Ferðafélag Akureyrar

Verðlaunaafhending Þaulans

Mon, 29 Sep 2025 18:12:49 GMT

Góðviðrisgöngur FFA í október 2025

Wed, 17 Sep 2025 16:44:44 GMT

Góðviðrisgöngur FFA í október 2025

Ferðanefnd setti engar ferðir á ferðaáætlun 2025 í október og nóvember en ætlar að hafa sama fyrirkomulag á ferðum í október og í fyrra.

Búið er að undirbúa nokkrar göngur sem við getum valið á milli eftir veðri á laugardegi (sunnudagur til vara ef veðurspá er betri þá). Ferðirnar eru fyrirhugaðar á laugardögum (sunnudagar til vara ef veðurútlit er betra þá) í október og jafnvel fram í nóvember ef vel tekst til. Hvaða ferð verður fyrir valinu hverju sinni verður auglýst og sett á póstlista á miðvikudegi eða fimmtudegi áður en ferðin verður farin.

Sérstök síða er á heimasíðu FFA með þessum ferðum, sjá nánar hér

Næsta ferð 20. september: Flateyjardalur

Sun, 14 Sep 2025 10:45:02 GMT

Brottför kl. 8 á einkabílum frá FFA, Strandgötu 23. Það þarf að vera á fjórhjóladrifnum bílum s.s. jepplingum eða stærri bílum.
Safnast saman í bíla ef vill.
Fararstjórn: Hermann Gunnar Jónsson

Hætt hefur verið við ferðina á Kamb vegna þess að efst í fjallinu hafa skapast hættulegar aðstæður. Í staðinn verður farið á tvö fjöll á Flateyjardal, Þverárfjall sem er 791 m hátt og Mógilsdalskamb sem er 751 m hár. Aðgengileg leið á ljómandi útsýnisfjöll.

Vegalengd alls um 14 km. Heildargönguhækkun um 1100 m.

Verð: 5.200 / 6.900 kr. Innifalið: Fararstjórn.
Greitt er fyrir þessa ferð við brottför.

Næsta ferð 13. september: Bakkar Eyjafjarðarár - aflýst

Tue, 09 Sep 2025 09:35:00 GMT

Ferðinni hefur verið aflýst vegna mikillar rigningaspár

Brottför kl. 10 á einkabílum frá FFA, Strandgötu 23.
Safnast saman í bíla ef vill.
Fararstjórn: Ingvar Teitsson

Þátttaka ókeypis

Gangan hefst við bílastæðið neðan við Kaupang. Gengið að gömlu brúnni yfir Eyjafjarðará og meðfram bökkum Eyjafjarðarár. Gengið um eyðibýlið Kaupangsbakka og sagðar sögur af svæðinu. Þægilegum slóða fylgt meðfram ánni allt að brúnni við Hrafnagil. Á þessum tíma ættu að vera fallegir haustlitir hvarvetna. Selflytja þarf bíla milli Kaupangs og brúarinnar við Hrafnagil.
Vegalengd: 10 km. Gönguhækkun: Óveruleg.

Þann 20. september verður gönguferð á Flateyjardal, gengið á tvö fjöll þar með Hermanni Gunnari Jónssyni. Sjá nánar hér.

Næsta ferð 6. september: Ljósavatnsskarð

Wed, 03 Sep 2025 10:30:46 GMT

Brottför kl. 8:30 á einkabílum frá FFA, Strandgötu 23.
Safnast saman í bíla ef vill.
Fararstjórn: Halldóra B. Skúladóttir

Ekið austur í Ljósavatnsskarð og að bænum Stórutjörnum þar sem bílum er lagt. Þaðan er gengið upp móa og mela, síðan er lagt í gróna bratta brekku upp í Nónskál og upp á Kambinn. Þaðan er auðveld ganga upp á Stóradalsfjall (809 m). Á niðurleið er farið niður Fjallshóla að Níphólstjörn og að Stórutjörnum aftur. Á þessari leið er fallegt útsýni yfir sveitina, Ljósavatnsskarð og Ljósavatn.

Vegalengd: 6 - 7 km. Gönguhækkun: 530 m.

Verð: 2.700 / 4.400 kr.
Greitt er fyrir þessa ferð við brottför.

Fréttabréf FFA september 2025

Mon, 01 Sep 2025 15:58:32 GMT

Fréttabréf FFA september 2025

ÁBENDING: Til að opna fréttabréfið beint á að "klikka" á tengilinn hér fyrir ofan, "Fréttabréf FFA september 2025"

Eitthvað er misjafnt hvernig fréttabréfið opnast hjá fólki, annars vegar í síma/mismunandi símum og hins vegar í tölvu.
En stysta leiðin á að vera beint í tengilinn "Fréttabréf FFA september 2025".
Það geta því verið 1 - 3 "klikk" til að opna nýjasta fréttabréfið sem kemur í tölvupósti. Fréttabréfið er pdf skjal.
Við þiggjum góðar ábendingar um það sem betur má fara, senda má á netfangið formadur@ffa.is

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Eldri fréttabréfin eru á þessari síðu

Síðustu forvöð að skrá sig

Sat, 23 Aug 2025 09:58:46 GMT

Núvitund í náttúrunni hefst 27. ágúst 2025

Hreyfiverkefnið Núvitund í náttúrunni verður haldið aftur haustið 2025

Farið verður í léttar gönguferðir þar sem þátttakendur eru leiddir í gegnum núvitundaræfingar úti í náttúrunni. Áhersla er lögð á að hægja á sér, taka eftir umhverfinu og upplifa augnablikið með öllum skilningarvitum.

Hughrifin af náttúrunni eru efld með því að beina sjónum að landslagi og umhverfi, hlusta á hljóðin í náttúrunni, finna lykt í loftinu, bragð í munni og snertingu við jörðina. Þátttakendur læra einnig einfaldar núvitundaraðferðir, svo sem meðvitaða öndun og skynjunaræfingar, sem hjálpa þeim að tengjast náttúrunni á dýpri og meðvitaðri hátt.

Hér er hægt að sjá dagskrána

SKRÁNING

Þrjár ferðir á næstunni hjá FFA: 21. ágúst og 23. ágúst

Sun, 17 Aug 2025 22:03:21 GMT

Fimmtudaginn 21. ágúst kl. 17 - 19

Barna- og fjölskylduferð: Hvað finnum við í fjörunni? (tengill)

Laugardaginn 23. ágúst verða svo tvær ferðir hjá FFA.

Kl. 8:00 Barðshyrna í Fljótum (tengill)

Kl. 8:30 Búrfell í Mývatnssveit (tengill)

Skráning og meira um ferðirnar er á tenglunum sem fylgja.

Næsta ferð 17. ágúst: Siglufjarðarskarð. Fjallahjólaferð á rafhjóli

Wed, 13 Aug 2025 12:15:37 GMT

Brottför kl. 8 á einkabílum frá FFA, Strandgötu 23.
Fararstjórn: Jón M. Ragnarsson og Stefán Sigurðsson

Ekið til Siglufjarðar. Lagt af stað þaðan, hjólað inn Skarðsdal og upp gamla veginn upp í Siglufjarðarskarð. Þaðan er víðsýnt í góðu veðri allt vestur á Strandir. Síðan er hjólað niður í Fljótin og eftir þjóðveginum gegnum Strákagöng og til Siglufjarðar. Ath. þrjú hjóla að erfiðleikastigi.

Vegalengd: 33 km. Hækkun samtals um 1000 m.

Meira um ferðina hér og skráning

Fréttabréf FFA ágúst 2025

Wed, 06 Aug 2025 20:43:13 GMT

Fréttabréf FFA ágúst 2025

ÁBENDING: Til að opna fréttabréfið beint á að "klikka" á tengilinn hér fyrir ofan, "Fréttabréf FFA ágúst 2025"

Eitthvað er misjafnt hvernig fréttabréfið opnast hjá fólki, annars vegar í síma/mismunandi símum og hins vegar í tölvu.
En stysta leiðin á að vera beint í tengilinn "Fréttabréf FFA ágúst 2025".
Það geta því verið 1 - 3 "klikk" til að opna nýjasta fréttabréfið sem kemur í tölvupósti. Fréttabréfið er pdf skjal.
Við þiggjum góðar ábendingar um það sem betur má fara, senda má á netfangið formadur@ffa.is

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Eldri fréttabréfin eru á þessari síðu

Núvitund í Náttúrunni hefst 27. ágúst

Tue, 05 Aug 2025 15:47:22 GMT

Hreyfiverkefnið Núvitund í náttúrunni verður haldið aftur haustið 2025

Hér er hægt að sjá dagskrána

SKRÁNING

Næsta ferð 9. ágúst: Hjaltadalsheiði - aflýst

Sun, 03 Aug 2025 08:41:34 GMT

Brottför kl. 8 með rútu frá FFA, Strandgötu 23.
Fararstjórn: Una Þórey Sigurðardóttir

Ekið fram að Staðarbakka í Hörgárdal. Gengið er fram dalinn og yfir heiðina sem leið liggur niður Hjaltadalinn að Reykjum þar sem rúta bíður eftir hópnum og ekið heimleiðis. Mest gengið eftir gömlum slóðum þannig að leiðin er ekki erfið en þó nokkur hækkun (750 m) en löng ganga (10 - 12 klst.), þannig að fólk þarf að hafa gott gönguþol enda er ferðin merkt 3 - 4 skór. Vaða þarf a.m.k. þrjár ár á leiðinni. Góðir vaðskór nauðsynlegir (þeir þurfa að ná yfir hælinn t.d. með hælbandi). Gott að hafa göngustafi. Gott og orkuríkt nesti fyrir heilan dag.

Vegalengd: 29 km. Gönguhækkun: 750 m. Áætlaður göngutími 10 - 12 klst. Áætlaður heildar tími er frá kl. 8 -22 frá Akureyri og til baka til Akureyrar.

Verð: kr. 16 . 000 / 18.700 kr. Innifalið: Rúta og fararstjórn.
Greitt er fyrir þessa ferð við brottför.

Þeistareykir, fjallahjólaferð á rafhjóli - 1 hjól

Tvær ferðir laugardaginn 26. júlí 2025

Mon, 21 Jul 2025 12:44:56 GMT

Laugardaginn 26. júlí verða tvær ferðir hjá FFA.

Kl. 8:00 Strýta (tengill)

Kl. 9:00 Villingadalur-Svarfdalur / Svardalur (tengill)

Skráning og meira um ferðirnar er á tenglunum sem fylgja.

Næstu ferðir: Gengið um Kambskarð og rafhjólaferð á fjallahjólum

Mon, 14 Jul 2025 13:29:20 GMT

Tvær ferðir eru um næstu helgi: Gengið um Kambskarð 19. júlí og fjallahjólaferð á rafhjóli, Þeistareykir 20. júlí. Kynnið ykkur þær á heimasíðu FFA.
Sjá nánar á þessum tenglum:

Kambskarð 19. júli - 3 skór

Svo minnum við að gönguleikinn Þaulann: Þaulinn 2025

Tvær ferðir um næstu helgi

Mon, 07 Jul 2025 12:15:59 GMT

Laugardaginn 12. júlí verður Þingmannavegurinn genginn, frá Systragili í Fnjóskadal og yfir Vaðlaheiðina.
Sunnudaginn 13. júlí verður gengið um Árskógssand og Hauganes með heimafólki.

12. júlí, Þingmannavegur (tengill)
13. júlí, Árskógssandur og Hauganes (tengill)

Næsta ferð: Kerling, sjö tinda ferð 5. júlí

Tue, 01 Jul 2025 16:49:10 GMT

Brottför kl. 8 á einkabílum og rútu frá FFA, Strandgötu 23.
Fararstjórn: Viðar Örn Sigmarsson og Leo Broers

Sjá nánar og skráning hér

Gönguleikurinn Þaulinn 2025

Sun, 15 Jun 2025 15:02:51 GMT

Þaulinn ; hinn sívinsæli gönguleikur Ferðafélags Akureyrar, er kominn á heimasíðu FFA.

Þaulinn er skemmtileg afþreying og settur upp fyrir alla fjölskylduna, hann er tækifæri til hollrar útiveru við Eyjafjörð. Fjölbreyttar útivistarvörur í vinninga fyrir þá sem verða heppnir þegar dregið verður úr innsendum svarblöðum.

Á heimasíðu FFA er hægt að nálgast lýsingar og kort af leiðunum í Þaulanum og prenta út svarblöð fyrir þátttakendur. Svarblöð er einnig hægt að nálgast á skrifstofu FFA, Strandgötu 23, Akureyri. Reiknað er með að kassarnir verði komnir á stöðvarnar 13. júní.

Kynnið ykkur Þaulann 2025 hér

Gönguvika FFA 20. - 26. júní 2025

Sun, 15 Jun 2025 11:55:00 GMT

Föstudagur: Brottför kl. 18 á einkabílum frá FFA, Strandgötu 23.
Safnast saman í bíla ef vill.
Fararstjórn: Svavar A. Jónsson
Svavar leiðir þátttakendur um Myrkárgil í Hörgárdal. Þar er m.a. hægt að sjá Kálfafoss, Byrgisfoss og Geirufoss.
Ferðin tekur um það bil þrjá tíma og er einhver hækkun upp með gilinu til að sjá fossana.
Gert er ráð fyrir að koma til baka um kl. 21.
Þátttaka ókeypis

Laugardagur: Brottför kl. 19 á einkabílum frá FFA, Strandgötu 23.
Safnast saman í bíla ef vill.
Fararstjórn: Ingibjörg Elín Jónasdóttir
Það getur verið ævintýri líkast að ganga í Mývatnssveitinni seint að kvöldi og því ætlar FFA
að bjóða upp á eina slíka ferð.
Gangan hefst við Reykjahlíð í Mývatnssveit. Gengið eftir slóðum og stígum að mestu í hrauni en á köflum eru þeir grófir og ójafnir.
Fararstjóri mun segja frá og vera með fræðslu um jarðfræði og fleira á svæðinu eftir því sem aðstæður leyfa.
Gengið þægilegan stíg upp á Hverfjall og eftir brúninni að suðurhlið gígsins og þar niður brattan stíg með lausum sandi og svo eftir stíg um hraunið inn í Dimmuborgir. Ef einhverjir þátttakendur vilja ekki fara upp á Hverfjall þá er greiðfær gönguleið meðfram fjallinu þar sem hægt er að hitta hópinn þegar hann kemur niður af fjallinu. Vegalengd: 10 km. Gönguhækkun: 150 m á Hverfjall. Gott getur verið að hafa göngustafi og vera í góðum skóm og flugnanet. Selflytja þarf bíla.
Vegalengd: 10 km. Gönguhækkun: 150 m á Hverfjall.
Verð: 2.700 / 4.400 kr. Innifalið: Fararstjórn
Gert er ráð fyrir að koma til baka eftir miðnætti.
Greitt er fyrir þessa ferð við brottför.

Laugardagur: Brottför kl. 20 á einkabílum frá FFA, Strandgötu 23.
Safnast saman í bíla ef vill.
Fararstjórn: Bernard Gerritsma og Bóthildur Sveinsdóttir
Gengið upp á Múlakollu frá gamla Múlaveginum, upp dalinn norðan Brimnesár.
Geysimikið útsýni er til allra átta af hátindi kollunnar. Sama leið farin til baka.
Vegalengd: 8 km. Gönguhækkun: 930 m.
Verð: 2.700 / 4.400 kr. Innifalið: Fararstjórn.
Greitt er fyrir þessa ferð við brottför.

Sunnudagur: Brottför kl. 9 á einkabílum frá FFA, Strandgötu 23.
Safnast saman í bíla ef vill.
Fararstjórn: Erla Sigurðardóttir
Verð: 2.200 / 3.900 kr. Innifalið: Fararstjórn.
Greitt er fyrir þessa ferð við brottför.

Mánudagur: Brottför kl. 17 á einkabílum frá FFA, Strandgötu 23.
Safnast saman í bíla ef vill.
Fararstjórn: Hulda Jónsdóttir
Gangan hefst við malarnámuna við þjóðveginn milli Ystuvíkur og Fagrabæjar. Gengið upp á Ystuvíkurfjall og norður á Kræðufell,
þaðan niður í Fagrabæjargil (bratt og skriður) og upp á Dýrðarnípu yfir á Dýrðarbungu og endað á Laufáshnjúk.
Síðustu 300 metrarnir eru svolítið brölt. Að lokum er farið niður af Laufáshnjúk þar sem bílar munu bíða en byrja
þarf á að ferja bíla þangað. Útsýnið af fjöllunum er mikið og geysifagurt bæði til suðurs og norðurs og að kvöldlagi
á þessum árstíma er von á fallegu sólarlagi. Aðeins hluti leiðarinnar er stikaður.
Vegalengd: 11 - 12 km. Gönguhækkun: 1000 m.
Verð: 5.200 / 6.900 kr. Innifalið: Fararstjórn.
Greitt er fyrir þessa ferð við brottför.

Þriðjudagur: Brottför kl. 19 á einkabílum frá FFA, Strandgötu 23.
Safnast saman í bíla ef vill.
Fararstjórn: Bernard Gerritsma og Bóthildur Sveinsdóttir
Ekið að bílastæði við Fálkafell. Gengið á skátaskálanum Fálkafelli og síðan sem leið liggur að
skátaskálanum Gamla. Þaðan er farið niður í gegnum Kjarnaskóg og sem leið liggur til baka
að bílastæðinu við Fálkafell.
Vegalengd: 9 km. Gönguhækkun: 220 m.
Þátttaka ókeypis

Miðvikudagur: Brottför kl. 18 á einkabílum frá FFA, Strandgötu 23.
Safnast saman í bíla ef vill.
Fararstjórn: Jónína Sveinbjörnsdóttir og Helga Sigfúsdóttir sem er heimamanneskja á staðnum.
Arnarstaðaskál í Eyjafirði er snotur, gróin skál eða sylla í fjallinu fyrir ofan Arnarstaði fram í Eyjafirði að austan.
Þægilegt gönguland, að mestu bílslóð og kindagötur.
Nestisstopp verður tekið á leiðinni þar sem ljúft er að njóta útsýnis og kyrrðar. Sama leið farin til baka.
Vegalengd alls 9 km. Gönguhækkun: 450 m.
Verð: 2.200 / 3.900 kr. Innifalið: Fararstjórn.
Greitt er fyrir þessa ferð við brottför.

Fimmtudagur: Brottför kl. 19 á einkabílum frá FFA, Strandgötu 23.
Safnast saman í bíla ef vill.
Fararstjóri: Hulda Jónsdóttir
Gengið frá bílastæði á Víkurskarði eftir stikaðri leið til vesturs upp hlíðina og á toppinn, 552 m.
Þaðan er gott útsýni yfir til byggðarinnar vestan fjarðarins og til Hríseyjar.
Vegalengd 6,6 km. Gönguhækkun 370 m.
Þátttaka ókeypis

Næsta ferð 14. júní: Böggvisstaðadalur - Upsadalur

Mon, 09 Jun 2025 10:32:15 GMT

Brottför kl. 9 á einkabílum frá FFA, Strandgötu 23.
Safnast saman í bíla ef vill.
Fararstjórn: Guðný Sigríður Ólafsdóttir

Ekið að Dalvíkurkirkju þaðan sem lagt er af stað í gönguna. Gengið upp malarveg sem liggur til fjalls. Áfram er gengið fram Böggvisstaðadal að Kofa, þar er farið yfir Brimnesá á göngubrú og síðan niður Upsadal. Auðveld leið en skemmtileg.

Vegalengd alls 8 km. Gönguhækkun: 260 m.

Verð: 2.200 / 3.900 kr. Innifalið: Fararstjórn. (Aðstöðugjald í Kofa 500 kr. ekki innifalið).
Greitt er fyrir þessa ferð við brottför.

Næsta ferð 8. júní: Krossanesborgir - Skjaldarvík

Mon, 02 Jun 2025 11:42:40 GMT

Brottför kl. 13 á einkabílum frá FFA, Strandgötu 23.
Safnast saman í bíla ef vill.
Fararstjórn: Þorgerður Sigurðardóttir

Gangan hefst á bílastæðinu við Krossanesborgir. Þaðan er gengið meðfram sjónum að mestu og til Skjaldarvíkur. Misjafnt gönguland, fjara, tún, slóðar og gróið land. Mögulega einhver bleyta. Selflytja þarf bíla.

Vegalengd: 4 - 5 km. Gönguhækkun: Óveruleg.

Þátttaka ókeypis

Fréttabréf FFA júní 2025

Sun, 01 Jun 2025 15:58:01 GMT

Fréttabréf FFA júní 2025

ÁBENDING: Til að opna fréttabréfið beint á að "klikka" á tengilinn hér fyrir ofan, "Fréttabréf FFA júní 2025"

Eitthvað er misjafnt hvernig fréttabréfið opnast hjá fólki, annars vegar í síma/mismunandi símum og hins vegar í tölvu.
En stysta leiðin á að vera beint í tengilinn "Fréttabréf FFA júní 2025".
Það geta því verið 1 - 3 "klikk" til að opna nýjasta fréttabréfið sem kemur í tölvupósti. Fréttabréfið er pdf skjal.
Við þiggjum góðar ábendingar um það sem betur má fara, senda má á netfangið formadur@ffa.is

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Eldri fréttabréfin eru á þessari síðu

Ferð laugardaginn 31. maí: Melrakkadalur

Tue, 27 May 2025 13:10:41 GMT

Brottför kl. 10 á einkabílum frá FFA, Strandgötu 23.
Safnast saman í bíla ef vill.

Fararstjórn: Guðný Sigríður Ólafsdóttir

Ekið að Dalvíkurkirkju þaðan em lagt er af stað í gönguna. Gengið upp með fallegu gljúfri sem þarna er og eftir vegslóða. Fallegt útsýni er inn í dalinn sem heitir tveimur nöfnum, Upsadalur þeim megin sem við stöndum en Böggvisstaðadalur hinum megin við ána. Áfram er haldið og gengið upp Melrakkadal. Sama leið farin til baka. Ef snjór verður þá er ferðin eitthvað erfiðari og gott að hafa brodda.

Vegalengd: 5 km. Gönguhækkun: 340 m.

Verð: 2.200 / 3.900 kr. Innifalið: Fararstjórn.
Greitt er fyrir þessa ferð við brottför.

skráning í ferð

Næsta ferð 28. maí: Barna- og fjölskylduferð: Geocaching. Heimsins stærsta fjársjóðsleit

Sun, 25 May 2025 13:21:05 GMT

Barna- og fjölskylduferð: Geocaching. Heimsins stærsta fjársjóðsleit

Mæting kl. 17 í Naustaborgir
Fararstjórn: Ragnheiður Ragnarsdóttir og Sunna Björk Ragnarsdóttir

Fótgangandi fjarsjóðsleit þar sem farið er eftir hnitum til að finna fjársjóði sem aðrir hafa falið í skóginum. Gott að vera búin að sækja Geocaching appið. Þeir sem vilja geta tekið með sér „smáfjársjóði” (t.d. legó kalla eða annað smádót) og skipt þeim út fyrir nýja í fjársjóðskistunum. Gert er ráð fyrir að ferðin taki u.þ.b. 1 klst.

Þátttaka ókeypis.

Skráning í ferðina

Skálavarsla í júlí 2025

Sat, 24 May 2025 10:23:16 GMT

SKÁLAVERÐIR

Vegna forfalla: Ferðafélag Akureyrar leitar að skálaverði/-vörðum til starfa í skálum félagsins í Drekagili sumarið 2025.

Tímabil sem um ræðir eru nokkrar vikur í júlí.

Starfið felst m.a. í móttöku gesta, þrifum, veitingasölu og samskiptum við ferðaþjónustuaðila og fleiri. Mikilvægt er að viðkomandi búi yfir ríkri þjónustulund, hafi góða tungumálakunnáttu, sé lausnamiðaður, handlaginn og greiðvikinn.

Nánari upplýsingar um starfið veita þau Fjóla Kristín Helgadóttir í síma 821-1296 eða í netfangi fjola.k.helgadottir@gmail.com , og Einar Hjartarson í síma 854-0247 eða í netfangi gjaldkeri@ffa.is .

Næsta ferð 24. maí: Búrfellshraun og nágrenni

Wed, 21 May 2025 08:34:52 GMT

Brottför kl. 8 á einkabílum frá FFA, Strandgötu 23.
Safnast saman í bíla ef vill.
Fararstjórn: Þóroddur Þóroddsson

Lagt verður af stað frá Jarðböðunum og einnig endað þar. Ekið á nokkrum bílum þaðan austur fyrir Námafjall þar sem gangan hefst, gengið að Jarðböðunum og bílar svo sóttir. Gengið um hraun og sanda. Á leiðinni verða einkum skoðaðar hraunmyndanir og gígar á svæði sem mjög fáir fara um. Mikilvægt að fólk sé á góðum gönguskóm sem ná upp á ökla því gengið er í hrauni.

