eftir litla næringu með glamrandi tönnum var farið í öllum fötunum ofan í pokanna. Næsta dag var gengið að Kísilveginum. Þetta er stórkostleg gönguleið og frábært útivistarsvæði sem svíkur engan.

20080816 Gengið var frá Finnastöðum á hæsta fjall í byggð á Íslandi, Kerlingu í Eyjafirði 1536 m. Veður var skínandi gott sunnan andvari og léttskýjað. Gengið var upp Öxlina uppi Heimari Lambárbotna og þaðan upp á Kerlinguna. Þaðan skiptist hópurinn flestir fóru út hrygginn til Súlna, þ.e. Þríklakka, Bónda. Litakrumma, Stórakrumma, Syðrisúlur og Ytrisúlur.Fararstjórar: Frímann Guðmundsson og Vignir Víkingsson. Frímann tók myndirnar

20060812 Vaskur hópur karla og kvenna gekk á Kerlingu undir fararstjórn Frímanns Guðmundssonar í forföllum Vignis Víkingssonar. Þau hrepptu fínasta veður og gott útsýni af toppnum þótt ekki liti það vel út fyrst um morguninn. Um helmingur hópsins gekk síðan sömu leið til baka en hinir gengu fjallgarðinn áfram norður af og nefndi Ludvig Kári þessa ferð 7 tinda gönguna. Myndirnar tók Stefán Sigurðsson.

20090815 Laugardaginn 15. ágúst var gengið á Kerlingu. Eftir það skiptist hópurinn og sumir fóru niður aftur að Finnastöðum en aðrir héldu áfram fjallgarðinn í norður að Súlum. Ljósmyndari: Frímann Guðmundsson. Ef einhverjir eiga góðar myndir úr ferðinni, þá endilega kíkið við á Skrifstofu FFA.

20100612 Gengið var á Hólafjall frá Þormóðsstöðum í Sölvadal. Gengið var upp hlíðana með vegslóða og upp á fjallið að vörðu sem þar er. Myndir tók: Una Þórey Sigurðardóttir

20080328 28. 30. mars. Skíðaferð Ekið að Klaustri á Mývatnsöræfum austan Námaskarðs. Þaðan gengið norður að Eilífsvötnum og gist í Hlíðarhaga. Fararstjóri: Frímann Guðmundsson. Frímann Guðmundsson tók mynirnar

20100610 Mjög skemmtileg kvöldganga eftir og ofan í Þverárgili í austanverðum Eyjafirði. 19 manns tóku þátt og höfðu gaman af. Myndir tók Konráð Gunnarsson

20080524 Farið var á Gloppuhnjúk í Skíðadal laugardaginn 24. maí 08. Konráð Gunnarsson var fararstjóri og Frímann Guðmundsson tók myndirnar

20080316 Á pálmasunnudag 16. mars 2008 var farið með brúarefni að Fremri-Lambá á Glerárdal og einnig var farið með krossvið og steinolíu í Lamba. Farið var á snjóbíl sem björgunarsveitin Súlur á. Einnig voru vaskir snjósleðamenn með í för til að finna bestu leiðina. Farið var um Fálkafell og fram Bungur vestan undir Súlum fram að Fremri-Lambá. Þaðan var farið yfir gil Fremri-Lambár að skálanum Lamba. Heim var haldið sömu leið. Veðrið var eins og best verður á kosið, bjart og svalt. Myndasmiður: Ingvar Teitsson.

20090816 FFA efndi til gönguferðar meðfram Skjálfandafljóti frá Fljótsbakka að Vaði þ. 16.08.09. Skoðaðar voru tættur og rifjuð upp saga í Geldinganesi, Glaumbæjarseli og Fossseli. Þá skoðuðum við Fossselsskóg og Ullarfoss. Veður var gott, stillt og úrkomulaust og sólskin síðdegis. Þátttakendur voru 16, fararstjóri og myndasmiður: Ingvar Teitsson.

20090606 Gengið var upp með Gilsárgili að sunnanverðu og 38 tóku þátt. Ljósmyndir tóku Lilja Guðmundsdóttir og Frímann Guðmundsson.

20110620 Nýtt geymsluhús var smíðað fyrir Dreka, hér eru myndir frá því þegar húsið var sett á bíl og komið fyrir við Fjólubúð.

20090228 Við vorum 7 ferðafélagarnir sem fórum í Garðsárdalinn. Það var grámi í lofti og virtist ekki mikill snjór er við renndum í hlað í Garðsá. Við gengum sem leið lá upp skurð austan og ofan við veginn inn dalinn og vorum fljótlega komin í góðan snjó. Þá braust sólin í gegn og við gengum í logni og sól. Ferðin var mjög ánægjuleg. Valur Magnússon var leiðsögumaður en Kristín Björnsdóttir myndasmiður.