Vegalengd: 13 - 15 km. Gönguhækkun óveruleg, engar verulegar brekkur.

Verð: 3.700 / 5.400 kr. Innifalið: Fararstjórn.
Greitt er fyrir þessa ferð við brottför.

Næsta ferð 21. maí: Barna- og fjölskylduferð, fuglaskoðun

Mon, 19 May 2025 09:29:04 GMT

21. maí: Barna- og fjölskylduferð: Fuglaskoðun

Brottför kl. 17 á einkabílum frá FFA, Strandgötu 23.
Fararstjórn: Jón Magnússon og Sverrir Thorstensen

Það er alltaf gaman að fara í fuglaskoðunarferð með þeim Jóni og Sverri. Þeir vita allt um fuglana og vita hvar er finna hinar ýmsu tegundir þeirra. Gott er að taka með sér sjónauka og skriffæri því það getur verið gaman að skrá niður þær fuglategundir sem maður sér.

Þátttaka ókeypis

Hér er hægt að sjá meira um ferðina og skrá sig í hana

Næsta ferð 17. maí: Fuglaskoðunarferð í Eyjafirði

Mon, 12 May 2025 07:20:12 GMT

B rottför kl. 9 á einkabílum frá FFA, Strandgötu 23.
Safnast saman í bíla ef vill.
Fararstjórn: Jón Magnússon og Sverrir Thorstensen

Árleg fuglaskoðunarferð FFA undir leiðsögn kunnáttumanna, nú sem oftar um Eyjafjörðinn þar sem reynt verður að slá fyrri met í tegundafjölda fundinna fugla. Þátttakendur fylgja fararstjórum á valda staði þar sem fuglalífið verður skoðað. Stefnt er að því að finna álftahreiður, skeiðönd, grafönd, flórgoða jafnvel gargönd og auðvitað fleiri tegundir.
Gott er að hafa góðan sjónauka með.

Við hvetjum félagsmenn til að ná í árbók FÍ 2025 sem að þessu sinni er: Fuglar og fuglastaðir

Næsta ferð 10. maí: Hegranesviti í Skagafirði

Wed, 07 May 2025 09:55:28 GMT

Brottför kl. 9 á einkabílum frá FFA, Strandgötu 23.
Safnast saman í bíla ef vill.

Fararstjórn: Jónína Sveinbjörnsdóttir

Ekið sem leið liggur til Skagafjarðar og út Blönduhlíðina að ósi Héraðsvatna. Gangan hefst við minnismerkið um Jón Ósmann ferjumann og þar verður sagan um hann rifjuð upp. Gengið meðfram ströndinni, flatt og þægilegt gönguland. Úti við Hegranesvita er gott útsýni í björtu veðri. Vegalengd: 6 - 7 km. Gönguhækkun: Engin.
Þeir sem vilja geta farið í sund á Hofsósi eftir gönguna. Gaman að stoppa við Kotagil annað hvort á leiðinni vestur eða á heimleið.

Ef einhverjir vilja mæta beint á upphafsstað. Þá þarf bara að vera í sambandi við skrifstofu FFA um það.

Hér er hægt að sjá meira um ferðina og skrá sig í hana

Fréttabréf FFA maí 2025

Mon, 05 May 2025 05:09:19 GMT

Fréttabréf FFA maí 2025

ÁBENDING: Til að opna fréttabréfið beint á að "klikka" á tengilinn hér fyrir ofan, "Fréttabréf FFA maí 2025"

Eitthvað er misjafnt hvernig fréttabréfið opnast hjá fólki, annars vegar í síma/mismunandi símum og hins vegar í tölvu.
En stysta leiðin á að vera beint í tengilinn "Fréttabréf FFA maí 2025".
Það geta því verið 1 - 3 "klikk" til að opna nýjasta fréttabréfið sem kemur í tölvupósti. Fréttabréfið er pdf skjal.
Við þiggjum góðar ábendingar um það sem betur má fara, senda má á netfangið formadur@ffa.is

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Eldri fréttabréfin eru á þessari síðu

Árbók FÍ og tímaritið Ferðir 2025 komið í hús

Mon, 28 Apr 2025 10:02:18 GMT

Árbók FÍ 2025 og tímaritið Ferðir 2025 sem FFA gefur út eru komnar í hús á Strandgötunni til dreifingar. Titill árbókarinnar í ár er Fuglar og fuglastaðir og tímaritið Ferðir inniheldur skemmtilegar greinar um ferðir erlendis og á Íslandi. Félagar í FFA sem greitt hafa árgjaldið fyrir árið 2025 geta sótt bókina og tímaritið á skrifstofu FFA Strandgötu 23 næsta daga milli kl. 9 og 13 en í maí og júní er hægt að nálgast bókina milli kl. 9 og 17 mánudaga til fimmtudaga en á föstudögum er opið til kl. 16.

Ef einhverjir vilja fá hana keyrða heim má senda póst á ffa@ffa.is

Félagar sem eiga eftir að greiða árgjaldið eru hvattir til að greiða það til að fá bókina og tímaritið. Margvíslegur ávinningur fylgir því að vera félagi í Ferðafélagi Akureyrar.
Sjá þennan hlekk

Hægt er að lesa nánar um árbók FÍ 2025 í þessum hlekk: https://www.fi.is/is/fi/frettir/arbok-fi-2025

Næsta ferð: Skíðaferð: Þeistareykjabunga

Wed, 16 Apr 2025 13:41:32 GMT

Laugardagur 19. apríl 2025

Þátttaka ókeypis

Skráning og nánar um ferðina hér

Stóri plokkdagurinn 2025

Tue, 15 Apr 2025 12:46:09 GMT

Sunnudaginn 27. apríl kl. 10 ætlar Ferðafélag Akureyrar að taka þátt í Stóra plokkdeginum í samstarfi við Akureyrarbæ. Félagið fær úthlutað ákveðnum svæðum til að hreinsa.

Mæting er við skrifstofu Ferðafélags Akureyrar að Strandgötu 23. Ruslapokar verða á staðnum svo og nokkrar plokktangir en fólk er hvatt til að taka með sér tangir og hanska.
Gerum ráð fyrir að plokka í tvo tíma eða svo. Að plokkun lokinni verður boðið upp á hressingu í húsnæði FFA við Strandgötu.

Gaman væri að sjá sem flesta, fjölskyldur sérstaklega hvattar til að mæta. FFA hefur verið með í verkefninu síðan 2019 og ávallt verið góð þátttaka, vonandi verður það eins að þessu sinni.

FFA hvetur alla til að tína rusl hvenær sem er á ferðum sínum um bæinn.

Stjórn FFA og viðburðanefnd

Samstarf við Krabbameinsfélag Akureyrar

Thu, 10 Apr 2025 11:43:25 GMT

Krabbameinsfélag Akureyrar og nágrennis í samstarfi við Ferðafélag Akureyrar ætlar að bjóða upp á þrjár göngur í maí og júní . Göngurnar eru fyrir einstaklinga sem greinst hafa með krabbamein og aðstandendur. Hver ganga er um tveir klukkutímar og boðið upp á hugleiðslu út í náttúrunni og góðan félagskap. Farastjóri frá Ferðafélagi Akureyrar er Þuríður Helga Kristjánsdóttir , jóga- og núvitundarkennari sem hefur verið farastjóri hjá FFA síðan árið 2021.

28. maí – Gönguferð um friðland Dalvíkur/Svarfaðadal
2. júní – Gönguferð í vestanverðum Þengilshöfða
10. júní – Gönguferð í Vaglaskógi

Mæting er fyrir utan skrifstofu félagsins (að framan) kl. 13 og lagt á stað kl. 13:15 með því að sameinast í bíla.

Til að skrá sig í ferðirnar má senda póst á kaon@krabb.is og taka fram fjölda einstaklinga og símanúmer.

Enginn þátttökukostnaður.

Komdu út og á fjöll með FFA í vor

Wed, 09 Apr 2025 10:40:23 GMT

Hefst 20. maí 2025

Ef þú ert að leita að útivist þar sem gengið er á fjöll og farið á áhugaverða staði á Norðurlandi þá er Komdu út og á fjöll
hópurinn fyrir þig. Tilvalið til að koma sér í form fyrir sumarið og njóta útiveru og góðs félagsskapar um leið.

Verkefnið hefst 20. maí og því lýkur 14./15. júní 2025 .

Umsjón með verkefninu hafa Anna Sigrún Rafnsdóttir og Kristján Hreinsson og eru þau jafnframt fararstjórar í ferðunum.
Fyrirspurnum er hægt að beina til Önnu Sigrúnar á netfangið annasr45@gmail.com
eða í síma 848 1090 og Kristjáns á netfangið kristjan@grofargil.is eða í sím 892 7720.

Skráningu lýkur 13. maí og verkefnið hefst 20. maí. Nánari upplýsingar eru hér ásamt dagskrá.

Næsta ferð: Barna- og fjölskyldu-Páskaeggjapartý

Fri, 04 Apr 2025 13:15:36 GMT

Barna- og fjölskylduferð. Páskaeggjapartý

8. apríl kl. 17:00

Mæting við Kjarnakot í Kjarnaskógi.
Fararstjórn: Hjörvar Jóhannesson, Ragnheiður og Sunna Ragnarsdætur.

Njótum þess að koma saman í Kjarnaskógi þar sem alltaf er gott veður og skellum okkur í páskaeggjaleit!
Stutt og þægileg ferð sem hentar öllum aldurshópum. Mikilvægt er að mæta klædd eftir veðri, mögulega með eitthvað að drekka en í lok ævintýrsins er óvæntur glaðningur fyrir alla þátttakendur.
Ætlast er til að einhver fullorðinn komi með börnunum.
Gert er ráð fyrir að ferðin taki u.þ.b. 2 klst. Þátttaka ókeypis.

skráning í ferð

Opið hús 3. apríl kl. 20. Gengið á fjöll í Tansaníu

Wed, 02 Apr 2025 23:49:08 GMT

Opið hús 3. apríl kl. 20. Gengið á fjöll í Tansaníu

Fimmtudaginn 3. apríl kl. 20 í húsnæði FFA við Strandgötu 23

Gróa Jóhannesdóttir og Halldór Snæbjörnsson segja frá og sýna myndir úr göngu sinni á fjöllin Meru og Kilimanjaro (5895 m) í Tansaníu síðastliðið sumar.

Kaffi og konfekt, spjall og spurningar
Fjölmennið meðan húsrúm leyfir.

Allir velkomnir
Viðburðarnefnd

Fréttabréf FFA apríl 2025

Mon, 31 Mar 2025 09:41:28 GMT

Fréttabréf FFA apríl 2025

ÁBENDING: Til að opna fréttabréfið beint á að "klikka" á tengilinn hér fyrir ofan, "Fréttabréf FFA apríl 2025"

Eitthvað er misjafnt hvernig fréttabréfið opnast hjá fólki, annars vegar í síma/mismunandi símum og hins vegar í tölvu.
En stysta leiðin á að vera beint í tengilinn "Fréttabréf FFA apríl 2025".
Það geta því verið 1 - 3 "klikk" til að opna nýjasta fréttabréfið sem kemur í tölvupósti. Fréttabréfið er pdf skjal.
Við þiggjum góðar ábendingar um það sem betur má fara, senda má á netfangið formadur@ffa.is

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Eldri fréttabréfin eru á þessari síðu

Ferðakynning FFA 2025 í VMA í kvöld 27. mars kl. 20:00

Mon, 24 Mar 2025 10:25:16 GMT

Ferðakynning FFA 2025

Ferðaáætlun FFA 2025 verður kynnt í heild sinni í máli og myndum 27. mars kl. 20:00 í VMA. Barna- og fjölskylduferðir verða einnig kynntar auk hreyfiverkefna sumarsins.

Gestur kvöldsins verður Jónas Helgason sem kunnur er fyrir ferðir sínar til framandi landa og kallar hann erindi sitt "Ferðast til framandi landa".

Nokkrar útivistarverslanirnar verða með kynningu á sínum vörum.

Kaffi og kleinur í hléi.

Kynningin er í VMA og hefst kl. 20:00, gengið inn að vestan.

Allir velkomnir. Engin skráning.

Árbók og Ferðir 2025 í apríl/maí

Wed, 19 Mar 2025 12:57:31 GMT

Árbók FÍ 2025 er ekki af verri endanum en hún er um Fuglastaði á Íslandi og tekin saman að Daníel Bergmann.

Bókin er væntanleg norður um mánaðarmótin apríl/maí. Bókina fá allir félagsmenn í FFA sem greitt hafa árgjaldið fyrir árið 2025.

Tímaritið Ferðir sem FFA gefur út fá félagar líka. Þetta verður allt auglýst rækilega þegar að þessu kemur.

Næsta ferð: Skíðadalur 15. mars 2025

Thu, 13 Mar 2025 11:03:04 GMT

SKRÁNING

Barna- og fjölskylduferð: Á góðviðrisdegi í mars eða apríl

Sat, 08 Mar 2025 11:03:19 GMT

Á góðviðrisdegi í mars eða apríl

Upphafsstaður: Kjarnakot í Kjarnaskógi.
Fararstjórn: Hjörvar Jóhannesson, Ragnheiður og Sunna Ragnarsdóttir
Njótum vetrarins í Kjarnaskógi þar sem alltaf er gott veður, gerum snjókarla, rennum okkur og leikum saman. Stutt og þægileg ferð sem hentar öllum aldurshópum.
Mikilvægt er að mæta mjög vel klædd, með ljós, kakó og gott nesti.
Gert er ráð fyrir að ferðin taki u.þ.b. 2 klst.
Þátttaka ókeypis

Næsta ferð, 8. mars

Fri, 07 Mar 2025 08:32:17 GMT

Af aðalfundi FFA 2025

Tue, 04 Mar 2025 11:33:49 GMT

Aðalfundur Ferðafélags Akureyrar 2025 var haldinn 3. mars sl. Ársskýrsla stjórnar fyrir 2024 var lesin upp. Í henni var komið inn á helstu verkefni stjórnar og allra nefnda 2024. Skýrsla stjórnar og allra nefnda félagsins verða birtar í tímariti FFA, Ferðum 2025, sem kemur út á næstunni.

Ársreikningar 2024 voru kynntir og samþykktir. Nefndarfólk í þeim 14 nefndum sem verða starfandi 2025-2026 var kynnt. Formaður var endurkjörinn. Breyting varð á stjórn FFA þar sem Sólveig Styrmisdóttir varamaður hætti og tók Þorvaldur Rafn Kristjánsson hennar sæti í varastjórn. Inn í aðalstjórn kom Gunnar Már Gunnarsson og bjóðum við hann velkominn. Í stjórn 2025 - 2026 sitja þá Þorgerður Sigurðardóttir formaður, Einar Hjartarson, Fjóla Kristín Helgadóttir, Gunnar Már Gunnarsson og Þorbjörg Þorsteinsdóttir. Stjórn skiptir með sér verkum á fyrsta fundi eftir aðalfund. Varamenn eru Árni Gíslason og Þorvaldur Rafn Kristjánsson. Skoðunarmenn reikninga og skjalavörður voru einnig kosnir.

Endurnýjaðar upplýsingar um þetta allt koma inn á heimasíðu FFA við fyrsta tækifæri.

Fréttabréf FFA mars 2025 - aðalfundur

Sun, 02 Mar 2025 15:47:31 GMT

Fréttabréf FFA mars 2025

(auglýsing um aðalfund FFA 2025 er í fréttabréfinu og á heimasíðu FFA)

ÁBENDING: Til að opna fréttabréfið beint á að "klikka" á tengilinn hér fyrir ofan, "Fréttabréf FFA mars 2025"

Eitthvað er misjafnt hvernig fréttabréfið opnast hjá fólki, annars vegar í síma/mismunandi símum og hins vegar í tölvu.
En stysta leiðin á að vera beint í tengilinn "Fréttabréf mars 2025".
Það geta því verið 1 - 3 "klikk" að opna nýjasta fréttabréfið sem kemur í tölvupósti. Fréttabréfið er pdf skjal.
Við þiggjum góðar ábendingar um það sem betur má fara, senda má á netfangið formadur@ffa.is

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Eldri fréttabréfin eru á þessari síðu

Opið hús 6. mars. Norðausturhornið - ferðakynning

Fri, 21 Feb 2025 09:00:02 GMT

Norðausturhornið - ferðakynning! Opið hús 6. mars kl. 20 í húsnæði FFA Strandgötu 23

Norðausturhornið er fyrir mörgum ókannað land.
Ferðafélagið Norðurslóð starfar á svæðinu frá Kelduhverfi austur á Bakkafjörð og hefur á áætlun sinni þrjár sumarleyfisferðir sem verða kynntar í máli og mörgum myndum.
- Raufarhöfn og nágrenni – nyrstu tangar landsins
- Náttúra og saga í Kelduhverfi
- Langanes – Fontur
Einnig verður sagt frá sumarleyfisferðum sem eru í þróun og annarri starfsemi félagsins.

Verið öll velkomin!

Kynning á sumarleyfisferðum FFA 2025, 13. febrúar kl. 20

Fri, 07 Feb 2025 12:31:17 GMT

Kynning á sumarleyfisferðum FFA 2025
13. febrúar kl. 20 í húsnæði FFA Strandgötu 23

FFA hefur um árabil boðið upp á ferðir um Ódáðahraunssvæðið. Ingvar Teitsson er einn þeirra sem þekkir það einna best. Á kynningunni ætlar hann að fara vítt og breytt um svæðið með okkur, segja frá uppbyggingu FFA þar, sögur af ferðum og rifja upp fjölbreytta möguleika ferðamannsins á þessu magnaða svæði. Inn í frásögn hans fléttast svo fjórar ferðir sem eru á ferðaáætlun FFA 2025 á Ódáðahraunssvæðinu; fjögurra daga ferð um Öskjuveginn, fjögurra daga ferð frá Herðubreiðarlindum að Öskju, helgarferð á Herðubreið og síðast en ekki síst

“Ævintýraferð í Botna" sem er barna- og fjölskylduferð.

Einnig ætlar Birna G. Baldursdóttir að segja okkur frá fyrirhugaðri helgarferð inn á Glerárdal í ágúst, "Náttúruskoðun og sjálfsrækt á Glerárdal".

Fararstjórar verða á staðnum. Spurningar og spjall.

Allir velkomnir

Aðalfundur FFA 2025

Thu, 06 Feb 2025 17:31:11 GMT

Aðalfundur Ferðafélags Akureyrar verður haldinn í sal Lions Skipagötu 14, 4. hæð, mánudaginn 3. mars kl. 20:00

Dagskrá:

Skýrsla stjórnar lögð fram
Reikningar lagðir fram til samþykktar
Tilllögur til lagabreytinga
Kosning stjórnar, skoðunarmanna reikninga, skjalavarðar og nefnda skv. 4. og 6. gr.
Önnur mál

Hressing í hléi!

Félagar eru hvattir til að mæta og kynna sér starf FFA

Fréttabréf FFA febrúar 2025

Mon, 03 Feb 2025 09:59:24 GMT

Fréttabréf FFA febrúar 2025

ÁBENDING: Til að opna fréttabréfið beint á að "klikka" á tengilinn hér fyrir ofan, "Fréttabréf FFA febrúar 2025"

Eitthvað er misjafnt hvernig fréttabréfið opnast hjá fólki, annars vegar í síma/mismunandi símum og hins vegar í tölvu.
En stysta leiðin á að vera beint í tengilinn "Fréttabréf febrúar 2025".
Það geta því verið 1 - 3 "klikk" að opna nýjasta fréttabréfið sem kemur í tölvupósti. Fréttabréfið er pdf skjal.
Þiggjum góðar ábendingar um það sem betur má fara, senda á netfangið formadur@ffa.is

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Eldri fréttabréfin eru á þessari síðu

Opið hús 6. febrúar kl. 20 - ,,Á fjöllum er klukkan ekki neitt''

Thu, 23 Jan 2025 11:31:56 GMT

Kaffi og konfekt, spjall og spurningar

Fjölmennið meðan húsrúm leyfir. Allir velkomnir

Viðburðarnefnd

Kynning á skíðagönguferðum 2025 verður 16. janúar kl. 20

Mon, 13 Jan 2025 12:10:26 GMT

Kynning á skíðagönguferðum og skíðagöngunámskeiðum 2025

16. janúar kl. 20 í húsnæði FFA, Strandgötu 23.

Skíðaferðir 2025 verða kynntar sérstaklega í máli og myndum. Nokkrir fararstjórar sjá um kynninguna;
segja frá og bjóða upp á spjall. Fyrirkomulagið á skíðaferðum verður eins og 2024.

Lengri og styttri dagsferðir verða kynntar auk tveggja helgarferða og tveggja skíðagöngunámskeiða.

Spurningar, spjall og eitthvað gott í gogginn.

Sjá fyrirhugaðar skíðagönguferðir 2025 á heimasíðu FFA hér

Viltu taka þátt í fjölbreyttu og skemmtilegu starfi hjá FFA?

Tue, 07 Jan 2025 07:20:58 GMT

Ferðafélag Akureyrar auglýsir eftir áhugasömu fólki í nefndir félagsins.

Skálanefndir félagsins fara í vinnuferðir tvisvar á ári. Aðrar nefndir eru ekki síður áhugaverðar eins og ferðanefnd sem sér um ferðaáætlun og gönguleikinn Þaulann. Nefnd um barna- og fjölskyldustarf og nefnd sem skipuleggur hreyfiverkefni eru í mikilli þróun. Félaga- og kynningarnefnd hefur það hlutverk að koma með nýjungar í starf FFA og kynna félagið út á við. Viðburða- gönguleiða- og ritnefnd hafa ákveðin hlutverk. Allar vilja þær fá liðsauka.

Ef þið eigið í vandræðum með að velja nefnd hafið þá samband við Þorgerði, formann FFA, á netfangið formadur@ffa.is / í síma 692 6904 eða Einar, gjaldkera FFA, á netfangið einhj@simnet.is / í síma 854 0247. Við hlökkum til að heyra frá ykkur.

Kynnið ykkur starf FFA á heimasíðu félagsins , þar er margt að gerast og góður félagsskapur.

Fréttabréf FFA janúar 2025

Thu, 02 Jan 2025 23:01:15 GMT

Fréttabréf FFA janúar 2025

ÁBENDING: Til að opna fréttabréfið beint á að "klikka" á tengilinn hér fyrir ofan.

Eitthvað er misjafnt hvernig fréttabréfið opnast hjá fólki, annars vegar í síma/mismunandi símum og hins vegar í tölvu.
En stysta leiðin á að vera beint í tengilinn "Fréttabréf janúar 2025".
Það geta því verið 1 - 3 "klikk" að opna nýjasta fréttabréfið sem kemur í tölvupósti. Fréttabréfið er pdf skjal.
Þiggjum góðar ábendingar um það sem betur má fara á formadur@ffa.is.

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Eldri fréttabréfin eru á þessari síðu

Skálaverðir - sumarstörf

Thu, 02 Jan 2025 12:53:39 GMT

Ferðafélag Akureyrar leitar að skálavörðum til starfa í skálum félagsins í Herðubreiðarlindum og Drekagili sumarið 2022.

Tímabil sem um ræðir er frá miðjum júní og fram í september. Leitað er að fólki sem getur unnið stærstan hluta tímabilsins en einnig er möguleiki að ráða í styttri tíma.

Starfið felst m.a. í móttöku gesta, þrifum og samskiptum við ferðaþjónustuaðila og fleiri. Mikilvægt er að viðkomandi búi yfir ríkri þjónustulund, hafi góða tungumálakunnáttu og sé handlaginn og greiðvikinn.

Nánari upplýsingar um starfið veita þau Fjóla Kristín Helgadóttir, netfang fjola.k.helgadottir@gmail.com og Hilmar Antonsson í síma 862 3262.

Umsóknir skal senda á ffa@ffa.is fyrir 20. febrúar og þangað er einnig hægt að senda fyrirspurnir.

Almennur félagsfundur 2. janúar

Tue, 31 Dec 2024 09:26:20 GMT

Almennur félagsfundur Ferðafélags Akureyrar 2. janúar 2025

Almennur félagsfundur Ferðafélags Akureyrar verður haldinn að Strandgötu 23, fimmtudaginn 2. janúar 2025, kl. 20:00

Ýmis félagsmál rædd. Kaffi og konfekt.

Félagsmenn hvattir til að mæta. Allar hugmyndir um starfið vel þegnar.

Stjórn FFA

Næsta ferð: Út í óvissuna á nýársdag 1. janúar kl. 13

Tue, 31 Dec 2024 09:19:56 GMT

Brottför kl. 13 á einkabílum frá FFA, Strandgötu 23.
Fararstjórn: Grétar Grímsson
Þátttaka ókeypis.

Opið hús 9. janúar kl. 20:00. Göngulandið Sviss, ævintýri á eigin vegum

Mon, 30 Dec 2024 15:11:04 GMT

Göngulandið Sviss, ævintýri á eigin vegum

Fimmtudaginn 9. janúar kl 20:00 í húsnæði FFA við Strandgötu 23.
Birna Guðrún Baldursdóttir og Ásdís Skúladóttir segja frá og sýna myndir úr ævintýraferð til Val Mustair í Sviss
haustið 2024 þar sem þær gengu og hjóluðu um fallegu Alpana.
Kaffi á könnunni, spjall og spurningar.

Fjölmennið meðan húsrúm leyfir. Allir velkomnir.

Viðburðarnefnd

Jólakveðja frá FFA

Sun, 22 Dec 2024 10:07:47 GMT

Ferðafélag Akureyrar óskar ykkur öllum gleðilegra jóla og farsældar á nýju ári og þökkum samstarfið á árinu

Við bendum ykkur á ferðaáætlun FFA 2025 og námskeið á utanbautarskíðum sem skráning er hafin í.

Árleg nýársganga verður á nýársdag kl. 13, allir velkomnir þangað og þátttaka ókeypis. Að venju verður farið út í óvissuna.

Almennur félagsfundur FFA verður haldinn 2. janúar kl. 20 og hvetjum við félagsmenn til að koma og spjalla við stjórn FFA og aðra félagsmenn.
Því fleiri því skemmtilegra!

Skíðaferðir 2025 eru í undirbúningi.

Fylgist með því sem um er að vera á heimasíðu FFA, ffa.is og á facebook

Tvö skíðagöngunámskeið hjá FFA í byrjun árs 2025

Tue, 10 Dec 2024 12:33:06 GMT

Tvö skíðagöngunámskeið verða hjá FFA í byrjun árs 2025, grunnnámskeið og framhaldsnámskeið.

Ertu byrjandi á utanbrautargönguskíðum (gönguskíði sem eru breiðari en venjuleg brautarskíði og með stálköntum) og langar að fara í skíðagönguferðir t.d. með Ferðafélagi Akureyrar? Ef svarið er já, þá er þetta námskeið fyrir þig. Á námskeiðinu verður farið í grunntækni á utanbrautarskíðum, meðferð skíða (áburð og umönnun), klæðnað og útbúnað fyrir lengri og styttri ferðir.
Grunnnámskeiðið hefst 28. janúar 2025.

Framhaldsnámskeið hefst 18. febrúar 2025.
Þátttakendur þurfa að hafa einhverja reynslu af því að skíða á utanbrautargönguskíðum, geta beitt þeim og skíðað í 3-4 klst. Á námskeiðinu er farið í ferðir sem ekki eru eingöngu á flatlendi, þó ekki í miklu brattlendi.
Markmiðið er að vera saman, læra á sjálfan sig og betur á skíðin og hafa gaman.

Sjá meira um bæði námskeiðin hér

Ferðaáætlun FFA 2025

Fri, 06 Dec 2024 11:11:14 GMT

Ferðaáætlun FFA 2025 er komin á heimasíðuna. Viðburðir fyrir hverja ferð verða gerðir mátt og smátt og koma þá undir "Næstu ferðir".

Hægt er að skrá sig nú þegar í ferðir, tengill til þess er efst á síðu ferðaáætlunar 2025 og í gardínunni undir "Ferðir og viðburðir".

Skrifstofa FFA verður lokuð frá 16. des. til 2. jan.

Við óskum ykkur öllum gleðilegra jóla

Skrifstofa FFA lokuð 16. des. til 2. janúar

Tue, 03 Dec 2024 20:57:39 GMT

Skrifstofa FFA verður lokuð frá 16. desember til 2. janúar.

Hægt er að senda tölvupóst og skrá sig í ferðir þó skrifstofan sé lokuð.

Fréttabréf FFA desember 2024

Mon, 02 Dec 2024 10:10:59 GMT

Fréttabréf FFA desember 2024

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Hægt er að nálgast fréttabréfin á þessari síðu

Aðventuhátíð hjá FFA 1. des.

Thu, 21 Nov 2024 10:37:18 GMT

Upplestur úr bókinni Aðventa

Sunnudaginn 1. desember, fyrsta í aðventu, býður Ferðafélag Akureyrar alla velkomna á upplestur úr bókinni Aðventa eftir Gunnar Gunnarsson. Upplesturinn verður að Strandgötu 23 frá kl. 15-18. ALLIR velkomnir.

Lesarar: Guðlaug K. Ringsted, Ingvar Teitsson, Þóroddur Þóroddsson, Birna Guðrún Baldursdóttir og Sigþóra Baldursdóttir. Þau munu skipta bókinni á milli sín. Boðið verður upp á jólastemningu og léttar veitingar auk myndasýningar meðan á upplestri stendur.

Viðburðanefnd FFA

Breyttur opnunartími á skrifstofu FFA

Tue, 05 Nov 2024 13:32:21 GMT

Frá 1. nóvember til 15. desember verður skrifstofa FFA opin á þriðjudögum, fimmtudögum og föstudögum milli kl. 11 og 13.

Alltaf er hægt að senda tölvupóst á netfangið ffa@ffa.is

Fréttabréf FFA nóvember 2024

Mon, 04 Nov 2024 09:51:36 GMT

Fréttabréf FFA nóvember 2024

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Hægt er að nálgast fréttabréfin á þessari síðu

Næsta ferð 3. nóvember: Þingmannahnjúkur - Skólavarða

Thu, 31 Oct 2024 09:23:59 GMT

Brottför kl. 9:30 á einkabílum frá FFA, Strandgötu 23. ATH. sunnudagurinn 3. nóvember.
Fararstjórn: Þuríður Helga Kristjánsdóttir
Ekið að Eyrarlandi. Gengið upp á Þingmannahnjúk og þaðan að gamalli steinbrú, grjóthleðslu frá 1871. Frá brúnni er stefnan tekin á Skólavörðu og síðan gengið til baka að Eyrarlandi.
Vegalengd um 12 km. Gönguhækkun um 660 m.
Þátttaka ókeypis.
Gott að hafa göngustafi og muna að klæða sig vel því nú er farið að kólna .
Í búnaðarlista FFA er fólki bent á að gott sé hafa brodda með í farangrinum, svokallaðir Esjubroddar eiga að duga í ferðir eins og þessa.

Búnaðarlisti

Opið hús FFA 7. nóvember 2024 kl. 20:00

Tue, 29 Oct 2024 11:52:12 GMT

Fimmtudaginn 7. nóvember kl 20:00 í húsnæði FFA við Strandgötu.

Tindar og toppar, skörð og skálar á milli Eyjafjarðar og Skjálfanda.

Hermann frá Hvarfi segir frá fjallaferðum sínum í máli og myndum og ekki vonlaust að með fylgi einhverjar frásagnir frá fyrri tíð.

Kaffi á könnunni, spjall og spurningar.

Fjölmennið meðan húsrúm leyfir.

Viðburðarnefnd

Næsta ferð 26. október: Skútustaðir – Litlaströnd – Grænavatn – Skútustaðir

Wed, 23 Oct 2024 09:37:30 GMT

Brottför kl. 8:15 á einkabílum frá FFA, Strandgötu 23.
Lagt af stað frá bílastæðinu við Hótel Sel á Skútustöðum kl. 09:30.
Fararstjórn: Þóroddur Þóroddsson
Gengið með Kráká að bænum Litluströnd áður en haldið verður yfir Framengjar sem öldum saman voru undirstaða heyfengs á fjölda bæja í sveitinni. Síðan er gengið eftir gömlum götum og bílslóðum allt þar til komið er að Grænavatni þar sem verður stoppað um stund og fræðst um sögu staðarins og gömlu húsanna þar. Eftir gott nestisstopp á Grænavatni er gengið út að Garði og gamla þjóðveginn meðfram vatninu að Skútustöðum. Stoppað við Arnarbæli og endað á Skútustöðum um klukkan 17:00 .
Öll þessi ganga er á gömlum vegum og fjárgötum. Á allri leiðinni verður fræðst um ýmislegt s.s. þjóðsögur, heyskaparhætti, endurheimt votlendis, áveitur, gervigíga og margt fleira.
Heildarvegalengd er um 15 km, engar brekkur eða torfærur sem orð er á gerandi. Lítilsháttar nesti verður hver og einn að hafa meðferðis til dagsins.
Gott að hafa göngustafi og brodda og muna að klæða sig vel því nú er farið að kólna . Hugsanlega er einhver snjór á leiðinni eða ísing.
Verð: 1.000/1.500 kr.

Sjá nánar um starfið hér

NÝTT! FFA auglýsir eftir starfsmanni á skrifstofu sína

Fri, 11 Oct 2024 13:33:23 GMT

Ferðafélag Akureyrar

óskar eftir að ráða starfsmann á skrifstofu sína

Um er að ræða fjölbreytt starf sem er tilvalið fyrir fólk sem hefur áhuga á útivist og ferðalögum. Um framtíðarstarf er að ræða.

Næsta ferð 12. október: Gimbrarklettur í Skagafirði

Tue, 08 Oct 2024 10:11:42 GMT

Brottför kl. 9 frá FFA, Strandgötu 23.
Fararstjórn: Una Þórey Sigurðardóttir
Gimbrarklettur er lítið fjall skammt frá bænum Reykjarhóli á Bökkum í Fljótum.
Gangan hefst skammt frá sumarbústað. Þaðan er haldið inn aflíðandi Engjadalinn og upp bratta sem minnkar jafnt og þétt á leið upp á fjallið. Gimbrarklettur er ekki hátt fjall (390 m) en útsýni mikið vegna þess að hann er stakur. Sama leið farin til baka.
Vegalengd: um 8 km.
Gönguhækkun: 380 m.
Verð: 1.000/1.500 kr.
BÚNAÐARLISTI

Næsta ferð 5. október: Öxnadalsheiði

Tue, 01 Oct 2024 10:25:12 GMT

Brottför kl. 10 á einkabílum frá FFA, Strandgötu 23.
Fararstjórn: Þuríður Helga Kristjánsdóttir
Ekið sem leið liggur að bílaplaninu sem er á Öxnadalsheiði. Þegar maður er á suðurleið þá er planið fyrir neðan veginn. Þar munum við geyma bílana okkar. Farið niður í gilið og það kannað. Hversu langt verður farið inn í gilið eða upp í Kinnarfjall ræðst af vilja hópsins.
Gott að hafa göngustafi og muna að klæða sig vel því nú er farið að kólna . Í búnaðarlista FFA er fólki bent á að gott sé hafa brodda með í farangrinum, svokallaðir Esjubroddar eiga að duga í ferðir eins og þessa.
Verð: 1.000/1.500 kr.

skráning Í FERÐ

Fréttabréf FFA október 2024

Mon, 30 Sep 2024 13:25:25 GMT

Fréttabréf FFA október 2024

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Hægt er að nálgast fréttabréfin á þessari síðu

Verðlaunaafhending Þaulans

Thu, 26 Sep 2024 23:36:10 GMT

Næsta ferð 28. september: Krossastaðagil á Þelamörk; haustlitaferð

Wed, 25 Sep 2024 16:17:50 GMT

Brottför kl. 10 á einkabílum frá FFA, Strandgötu 23.
Fararstjórn: Hulda Jónsdóttir
Gengið er upp með Krossastaðagili á Þelamörk í fallegu umhverfi gróðurs, flúða og fossa. Gengið að fjárréttinni sem þar er. Gengið á kindaslóðum eða utan slóða. Sama leið farin til baka. Falleg leið í haustlitunum.
Vegalengd alls 8 km. Gönguhækkun 300 m.
Þátttaka ókeypis.

Búnaðarlisti

skráning

Opið hús FFA 3. október 2024

Tue, 24 Sep 2024 15:01:45 GMT

Fimmtudaginn 3. október klukkan 20:00 í húsnæði FFA við Strandgötu.

"Nú er sumar í Köldukinn..."

Erla og Helga Sigurðardætur frá Ystafelli segja frá sveitinni sinni.

Kaffi á könnunni, spjall og spurningar.

Fjölmennið meðan húsrúm leyfir.

Viðburðarnefnd

Þaulinn 2024 með Ferðafélagi Akureyrar - Verðlaunaafhending 26. september

Mon, 23 Sep 2024 11:47:30 GMT

Þaulinn 2024 með Ferðafélagi Akureyrar - Amtsbókasafnið

Gönguleiknum Þaulanum hjá Ferðafélagi Akureyrar lauk 20. september.

Fimmtudaginn 26. september verður dregið úr réttum lausnum í kaffiteríunni á Amtsbókasafninu og hefst viðburðinn kl. 17.

Öll börn sem tóku þátt í leiknum fá viðurkenningarskjal og þau sem luku leiknum eiga von um vinning ef þeirra nöfn verða dregin út.

Fullorðnir sem skiluðuð inn þátttökublöðum eiga einnig von á vinningi ef þeirra nöfn verða dregin út.

Gaman væri að sjá sem flesta við þetta tækifæri, bæði fullorðna og börn. Boðið verður upp á kaffi og djús.

Ferðanefnd FFA

Næsta ferð 21. september: Gengið á slóðir setuliðsins á Melgerðismelum í Eyjafjarðarsveit

Tue, 17 Sep 2024 15:07:24 GMT

Brottför kl. 13 á einkabílum frá FFA, Strandgötu 23.
Fararstjórn: Brynjar Karl Óttarsson

Hópur áhugafólks um verndun stríðsminja í Eyjafirði hefur um nokkurt skeið rannsakað athafnasvæði setuliðsins í Eyjafirði. Ýmsir áhugaverðir gripir hafa litið dagsins ljós sem varpa ljósi á daglegt líf og störf hermanna á stríðsárunum. Nýlegar uppgötvanir á Melgerðismelum hafa fangað athygli fjölskyldu í Arkansas í Bandaríkjunum. John Kassos, bandarískur flugmaður sem dvaldist á Melunum sumarið 1942, fórst þegar orrustuvél hans af gerðinni P-39 Airacobra hrapaði í Rauðhúsahólum. Brynjar Karl Óttarsson mun ganga með áhugasömum á slóðir flugmannsins unga á Kassos Field. Braggagrunnar verða skoðaðir og staðurinn þar sem John brotlenti vél sinni með fyrrgreindum afleiðingum. Ef tími gefst til verður komið við á Hrafnagili þar sem setuliðið starfrækti herspítala.

Verð: 2.500/4.000. Innifalið: Fararstjórn og leiðsögn.
Greitt er fyrir þessa ferð við brottför.

skráning

Góðviðrisgöngur FFA í október 2024

Mon, 16 Sep 2024 16:45:08 GMT

Góðviðrisgöngur FFA í október 2024

Ferðanefnd setti engar ferðir á ferðaáætlun 2024 í október og nóvember. Hugmyndin er að prófa sama fyrirkomulag og með skíðaferðirnar fyrr á árinu.

Þar sem veðrið hefur ekki leikið við okkur í sumar þá hlýtur haustið að verða gott en Veðurklúbburinn á Dalbæ spáir einmitt góðu hausti á Norðurlandi og við tökum þau trúanleg. Því ætlum við að vera tilbúin með nokkrar göngur sem við getum valið á milli eftir góðu veðri á hverjum stað. Ferðirnar eru fyrirhugaðar á laugardögum (sunnudagar til vara ef veðurútlit er betra þá) í október og jafnvel fram í nóvember ef vel tekst til. Hér fyrir neðan eru átta ferðir sem eru fyrirhugaðar og verða ferðir valdar úr listanum eftir veðurútliti hverju sinni. Hægt er að skrá sig fyrirfram í ferðirnar og verður þá starfsmaður á skrifstofu í sambandi við viðkomandi um ferðina.

Nokkrar ferðir eru fríar og nokkrar kosta 1.000 kr. fyrir félagsmenn og 1.500 kr. fyrir aðra.
Börn undir 18 ára fá frítt.

Sjá mat á erfiðleikastigi ferða

Búnaðarlistar

Fararstjórar sem ætla að vera með í þessu verkefni eru:
Bóthildur Sveinsdóttir , Bernard Gerritsma , Hulda Jónsdóttir , Jóhanna Ásmundsdóttir , Jónas Helgason, Jónína Sveinbjörnsdóttir ,
Una Þórey Sigurðardóttir , Þóroddur Þóroddsson , Þuríður Helga Sigurðardóttir

Skráning: Hægt er að skrá sig í allar ferðirnar eða bara eina.
Ef þið skráið ykkur í þær allar verðið þið látin vita í tölvupósti á fimmtudegi áður en ferðin verður farin og þá er mikilvægt að svara
hvort þið ætlið í hana eða ekki.

Valið verður á milli þessara ferða í október 2024 eftir aðstæðum:

Brottför kl. 10 á einkabílum frá FFA, Strandgötu 23.
Fararstjórn:
Gangan hefst við bílastæðið við gamla Leiruveginn að austan, neðan við Kaupang. Gengið að Eyjafjarðará og síðan suður bakka árinnar að brúnni hjá Hrafnagili. Á göngunni njótum við kyrrðar, útiveru oa fallegrar sveitar og dáumst að fögru útsýninu.
Þægileg gönguleið á flötu landi. Selflytja þarf bíla milli upphafs- og endastaðar. Ferð fyrir alla og tilvalin fjölskylduferð.
Vegalengd 10 km.
Þátttaka ókeypis.

Brottför kl. 10 á einkabílum frá FFA, Strandgötu 23.
Fararstjórn: Jónína Sveinbjörnsdóttir
Ekið sem leið liggur til Skagafjarðar og út Blönduhlíðina að ósi Héraðsvatna. Gangan hefst við minnismerkið um Jón Ósmann ferjumann og þar verður sagan um hann rifjuð upp. Gengið meðfram ströndinni, f latt og þægilegt gönguland. Úti við vitann er gott útsýni í björtu veðri. Vegalengd 6-7 km engin hækkun.
Þeir sem vilja geta farið í sund á Hofsósi eftir gönguna. Svo getur hópurinn stoppað við Kotagil annað hvort á leiðinni vestur eða á heimleið.
Verð: 1.000/1.500 kr.

Brottför kl. 19 á eikabílum frá FFA, Strandgötu 23.
Fararstjórn: Bóthildur Sveinsdóttir og Bernard Gerritsma
Ekið að uppgöngunni í Veigastaðalandi og eftir merktri leið upp á heiðina að vörðunni. Þegar fer að dimma setjum við upp höfuðljós en það skapar skemmtilega stemmningu að ganga með höfuðljós í myrkrinu.
Þátttaka ókeypis.

Brottför kl. 8:15 á einkabílum frá FFA, Strandgötu 23.
Lagt af stað frá bílastæðinu við Hótel Sel á Skútustöðum kl. 09:30.
Fararstjórn: Þóroddur Þóroddsson og Jónas Helgason
Gengnar verða svokallaðar Messugötur um Skútustaðaengjar að Kráká og bænum Litluströnd áður en haldið verður yfir Framengjar sem öldum saman voru undirstaða heyfengs á fjölda bæja í sveitinni. Síðan er gengið eftir gömlum götum og bílslóðum allt þar til komið er að Grænavatni þar sem verður stoppað um stund og fræðst um sögu staðarins og gömlu húsanna þar. Eftir gott nestisstopp á Grænavatni þar sem fararstjórar bjóða upp á kaffisopa er gengið út að Garði og gamla þjóðveginn meðfram vatninu að Skútustöðum. Stoppað við Arnarbæli og endað á Skútustöðum um klukkan 17:00 .
Öll þessi ganga er á gömlum vegum og fjárgötum. Á allri leiðinni verður fræðst um ýmislegt s.s. þjóðsögur, heyskaparhætti, endurheimt votlendis, áveitur, gervigíga og margt fleira.
Heildarvegalengd er um 15 km, engar brekkur eða torfærur sem orð er á gerandi. Lítilsháttar nesti verður hver og einn að hafa meðferðis til dagsins.
Verð: 1.000/1.500 kr.

Brottför kl. 10 á einkabílum frá FFA, Strandgötu 23.
Fararstjórn: Hulda Jónsdóttir
Ekið í Öxnadal og bílum lagt neðan við skógræktina við Staðartungu. Gengið upp hálsinn og í framhaldinu eftir fjallsegginni/hálsinum sem skilur að Hörgárdal og Öxnadal. Á leiðinni er falleg fjallasýn til beggja handa og ofan í dalina tvo. Gengið eftir hálsinum eins og hópurinn vill. Sama leið farin til baka.
Vegalengd: Það ræðst af því hve langt hópurinn vill fara inn eftir hálsinum.
Gönguhækkun um 500-600 m.
Þátttaka ókeypis

Brottför kl. 10 á einkabílum frá FFA, Strandgötu 23.
Fararstjórn: Þuríður Helga Kristjánsdóttir
Ekið að Eyrarlandi. Gengið upp á Þingmannahnjúk og þaðan að gamalli steinbrú, grjóthleðslu frá 1871. Frá brúnni er stefnan tekin á Skólavörðu og síðan gengið til baka að Eyrarlandi.
Vegalengd um 12 km. Gönguhækkun um 660 m.
Þátttaka ókeypis.

Brottför kl. 9 frá FFA, Strandgötu 23.
Fararstjórn: Una Þórey Sigurðardóttir
Gimbrarklettur er lítið fjall skammt frá bænum Reykjarhóli á Bökkum í Fljótum.
Ganganá Gimbrarklett hefst skammt frá sumarbústað. Þaðan er haldið inn aflíðandi Engjadalinn og upp bratta sem minnkar jafnt og þétt á leið upp á fjallið. Gimbrarklettur er ekki hátt fjall (390 m) en útsýni mikið vegna þess að hann er stakur. Sama leið farin til baka.
Komið verður við í Haganesvík sem á sér sögu, gengið þar um en þarna var lítið þorp með þjónustu við sveitina og verbúðir í Hraunakrók.
Vegalengd: um 8 km.
Gönguhækkun: 380 m.
Verð: 1.000/1.500 kr.

Fréttabréf FFA september 2024

Fri, 06 Sep 2024 17:20:14 GMT

Fréttabréf FFA september 2024

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Hægt er að nálgast fréttabréfin á þessari síðu

Ferð 8. september: Hálshnjúkur í Fnjóskadal

Wed, 04 Sep 2024 13:33:43 GMT

Brottför kl. 9 á einkabílum frá FFA, Strandgötu 23.
Fararstjórn: Haukur F. Valtýsson.
Ekið í Vaglaskóg að Efri-Vöglum þar sem gangan hefst. Gengið er upp hlíðina eftir stikaðri leið og á Hálshnjúkinn með heimamanni. Af hnjúknum er frábært útsýni yfir Fnjóskadal og Ljósavatnsskarð. Sama leið farin til baka.
Vegalengd alls 4 km. Gönguhækkun um 400 m.
Verð: 2.500/4.000. Innifalið: Fararstjórn.
Greitt er fyrir þessa ferð við brottför.

Næsta ferð 7. september: Tröllin á Glerárdal

Tue, 03 Sep 2024 14:39:18 GMT

Brottför kl. 8 á einkabílum frá FFA, Strandgötu 23.
Fararstjórn: Einar Bjarki Sigurjónsson
Ekið er að bílastæði við veg að Glerárstíflu þaðan sem genginn er vegurinn inn að stíflu Glerárvirkjunar 2 og haldið inn vesturbakka Glerárinnar. Vaða þarf yfir Heimari-Lambá á hentugum stað á aurkeilunni og gengið áfram að Fremri-Lambá þar sem hægt er að fara yfir á brú. Gengið að vatninu Tröllaspegli. Stiklað er yfir Stóralæk og gengið upp að Tröllunum sem eru 30 - 40 m háir bergstandar. Sama leið farin til baka að bílastæðinu. Göngulandið er gróið og eitthvað um mýrlendi. Nauðsynlegt: Vaðskór, mjög gott að hafa göngustafi í þessu göngulandi og góðir gönguskór nauðsynlegir, helst vatnsheldir.
Vegalengd alls um 20 km. Gönguhækkun um 900 m.
Verð: 5.000/6.500. Innifalið: Fararstjórn.
Greitt er fyrir þessa ferð við brottför.

Búnaðarlisti

skráning

Næsta ferð 4. september: Barna- og fjölskylduferð. Hrossadalur-Haustferð

Mon, 02 Sep 2024 07:51:12 GMT

Barna- og fjölskylduferð: Hrossadalur - haustferð

Brottför kl. 17 á einkabílum frá FFA, Strandgötu 23.
Fararstjórn: Hulda Jónsdóttir
Ekið er upp á Víkurskarð og gengið þaðan að gamalli rétt í Hrossadal. Tilvalið að njóta fallegra haustlita og jafnvel að sulla í læk.
Þátttaka ókeypis.