20050709 Gönguferð í Garðsárdal/Gönguskarð sumarið 2005.
Roar Kvam tók myndirnar.

20090517 Þann 17. maí var farin hin árlega fuglaskoðunarferð Ferðafélags Akureyrar undir öruggri fararstjórn hins geðþekka Raufarhafnarbúa Jóns Magnússonar. Sérlegur aðstoðarmaður hans var Sverrir Thorsteinsen. Ágæt þátttaka var í ferðina. Veður var ekki eins ákjósnalegt og að viðvaningar í fuglaskoðun hefðu haldið. En eins og fram kemur á meðfylgjandi myndum var glampandi sól. Samkvæmt því sem þeir félagar sögðu þá njóta litir fuglanna sín ekki eins vel við þessar aðstæður eins og þegar skýjað er. Eina fuglaskoðunarveðrið sem er verra en glampandi sól er rok og rigning. Alls sáust 18 tegundir fugla í ferðinni og rákumst við bæði á egg silfur- og sílamáfa. Allt að 27 tegundir fugla verpa í Krossanesborgum. Því miður var myndasmiðurinn ekki með vél sem hentar fuglaljósmyndum en lætur nægja að setja inn nokkrar myndir af þátttakendum og umhverfinu. Áhugaverð slóð um svæðið: http://www.ust.is/Frodleikur/Fridlystsvaedi/nr/2751

20080511 Krossanesborgir 11. maí 2008. Jón Magnússon og Sverrir Thorstensen voru leiðsögumenn og Frímann Guðmundsson tók myndirnar.

20100726 Ferð FFA á Grasárdalshnjúk 26. júní 2010 Að morgni laugardagsins 26. júní, lagði vaskur hópur kvenna og karla frá Ferðafélagi Akureyrar upp í gönguferð frá Reykjum í Hjaltadal. Markmið ferðarinnar var að ganga á Ytri-Grasárdalshnúk 1264m og einnig Reykjanibbu 1302m.

20090704 Farin var ferð til Grímseyjar sem tókst mjög vel. Flogið var frá Akureyri með Norlandair og Bjarni Gylfason sigldi með hópinn í kringum eyjuna að því loknu var matast á veitingastaðnum Kríunni. Að lokum var gengið um eyjuna og skoðað björg og fuglalíf. Vel heppnuð ferð í alla staði. Myndir tóku Konráð Gunnarsson og Ólafur Larsen.

20090709 Rúmlega 50 manns gengu upp á brún Hlíðarfjalls á ýmsum aldri þann 9. júlí og var lagt af stað kl. 19.00. Gengið var upp með Fjarkanum og síðan slóð frá Stýtu og upp á brún. Blíðskapar veður var logn og kvöldsól. Einnig var gengið norður að vörðu og útsýnis og verðurblíðu notið. Fararstjóri var Frímann Guðmundsson.

20080308 Fararstjóri og myndasmiður var Frímann Guðmundsson.

20080823 Við fengum sendar myndir frá Anne Laure Mansion og vinkonu hennar sem gengu á Herðubreið undir fararstjórn Ingvars Teitssonar.

20080802 Um 20 manna hópur gekk á Herðubreið 5.ágúst sl. og var Ingvar Teitsson fararstjóri. Velheppnuð ferð þrátt fyrir þoku á toppnum, myndirnar tók Stefán Sigurðsson.

20050729 Helga Guðnadóttir kom færandi hendi með myndir sem teknar voru 29.júlí sl. af göngu á Herðubreið, í Drekagil og Nautagil.

20070817 Ferð FFA á Heilagsdal, Ketildyngju og Bláfjall 17.-19. ágúst 2007. Ingvar Teitsson var fararstjóri og myndasmíður.

20080920 Haustlitaferð í Botna 20-21. september 2008. Ekið á einkabílum í Svartárkot í Bárðardal á laugardag. Þaðan gengið upp með Svartá og stoppað á Stóru-Flesju. Víða á leiðinni var stoppað til að skoða haustliti og áð í stórri laut sem gaf skjól fyrir vindinum. Með Sellandafjallið og Bláfellið á vinstri hönd var gengið í Gamla Botna þar sem við tókum af okkur bakpoka og skoðuðum gömlu rústirnar. Gengum síðan í Botna skála FFA í Suðurárbotnum eftir vegaslóða með svart hraunið til sitthvorrar handa. Gistum þar og átti hópurinn notalega kvöldstund saman við kertaljós og draugasögur. Á sunnudag var lagt af stað um níuleitið í hífandi roki og fimm stiga hita, en það hlýnaði þegar leið á daginn. Gengið var greitt heim á leið og var hópurinn komin í Svartárkot um eittleitið. Indæll lítill hópur sem á hrós skilið fyrir góða umgengni og hjálpsemi við að ganga frá í skálanum. Bjart var báða dagana og nutu haustlitirnir sín vel. Vil taka fram að myndast hefur smá tjörn rétt við skálann (Botna) þar sem hægt er að ná í neysluvatn. Skemmtilegir ferðafélagar og notaleg ferð í alla staði. Leiðsögumaður og myndasmiður Kristín Björnsdóttir.

20101010

20090426 Gengið var upp Grímubrekkur og upp á fjallið Einstakafjall. Síðan var haldið á Halldór og áfram á Ólaf og Barkarkollu. Þaðan var haldið fram á Hólshyrnu og niður Bæjarfjall og til Dalvíkur.

20100915 Fleiri myndir frá vígslu og sviðamessu FFA.