Næsta ferð 1. september: Húsavík - Botnsvatn

Tue, 27 Aug 2024 11:42:33 GMT

Brottför kl. 10 á einkabílum frá FFA, Strandgötu 23.
Fararstjórn: Jóhanna Ásmundsdóttir
Ekið til Húsavíkur, bílum lagt við eystri enda íþróttavallarins. Gengið er eftir göngustíg sem liggur í fjallinu bláa, Húsavíkurfjalli. Gengið upp að Botnsvatni og hringinn í kringum vatnið eftir þægilegum göngustíg. Þaðan liggur leiðin niður með ánni og í gegnum Skrúðgarðinn. Mjög falleg leið. Gangan tekur 2-3 klst.
Veitingastaðurinn Naustið tekur á móti hópnum kl. 16:00 þar sem við fáum að bragða á nýju tapasréttunum þeirra. Stefnum á að mæta í Sjóböðin kl. 18. Lagt af stað heim kl. 20. Tímasetningar geta þó breyst eftir veðri eða öðru. Vegalengd alls 11 km. Gönguhækkun: 310 m.

Verð: 3.500/5.000. Innifalið: Fararstjórn. Ekki innifalið: Matur og aðgangur að Sjóböðunum.
Munið eftir sundfötunum, þau sem ætla í Sjóböðin.
Greitt er fyrir þessa ferð við brottför.

skráning

Næsta ferð 25. ágúst: Fossaferð í Bárðardal

Thu, 22 Aug 2024 14:56:33 GMT

Brottför kl. 9 á einkabílum frá FFA, Strandgötu 23.
Fararstjórn: Halldóra Bjarney Skúladóttir
Ekið fram Bárðardal að austan, niður hjá Stórutungu, að bílastæði við Aldeyjarfoss þar sem bílum er lagt. Gengið upp gamlan árfarveg í stórbrotnu umhverfi. Farið framhjá sigkötlum og klettamyndum þar sem þarf smá lipurð og liðleika. Gengið áfram suður með Skjálfandafljóti að Ingvararfossum og gengið meðfram fljótinu að Aldeyjarfossi. Ef veður og tími leyfir er hægt að ganga/aka að Hrafnabjargafossum. Fremur auðveld og stutt ganga sem tekur um 2 klst. Óveruleg gönguhækkun.
Verð: 2.500/4.000. Innifalið: Fararstjórn.
Greitt er fyrir þessa ferð við brottför.

Hér er fallegt myndband um fossana í Skjálfandafljóti. Nokkrir þeirra verða skoðaðir í þessari ferð.

Búnaðarlisti

skráning

Næsta ferð 24. ágúst: Dýjafjallshnjúkur

Tue, 20 Aug 2024 16:31:11 GMT

Brottför kl. 8 á einkabílum frá FFA, Strandgötu 23.
Fararstjórn: Arnar Bragason
Dýjafjallshnjúkur er hæsti hnjúkur í fjallahringnum kring um Svarfaðardal og Skíðadal og jafnframt hæsta fjall á Tröllaskaga norðan Öxnadals, 1445 m hátt.
Gengið frá bænum Dagverðartungu í Hörgársveit sunnan Fornhagagils. Síðan fram með Úlfá og Tungudalsá inn í Ytri-Tungudal að Dyngjuhnjúk. Þar er farið norður yfir Tungudalsá og stefnt upp á Dýjafjallshnjúk. Sama leið farin til baka. Ef útlit er fyrir að það þurfi sérstakan búnað eins og brodda þá lætur fararstjóri vita tímanlega.
Vegalengd alls 20 km. Gönguhækkun: 1365 m.
Verð: 5.000/6.500. Innifalið: Fararstjórn.
Greitt er fyrir þessa ferð við brottför.

Næsta ferð 21. ágúst: Barna- og fjölskylduferð: Fjöruferð í Veigastaðabás

Tue, 20 Aug 2024 10:10:03 GMT

Barna- og fjölskylduferð: Fjöruferð í Veigastaðabás

Brottför kl. 17 á einkabílum frá FFA, Strandgötu 23.
Fararstjórn: Hulda Jónsdóttir og Sunna Björk Ragnarsdóttir
Ekið framhjá Skógarböðunum í norðurátt að litlu plani vestan vegar. Gengið eftir stíg niður í fjöruna, þar sem margt skemmtilegt er að sjá og skoða. Munið að vera í stígvélum eða góðum skóm til fjörugöngu.
Þátttaka ókeypis.

SKR

Næsta ferð 18. ágúst: Siglufjarðarskarð: Fjallahjólaferð á rafhjóli (frestað til 25. ágúst)

Wed, 14 Aug 2024 20:32:54 GMT

Þessari ferð hefur verið frestað til 25. ágúst. Tekin verður ákvörðun í vikunni eftir veðurútliti hvort farið verður Siglufjarðarskarð eða á Þeistareyki (sem vera átti 21. júlí, sjá ferðaáætlun FFA ).

Brottför kl. 8 á einkabílum frá FFA, Strandgötu 23.
Fararstjórn: Jón M. Ragnarsson og Stefán Sigurðsson
Ekið til Siglufjarðar. Lagt af stað þaðan, hjólað inn Skarðsdal og upp gamla veginn upp í Siglufjarðarskarð. Þaðan er víðsýnt í góðu veðri allt vestur á Strandir. Síðan er hjólað niður í Fljótin og eftir þjóðveginum gegnum Strákagöng og til Siglufjarðar. Þeir sem eiga flutningsfestingu fyrir hjól nota hana, aðrir geta fengið hjólin flutt á hjólakerru.
Vegalengd: 33 km. Hækkun samtals um 1000 m.
Verð: 6.000/7.500. Innifalið: Fararstjórn og flutningur á hjólum á hjólakerru fyrir þá sem þurfa.
Greitt er fyrir þessa ferð við brottför.

Búnaðarlisti

skráning

Næsta ferð 17. ágúst: Gusthnjúkur á Höfðaströnd

Tue, 13 Aug 2024 15:09:42 GMT

Ferðinni hefur verið aflýst.

Brottför kl. 8 á einkabílum frá FFA, Strandgötu 23.
Fararstjórn: Una Þórey Sigurðardóttir
Gusthnjúkur í Skagafirði er á Höfðaströnd ofan við bæinn Vatn og státar af afar fallegu útsýni. Hann er 590 m hár. Af hnjúknum sést yfir perlur Skagafjarðar, Þórðarhöfða, Höfðavatn og Málmey. Þaðan sést einnig til Tindastóls og út á Skaga og ekki ólíklegt að Strandafjöllin sjáist í góðu skyggni. Leiðin á hnjúkinn er aflíðandi og gönguland ágætt, en efst er leiðin grýtt og brött.
Vegalengd alls 8-10 km. Gönguhækkun: 590 m.
Verð: 3.500/5.000. Innifalið: Fararstjórn.
Greitt er fyrir þessa ferð við brottför.

Fréttabréf FFA ágúst 2024

Næsta ferð 16.-17. ágúst: Barna- og fjölskylduferð: Skíðadalur

Mon, 12 Aug 2024 16:38:34 GMT

Barna- og fjölskylduferð: Skíðadalur

Brottför kl. 17 á einkabílum frá FFA, Strandgötu 23.
Fararstjórn: Herdís Zophoníasdóttir
Ekið á einkabílum vestur í Skíðadal að bænum Kóngsstöðum. Þaðan er gengið inn í Stekkjarhús þar sem verður gist, sú ganga er um 3 km. Um kvöldið er sameiginlegt grill. Daginn eftir verða leikir og létt gönguferð um svæðið og ekið heim seinni part dags.
Verð: 9.500/13.000 fyrir fullorðna, frítt fyrir börn. Innifalið: Gisting í eina nótt fyrir einn fullorðinn og börn og fararstjórn.

SKRÁNING

Næsta ferð: 16.-18. ágúst: Náttúruskoðun og sjálfsrækt á Glerárdal - Nokkur pláss laus!

Sat, 10 Aug 2024 16:38:02 GMT

Brottför kl. 13 frá bílastæðinu við Súluveg .
Fararstjórn: Ásdís Skúladóttir og Birna Guðrún Baldursdóttir
Í bakgarðinum okkar hér á Akureyri er hinn ægifagri Glerárdalur með alla sína tinda og náttúrufegurð. Þangað er ferðinni heitið í skemmtilega og nærandi gönguferð sem felur í sér verkefni til sjálfsræktar, hugleiðslu, köld böð, léttar jógaæfingar, sjálfsþekkingarleiki, heilsufæði svo eitthvað sé nefnt. Gist verður tvær nætur í skála FFA á Glerárdal, Lamba þar sem góð er aðstaða.

1.d., föstudagur: Ganga dagsins er frá bílastæði við Súluveg að Lamba. Gengið eftir stígum og slóðum. Komum okkur fyrir í skálanum, borðum saman, hugleiðum og eigum notalega stund. Vegalengd: 11 km. Gönguhækkun: 400m.

2.d., laugardagur: Ganga dagsins er frá Lamba upp að Tröllunum sem eru sérkennileg berggöng austan Glerár í Tröllafjalli. Þá er gengið niður að vatninu Tröllaspegli þar sem verður áð og hugleitt ef veður leyfir. Vaða þarf yfir Glerána sem er auðvelt á þessum árstíma en gott að hafa vaðskó og göngustafi. Síðan er gengið til baka aftur í Lamba þar sem verður borðað saman ásamt smá kvöldvöku.
Vegalengd: 12-14 km. Gönguhækkun: 450 m.

3.d., sunnudagur: Létt jóga fyrir þá sem vilja. Til byggða verður gengið niður Finnastaðadal og komið að Finnastöðum í Eyjafirði þar sem þarf að sækja göngufólk. Fararstjórar aðstoða við það ef þarf. Gert er ráð fyrir að koma til Akureyrar seinni part dags.
Vegalengd: 11 km. Gönguhækkun: 270 m.

Hámarksfjöldi 12 manns.

Verð: 23.000/26.000. Innifalið: Gisting í tvær nætur og fararstjórn. Sameiginlegur matur greiðist sérstaklega. Fararstjórar sjá um að kaupa inn og elda.
Greiða þarf staðfestingargjald vegna skráningar í þessa ferð kr. 5.000 í síðasta lagi 14 dögum eftir að krafa er stofnuð í netbanka.
Þessa ferð þarf að greiða að fullu fyrirfram, þremur dögum fyrir brottför. Krafa verður stofnuð í netbanka.

Búnaðarlisti

SKRÁNING

Fréttabréf FFA ágúst 2024

Tue, 06 Aug 2024 11:39:24 GMT

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Hægt er að nálgast fréttabréfin á þessari síðu

Næsta ferð 27. júlí: Laufáshnjúkur

Wed, 24 Jul 2024 16:53:34 GMT

Brottför kl. 9 á einkabílum frá FFA, Strandgötu 23.
Fararstjórn: Arnar Bragason
Laufáshnjúkur er 662 m hár. Lagt er á hnjúkinn frá loftnetsmastri sem er við upphaf leiðarinnar. Gangan á fjallið er nokkuð auðveld en þó er síðasti hlutinn nokkuð brattur. Þegar komið er á hnjúkinn er mjög gott útsýni yfir Höfðahverfið, út Eyjafjörðinn og fram í Eyjafjarðardali. Sama leið farin til baka.
Vegalengd alls 6,5 km. Gönguhækkun: 630 m.
Verð: 2.500/4.000. Innifalið: Fararstjórn.
Greitt er fyrir þessa ferð við brottför.

Fyrirspurn um SKÁLAgistingu

Afmælishátíð í Herðubreiðarlindum, 50 ár frá friðlýsingu svæðisins

Mon, 22 Jul 2024 09:47:59 GMT

Afmælishátíð í Herðubreiðarlindum, 50 ár frá friðlýsingu svæðisins

Í ár eru 50 ár frá því Herðubreiðarlindir voru friðlýstar. Af því tilefni verður haldin afmælishátíð í Herðubreiðarlindum laugardaginn 27. júlí.

Fjölbreytt dagskrá fyrir unga sem aldna yfir daginn, ásamt kvöldskemmtun. Lifandi tónlist, skemmtileg fræðsludagskrá, veitingar, leikir og margt fleira.

Dagskráin hefst kl. 14 og stendur til kl. 17. en upp úr því verður kveikt upp í grillinu. Kvöldvaka hefst svo kl. 19:30 með fjöldasöng og fleiru skemmtilegu.

Lifandi tónlist, skemmtileg fræðsludagskrá, veitingar, leikir og margt fleira.

Við hvetjum alla til að koma og gera sér glaðan dag (eða helgi) - hægt verður að tjalda á tjaldsvæðinu og einnig panta gistingu í Þorsteinsskála, nánari upplýsingar um gistingu hér

Við gerum ráð fyrir að dagskrá hefjist kl. 14 og standi til kl. 17. Eftir það verður frjáls tími, kol sett í grillið og fólk getur komið með eitthvað til að grilla ef það vill. Um kl. 19 hefst svo kvöldvaka sem verður fram á kvöld.

Næsta ferð 20. júlí: Seljahjallagil í Mývatnssveit

Tue, 16 Jul 2024 15:37:16 GMT

Brottför kl. 8 á einkabílum (jeppum) frá FFA, Strandgötu 23. Jeppar (óbreyttir) eru nauðsynlegir frá Hverfjalli.
Fararstjórn: Þóroddur F. Þóroddsson
Ekið að Hverfjalli í Mývatnssveit og lagt af stað þaðan kl. 09:30. Lúdentsborgir skoðaðar og ekið upp á hjallann norðan Seljahjallagils. Bílar skildir eftir og gengið niður í gilið og mikilfenglegar stuðlabergsmyndanir skoðaðar. Gengið niður gilið og frá gilinu um sandorpið hraun og um Mela og sandöldur með melgresi sunnan Villingafjalls. Gengið norðvestan við fjallið um úfið hraun og eftir jeppaslóða niður að vatni á Garðsgrundum.
Vegalengd alls 12 km. Mest gengið niður í móti eða um 300 m lækkun.
Verð: 3.500/5.000. Innifalið: Fararstjórn.
Greitt er fyrir þessa ferð við brottför.

Næsta ferð 21 júlí: Þeistareykir: Fjallahjólaferð á rafhjóli

Mon, 15 Jul 2024 16:35:51 GMT

Brottför kl. 8 á einkabílum frá FFA, Strandgötu 23.
Fararstjórn: Jón M. Ragnarsson og Stefán Sigurðsson
Ekið að Þeistareykjavirkjun. Lagt af stað þaðan og hjólað suður með Bæjarfjalli, síðan til austurs sunnan við Kvíhólafjöll og Þórunnarfjöll austur að Gjástykki og norður með því þar til beygt verður til vesturs, allt á gömlum slóðum. Kíkt verður á Stóra-Víti sem er gríðarstór sprengigígur, um 300 m í þvermál. Þaðan liggur svo leiðin áfram til vesturs og niður Bóndhólsskarð að Þeystareykjavirkjun. Þeir sem eiga flutningsfestingu fyrir hjól nota hana, aðrir geta fengið hjólin flutt á hjólakerru.
Vegalengd: 35-40 km. Óveruleg hækkun er á þessari leið.
Verð: 6.000/7.500. Innifalið: Fararstjórn og flutningur á hjólum á hjólakerru fyrir þá sem þurfa.
Greitt er fyrir þessa ferð við brottför.

Næsta ferð 14. júlí: Söguferð í Víðasel: „Á völtum fótum“

Thu, 11 Jul 2024 09:33:36 GMT

Brottför kl. 10 á einkabílum frá FFA, Strandgötu 23.
Fararstjórn: Erla Sigurðardóttir
Árni Jakobsson skráði sjálfur ævisögu sína „Á völtum fótum“. Í göngunni er rakinn æviferill Árna og um margt sérstakt lífshlaup þessa fatlaða manns við kröpp kjör alþýðufólks og frumstæða búskaparhætti. Gengið er frá suðvesturenda Másvatns í Mývatnssveit um götuslóða að Víðaseli. Síðan að Austurgróf og út með henni að fossi efst í Austurgili. Frá gilinu er gengið yfir Víðafellið og að bílunum. Gangan að Víðaseli er mjög greið, með grófinni og austur yfir Víðafellið er gengið um ótroðnar slóðir, mólendi og mel. Afar víðsýnt er frá Víðaseli og af Víðafelli. Gangan er auðveld og hentar öllum kynslóðum, tilvalin fjölskylduganga. Þeir sem ekki treysta sér í göngu um órutt mólendi geta auðveldlega gengið sömu leið til baka frá Víðaseli að Másvatni. Gott að hafa flugnanet með til öryggis.
Vegalengd: 7,5 km Gönguhækkun: 150 m.
Verð: 2.500/4.000. Innifalið: Fararstjórn.
Greitt er fyrir þessa ferð við brottför.

skráning

Næsta ferð 13. júlí: Torfufell í Eyjafirði

Tue, 09 Jul 2024 14:36:53 GMT

Brottför kl. 8 á einkabílum frá FFA, Strandgötu 23.
Fararstjórn: Arnar Bragason
Torfufell er 1244 m hátt. Ekið er að Hólsgerði en bíll skilinn eftir við Torfufell, þar sem gangan endar. Gangan á fjallið hefst við fremsta bæinn, Hólsgerði. Gengið er upp brekkurnar og stefnt á flata í fjallshryggnum sunnan við Ytri-Skarðshnjúk. Þaðan er svo fjallshryggnum fylgt á fjallsbrúnina. Í efri hluta leiðarinnar eru nokkuð grófar urðir en engir klettar. Þegar upp er komið er gengið eftir sléttu fjallinu að myndarlegri landmælingavörðu á hábungunni. Torfufell ber yfir nágrannafjöllin og er víðsýnt inn yfir öræfin og í góðu skyggni sér m.a. til Snæfells, Dyngjufjalla, Kverkfjalla og Bárðarbungu. Til baka er gengið um Lambárdrag niður til Villingadals og Torfufellsánni fylgt að bænum Torfufelli. Skilja þarf eftir einhverja bíla við bæinn Torfufell.
Vegalengd alls 16 km. Gönguhækkun: 800 m.
Verð: 5.000/6.500. Innifalið: Fararstjórn.
Greitt er fyrir þessa ferð við brottför.

Búnaðarlisti

skráning

21.-25. júlí; Öskjuvegurinn; fimm daga ferð: TRÚSSFERÐ

Mon, 08 Jul 2024 16:41:04 GMT

Brottför kl. 13 með rútu frá FFA, Strandgötu 23.
Fararstjórn: Guðlaug Ringsted
Í ferðinni er gengið með lágmarksbúnað. Trússbíll ekur með farangur á milli skála. Bíllinn fylgir hópnum allan tímann. Fólk er beðið um að takmarka farangur eins og hægt er. Rúta sækir svo hópinn í lok ferðar. Gist í skálum FFA við Drekagil, í Dyngjufelli og Botna í Svartárbotnum.

1.d., sunnudagur: Ekið í Dreka, með viðkomu í Herðubreiðarlindum. Gist í skála FFA við Drekagil.

2.d., mánudagur: Gengið eftir stikaðri leið frá Drekagili, yfir Dyngjufjöll að Öskju. Komið við í Víti. Hópurinn verður sóttur á bílastæðið við Öskjuop og ekið til baka að Dreka, gist þar aðra nótt. Vegalengd: 13-14 km.

3.d., þriðjudagur: Ekið upp í Öskjuop. Gengið eftir stikaðri leið þaðan, yfir Dyngjufjöll um Jónsskarð og niður í Dyngjufjalladal. Gist í Dyngjufelli, skála FFA.
Vegalengd: 14 km.

4.d., miðvikudagur: Frá Dyngjufelli er gengið norður Dyngjufjalladal í Suðurárbotna. Gist í Botna, skála FFA.
Vegalengd: 20-22 km.

5.d., fimmtudagur: Lokadagur; gömlum jeppaslóða er fylgt frá Botna í Suðurárbotna og meðfram Suðurá að Svartárkoti.
Vegalengd: 15-16 km. Ekið með rútu til Akureyrar. Gert ráð fyrir að koma þangað um kl. 17.

Hámarksfjöldi 14 manns.

Verð: 93.500/98.500. Innifalið: Gisting í fjórar nætur, rúta og trússbíll með bílstjóra, fararstjórn.
Greiða þarf staðfestingargjald vegna skráningar í þessa ferð kr. 15.000 í síðasta lagi 14 dögum eftir að krafa er stofnuð í netbanka.
Þessa ferð þarf síðan að greiða að fullu fyrirfram, tíu dögum fyrir brottför. Krafa verður stofnuð í netbanka.

Búnaðarlisti

skráning

Þjóðlendur Íslands.
Í tilefni af 80 ára afmæli lýðveldisins og þess að starfi óbyggðanefndar er að ljúka verður efnt til gönguferða um þjóðlendur í þeim tilgangi að kynna þær fyrir almenningi.
Samstarf verður við Ferðafélag Íslands og deildir FÍ í hverjum landsfjórðungi um gönguferðir og fræðslu um þjóðlendur.
Sérstök gönguferð af þessu tilefni verður á vegum FFA í Laugafell sumarið 2024, sú ferð er í undirbúningi og verður auglýst síðar.
Helgarferð á Herðubreið með FFA, fimm daga trússferð um Öskjuveginn og þriggja daga gönguferð frá Herðubreiðarlindum í Öskju falla undir að ganga um þjóðlendur.

Næsta ferð 7. júlí: Kerling: Sjö tinda ferð

Wed, 03 Jul 2024 15:53:04 GMT

Brottför kl. 8 á einkabílum frá FFA, Strandgötu 23 og með rútu frá bílastæði við Súluveg.
Fararstjórn: Bernard Gerritsma og Bóthildur Sveinsdóttir
Ekið á einkabílum að bílastæðinu við Súluveg þar sem nokkrir bílar eru skildir eftir. Ekið að Finnastöðum þaðan sem gengið er á Kerlingu 1538 m, hæsta fjall í byggð á Íslandi. Síðan er gengið norður eftir tindunum; Hverfanda 1320 m, Þríklökkum 1360 m, Bónda 1350 m, Litla Krumma, Stóra Krumma, Syðri-Súlu 1213 m, Ytri-Súlu 1143 m og niður í Glerárdal þar sem bílar þátttakenda bíða. Þetta er krefjandi ganga enda merkt fjögurra skóa ferð. Þátttakendur þurfa að vera í góðu gönguformi. Gangan getur tekið 12 klst. en það fer allt eftir hópnum, færð og veðri. Þátttakendur þurfa að klæða sig eftir veðri og taka með sér gott og orkuríkt nesti til dagsins og nóg af vatni þar sem ekki er víst að vatn sé að finna á leiðinni. Góðir broddar og ísaxir er nauðsynlegt að hafa meðferðis.
Vegalengd 20-21 km. Gönguhækkun alls 1800 m.
Verð: 6.000/8.000. Innifalið: fararstjórn.
Greitt er fyrir þessa ferð við brottför.

Myndir úr svipaðri ferð 2018 er hægt að sjá hér

Næsta ferð 6.-7. júlí: Krepputunga - Sönghofsdalur

Tue, 02 Jul 2024 16:06:20 GMT

Brottför kl. 16 á einkabílum (jeppum/jepplingum) frá FFA, Strandgötu 23.
Fararstjórn: Ingvar Teitsson
6. júlí, laugardagur: Ekið í Möðrudal og gist á tjaldsvæðinu þar. Til að komast þaðan í Krepputungu þarf að vera á jeppum eða jepplingum.
7. júlí, sunnudagur : Lagt er af stað á sunnudagsmorgni kl. 8 frá tjaldsvæðinu í Möðrudal. Ekið að Kreppubrú og bílum lagt. Þaðan er gengið á söndum út í tunguna í átt að ármótum, um Sönghofsdal og ummerki um gamla árfarvegi skoðaðir. Þeir sem vilja, gista aftur í Möðrudal.
Vegalengd alls um 18 km. Gönguhækkun óveruleg.
Verð: 5.000/6.500. Innifalið: Fararstjórn. Ekki innifalið: Ferðir og gisting í Möðrudal.
Greitt er fyrir þessa ferð við brottför.

Þeim sem hentar betur að mæta beint á upphafsstað göngunnar (tjaldsvæðið á Möðrudal) er bent á að hafa samband við skrifstofu FFA varðandi greiðslu.

Fréttabréf FFA júlí 2024

Fréttabréf FFA júlí 2024

Mon, 01 Jul 2024 10:58:28 GMT

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Hægt er að nálgast fréttabréfin á þessari síðu

Hefur hætt störfum hjá FFA

Wed, 26 Jun 2024 20:06:40 GMT

Kristbjörg Sigurðardóttir sem unnið hefur á skrifstofu FFA sl. sex ár lætur af störfum um mánaðamótin. Við þökkum henni fyrir góð kynni og vel unnin störf og megi henni vegna vel á nýjum vinnustað.

Í hennar stað hefur komið Lilja Dís Harðardóttir og bjóðum við hana velkomna til starfa.

Þorgerður, formaður FFA

Næsta ferð 29. júní: Barna- og fjölskylduferð: Hólmatungur - Vesturdalur

Wed, 26 Jun 2024 15:45:26 GMT

Barna- og fjölskylduferð: Hólmatungur - Vesturdalur

Brottför kl. 9 á einkabílum frá FFA, Strandgötu 23.
Fararstjórn: Ragnheiður Ragnarsdótti r og Sunna Björk Ragnarsdóttir
Ekið er frá Akureyri sem leið liggur austur í Hólmatungur. Þar sem gengið er í ævintýralegu landslagi í nálægð við Jökulsá á Fjöllum. Á leiðinni þarf að vaða Stallá. Hún er grunn en köld svo það er bara hressandi. Þegar í Vesturdal er komið verður slegið upp grillveislu þar sem hver og einn kemur með sinn mat á grillið.
Þeir sem vilja geta gist á eigin vegum á tjaldsvæðinu í Vesturdal og er þá upplagt að ganga daginn eftir frá Vesturdal niður í Ásbyrgi.
Vegalengd um 8 km.
Þátttaka ókeypis.

Næsta ferð 29. júní: Elliði í Hjaltadal, Skagafirði

Tue, 25 Jun 2024 16:17:52 GMT

Brottför kl. 8 á einkabílum frá FFA, Strandgötu 23.
Fararstjórn: Una Þórey Sigurðardóttir
Ekið aðeins fram í Víðinesdal eftir nýlegum bílfærum slóða og þaðan gengið eftir smalaslóða upp á Almenningsháls. Þaðan er svo gengið út Elliða (894 m) og niður að afréttarhliði þar sem bíll hefur verið skilinn eftir. Mikið útsýni miðað við hæð, kannski ekki fyrir mjög lofthrædda en hægt er að ganga vestan í fjallinu þar sem það er mjóst. Hækkunin er aflíðandi, hvergi mjög bratt þar sem gengið er.
Vegalengd: 15-16 km. Gönguhækkun: 700-800 m.
Verð: 3.500/5.000. Innifalið: Fararstjórn.
Greitt er fyrir þessa ferð við brottför.

Gönguvika FFA 18.-22. júní

Thu, 13 Jun 2024 15:09:15 GMT

Brottför kl. 19 á einkabílum frá FFA, Strandgötu 23.
Fararstjórn: Björn Vigfússon sögumaður og Þorgerður Sigurðardóttir
Gásir við Eyjafjörð var verslunarstaður á miðöldum og má þar sjá friðlýstar fornleifar. Gengið um svæðið, rýnt í söguna og ummerki fornrar byggðar skoðuð. Síðan verður gengið að Skipalóni en sá staður kemur við sögu í bókum Jóns Sveinssonar, Nonni og Manni. Þægileg ganga en þó um gróið land, fjöru, tún og móa. Gott að vera í góðum skóm og með göngustafi.
Vegalengd: 7-8 km. Gönguhækkun óveruleg. Selflytja þarf bíla á milli staða, en það er örstutt.
Verð: 2.000/3.500. Innifalið: Fararstjórn.

Brottför kl. 18:30 á einkabílum frá FFA, Strandgötu 23 .
Fararstjórn: Jóhannes Áslaugsson og Marína Sigurgeirsdóttir.
Ekið út á Árskógssand þaðan sem ferjan fer kl. 19.30. Gengið suður og austur í gegn um þorpið með staðkunnugu leiðsögufólki. Síðan er haldið norður gönguleið austan á eynni norður að Borgabrík, þaðan til baka inn í þorpið. Gott útsýni yfir á Látraströnd og inn Eyjafjörð. Nestisstopp; staður fer eftir veðri. Ferjan tekin til baka kl. 23.00.
Verð: Samkvæmt gjaldskrá í ferjuna.

Brottför kl. 18 með rútu frá FFA, Strandgötu 23.
Fararstjórn: Jóhanna Ásmundsdóttir
Ekið að Systragili í Fnjóskadal. Þaðan verður gengið yfir Vaðlaheiði, komið niður við Eyrarland Eyjafjarðarmegin. Þetta er gömul þjóðleið og því tilvalið að skoða gömlu steinbrúna, grjóthleðslu frá 1871. Að mestu er gengið eftir slóðum. Endað er á því að ganga frá Eyrarlandi að Skógarböðunum þar sem gert er ráð fyrir að borða á Skógur Bistro og fara í Skógarböðin á eftir. Rútan sækir svo hópinn kl. 22. Ef fólk vill skilja eftir bíla við Skógarböðin í upphafi ferðar þá er hægt að taka rútuna þaðan á leið austur.
Vegalengd alls um 13 km. Gönguhækkun um 530 m.
Verð: 6.500/8.000. Innifalið: Rúta og fararstjórn. Ekki innifalið: Matur og aðgangur að Skógarböðunum.

Brottför kl. 19 á einkabílum frá FFA, Strandgötu 23.
Fararstjórn: Herdís Zophoníasdóttir
Gengið frá bílastæði efst á Víkurskarði upp á fjallið og síðan eftir fjallinu eins og hugurinn girnist. Þarna geta verið falleg sumarkvöld.
Gönguland: Gróður, gengið utan slóða. Sama leið farin til baka.
Vegalengd alls 5-8 km. Gönguhækkun: 400 m.
Verð: 2.000/3.500. Innifalið: Fararstjórn.
Þessi ferð er einnig í gönguleiknum Þaulanum 2024.

Brottför kl. 20 á einkabílum frá FFA, Strandgötu 23.
Fararstjórn: Bernard Gerritsma og Bóthildur Sveinsdóttir
Gengið upp á Múlakollu frá gamla Múlaveginum, upp dalinn norðan Brimnesár. Geysimikið útsýni er til allra átta af hátindi kollunnar. Sama leið farin til baka.
Vegalengd: 8 km. Gönguhækkun: 930 m.
Verð: 2.500/4.000. Innifalið: Fararstjórn.

Þaulinn 2024 - gönguleikur

Wed, 12 Jun 2024 10:09:09 GMT

Þaulinn, hinn sívinsæli gönguleikur Ferðafélags Akureyrar, er kominn á heimasíðu FFA. Þaulinn er skemmtileg afþreying fyrir alla fjölskylduna og tækifæri til hollrar útiveru við Eyjafjörð. Fjölbreyttar útivistarvörur í vinninga fyrir þá sem verða heppnir þegar dregið verður úr innsendum svarblöðum.

Næsta ferð 15. júní: Laufásstrandarfjöllin

Mon, 10 Jun 2024 13:13:56 GMT

Brottför kl. 8 á einkabílum frá FFA, Strandgötu 23.
Fararstjórn: Hulda Jónsdóttir

Breyta þurfti fjögurra tinda ferðinni vegna aðstæðna. Fararstjóri hefur kannað aðstæður og ekki er hægt að fara alla leið. Þarna eru þó nokkur snjóalög og ferðin því nokkuð krefjandi en verður engu að síður góð og veðrið ætti ekki að spilla fyrir að þessu sinni.

Brottför kl. 8 á einkabílum frá FFA, Strandgötu 23.
Fararstjórn: Hulda Jónsdóttir

Gangan hefst við malarnámuna við þjóðveginn milli Ystuvíkur og Fagrabæjar. Gengið upp á Ystuvíkurfjall sunnan við Hranárskarð, að hluta til eftir fjárgötum meðfram brúninni suður að vörðu á fjallinu. Síðan er gengið norður á Kræðufell. Ef aðstæður og tími leyfa verður mögulegt að fara á Gæsagilshnjúk en það bætir 3-4 km við. Farið aftur til baka og niður Hranárskarð.

Vegalengd alls 11-12 km. Gönguhækkun um 900-1000 m.
Verð: 5.000/6.500. Innifalið: Fararstjórn.
Greitt er fyrir þessa ferð við brottför.

Fréttabréf FFA júní 2024

skráning

Fréttabréf FFA júní 2024

Tue, 04 Jun 2024 10:31:42 GMT

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Hægt er að nálgast fréttabréfin á þessari síðu

Árbók FÍ 2024 er komin

Fri, 31 May 2024 12:48:48 GMT

Árbók FÍ er komin og Ferðir líka.
Félagar sem greitt hafa árgjald vegna 2024 og eru búsettir á Akureyri og nágrenni eru hvattir til að sækja Árbók FÍ og tímaritið Ferðir á skrifstofuna í Strandgötu 23. Skrifstofan er opin mánudaga til föstudaga kl. 11:00-13:00 í október. Ef þið viljið að hún verði keyrð til ykkar, sendið okkur þá vinsamlegast tölvupóst á ffa@ffa.is.

Næsta ferð 1. júní: Staðartunguháls að Hrauni í Öxnadal

Mon, 27 May 2024 09:35:28 GMT

Brottför kl. 8 :30 á einkabílum frá Þelamerkurskóla .
Fararstjórn: Brynhildur Bjarnadóttir
Ferðafélag Akureyrar og Ferðafélagið Hörgur standa saman að skemmtilegri göngu sem hefst við Staðartunguháls og endar við Hraun í Öxnadal. Gengið upp Staðartunguhálsinn og í framhaldinu eftir fjallsegginni/hálsinum sem skilur að Hörgárdal og Öxnadal. Á leiðinni er falleg fjallasýn til beggja handa og ofan í dalina tvo. Gangan endar við Hraun í Öxnadal en þar þarf að skilja eftir einhverja bíla í upphafi ferðar til að koma bílstjórum til baka að upphafsstað.
Vegalengd: 13-14 km. Gönguhækkun um 600 m.
Þátttaka ókeypis.

Fréttabréf FFA maí 2024

Rötunarnámskeið hjá FFA

Wed, 15 May 2024 15:40:56 GMT

Rötunarnámskeið fyrir félagsmenn og aðra sem áhuga hafa

Dagana 24.-25. maí verður haldið námskeið í rötun í húsi Ferðafélags Akureyrar að Strandgötu 23 ef næg þátttaka fæst.

Á námskeiðinu verður farið yfir grunnatriði í kortalestri og helstu aðferðir sem notaðar eru við rötun (áttavita, GPS-tæki og snjalltæki) og hugað að leiðarvali.

Námskeiðið er tvískipt:
Föstudagskvöldið 24. maí kl. 19:00-22:00 verða fyrirlestrar um helstu grunnatriði í kortalestri og rötun auk þess sem lögð verða fyrir einhver létt verkefni til að leysa innandyra.

Laugardaginn 25. maí kl. 08:30-16:00 verður farið nánar í mismunandi aðferðir við rötun og lært á helstu tæki sem nýtast þar, t.d. áttavita, GPS tæki og ýmis snjallforrit. Hluti dagsins fer í að leysa rötunarverkefni utandyra.

Leiðbeinandi er Stefán F. Jökulsson en hann starfar hjá austursvæði Vatnajökulsþjóðgarðs og hefur sinnt landvörslu víða á norðausturhálendinu. Hann starfar í björgunarsveitinni Súlum og hefur kennt námskeið í ferðamennsku og rötun um árabil.

Verð: 19.000 / 22.000 kr.

SKRÁNING

Opið hús og fréttabréf FFA maí 2024

Tue, 30 Apr 2024 09:12:57 GMT

Fréttabréf FFA kemur út í byrjun hvers mánaðar. Þar mun það helsta sem gerst hefur eða er á döfinni hjá félaginu koma fram.

Hægt er að nálgast fréttabréfin á þessari síðu

Stóri plokkdagurinn 2024

Tue, 23 Apr 2024 09:19:06 GMT

Sunnudaginn 28. apríl kl. 10 ætlar Ferðafélag Akureyrar að taka þátt í Stóra plokkdeginum í samstarfi við Akureyrarbæ. Félagið fær úthlutað ákveðnum svæðum til að hreinsa.

Mæting er við skrifstofu Ferðafélags Akureyrar að Strandgötu 23. Ruslapokar verða á staðnum svo og nokkrar plokktangir en fólk er hvatt til að taka með sér tangir og hanska. Að plokkun lokinni verður boðið upp á hressingu í húsnæði FFA í Strandgötu.

Gaman væri að sjá sem flesta, fjölskyldur eru sérstaklega hvattar til að mæta. FFA hefur verið með í verkefninu síðan 2019 og ávallt verið góð þátttaka, vonandi verður það eins að þessu sinni.

FFA hvetur alla til að tína rusl hvenær sem er á ferðum sínum um bæinn.

Næsta ferð fimmtudaginn 25. apríl: Grenivíkurfjall

Mon, 22 Apr 2024 13:01:25 GMT

ATH ný dagsetning!

Brottför kl. 10 á einkabílum frá FFA, Strandgötu 23.
Fararstjórn: Bernard Gerritsma og Bóthildur Sveinsdóttir
Fjallið er ofan við Grenivík og sunnan við Kaldbak. Gengið er í melum og móum eða á snjó ef svo ber undir. Uppi í 500 m hæð blasir allur fjörðurinn við augum. Þetta er tiltölulega þægileg ganga, hvergi bratt. Hugsanlega eru blautir kaflar eða snjór á leiðinni og því betra að vera í góðum skóm sem þola bleytu. Gott er að taka með sér vatn því ekkert vatn er á leiðinni.
Vegalengd alls 4-5 km. Gönguhækkun: 300-400 m.
Verð: 2.500/4.000. Innifalið: Fararstjórn.
Greitt er fyrir þessa ferð við brottför.

Engin skíðagönguferð hjá FFA laugardaginn 20. apríl

Thu, 18 Apr 2024 12:21:36 GMT

Næsta ferð 13. apríl: Mosi í Böggvisstaðadal

Wed, 10 Apr 2024 11:08:55 GMT

SKRÁNING

Ferðakynning FFA 4. apríl 2024

Sun, 07 Apr 2024 11:53:18 GMT

Góð aðsókn var að ferðakynningu FFA sem haldin var í VMA 4. apríl sl. Þar kynnti formaður FFA ferðir ársins og hreyfiverkefni. Fjóla Kristín formaður barna- og fjölskyldunefndar kynnti barna- og fjölskylduferðir ársins og að lokum fór Ragnhildur Jónsdóttir á kostum með kynningu sína á ferð á hæsta tind Suður-Ameríku. Afskaplega lífleg og skemmtileg kynning hjá henni og þökkum við henni kærlega fyrir að leyfa okkur að fá innsýn í þennan heim fjallgöngufólks.

Myndir frá kynningunni

Næsta ferð 6. apríl: Heljardalsheiði

Thu, 04 Apr 2024 09:32:28 GMT

Áætlaður tími ferða er aðeins viðmið og fer eftir hópnum og aðstæðum hverju sinni.

SKRÁNING

FFA auglýsir eftir starfsmanni á skrifstofu sína

Wed, 03 Apr 2024 22:47:13 GMT

Ferðafélag Akureyrar

óskar eftir að ráða starfsmann á skrifstofu sína frá og með 1. júní 2024.

Um er að ræða fjölbreytt starf sem er tilvalið fyrir fólk sem hefur áhuga á útivist og ferðalögum.

Helstu verkefni:

Almenn skrifstofustörf
Bókanir í skála og innheimta gistigjalda
Upplýsingagjöf um ferðir, skála félagsins, aðstæður á fjallvegum og fleira
Umsjón með ferðum þ.e. auglýsingu, skráningu og brottför
Samskipti við skálaverði og fararstjóra
Annað sem til fellur

Hæfniskröfur:

Menntun á sviði ferðaþjónustu eða reynsla af ferðaþjónustustörfum æskileg
Reynsla af skrifstofustörfum æskileg
Góð tölvukunnátta nauðsynleg
Bókhaldskunnátta æskileg (FFA notar DK bókhaldskerfi)
Góð samskiptahæfni mikilvæg
Góð íslensku- og enskukunnátta skilyrði
Þarf að geta unnið sjálfstætt og sýnt frumkvæði í starfi

Um er að ræða fullt starf frá 1. maí til 30. september og hálft starf frá 1. október til 30. apríl.

Nánari upplýsingar um starfið veitir Þorgerður Sigurðardóttir, formaður í síma 692-6904. Umsækjendur sendi umsókn með upplýsingum um menntun, fyrri störf og meðmælendur á netfangið formadur@ffa.is.

Umsóknarfrestur er til 22. apríl næstkomandi.

Fréttabréf FFA apríl 2024

Tue, 02 Apr 2024 12:01:07 GMT

Fréttabréf FFA apríl 2024

Ferðakynning FFA 2024

Wed, 27 Mar 2024 09:38:36 GMT

Ferðaáætlun FFA 2024 verður kynnt í heild sinni í máli og myndum þann 4. apríl kl. 20 í Verkmenntaskólanum á Akureyri (gengið inn að vestan).

Barna- og fjölskylduferðir verða einnig kynntar auk hreyfiverkefna sumarsins.

Gestur kvöldsins verður Ragnhildur Jónsdóttir. Erindi hennar heitir Aconcagua 7000m - hvers vegna? Þar segir hún frá ferð sinni á hæsta tind Suður-Ameríku og hæðaraðlögun í þremur heimsálfum.

Útivistarverslanirnar Fjallakofinn, Sportver og Útisport verða með kynningu á sínum vörum.

Aðgangur ókeypis.

Næsta ferð 23. mars: Baugasel í Barkárdal

Wed, 20 Mar 2024 10:28:40 GMT

Ferðinni hefur verið frestað til 28. mars.

Næsta ferð 16. mars: Eyðibýli á Fljótsheiði

Thu, 14 Mar 2024 13:47:25 GMT

SKRÁNINg

Skráning í hreyfiverkefnið Núvitund í náttúrunni er hafin

Mon, 11 Mar 2024 12:49:01 GMT

Undirbúningur fyrir hreyfiverkefni sumarsins er í fullum gangi.

Verkefnið Núvitund í náttúrunni er tilbúið og komið á heimasíðu FFA þar sem hægt er að skrá sig.

Í því verkefni verður farið í léttar gönguferðir þar sem þátttakendur eru leiddir í gegnum núvitundaræfingar úti í náttúrunni. Verkefnið er einnig tilvalið fyrir fólk sem vill undirbúa sig undir göngur sumarsins. Um er að ræða fimm skipti á tímabilinu 20. apríl til 11. maí, fræðsla ásamt styttri og lengri ferðum. Sjá nánar hér

Annað gönguverkefni hefst 21. maí og lýkur 16. júní, það verður auglýst síðar.

Næsta ferð 9. mars: Mývatnssveit

Wed, 06 Mar 2024 10:56:46 GMT

Af aðalfundi 2024

Tue, 05 Mar 2024 18:49:42 GMT

Aðalfundur Ferðafélags Akureyrar 2024 var haldinn 4. mars sl. Ársskýrsla stjórnar fyrir 2023 var lesin upp. Í henni var komið inn á helstu verkefni allra nefnda 2023. Þar kom einnig fram að í lok desember voru félagar orðnir 677. Skýrsla stjórnar og allra nefnda félagsins verða birtar í tímariti FFA, Ferðum 2024, sem kemur út von bráðar.

Ársreikningar 2023 voru kynntir og samþykktir. Nefndarfólk í þeim 14 nefndum sem verða starfandi 2024-2025 var kynnt. Formaður var endurkjörinn svo og aðalstjórn og varastjórn, í henni sitja Þorgerður Sigurðardóttir formaður, Þorvaldur Rafn Kristjánsson, Einar Hjartarson, Þorbjörg Þorsteinsdóttir, Fjóla Kristín Helgadóttir. Varamenn eru Árni Gíslason og Sólveig Styrmisdóttir. Skoðunarmenn reikninga og skjalavörður voru einnig kosnir. Endurnýjaðar upplýsingar um þetta allt koma inn á heimasíðu FFA við fyrsta tækifæri.

Fram kom að Hilmar Antonsson og Roar Kvam eru að láta af störfum fyrir félagið eftir langt og farsælt starf og var þeim þakkað með lófaklappi. Jafnframt var Roari veitt viðurkenning sem felst í því að stjórn gerði hann að kjörfélaga. Áður hefur Hilmar fengið viðurkenningar fyrir vel unnin störf. Hægt verður að lesa um störf Hilmars í tímaritinu Ferðum 2024.

Eftir kaffi og spjall fór formaður yfir það sem er framundan hjá félaginu, en framundan er blómlegt starf með kröftugu fólki í hverju rúmi.

Fréttabréf FFA mars 2024

Mon, 04 Mar 2024 12:44:42 GMT

Fréttabréf FFA mars 2024

Opið hús hjá FFA: Myndir úr ferðum um Ísland

Mon, 04 Mar 2024 12:36:55 GMT

Myndir úr ferðum um landið

Opið hús hjá FFA í Strandgötu 23, fimmtudaginn 7. mars kl. 20:00

Hafdís G. Pálsdóttir segir frá og sýnir myndir úr ferðum víðs vegar um landið.

Kaffi og spjall á eftir.

Öll velkomin.

Skrifstofa FFA er lokuð 29. febrúar og 1. mars

Wed, 28 Feb 2024 13:27:52 GMT

Skrifstofa FFA er lokuð fimmtudaginn 29. febrúar og föstudaginn 1. mars.

Næsta ferð 2.-3. mars: Skíðaganga í Lamba

Tue, 27 Feb 2024 13:14:52 GMT

Brottför kl. 13 á einkabílum frá FFA, Strandgötu 23.
Fararstjórn: Bernard Gerritsma og Bóthildur Sveinsdóttir
Gangan hefst á bílastæðinu við Súluveg. Gengið er inn að Lamba, skála FFA á Glerárdal og gist þar eina nótt. Næsta dag verður nánasta umhverfi skálans skoðað í vetrarskrúða og sama leið farin til baka. Í ferðinni njóta þátttakendur dásemda fjallahringsins á útivistarsvæði Akureyringa.
Vegalengd alls 22 km. Gönguhækkun 440 m.

Hámarksfjöldi 14 manns.

Verð: 8.500/10.500. Innifalið: Gisting og fararstjórn.
Greitt er fyrir þessa ferð við brottför.

Næsta ferð 24. febrúar: Bakkar Eyjafjarðarár

Wed, 21 Feb 2024 11:26:49 GMT

Áætlaður tími ferða er aðeins viðmið og fer eftir hópnum og aðstæðum hverju sinni.

Aðalfundur Ferðafélags Akureyrar

Fri, 16 Feb 2024 09:32:50 GMT

Aðalfundur Ferðafélags Akureyrar verður haldinn í sal Lions Skipagötu 14, 4. hæð, mánudaginn 4. mars kl. 20:00

Dagskrá:

Skýrsla stjórnar lögð fram
Reikningar lagðir fram til samþykktar
Tilllögur til lagabreytinga
Kosning stjórnar, skoðunarmanna reikninga, skjalavarðar og nefnda skv. 4. og 6. gr.
Önnur mál

Hressing í hléi!

Félagar eru hvattir til að mæta og kynna sér starf FFA.

Næsta ferð 17. febrúar: Vaðlaheiði

Wed, 14 Feb 2024 09:41:53 GMT

Kynning á sumarleyfisferðum FFA

Mon, 12 Feb 2024 11:00:07 GMT

Sumarleyfisferðir FFA 2024 verða kynntar sérstaklega í máli og myndum í húsnæði FFA, Strandgötu 23, þann 15. febrúar kl. 20
Fararstjórar mæta á svæðið, segja frá og bjóða upp á spjall. Hressing eftir kynninguna.

Ferðir sem kynntar verða sérstaklega:
- Öskjuvegurinn , fimm daga trússferð 21.-25. júlí.
- Krepputunga - Sönghofsdalur 6.-7. júlí.
- Náttúruskoðun og sjálfsrækt á Glerárdal 16.-18. ágúst.
- Herðubreiðarlindir - Bræðrafell - Askja 14.-17. júlí.
- Helgarferð á Herðubreið 16.-18. ágúst.

Næsta ferð 10. febrúar: Skíðadalur

Wed, 07 Feb 2024 10:09:27 GMT

Fréttabréf FFA febrúar 2024

Mon, 05 Feb 2024 12:19:48 GMT

Fréttabréf FFA febrúar 2024

Næsta ferð 3. febrúar: Vaglaskógur

Wed, 31 Jan 2024 11:17:12 GMT

Fréttabréf FFA janúar 2024

Nú getur þú styrkt FFA og fengið afslátt hjá Flügger í leiðinni

Fri, 26 Jan 2024 10:15:17 GMT

Nú getur þú styrkt Ferðafélag Akureyrar og fengið afslátt hjá Flügger í leiðinni.

Svona virkar þetta:

Félagsmenn í FFA og aðrir velunnarar félagsins kaupa í gegnum staðgreiðslureikning þess og fá að minnsta kosti 20% afslátt af hilluverði í næstu verslun Flügger, Njarðarnesi 1. Afsláttur gildir af öllum Flügger vörum.

Flügger greiðir félaginu árlega styrktargreiðslu sem er að minnsta kosti 5% af veltu staðgreiðslureikningsins yfir almanaksárið.

Viltu taka þátt í fjölbreyttu og skemmtilegu starfi hjá FFA?

Thu, 18 Jan 2024 12:00:26 GMT

Ferðafélag Akureyrar auglýsir eftir áhugasömu fólki í stjórn og nefndir félagsins.

Í stjórn félagsins eru fimm aðalmenn og tveir varamenn.

Skálanefndir félagsins fara í vinnuferðir tvisvar á ári og þar er alltaf pláss fyrir fleira fólk. Aðrar nefndir eru ekki síður áhugaverðar eins og ferðanefnd sem sér um ferðaáætlun og gönguleikinn Þaulann. Nefnd um barna- og fjölskyldustarf og nefnd sem skipuleggur hreyfiverkefni eru í mikilli þróun. Félaga- og kynningarnefnd hefur það hlutverk að koma með nýjungar í starf FFA og kynna félagið út á við. Viðburða- gönguleiða- og ritnefnd hafa ákveðin hlutverk. Allar vilja þessar nefndir fá liðsauka.

Nánari upplýsingar veita Þorgerður, formaður FFA, netfang: formadur@ffa.is / sími: 692 6904 og Einar, gjaldkeri FFA, netfang: gjaldkeri@ffa.is / sími: 854 0247

Kynntu þér starf FFA á heimasíðu félagsins , þar er margt að gerast. Við hlökkum til að heyra frá þér.

Fréttabréf FFA janúar 2024

Fri, 05 Jan 2024 12:01:43 GMT

Skálaverðir - sumarstörf

Thu, 04 Jan 2024 12:39:14 GMT

Ferðafélag Akureyrar leitar að skálavörðum til starfa í skálum félagsins í Laugafelli, Herðubreiðarlindum og Drekagili sumarið 2024. Við leitum einnig eftir fólki í veitingasölu í Drekagili.

Tímabil sem um ræðir er frá miðjum júní og fram í september. Leitað er að fólki sem getur unnið stærstan hluta tímabilsins en einnig er möguleiki að ráða í styttri tíma.

Starfið felst meðal annars í móttöku gesta, þrifum og samskiptum við ferðaþjónustuaðila og fleiri. Mikilvægt er að viðkomandi búi yfir ríkri þjónustulund, hafi góða tungumálakunnáttu, sé lausnamiðaður, handlaginn og greiðvikinn.

Nánari upplýsingar um starfið veita þau Fjóla Kristín Helgadóttir, netfang fjola.k.helgadottir@gmail.com og Einar Hjartarson, sími 854-0247, netfang gjaldkeri@ffa.is

Umsóknir skal senda á ffa@ffa.is fyrir 31. janúar , þangað er einnig hægt að senda fyrirspurnir.

Af félagsfundi FFA 2023

Fri, 29 Dec 2023 10:39:26 GMT

Almennur félagsfundur FFA var haldinn 28. desember. Á fundinn mættu 17 félagsmenn. Það sem helst bar á góma:

Formaður hvatti fólk sem býr á svæðinu og er í FÍ að kynna sér það að með því að ganga í FFA fær fólk alveg sömu réttindi og í FÍ auk tímaritsins Ferða sem FFA gefur út. Hún benti á að hægt er að sækja um flutning á heimasíðu FFA, sjá nánar
Skálamál voru rædd, veitingasala í Víti, gönguskálar FFA og kamarmál við skálana.
Brúarsmíði á Glerárdal bar á góma en gönguleiðanefnd reisti brú þar í sumar sem var mikil vinna. Sú vinna tókst afar vel og benti einn fundarmanna á að hugsanlega væri ástæða til að byggja hengibrú yfir Glerána enn framar á dalnum eða á móts við Tröllin.
Stikaðar leiðir og gestabækur sem FFA sér um, hugmynd að koma því á heimasíðu FFA. Það verður skoðað.
Önnur félagsmál og ferðir voru rædd að lokum.

Tvö skíðagöngunámskeið hjá FFA í byrjun árs 2024

Fri, 22 Dec 2023 07:31:18 GMT

Tvö skíðagöngunámskeið verða hjá FFA í byrjun árs 2024, grunnnámskeið og framhaldsnámskeið.

Framhaldsnámskeið hefst 20. febrúar 2024.
Þátttakendur þurfa að hafa einhverja reynslu af því að skíða á utanbrautargönguskíðum, geta beitt þeim og skíðað í 3-4 klst. Á námskeiðinu er farið í ferðir sem ekki eru eingöngu á flatlendi, þó ekki í miklu brattlendi.
Markmiðið er að vera saman, læra á sjálfan sig og betur á skíðin og hafa gaman.

Sjá meira um bæði námskeiðin hér.

Skrifstofa FFA er lokuð til 3. janúar

Fri, 15 Dec 2023 13:11:33 GMT

Skrifstofa FFA verður lokuð frá 18. desember til 3. janúar.

Virka daga verður fylgst með tölvupósti sem sendur er á ffa@ffa.is en ef erindið er mjög brýnt er hægt að hafa samband á skrifstofutíma í síma: 822 5193

Gleðileg jól!

Félagsfundur FFA

Fri, 15 Dec 2023 09:42:09 GMT

Almennur félagsfundur Ferðafélags Akureyrar verður haldinn fimmtudaginn 29. desember kl. 20:00 að Strandgötu 23.

Ýmis félagsmál rædd. Félagsmenn hvattir til að mæta. Allar nýjar hugmyndir um starfið vel þegnar. Heitt á könnunni og konfekt.

Stjórn FFA

Ferðaáætlun FFA 2024

Tue, 12 Dec 2023 10:54:47 GMT

Ferðaáætlun FFA fyrir árið 2024 er komin á heimasíðuna hér .

Ef þú vilt tryggja þér pláss í einhverri ferð strax er hægt að skrá sig hér í hvaða ferð sem er.

Opið hús hjá FFA: Oddeyri og Brýrnar yfir Eyjafjarðará

Wed, 29 Nov 2023 11:17:54 GMT

Oddeyri og Brýrnar yfir Eyjafjarðará

Opið hús hjá FFA í Strandgötu 23, miðvikudaginn 6. desember kl. 20:00

Arnór Bliki Hallmundsson og Kristín Aðalsteinsdóttir segja frá bókinni Oddeyri, saga, hús og fólk sem kom út sl. haust og fjallar um Oddeyrina á Akureyri. Arnór Bliki skrifar sögubrot um fjölda húsa á Eyrinni og er þar margan fróðleik að finna. Kristín heimsótti 55 heimili og ræddi við fólk. Viðtölin sem eru í senn forvitnileg og fróðleg bregða upp mynd af mannlífinu á Eyrinni.

Einnig mun Arnór Bliki kynna nýútkomna bók sína Brýrnar yfir Eyjafjarðará en hann hefur á umliðnum árum ljósmyndað allar núverandi brýr yfir Eyjafjarðará og tekið saman um þær lítið rit í og með í tilefni þess að í ár eru liðin 100 ár síðan Eyjafjarðará var brúuð við óshólmana. Í bókinni eru helstu upplýsingar um brýrnar, sögur af byggingu og öðru auk lýsinga á þeirra helsta nærumhverfi, nokkurs konar örbyggðalýsing á Eyjafirði, sem hverfist um ána og brýrnar yfir hana.

Kaffi og spjall á eftir.
Öll velkomin.

Opið hús hjá FFA: Á Inkaslóðum í Perú

Fri, 27 Oct 2023 13:04:26 GMT

Á Inkaslóðum í Perú

Opið hús hjá FFA í Strandgötu 23, fimmtudaginn 2. nóvember kl. 20:00

Margrét K. Jónsdóttir kennari og leiðsögumaður segir frá og sýnir myndir úr ferð sinni til Perú í vor. Aðaláhersla verður á gönguferðina um Inkastíginn til hinnar fornu borgar Inkanna Macchu Picchu en einnig verður borgunum Cusco og Lima gerð stutt skil svo og hinu stórkostlega Regnbogafjalli sem er yfir 5000 m.

Kaffi og spjall á eftir.
Öll velkomin.

Þaulinn 2023 - verðlaun og viðurkenningar

Thu, 12 Oct 2023 13:21:41 GMT

Dregið hefur verið í gönguleiknum Þaulanum. Haft hefur verið samband við þá sem hlutu verðlaun og öll börn sem skiluðu inn svarblaði eiga að hafa fengið viðurkenningarskjal.

Við þökkum öllum þátttökuna og þeim fyrirtækjum sem gáfu verðlaun þökkum við stuðninginn.

Útivistarsæla haust 2023

Tue, 10 Oct 2023 12:50:42 GMT

Útivistarsæla er gönguverkefni fyrir þá sem vilja njóta íslenskrar náttúru að hausti og vetri í skemmtilegum félagsskap og kynnast fjölbreyttum gönguleiðum. Allar ferðir eru flokkaðar sem meðalerfiðar göngur. Gengið verður á milli staða.

Verkefnið sem stendur frá 18. október til 18. nóvember, hefst með undirbúningsfundi og fræðslu sem nýtist þátttakendum í ferðum sérstaklega á þessum árstíma. Síðan verður farið í fjórar ferðir.

Sjá nánar um verkefnið: Útivistarsæla haust 2023

Fréttabréf FFA október 2023

Mon, 02 Oct 2023 12:33:05 GMT

Fréttabréf FFA október 2023

Þaulanum lýkur 20. september

Tue, 19 Sep 2023 15:54:38 GMT

Við minnum á að skila þarf inn þátttökublaðinu í Þaulanum í síðasta lagi á morgun, þann 20. september. Hægt er að setja það inn um lúguna utan opnunartíma skrifstofu FFA.

Næsta ferð 23. september: Hrossadalur-Hamragil

Mon, 18 Sep 2023 16:45:09 GMT

Hrossadalur-Hamragil

Brottför kl. 8 á einkabílum frá FFA, Strandgötu 23.
Fararstjórn: Roar Kvam
Ekið upp í Víkurskarð. Gengið verður fram Hrossadal suður af skarðinu og m.a. skoðaðar leifar af gamalli rétt. Síðan er haldið áfram að Þórisstaðaskarði og Lækjardal að upptökum Hamragils og aftur að Víkurskarði.
Vegalengd alls 14 km. Gönguhækkun um 200 m.
Verð: 2.000/3.500 kr. Innifalið: Fararstjórn.

Næsta ferð 16. september: Mývatn: Jarðfræði, virkjun jarðhita

Mon, 11 Sep 2023 16:40:00 GMT

Mývatn: Jarðfræði, virkjun jarðhita

Brottför kl. 8 á einkabílum frá FFA, Strandgötu 23. Brottför frá Kröflustöð kl. 9:30.
Fararstjórn: Þóroddur Þóroddsson
Ekið að Kröfluvirkjun, gengið að Hrafntinnuhrygg og þaðan upp á Kröflu (827 m) sem er frábær útsýnisstaður. Síðan liggur leiðin niður að Víti og á Þríhnúka þar sem sér vel til Leirhnjúks, gengið þaðan yfir hraun og misgengi og að Kröflustöð. Gengið eftir slóðum og mólendi, yfirleitt er leiðin greiðfær, þó gæti verið nokkur leir á hluta hennar.
Vegalengd alls 10-11 km. Gönguhækkun 500 m.
Verð: 3.000/4.500. Innifalið: Fararstjórn.

Fréttabréf FFA september 2023

Fréttabréf FFA september 2023

Fri, 01 Sep 2023 13:50:01 GMT

Næsta ferð 2. september: Kálfsvatn við Siglufjörð

Mon, 28 Aug 2023 14:56:37 GMT

Kálfsvatn við Siglufjörð

Brottför kl. 8 á einkabílum frá FFA, Strandgötu 23.
Fararstjórn: Margrét L. Laxdal.
Ekið um göngin til Siglufjarðar. Gangan hefst við Ráeyri og gengið norður ströndina að vitanum við Selvík. Síðan upp Kálfsdal og að Kálfsvatni. Sama leið gengin til baka.
Vegalengd alls 9 km. Gönguhækkun 230 m.
Verð: 3.000/4.500. Innifalið: Fararstjórn.

Náttúruhlaup með FFA haustið 2023

Tue, 22 Aug 2023 16:08:37 GMT

Verkefnið Náttúruhlaup með FFA er nýjung í starfi félagsins. Með því er verið að auka fjölbreytni og koma til móts við fleiri.

Farið verður í léttar hlaupaferðir með fræðslu þar sem þátttakendur læra meðal annars að útbúa sig í hlaup og um búnað og fleira sem kemur þátttakendum að góðum notum.

Í verkefninu er athyglinni beint meðvitað að því að njóta í léttum hlaupum úti í náttúrunni, engin keppni í þessum hópi.

Nánari upplýsingar á heimasíðu FFA hér

Skráning

Raðganga þriðja ferð 27. ágúst: Arndísarstaðir-Helluvað ATH skráning til 24. ágúst

Mon, 21 Aug 2023 12:08:48 GMT

Söguferð/raðganga: Gengið í fótspor Theódórs Friðrikssonar bréfapósts
Theódór Friðriksson (1876-1948) var fæddur í Flatey á Skjálfanda og ólst upp við kröpp kjör á svæðinu milli Skjálfanda og Eyjafjarðar. Theódór ritaði ævisögu sína: „Í verum“ er kom út 1941. Í bókinni eru mjög skýrar lýsingar á lifnaðarháttum alþýðunnar á þessum tíma. Í bók sinni segir Theódór frá vetrarferð sem hann fór í janúar 1900 frá Þönglabakka í Þorgeirsfirði að Skútustöðum við Mývatn. Erindið var að flytja bréf frá prestinum á Þönglabakka til prófastsins á Skútustöðum. Theódór var fimm daga á leiðinni austur í Mývatnssveit.

Ferðafélag Akureyrar efnir til sögugöngu í ágúst 2023 til minningar um þessa póstferð Theódórs Friðrikssonar. Við ætlum að ganga megin hluta leiðarinnar í þremur áföngum:

Þriðja ferð
Sunnudagur 27. ágúst
Brottför kl. 8 með rútu frá FFA, Strandgötu 23.
Ekið að Arndísarstöðum í Bárðardal. Gengið þaðan eftir gamalli leið, Gullveginum, suðaustur yfir Fljótsheiði og Mývatnsheiði að Helluvaði í Mývatnssveit. Nær allt á góðum götutroðningum og bílslóðum.
Vegalengd 20 km. Gönguhækkun um 300 m.
Fararstjórn: Ingvar Teitsson
Verð: 12.000/13.500 kr. Innifalið: Fararstjórn og rúta.

Áætlaður tími ferða er aðeins viðmið og fer eftir hópnum og aðstæðum hverju sinni.

Skráning til 24. ágúst

Næsta ferð 26. ágúst: Fljótsbakki-Vað

Mon, 21 Aug 2023 12:04:38 GMT

Fljótsbakki-Vað

Brottför kl. 8 á einkabílum frá FFA, Strandgötu 23.
Fararstjórn: Ingvar Teitsson
Ekið að Fljótsbakka í Þingeyjarsveit og gengið þaðan austan Skjálfandafljóts um Svarthamarsskóg og eyðibýlin Glaumbæjarsel og Fosssel. Hér er mjög áhugaverð saga við hvert fótmál og gróðursælt umhverfi, ekki síst í Fossselsskógi. Síðan er gengið vestur með Skuldaþingseyjarkvísl þar sem Ullarfoss steypist niður í Skipapoll. Að lokum er gengið að Vaði í Þingeyjarsveit þar sem bílarnir bíða. Selflytja þarf bíla milli Vaðs og Fljótsbakka.
Vegalengd 12 km. Gönguhækkun um 50 m.
Verð: 3.000/4.500. Innifalið: Fararstjórn.

Næsta rafhjólaferð 20. ágúst: Nípá í Út-Kinn-Náttfaravíkur

Wed, 16 Aug 2023 14:20:26 GMT

Brottför kl. 8 á einkabílum frá FFA, Strandgötu 23.
Fararstjórn: Stefán Sigurðsson
Ekið að Nípá í Út-Kinn með hjól á kerrum. Síðan er lagt upp frá Nípá, hjólað upp grófan jeppaslóða og bak við fjallið Bakranga. Leiðin liggur síðan að Purkánni, farið yfir hana á brú og endað talsvert fyrir ofan Náttfaravíkur. Mikið útsýni til austurs og suðurs. Á þessari leið eru sprænur sem hjóla/vaða þarf yfir. Þetta er ferð fyrir þá sem eru komnir með talsverða reynslu af rafmagnsfjallahjólum. Þar sem hækkun er talsverð í báða enda þarf að huga að rafmagnseyðslu. Þeir sem eiga festingu fyrir hjól nota hana, aðrir geta fengið hjólin flutt á hjólakerru.
Vegalengd alls 37 km. Hækkun um 1000 m.
Verð: 5.000/6.500. Innifalið: Fararstjórn og flutningur á hjólum á hjólakerru fyrir þá sem þurfa.

Næsta ferð 19. ágúst: Söguferð um eyðibýli í Héðinsfirði

Wed, 16 Aug 2023 13:55:47 GMT

Söguferð um eyðibýli í Héðinsfirði

Brottför kl. 9 á einkabílum frá FFA, Strandgötu 23.
Fararstjórn: Björn Z. Ásgrímsson
Gangan hefst við útsýnissvæðið í Héðinsfirði, gengið út með Héðinsfjarðarvatni að austanverðu með viðkomu að tóftum Vatnsenda. Næst verður haldið til Víkur og áð við slysavarnarskýlið. Því næst gengið niður á Víkursand og ósinn vaðinn. Litið verður á mannvistarleifar vestan óss og síðan haldið inn með vatninu vestanverðu að tóftum Ámár. Þar verður áð áður en vaðið er yfir Héðinsfjarðará og að lokum gengið út eftir að austanverðu og staldrað við hjá tóftum eyðibýlanna Möðruvalla og Grundarkots.
Vegalengd 16 km. Gönguhækkun óveruleg. Vaða þarf tvær ár. Gott að hafa vaðskó.
Verð: 3.000/4.500. Innifalið: Fararstjórn.

Næsta ferð 19. ágúst: Skíðadalur-Heiðinnamannadalur-Barká ATH skráning til 16. ágúst

Mon, 14 Aug 2023 14:07:10 GMT

Skíðadalur-Heiðinnamannadalur-Barká

Brottför kl. 8 með rútu frá FFA, Strandgötu 23.
Fararstjórn: Kristján E. Hjartarson
Rúta flytur göngufólk að Stekkjarhúsum í Skíðadal þar sem gangan hefst og sækir það síðan að Barká í Barkárdal þar sem göngunni lýkur. Gengið er að Skíðadalsá þar sem göngufólk er ferjað yfir ána. Stefnan er tekin beint upp í Heiðinnamannadal og áfram inn dalinn uns komið er á jökulfönn og gengið upp í Lambárskarð með fjallið Heiðingja á hægri hönd. Úr skarðinu er gengin jökulfönn með Hafrárhnjúk á hægri hönd niður Lambárdal að vegi við Barká þar sem rútan bíður.
Vegalengd 19-20 km. Gönguhækkun um 1060 m.
Verð: 13.000/15.000. Innifalið: Fararstjórn og rúta.
Þessa ferð þarf að greiða fyrirfram, krafa verður stofnuð í netbanka. Sjá nánar um greiðsluskilmála hér

Skráning til 16. ágúst

Næsta barna- og fjölskylduferð 17. ágúst: Miðvíkurfoss og fjöruferð

Mon, 14 Aug 2023 13:48:33 GMT

Barna- og fjölskylduferð: Miðvíkurfoss og fjöruferð

Brottför kl. 17 á einkabílum frá FFA, Strandgötu 23.
Fararstjórn: Fjóla Kristín Helgadóttir
Ekið að Miðvík beint niður af Víkurskarði. Gengið þaðan niður í fjöru og að tignarlegum fossi, Miðvíkurfossi sem fellur hér fram af niður í fjöru. Nokkuð bratt er þarna niður og svolítið klöngur, en stutt. Fjaran er áhugaverð fyrir börn en mjög grýtt og því nauðsynlegt að vera í góðum skóm. Miðvíkurfoss er falin perla, afar fallegur. Á leiðinni til baka verður efri fossinn skoðaður sem er ekki síður tignarlegur.
Þátttaka ókeypis.

Fréttabréf FFA ágúst 2023

Fréttabréf FFA ágúst 2023

Wed, 09 Aug 2023 08:35:22 GMT

Næsta ferð 29. júlí: Bæjarfjall við Dalvík

Mon, 24 Jul 2023 17:08:04 GMT

Bæjarfjall við Dalvík

Brottför kl. 8 á einkabílum frá FFA, Strandgötu 23.
Fararstjórn: Margrét L. Laxdal.
Ekið að Dalvíkurkirkju þar sem gangan hefst. Genginn er malarvegur sem liggur til fjalls, upp með fallegu gljúfri og áfram í mynni Tungudals. Síðan er gengið upp á fjallið að vörðu sem þar stendur. Þarna er frábært útsýni yfir Dalvík, inn Svarfaðardal og Skíðadal, inn Eyjafjörð, út yfir Hrísey og allt til Grímseyjar. Stutt ganga sem er brött á köflum. Sama leið gengin til baka.
Vegalengd 7-8 km. Gönguhækkun 660 m.
Verð: 2.000/3.500. Innifalið: Fararstjórn.

Næsta ferð 23. júlí: Kinnarfell - síðdegi í sveit

Wed, 19 Jul 2023 16:11:17 GMT

Kinnarfell - síðdegi í sveit

Brottför kl. 12 á einkabílum frá FFA, Strandgötu 23.
Fararstjórn: Erla Sigurðardóttir
Gengið verður á Kinnarfell frá Yztafelli II eftir slóða suður á móts við Fellssel, þaðan austur á brún og eftir melum og mólendi norður háfellið. Á háfellinu verður tekin ákvörðun um hvort gengið verður norður af Fellinu eftir mel austan Hólsgerðisdals og svo suður með þjóðvegi eða farið vestur af Fellinu niður skriður sem féllu vorið 2013. Leiðin ræðst af áhuga gönguhópsins og hvort blautt verður á. Gangan endar í Yztafelli. Af Kinnarfelli er afar víðsýnt. Á leiðinni verður stuttlega rifjuð upp saga Helgu Sörensdóttur en sumarið 2022 voru gengnar raðgöngur í minningu hennar. Af Kinnarfelli sér yfir nánast allt „sögusvið“ ævi Helgu, en ævisöguritarinn Jón Sigurðsson bjó á Yztafelli. Auk þess verður sagt frá náttúru, fjallasýn og mannlífi og sérstaklega fjallað um skriðuföll vorið 2013 og uppgræðslu í kjölfar þeirra.

Vegalengd um 12 km. Gönguhækkun er um 200 metrar. Ekki þarf að gera ráð fyrir að vaða læki eða bleytur.
Verð: 2.000/3.500 kr. Innifalið: Fararstjórn.

Þeim sem hentar betur að mæta beint á upphafsstað göngunnar (Yztafell II, lagt af stað þaðan kl. 12.45) er bent á að hafa samband við skrifstofu FFA varðandi greiðslu.
Skrifstofan er opin virka daga kl. 14:00-17:00. Netfang: ffa@ffa.is / sími: 462 2720

Áætlaður tími ferða er aðeins viðmið og fer eftir hópnum og aðstæðum hverju sinni.

Búnaðarlisti

Næsta ferð 22. júlí: Tunguheiði á Tjörnesi

Mon, 17 Jul 2023 13:05:06 GMT

Tunguheiði á Tjörnesi

Brottför kl. 8 með rútu frá FFA, Strandgötu 23.
Fararstjórn: Sigurgeir Sigurðsson.
Ekið að bænum Syðri-Tungu á Tjörnesi og gengið þaðan um Skarðsbrekku og Tunguheiði að Fjöllum í Kelduhverfi, en heiðin er gömul þjóðleið. Tunguheiði er brött að austan en aflíðandi niður Tjörnesið. Uppi á henni er Biskupsás (532 m) þaðan sem útsýni er gott á góðum degi.
Vegalengd alls 15-16 km. Gönguhækkun 400 m.
Verð: 14.500/16.500. Innifalið: Fararstjórn og rúta.
Þessa ferð þarf að greiða að fullu viku eftir skráningu, krafa verður stofnuð í netbanka. Sjá nánar um greiðsluskilmála hér

Rafhjólaferð 9. júlí: Timburvalladalur-Hjaltadalur

Thu, 06 Jul 2023 08:17:40 GMT

Brottför kl. 8 á einkabílum frá FFA, Strandgötu 23.
Fararstjórn: Stefán Sigurðsson
Ekið fram í Timburvalladal með hjól. Ferðin hefst við Bakkasel í Timburvalladal. Hjólað yfir brú á Bakkaá og stefnan tekin á gangnamannaskálann Staupastein í Hjaltadal. Hjaltadalur er vel gróinn og umhverfið mjög fallegt. Þetta er ferð sem hentar þeim sem eru að byrja á rafmögnuðum fjallahjólum. Þeir sem eiga festingu fyrir hjól nota hana, aðrir geta fengið hjólin flutt á hjólakerru.
Verð: 5.000/6.500. Innifalið: Fararstjórn og flutningur á hjólum á hjólakerru fyrir þá sem þurfa.

Næsta ferð 8. júlí: Grímubrekkur við Dalvík

Tue, 04 Jul 2023 17:51:13 GMT

Grímubrekkur við Dalvík

Brottför kl. 8 á einkabílum frá FFA, Strandgötu 23.
Fararstjórn: Kristján E. Hjartarson
Lagt af stað frá Dalvíkurkirkju og gengið upp Böggvisstaðadal/Upsadal. Síðan er gengið upp Grímudal og Grímubrekkur þar til komið er í skarðið norðan við Einstakafjall. Þaðan er svo haldið niður í Kálfsárdal og dalurinn genginn að bænum Kálfsá í Ólafsfirði þar sem rúta bíður. Rútan ekur þátttakendum að Dalvíkurkirkju þar sem bílarnir bíða.
Vegalengd 14-15 km. Gönguhækkun um 910 m.
Verð: 7.000/9.000. Innifalið: Fararstjórn og rúta.
Þessa ferð þarf að greiða að fullu fyrirfram, krafa verður stofnuð í netbanka. Sjá nánar um greiðsluskilmála hér

Fréttabréf FFA júlí 2023

Fréttabréf FFA júlí 2023

Thu, 29 Jun 2023 15:20:45 GMT

Næsta barna- og fjölskylduferð 1. júlí

Mon, 26 Jun 2023 14:02:35 GMT

Barna- og fjölskylduferð: Steinmenn ofan við Kjarnaskóg

Brottför kl. 10 á einkabílum frá FFA, Strandgötu 23.
Fararstjórn: Herdís Zophoníasdóttir
Gengið er frá tjaldsvæðinu á Hömrum upp að skátaskálanum Gamla. Þaðan er haldið áfram eftir stikaðri leið að Steinmönnum. Frá þessum skemmtilegu steinkörlum er stórkostlegt útsýni til allra átta. Sama leið er gengin til baka.
Vegalengd alls 7-8 km. Gönguhækkun 400 m.
Þátttaka ókeypis.

Næsta ferð 1. júlí: Gengið um Þorvaldsdal í minningu Bjarna E. Guðleifssonar

Mon, 26 Jun 2023 13:59:22 GMT

Gengið um Þorvaldsdal í minningu Bjarna E. Guðleifssonar

Brottför kl. 8 á einkabílum frá FFA, Strandgötu 23.
Fararstjórn: Börn Bjarna E. Guðleifssonar leiða gönguna.
Í ár eru liðin 30 ár síðan Bjarni E. Guðleifsson stóð fyrir fyrsta Þorvaldsdalsskokkinu. Í tilefni af því býður FFA upp á gönguferð í gegnum dalinn sama dag og hlaupið fer fram. Ekið er að Stærra-Árskógskirkju þar sem bílar eru skildir eftir og rúta ekur þátttakendum að Fornhaga í Hörgárdal þar sem er gangan hefst. Gengið í gegnum dalinn og að Stærra-Árskógskirkju þar sem bílarnir eru. Leiðin í gegnum dalinn er löng og falleg, gengið er yfir tvö stórgrýtt berghlaup, Hestahraun og Hrafnagilshraun. Á leiðinni munu hlauparar dagsins eflaust fara fram úr hópnum og gefst þá tilefni til hvatningar.
Vegalengd 23-25 km. Gönguhækkun 500 m.
Verð: 7.000/9.000. Innifalið: Fararstjórn og rúta.
Þessa ferð þarf að greiða að fullu viku eftir skráningu, krafa verður stofnuð í netbanka. Sjá nánar um greiðsluskilmála hér

Gönguvika FFA 19.-23. júní

Tue, 20 Jun 2023 12:01:40 GMT

Brottför kl. 21 á einkabílum frá FFA, Strandgötu 23.
Fararstjórn: Roar Kvam
Ekið til Grenivíkur þar sem gangan hefst, gengið eftir götuslóða upp á höfðann. Af höfðanum er fallegt útsýni og tilvalið að njóta kvöldsólarinnar á þessum fallega stað. Tilvalin fjölskylduferð.
Vegalengd 4 km. Gönguhækkun 260 m.
Þátttaka ókeypis.

Brottför kl. 19 á einkabílum frá FFA, Strandgötu 23.
Fararstjórn: Ingimar Eydal.

Ferðin þennan dag átti að vera um Gásir-Skipalón en vegna forfalla þurfti að breyta henni. Ingimar Eydal ætlar að ganga með okkur um hluta Glerárgils.

Þátttaka ókeypis.

Brottför kl. 19 á einkabílum frá FFA, Strandgötu 23.
Fararstjórn: Roar Kvam
Gengið er á fjallið frá bílastæðinu á Víkurskarði eftir stikaðri leið í Gæsadalinn og stefnt á Kræðufell. Af fjallinu er mjög gott útsýni yfir til byggðarinnar vestan fjarðarins og til Hríseyjar.
Vegalengd alls 10-11 km. Gönguhækkun 400 m.
Verð: 2.000/3.500. Innifalið: Fararstjórn.

Brottför kl. 20 á einkabílum frá FFA, Strandgötu 23.
Fararstjórn: Bernard Gerritsma og Bóthildur Sveinsdóttir
Gengið upp á Múlakollu frá gamla Múlaveginum, upp dalinn norðan Brimnesár. Geysimikið útsýni er til allra átta af hátindi kollunnar.
Vegalengd 8 km. Gönguhækkun 930 m.
Verð: 2.000/3.500. Innifalið: Fararstjórn.

Fréttabréf FFA júní 2023

Þaulinn 2023 - gönguleikur

Thu, 15 Jun 2023 16:34:52 GMT

Næsta ferð 18. júní: Náttúruskoðun í fögru umhverfi Öxnadals

Wed, 14 Jun 2023 12:33:36 GMT

Næsta barna- og fjölskylduferð 14. júní

Mon, 12 Jun 2023 18:32:30 GMT

Barna- og fjölskylduferð: Kvöldferð á Haus í Staðarbyggðarfjalli

Brottför kl. 19 á einkabílum frá FFA, Strandgötu 23.
Fararstjórn: Hulda Jónsdóttir
Ekið fram Eyjafjörð að austanverðu að Öngulsstöðum. Þaðan er ekið eftir malarvegi að bílastæði við sumarbústaðinn Sel. Gengið er eftir stikaðri leið að vörðunni á Haus sem er fyrsti áfanginn þegar gengið er á Staðarbyggðarfjall. Þaðan er frábært útsýni og gaman að njóta með börnum á fallegu sumarkvöldi.
Vegalengd 3,3 km. Gönguhækkun 270 m.
Þátttaka ókeypis.

Fréttabréf FFA júní 2023

Wed, 31 May 2023 16:02:23 GMT

Ferðir - ársrit FFA 2023

Tue, 30 May 2023 15:13:29 GMT

Í nýútkomnum Ferðum, ársriti FFA, má meðal annars lesa frásögn af ferðum á Herðubreið árið 1955, um sögugöngu FFA í minningu Helgu Sörensdóttur og víxlu þjónustuhúss og útsýnisskífu við Drekagil. Að venju er þar einnig að finna skýrslur um starfsemi félagsins á liðnu ári sem og ferðaáætlun yfirstandandi árs.

Ritið er innifalið í árgjaldi FFA en kostar í áskrift eða í lausasölu 3700 kr.

Árbók FÍ og Ferðir 2023

Tue, 30 May 2023 15:02:15 GMT

Félagar í FFA athugið, þau sem greitt hafa árgjald vegna 2023 í netbanka og eru búsett á Akureyri og nágrenni eru vinsamlegast hvött til að sækja Árbók FÍ og tímaritið Ferðir á skrifstofuna í Strandgötu 23. Skrifstofan er nú opin mánudaga til föstudaga kl. 11:00-13:00

Félagsskírteini eru nú rafræn og eiga þau ykkar sem hafa greitt og skráð netfang hjá FFA að vera búin að fá tölvupóst með upplýsingum til að uppfæra skírteinið.

Næsta ferð 27. maí: Srýta

Mon, 22 May 2023 12:59:21 GMT

Strýta

Brottför kl. 8 á einkabílum frá FFA, Strandgötu 23.
Fararstjórn: Viðar Örn Sigmarsson
Gengið frá Skíðastöðum og upp Mannshrygg á Hlíðarfjall. Síðan er gengið inn eftir fjallinu og upp á Strýtu þar sem útsýni er mikið. Sama leið gengin til baka. Nauðsynlegt er að hafa jöklabrodda meðferðis.
Vegalengd alls 14 km. Gönguhækkun um 900 m.
Verð: 3.000/4.500. Innifalið: Fararstjórn.

Áætlaður tími ferða er aðeins viðmið og fer eftir hópnum og aðstæðum hverju sinni.

Næsta ferð 20. maí: Fuglaskoðunarferð um Eyjafjörð

Tue, 16 May 2023 11:34:14 GMT

Fuglaskoðunarferð um Eyjafjörð

Brottför kl. 9 á einkabílum frá FFA, Strandgötu 23.
Fararstjórn: Jón Magnússon og Sverrir Thorstensen
Árleg fuglaskoðunarferð FFA undir leiðsögn kunnáttumanna, nú sem oftar um Eyjafjörðinn þar sem reynt verður að slá fyrri met í tegundafjölda fundinna fugla. Þátttakendur fylgja fararstjórum á valda staði þar sem fuglalífið verður skoðað. Stefnt er að því að finna álftahreiður, skeiðönd, grafönd, flórgoða jafnvel gargönd og margar fleiri tegundir.
Verð: 2.000/3.500. Innifalið: Fararstjórn.

Áætlaður tími ferða er aðeins viðmið og fer eftir hópnum og aðstæðum hverju sinni.

Fréttabréf FFA maí 2023

Fréttabréf FFA maí 2023

Wed, 03 May 2023 10:04:20 GMT

Opið hús hjá FFA 4. maí kl. 20

Wed, 26 Apr 2023 12:20:42 GMT

Opið hús verður fimmtudaginn 4. maí nk. kl. 20:00 í Strandgötu 23.
Þar munu þeir Frímann Guðmundsson og Konráð Gunnarsson segja frá ferðum sem þeir hafa farið í saman, hingað og þangað um Eyjafjörð.

Kaffi og spjall á eftir.

Hlökkum til að sjá ykkur öll!

Stóri plokkdagurinn 2023

Mon, 17 Apr 2023 13:15:46 GMT

Sunnudaginn 30. apríl kl. 10 ætlar Ferðafélag Akureyrar að taka þátt í Stóra plokkdeginum í samstarfi við Akureyrarbæ. Félagið fær úthlutað ákveðnum svæðum til að hreinsa.

FFA hvetur alla til að tína rusl hvenær sem er á ferðum sínum um bæinn.

Næsta ferð 15. apríl: Þeistareykjabunga-Þeistareykir

Tue, 11 Apr 2023 13:35:08 GMT

Brottför kl. 8 á einkabílum frá FFA, Strandgötu 23.
Fararstjórn: Sigurgeir Sigurðsson.
Ekið að svæðinu við Þeistareykjaskálann þar sem gangan hefst. Þeistareykjabunga er ein stærsta dyngja landsins en upptök hennar eru í Stóra-Víti. Gengið verður upp í Bóndhólsskarð, að Litla-Víti sem er mjög sérstakt og áfram að Stóra-Víti. Síðan er gengið á hæsta punkt Þeistareykjabungu, þaðan sem víðáttumikil hraun hafa runnið og víðsýnt er um svæðið.
Vegalengd alls 15 km. Gönguhækkun 200 m.
Verð: 3.000/4.500. Innifalið: Fararstjórn.

Áætlaður tími ferða er aðeins viðmið og fer eftir hópnum og aðstæðum hverju sinni.

Fréttabréf FFA apríl 2023

Tue, 04 Apr 2023 12:41:18 GMT

Fréttabréf FFA apríl 2023

Af ferðakynningu FFA

Sat, 01 Apr 2023 12:43:11 GMT

Góð mæting var á ferðakynningu FFA sem haldin var í VMA
30. mars. Þar voru ferðir ársins kynntar auk sérstakra barna- og fjölskylduferða, raðgöngu og fyrirhugaðra hreyfiverkefna.

Konráð og Frímann sögðu frá ferð sem þeir fóru á Austurlandi í ágúst 2021, áhugaverð frásögn.

Þeir sem ekki komust á kynninguna geta kynnt sér ferðirnar og hreyfiverkefnin á heimasíðu FFA.

Næsta ferð 1. apríl: Mosi í Böggvisstaðadal

Wed, 29 Mar 2023 09:17:24 GMT

Brottför kl. 8 á einkabílum frá FFA, Strandgötu 23.
Fararstjórn: Kristján E. Hjartarson
Ekið til Dalvíkur að skíðaskálanum í Böggvisstaðafjalli. Þaðan er skíðað upp í Böggvisstaðadal og áfram inn dalinn, fram hjá Dalakofanum sem er áningarskáli og kúrir undir Grímubrekkum. Áfram er haldið í áfangastað sem er skálinn Mosi. Sama leið farin til baka.
Vegalengd alls 15 km. Gönguhækkun 650 m. Greiða þarf aðstöðugjald í Mosa.
Verð: 2.000/3.500. Innifalið: Fararstjórn.

Áætlaður tími ferða er aðeins viðmið og fer eftir hópnum og aðstæðum hverju sinni.

Ferðakynning FFA 2023

Thu, 23 Mar 2023 11:49:16 GMT

Ferðir ársins 2023 verða kynntar í máli og myndum þann 30. mars kl. 20 í Verkmenntaskólanum á Akureyri (gengið inn að vestan).

Auk þess:

Sérstakar barna- og fjölskylduferðir verða kynntar.
Fjögur hreyfiverkefni verða kynnt, þau hefjast í apríl og maí.
Söguferðir/raðganga.
Gestir kvöldsins verða Frímann Guðmundsson og Konráð Gunnarsson, þeir sýna myndir frá skemmtilegum ferðum sem þeir hafa farið í saman.
Kaffihlé. Nokkrar verslanir verða með kynningu á vörum sínum.

Aðgangur ókeypis.

Næsta ferð 18. mars: Illugastaðir-Sörlastaðir

Mon, 13 Mar 2023 12:24:25 GMT

Brottför kl. 8 á einkabílum frá FFA, Strandgötu 23.
Fararstjórn: Ingvar Teitsson
Ekið að Fnjóskárbrú hjá Illugastöðum og gengið inn Fnjóskadal framhjá eyðibýlum að Sörlastöðum, en þangað er um 10 km ganga. Sama leið gengin til baka. Á leiðinni verða sagðar sögur af svæðinu og dáðst að stórfenglegu útsýninu í fremsta hluta Fnjóskadals.
Vegalengd alls 19-20 km. Gönguhækkun 90 m.
Verð: 3.000/4.500. Innifalið: Fararstjórn.

Áætlaður tími ferða er aðeins viðmið og fer eftir hópnum og aðstæðum hverju sinni.

Af aðalfundi FFA 2023

Tue, 07 Mar 2023 15:22:12 GMT

Aðalfundur Ferðafélags Akureyrar 2023 var haldinn 6. mars. Ársskýrsla stjórnar fyrir 2022 var lesin upp og samþykkt. Í henni var komið inn á helstu verkefni allra nefnda 2022. Þar kom einnig fram að í lok desember voru félagar orðnir 639. Skýrsla stjórnar og allra nefnda félagsins verða birtar í tímariti FFA, Ferðum 2023, sem kemur út von bráðar.

Ársreikningar 2022 voru kynntir, ræddir og samþykktir. Nefndarfólk í þeim 14 nefndum sem verða starfandi 2023-2024 var kynnt. Kosið var í stjórn og í henni sitja Þorgerður Sigurðardóttir formaður, Þorvaldur Rafn Kristjánsson, Einar Hjartarson, Þorbjörg Þorsteinsdóttir, Fjóla Kristín Helgadóttir. Varamenn eru Árni Gíslason og Sólveig Styrmisdóttir sem er ný í varastjórn og bjóðum við hana velkomna. Skoðunarmenn reikninga og skjalavörður voru einnig kosnir. Endurnýjaðar upplýsingar um þetta koma inn á heimasíðu FFA við fyrsta tækifæri.

Eftir kaffi og spjall fór formaður yfir það sem er framundan hjá félaginu, en framundan er blómlegt starf með kröftugu fólki í hverju rúmi. Formaður sýndi jafnframt súlurit yfir þróun í ferðum og í þátttöku í ferðum og öðrum verkefnum frá 2018 en talsvert færri ferðuðust með félaginu 2022 en árið áður sem var gott ár. Helsta ástæða dræmrar þátttöku er veður á Norðurlandi því nokkuð margar ferðir voru felldar niður vegna þess. En ef allt er talið, þátttaka í öllum ferðum og verkefnum hjá FFA 2022 þá voru farnar 115 ferðir með 1587 þátttakendum.

Það nýjasta í skálamálum er að þjónustuhúsið Víti verður tekið í notkun í sumar og stefnt er á einfalda veitingasölu þar.

Fréttabréf FFA mars 2023

Thu, 02 Mar 2023 12:04:53 GMT

Fréttabréf FFA mars 2023

Tvö ný hreyfiverkefni hefjast í apríl

Sun, 26 Feb 2023 13:15:12 GMT

Vekjum athygli á því að tvö ný hreyfiverkefni hefjast hjá FFA í apríl. Þessi verkefni eru sett á dagskrá til að auka enn á fjölbreytni í starfi félagsins og koma til móts við fleiri. Við vonum sannarlega að þau fái góðar sundirtektir. Skráning er hafin.

Þann 16. apríl hefst námskeiðið Ferðast með allt á bakinu.
Sjá nánar á síðu verkefnisins

Þann 23. apríl hefst verkefnið Núvitund í náttúrunni.
Sjá nánar á síðu verkefnisins

Næsta ferð 18. febrúar: Galmaströnd ATH gönguferð

Thu, 16 Feb 2023 13:04:21 GMT

Galmaströnd: Ákveðið hefur verið að breyta ferðinni í gönguferð

Brottför kl. 9 á einkabílum frá FFA, Strandgötu 23.
Fararstjórn: Frímann Guðmundsson
Gengið er frá Syðri-Reistará og niður undir sjó. Síðan norður til Hjalteyrar og skoðað hvaðan við fáum heita vatnið. Svo út Arnarnesnafir og aftur að Reistará um Bjarnarhól.
Vegalengd alls 12-13 km. Gönguhækkun lítil.
Verð: 2.000/3.500. Innifalið: Fararstjórn.

Áætlaður tími ferða er aðeins viðmið og fer eftir hópnum og aðstæðum hverju sinni.

Fréttabréf FFA

Tue, 07 Feb 2023 12:45:41 GMT

Fréttabréf FFA febrúar 2023

Það hefur lengi verið á döfinni hjá FFA að gefa út fréttabréf og nú er komið að því. Við gerum ráð fyrir að þau komi út mánaðarlega.

Hægt verður að nálgast fréttabréfin á þessari síðu .

Með von um góðar undirtektir:
Þorgerður, formaður FFA

Næsta ferð 11. febrúar: Baugasel í Barkárdal

Tue, 07 Feb 2023 12:16:46 GMT

Brottför kl. 10 á einkabílum frá FFA, Strandgötu 23.
Fararstjórn: Anke Maria Steinke.
Gangan hefst við Bug í Hörgárdal. Fremur létt og þægileg leið fram að eyðibýlinu Baugaseli en þar er lítið safn gamalla muna. Gil og rústir skoðuð á leiðinni. Sama leið farin til baka.
Vegalengd alls 12-13 km. Gönguhækkun 80 m.
Verð: 2.000/3.500. Innifalið: Fararstjórn.

Áætlaður tími ferða er aðeins viðmið og fer eftir hópnum og aðstæðum hverju sinni.

Fjallaskíðanámskeið hjá FFA

Sat, 04 Feb 2023 13:06:36 GMT

Fjallaskíðanámskeiðið verður í tvennu lagi; byggt upp sem stutt námskeið og æfingar í byrjun og endar á lengri ferðum.  Hægt er að skrá sig í hvort sem er annað námskeiðið eða bæði.

Fjallaskíðanámskeið I: Hefst 20. janúar og er fram í febrúar. Það byggist upp á góðum undirbúningsfundi, fjórum æfingum og einni lengri ferð.

Fjallaskíðanámskeið II: Hefst 11. mars og er fram í apríl. Það byggist upp á fimm lengri ferðum.

Umsjón með verkefninu og fararstjórar eru Kristín Irene Valdemarsdóttir og Jón Marinó Sævarsson .

Skráningu á fyrra námskeiðið lýkur 12. janúar. Nánari upplýsingar og skráning hér.

Tökum skrefið - vikulegar göngur hjá FFA

Wed, 01 Feb 2023 10:16:35 GMT

Tökum skrefið, vikulegar göngur hjá Ferðafélagi Akureyrar hefjast að nýju sunnudaginn 5. febrúar kl. 10.

Lögð er áhersla á að halda gönguhraða þannig að allir geti fylgt hópnum og er viðmiðið að ganga 3-5 km á einni klukkustund.

Kaffi eftir göngu.

Allir velkomnir - frítt - engin skráning.

Mæting við FFA, Strandgötu 23.

Næsta ferð 4. febrúar: Bakkar Eyjafjarðarár

Tue, 31 Jan 2023 09:47:02 GMT

Brottför kl. 11 á einkabílum frá FFA, Strandgötu 23.
Fararstjórn: Ingvar Teitsson
Ferðin hefst á bílastæðinu neðan við Kaupang og er gengið að Eyjafjarðará og síðan suður bakka árinnar að brúnni hjá Hrafnagili. Á leiðinni heyrum við sögur af fólki og dáumst að fögru útsýninu. Þægileg gönguleið á flötu landi. Selflytja þarf bíla milli upphafs- og endastaðar. Ferð fyrir alla.
Vegalengd 10 km.
Þátttaka ókeypis.

Áætlaður tími ferða er aðeins viðmið og fer eftir hópnum og aðstæðum hverju sinni.

Kynning á sumarleyfisferðum FFA 2023

Mon, 23 Jan 2023 12:39:27 GMT

Nokkrar svokallaðar sumarleyfisferðir eru í boði í sumar á vegum FFA sem fararstjórar munu kynna sérstaklega í máli og myndum þann 2. febrúar kl. 20 að Strandgötu 23.

Þær ferðir sem kynntar verða eru:
Náttúruskoðun og sjálfsrækt í Fjörðum, 14.-16. júlí.
Bræðrafell-Askja, 16.-19. júlí.
Öskjuvegurinn trússferð, 23.-27. júlí.
Helgarferð á Herðubreið, 11.-13. ágúst.

Allir velkomnir, heitt á könnunni.

Viltu taka þátt í fjölbreyttu og skemmtilegu starfi hjá FFA?

Thu, 12 Jan 2023 12:26:51 GMT

Ferðafélag Akureyrar auglýsir eftir áhugasömu fólki í stjórn og nefndir félagsins.

Nánari upplýsingar veitir Þorgerður, formaður FFA, netfang: formadur@ffa.is / sími: 692 6904

Kynntu þér starf FFA á heimasíðu félagsins , þar er margt að gerast. Við hlökkum til að heyra frá þér.

Skálaverðir - sumarstörf

Mon, 09 Jan 2023 10:54:03 GMT

Ferðafélag Akureyrar leitar að skálavörðum til starfa í skálum félagsins í Herðubreiðarlindum og Drekagili sumarið 2023. Við leitum einnig eftir fólki í veitingasölu í nýju húsi FFA við Drekagil.

Tímabil sem um ræðir er frá miðjum júní og fram í september. Leitað er að fólki sem getur unnið stærstan hluta tímabilsins en einnig er möguleiki að ráða í styttri tíma.

Starfið felst meðal annars í móttöku gesta, þrifum og samskiptum við ferðaþjónustuaðila og fleiri. Mikilvægt er að viðkomandi búi yfir ríkri þjónustulund, hafi góða tungumálakunnáttu og sé handlaginn og greiðvikinn.

Nánari upplýsingar um starfið veita þau Fjóla Kristín Helgadóttir, netfang fjola.k.helgadottir@gmail.com og Hilmar Antonsson í síma 862 3262.

Umsóknir skal senda á ffa@ffa.is fyrir 31. janúar , þangað er einnig hægt að senda fyrirspurnir.

Kynning á skíðagönguferðum FFA 2023

Thu, 05 Jan 2023 11:58:02 GMT

Margar ólíkar skíðagönguferðir eru í boði fyrripart ársins á vegum FFA sem nokkrir fararstjórar munu kynna í máli og myndum þann 12. janúar klukkan 20 að Strandgötu 23. Vert er að benda sérstaklega á þriggja daga skíðaferð í Laugafell í apríl en nokkuð er síðan boðið var upp á lengri skíðagönguferð hjá FFA.

Auk þess verður kynning á fjallaskíðanámskeiði sem hefst 21. febrúar.

Heitt á könnunni.

Næsta ferð 1. janúar: Út í óvissuna á nýársdag

Fri, 30 Dec 2022 11:47:41 GMT

Brottför kl. 13 á einkabílum frá FFA, Strandgötu 23.
Fararstjórn: Grétar Grímsson
Þátttaka ókeypis.
Ekki þarf að skrá sig í þessa ferð.

Af félagsfundi 29. des. 2022

Fri, 30 Dec 2022 11:07:24 GMT

Á fundinn mættu 19 félagsmenn. Þorgerður formaður FFA sagði í stuttu máli frá starfsemi ársins 2022. Um 460 manns tóku þátt í skipulögðum ferðum félagsins á árinu og mikil aukning í barna- og fjölskylduferðum en 92 tóku þátt í þeim.

Hreyfihópar voru sex, bæði göngu- og skíðahópar sem fóru í um 40 ferðir og 130 manns tóku þátt. Einnig var góð þátttaka í sunnudagsgöngum FFA sem eru léttar klukkustundar göngur.

Opið hús hefur verið þrisvar í haust og verða þau áfram einu sinni í mánuði í vetur, það fyrsta á árinu verður 12. janúar og þá kynna nokkrir fararstjórar skíðaferðir 2023.

Rætt var um skála félagsins í Herðubreiðarlindum og við Drekagil. Í sumar verður nýtt aðstöðuhús, Víti, tekið í notkun. Þar verður aðstaða fyrir tjaldgesti og daglega umferð um svæðið, einnig er fyrirhuguð einföld veitingasala og sala á nauðsynjavöru.

Nokkur umræða var um stígagerð á Glerárdal og hvort það fari saman að hafa gangandi og hjólandi á sama stígnum bæði vegna öryggis- og náttúruverndarsjónarmiða en Akureyrarbær sér um framkvæmdir á dalnum.

Gleðileg jól og farsælt komandi ár

Fri, 23 Dec 2022 09:45:41 GMT

Ferðafélag Akureyrar sendir félagsmönnum sínum, starfsfólki, viðskiptavinum og öðrum velunnurum hugheilar
jóla- og nýárskveðjur með þökkum fyrir samstarfið á árinu
sem er að líða.

Félagsfundur FFA

Mon, 19 Dec 2022 10:03:29 GMT

Almennur félagsfundur Ferðafélags Akureyrar verður haldinn að Strandgötu 23, fimmtudaginn 28. desember kl. 20:00

Ýmis félagsmál rædd. Kaffi og konfekt.

Félagsmenn hvattir til að mæta. Allar nýjar hugmyndir um starfið vel þegnar.

Stjórn FFA

Skrifstofa FFA er lokuð til áramóta

Wed, 14 Dec 2022 12:47:12 GMT

Skrifstofa FFA verður lokuð frá 15. desember til 2. janúar.

Ef erindið er brýnt er hægt að hafa samband á skrifstofutíma í síma: 822 5193

Gleðileg jól!

Ferðaáætlun FFA 2023 og næstu námskeið

Tue, 13 Dec 2022 11:38:57 GMT

Ferðaáætlun FFA fyrir árið 2023 er komin á heimasíðuna hér .

Ef fólk vill tryggja sér pláss í einhverri ferð strax er hægt að skrá sig hér í hvaða ferð sem er.

Grunn- og framhaldsnámskeið í skíðagöngu eru fyrirhuguð í febrúar og mars, nánari upplýsingar og skráning á heimasíðunni hér .

Fjallaskíðanámskeið er einnig fyrirhugað í febrúar og mars, nánari upplýsingar og skráning á heimasíðunni hér .

Opið hús 1. desember kl. 20:00

Fri, 18 Nov 2022 09:49:34 GMT

Portúgal -hrífandi landslag og menning

Opið hús hjá FFA í Strandgötu 23, fimmtudaginn 1. desember kl. 20:00

Ingvar Teitsson segir frá 12 daga skemmtiferð til Portúgals.

Kaffi og spjall á eftir.

Allir velkomnir.

Hvernig verður 2023 hjá FFA?

Wed, 16 Nov 2022 12:45:24 GMT

Nú er vinnu við ferðaáætlun FFA fyrir árið 2023 að ljúka. Eins og undanfarin ár er áætlunin viðamikil og fjölbreytt. Sem dæmi má nefna að skíðagönguferðir verða um hverja helgi frá febrúar og fram á vor. Ferð í Flatey, sögu- og menningarferðir í Skagafjörðinn, sjö tinda ferðin er á sínum stað svo og gönguvikan í júní þar sem sólstöðunnar er notið eins og hægt er. Trússferð um Öskjuveginn verður í boði, Bræðrafell-Askja er ferð sem vert er að skoða þar sem gengið er á milli Bræðrafells og Dreka með viðkomu í Öskju. Í boði verða þrjár rafhjólaferðir og tvær ólíkar ferðir í Þorvaldsdalinn svo eitthvað sé nefnt af þeim 50 ferðum sem verða í boði.

Barna- og fjölskylduferðir náðu sér vel á strik á síðasta ári og verður haldið áfram á sömu braut. Tvær ferðir verða þar sem gist er í skálum, fuglaskoðunarferð og fleira áhugavert. Ferðirnar verða fríar nema ef einhver kostnaður kemur til, t.d. vegna gistingar fyrir fullorðna.

Undirbúningur hreyfihópaverkefna er í fullum gangi, verða þau auglýst jafnóðum og þau hefjast. Stefnt er að fjallaskíðahópum, skíðagöngunámskeiðum, gönguhópum og núvitund í náttúrunni.

Áætlunin verður birt á heimasíðu FFA í desember, fylgist með.

Skrifstofa FFA er lokuð á mánudögum í nóvember

Thu, 03 Nov 2022 13:05:44 GMT

Skrifstofa FFA er lokuð á mánudögum í nóvember.

Næsta ferð 5. nóvember: Þverbrekkuvatn

Mon, 31 Oct 2022 12:50:58 GMT

Brottför kl. 9 á einkabílum frá FFA, Strandgötu 23.
Fararstjórn: Herdís Zophoníasdóttir
Ferðinni er aflýst.
Ekið sem leið liggur fram í Öxnadal að bænum Hálsi þar sem gangan hefst. Þægileg ganga fyrir alla í stórbrotnu umhverfi. Vatnið er í um 410 m hæð. Gengið er í móum og þúfum og því nauðsynlegt að vera vel skóaður. Gott að hafa göngustafi ef fólk er vant þeim.
Vegalengd alls um 4 km. Gönguhækkun 140 m.
Þátttaka ókeypis.

Opið hús 3. nóvember kl. 20

Mon, 24 Oct 2022 12:12:09 GMT

Atriði til umhugsunar í vetrarfjallamennsku

Opið hús hjá FFA í Strandgötu 23, fimmtudaginn 3. nóvember
kl. 20:00.

Kristín Irene Valdemarsdóttir og Jón Marinó Sævarsson fara yfir það sem þarf að hafa í huga eða að varast í ferðamennsku að vetri til. Auk þess kynna þau fjallaskíða- og öryggisbúnað.

Kaffi og spjall á eftir.

Allir velkomnir.

Skrifstofa FFA lokuð 21. október

Thu, 20 Oct 2022 12:28:46 GMT

Skrifstofa FFA er lokuð föstudaginn 21. október.

Þaulinn 2022 - verðlaun og viðurkenningar

Fri, 07 Oct 2022 11:27:34 GMT

Dregið hefur verið í gönguleiknum Þaulanum. Haft hefur verið samband við þá sem hlutu verðlaun og öll börn sem skiluðu inn svarblaði fá viðurkenningarskjal.

Við þökkum öllum þátttökuna og þeim fyrirtækjum sem gáfu verðlaun þökkum við stuðninginn.

Næsta ferð 1. október: Sölvadalur-árgljúfur

Mon, 26 Sep 2022 09:19:01 GMT

Brottför kl. 9 á einkabílum frá FFA, Strandgötu 23.
Fararstjórn: Njáll Kristjánsson.
Ekið sem leið liggur fram í Sölvadal sem er fallegur framdalur í Eyjafirði þar sem skoðuð verða mjög falleg og sérkennileg árgljúfur sem áin hefur mótað í aldanna rás. Gönguhækkun óveruleg.
Þátttaka ókeypis.

Skrifstofa FFA lokuð 26. september

Sun, 25 Sep 2022 23:38:52 GMT

Skrifstofa FFA verður lokuð mánudaginn 26. september.

Opið hús 6. október kl. 20

Tue, 20 Sep 2022 16:07:19 GMT

Opið hús fimmtudaginn 6. október kl. 20:00 í Strandgötu 23.

Norðausturhornið - ferðakynning!

- Náttúra og saga í Kelduhverfi

- Raufarhöfn og nágrenni – nyrstu tangar landsins

- Langanes – Fontur

Einnig verður sagt frá annarri starfsemi félagsins og sumarleyfisferðum sem eru í þróun.

Kaffi og spjall á eftir. Allir velkomnir.

Næsta ferð 24. september: Dagmálanibba

Mon, 19 Sep 2022 16:06:33 GMT

Brottför kl. 8 á einkabílum frá FFA, Strandgötu 23.
Fararstjórn: Þuríður Helga Kristjánsdóttir
Ekið að bænum Hofi í Svarfaðardal þar sem lagt er á fjallið norðan Hofsár og gengið upp hlíðina en síðan sveigt til norðurs ofan við Hofsskál. Gengið er skáhallt norður og upp Efrafjall. Komið er upp á fjallið sunnan við Dagmálanibbu og gengið norður á nibbuna. Vegalengd alls 10 km. Gönguhækkun 830 m.
Verð 2.000/3.500. Innifalið: Fararstjórn.

Ferðinni er aflýst vegna slæmrar veðurspár.

Næsta ferð 18. september: Heimsókn í gíga Kröflugosa

Mon, 12 Sep 2022 16:19:16 GMT

Brottför kl. 8 á einkabílum (jeppum) frá FFA, Strandgötu 23.
Fararstjórn: Þóroddur Þóroddsson
Ekið að bílastæði við Víti. Leyfi hefur fengist til að aka þaðan eftir slóð sem fær er venjulegum jeppum. Ekið verður norður fyrir Hreindýrahól og þaðan gengið norður á Sandmúla og að hraunum Kröfluelda vestan hans. Gengið um gíga og hraun frá goshrinum 1980 og 1981 og fylgt gossprungum til suðurs, þaðan gengið austur að bílum. Vegalengd um 10 km en á köflum um mjög úfið hraun. Gönguhækkun 200-300 m.
Verð: 3.000/4.500. Innifalið: Fararstjórn.

Þeim sem hentar betur að mæta beint á upphafsstað göngunnar (bílastæði við Víti) er bent á að hafa samband við skrifstofu FFA varðandi greiðslu. Skrifstofan er opin virka daga kl. 14:00-17:00. Netfang: ffa@ffa.is / sími: 462 2720

Næsta ferð 17. september: Haustlitaferð í Jökulsárgljúfur

Mon, 12 Sep 2022 15:41:38 GMT

Brottför kl. 8 með rútu frá FFA, Strandgötu 23.
Fararstjórn: Guðlaug Ringsted
Farið með rútu í Hólmatungur í Jökulsárgljúfrum. Síðan er gengið niður með gljúfrum Jökulsár á Fjöllum en í miklum jökulflóðum hefur hún mótað það fjölbreytta landslag sem við göngum um. Gengið um Hólmatungur, Vesturdal, Hljóðakletta og Kvíar. Haustlitaferð í smáfríðu og stórbrotnu landslagi sem varla á sinn líka hér á landi. Vegalengd 23 km. Gönguhækkun óveruleg. Vaða þarf yfir eina á og því gott að hafa vaðskó eða ullarsokka meðferðis.
Verð: 14.000/16.000. Innifalið: Fararstjórn og rúta.
Þessa ferð þarf að greiða að fullu þremur dögum fyrir brottför, því er æskilegt að skrá sig í ferðina eigi síðar en 14. september nk.

Næsta ferð 10. september: Hálshnjúkur við Vaglaskóg

Mon, 05 Sep 2022 12:32:01 GMT

Brottför kl. 8 á einkabílum frá FFA, Strandgötu 23.
Fararstjórn: Ósk Helgadóttir
Ekið í Vaglaskóg að Efri-Vöglum þar sem gangan hefst. Gengið er upp hlíðina eftir stikaðri leið og á Hálshnjúkinn með heimamanneskju þar sem er frábært útsýni yfir Fnjóskadal og Ljósavatnsskarð. Farin er sama leið til baka. Vegalengd alls 4 km. Gönguhækkun um 400 m.
Verð: 2.000/3.500. Innifalið: Fararstjórn.

Þaulinn 2022

Fri, 02 Sep 2022 11:22:37 GMT

Enn er tími til að klára að safna leiðum í Þaulanum en við minnum á að lokafrestur til að skila inn svarblaðinu er þann 20. september nk. Hægt að setja það inn um lúguna utan opnunartíma skrifstofu FFA.

Næsta ferð 3. september: Skeiðsvatn-göngu- og núvitundarferð

Mon, 29 Aug 2022 15:20:33 GMT

Brottför kl. 8 á einkabílum frá FFA, Strandgötu 23.
Fararstjórn: Þuríður Helga Kristjánsdóttir
Mæting við skrifstofu FFA og sameinast í bíla. Ekið á einkabílum að Skeiði í Svarfaðardal. Gengið er fram að Skeiðsvatni í Vatnsdal eftir þægilegum slóða. Haustlitir og stórbrotin fjallasýn einkenna leiðina. Við vatnið verður leidd stutt núvitundaræfing sem miðar að því að dýpka upplifun þátttakenda. Ferð við flestra hæfi. Vegalengd um 8 km. Gönguhækkun 190 m.
Verð: 2.000/3.500. Innifalið: Fararstjórn.

Næsta söguganga 28. ágúst: Helgastaðir í Reykjadal–Ljósavatn

Mon, 22 Aug 2022 16:23:42 GMT

Brottför kl. 9 á einkabílum frá FFA, Strandgötu 23.
Fararstjórn: Erla Sigurðardóttir og Ingvar Teitsson
Ekið á einkabílum að Helgastöðum í Reykjadal. Þaðan göngum við suður meðfram bílveginum í Reykjadal að Einarsstöðum. Þaðan fylgjum við gamla þjóðveginum suðvestur yfir Fljótsheiði að Ingjaldsstöðum. Mikið og fallegt útsýni af Fljótsheiðinni. Frá Ingjaldsstöðum göngum við að Fosshóli og skoðum m.a. ummerki um þrjár kynslóðir af brúm yfir Fljótið. Þaðan fylgjum við þjóðveginum vestur yfir Hrúteyjarkvísl og fylgjum síðan bílveginum heim að kirkjustaðnum Ljósavatni en þar var Helga Sörensdóttir fermd vorið 1875. Ath: Selflytja þarf bíla milli Helgastaða og Ljósavatns. Vegalengd: 17,1 km, lóðrétt hækkun: 260 m. Ath: Selflytja þarf bíla milli Helgastaða og Ljósavatns. Áætlaður göngutími 5-6 klst.
Verð: 2.000/3.500 kr.

Þeim sem hentar betur að mæta beint á upphafsstað göngunnar (að Helgastöðum, lagt af stað þaðan kl. 10:00) er bent á að hafa samband við skrifstofu FFA varðandi greiðslu. Skrifstofan er opin virka daga kl. 14:00-17:00. Netfang: ffa@ffa.is / sími: 462 2720.

Næsta ferð 27. ágúst: Tungudalsvatn í Fljótum

Mon, 22 Aug 2022 16:10:08 GMT

Brottför kl. 8 á einkabílum (jeppum, jepplingum) frá FFA, Strandgötu 23.
Fararstjórn: Una Þórey Sigurðardóttir
Ekið sem leið liggur yfir Lágheiði að bænum Lundi og beygt í vestur og farið eftir vegaslóða að Fljótaánni og ekið yfir hana ef ekki er of mikið í ánni. Síðan er gengið frá bústöðum við ána eftir kindagötum inn að vatninu sem er falin náttúruperla sem ekki margir þekkja. Þarna er mikið af fjallagrösum og berjum ef vel árar. Vegalengd um 10 km. Gönguhækkun 290 m. Það getur verið mý við Tungudalsvatn og því öruggara að fólk taki með sér flugnanet og jafnvel aðrar varnir gegn mýi, t.d. þar til gert sprey.
Verð: 2.000/3.500. Innifalið: Fararstjórn.

Þeim sem hentar betur að mæta beint á upphafsstað göngunnar (við bæinn Lund) er bent á að hafa samband við skrifstofu FFA varðandi greiðslu. Skrifstofan er opin virka daga kl. 14:00-17:00. Netfang: ffa@ffa.is / sími: 462 2720

Hér má sjá áætlun fyrir ferðirnar.

FFA tekur þátt í Akureyrarvöku

Sat, 20 Aug 2022 11:15:32 GMT

Ferðafélag Akureyrar ætlar að leggja sitt af mörkum á Akureyrarvöku 2022 . Félagið boðar því til göngu að Steinmönnum. Gangan hentar flestum og börn og unglingar hafa eflaust gaman að því að spreyta sig og sjá þessa skemmtilegu steinkarla sem standa á Súlumýrunum í 500 m hæð og horfa yfir bæinn okkar. Frá Steinmönnum er mikið og fallegt útsýni í allar áttir.

Sjá nánar um ferðina hér.

Gengið inn í haustið með FFA

Tue, 16 Aug 2022 22:07:51 GMT

Skráningu lýkur 6. september

Gengið inn í haustið með FFA- Hópur fyrir fólk sem vill ná lengra

Gengið inn í haustið með FFA er fyrir fólk sem hefur einhverja reynslu af fjallgöngum eða er í ágætu gönguformi og langar að kynnast göngum í brattlendi betur. Verkefnið saman stendur af þremur styttri göngum í nærumhverfi Akureyrar og þremur lengri fjallgöngum.
Fararstjórar leggja áherslu á að allir njóti sín, upplifi sig örugg og komi úr göngu full tilhlökkunar í þá næstu.

Verkefnið hefst 13. september og því lýkur um miðjan október.
Umsjónarmenn og fararstjórar eru: Arnar Bragason og Eyrún Þorfinnsdóttir .
Verð 20.500 kr.
Meira um verkefnið hér og skráning.

Næsta söguganga 21. ágúst: Ófeigsstaðir í Kaldakinn–Helgastaðir í Reykjadal

Mon, 15 Aug 2022 11:54:59 GMT

Brottför kl. 09.00 á einkabílum frá FFA, Strandgötu 23, Akureyri.
Fararstjórn: Erla Sigurðardóttir og Ingvar Teitsson
Ekið á einkabílum að Ófeigsstöðum í Kaldakinn. Þaðan göngum við austur yfir brúna á Skjálfandafljóti og svo suður austurbakka Fljótsins að bænum Vaði. Sunnan Vaðs göngum við upp skógi vaxna brekku að tóftunum af Fossseli en þar átti Helga Sörensdóttir heima í 11 ár. Frá Fossseli fylgjum við götuslóðum suðaustur yfir Fljótsheiði. Á þeirri leið er fallegt útsýni yfir sveitirnar austan og vestan Fljótsheiðar. Við komum austur af heiðinni rétt norðan Helgastaða í Reykjadal. Hér gekk Helga til spurninga og ganga dagsins endar við heimreiðina í Helgastaði. Vegalengd: 12,5 km, lóðrétt hækkun 170 m. Ath: Selflytja þarf bíla milli Ófeigsstaða og Helgastaða. Áætlaður göngutími 4 klst.
Verð: 2.000/3.500 kr.

Þeim sem hentar betur að mæta beint á upphafsstað göngunnar (að Ófeigsstöðum, lagt af stað þaðan kl. 10:00) er bent á að hafa samband við skrifstofu FFA varðandi greiðslu. Skrifstofan er opin virka daga kl. 14:00-17:00. Netfang: ffa@ffa.is / sími: 462 2720

Næsta rafhjólaferð 21. ágúst: Nípá í Út-Kinn-Náttfaravíkur

Mon, 15 Aug 2022 11:38:44 GMT

Brottför kl. 8 á einkabílum frá FFA, Strandgötu 23.
Fararstjórn: Stefán Sigurðsson
Ekið að Nípá í Út-Kinn með hjól á kerrum. Lagt er síðan upp frá Nípá og hjólað upp grófan jeppaslóða og bak við fjallið Bakranga. Síðan liggur leiðin niður að Purkánni og farið yfir hana á brú. Þaðan liggur slóðin norður og endar á brekkubrún talsvert fyrir ofan Náttfaravíkur. Mikið útsýni til austurs og suðurs. Á þessari leið eru sprænur sem hjóla/vaða þarf yfir. Þetta er ferð fyrir þá sem eru komnir með talsverða reynslu af rafmagnsfjallahjólum. Þar sem hækkun er talsverð í báða enda þarf að huga að rafmagnseyðslu. Vegalengd alls 37 km. Hækkun um 1000 m.
Verð: 5.000/6.500. Innifalið: Fararstjórn og flutningur á hjólum á sérhönnuðum kerrum.

Þeim sem hentar betur að mæta beint á upphafsstað (Nípá í Út-Kinn) er bent á að hafa samband við skrifstofu FFA varðandi greiðslu. Skrifstofan er opin virka daga kl. 14:00-17:00. Netfang: ffa@ffa.is / sími: 462 2720

Næsta ferð 20. ágúst: Hálshnjúkur við Vaglaskóg

Mon, 15 Aug 2022 11:31:36 GMT

Næsta ferð 12. ágúst: Herðubreið - örfá sæti laus vegna forfalla

Tue, 09 Aug 2022 15:28:13 GMT

Brottför kl. 17 á einkabílum frá FFA, Strandgötu 23.
Fararstjórn: Leo Broers og Viðar Örn Sigmarsson
Árleg ferð FFA á þjóðarfjallið. Ekið í Herðubreiðarlindir og gist þar í tjöldum eða skála í tvær nætur. Gengið á Herðubreið á laugardegi og haldið heim á sunnudegi. Hjálmur, broddar eða klær og ísexi er nauðsynlegur búnaður. Gönguhækkun um 1000 m.
Verð: Í skála: 13.000/18.000. Í tjaldi: 9.000/12.000. Innifalið: Fararstjórn og gisting.

Skráning

Næsta söguganga 6. ágúst: Bjargakrókur-Ófeigsstaðir í Kaldakinn

Tue, 02 Aug 2022 13:59:17 GMT

Brottför kl. 9 á einkabílum frá FFA, Strandgötu 23, Akureyri.
Fararstjórn: Erla Sigurðardóttir og Ingvar Teitsson
Ekið að bænum Björgum í Kaldakinn og norður að sjónum í Bjargakrók, þar sem gangan hefst. Heimafólk á Björgum fræðir okkur um nánasta umhverfi og skriðurnar miklu sem féllu heim á tún á Björgum í október 2021. Síðan er gengið eftir innansveitarveginum suður Kaldakinn að kirkjustaðnum Þóroddsstað, en þar var Helga Sörensdóttir jarðsungin. Á leiðinni rifjum við upp vist Helgu á bæjum í Útkinn, svo sem á Syðri-Skál. Göngu dagsins lýkur á Ófeigsstöðum. Vegalengd: 17 km, lóðrétt hækkun, hverfandi lítil. Ath: Selflytja þarf bíla milli Bjarga og Ófeigsstaða. Áætlaður göngutími 5-6 klst.
Verð: 2.000/3.500 kr.

Þeim sem hentar betur að mæta beint á upphafsstað göngunnar (neðan við Ófeigsstaði þar sem sameinast verður í bíla. Lagt af stað þaðan kl. 10:00) er bent á að hafa samband við skrifstofu FFA varðandi greiðslu. Skrifstofan er opin virka daga kl. 14:00-17:00. Netfang: ffa@ffa.is / sími: 462 2720

Næsta ferð 6. ágúst: Uxaskarð-Héðinsfjörður

Tue, 02 Aug 2022 13:15:18 GMT

Brottför kl. 8 á einkabílum frá FFA, Strandgötu 23.
Fararstjórn: Björn Z. Ásgrímsson
Gangan hefst við vegaslóða ofan við Brúnastaðaás. Gengið er fram Héðinsfjarðardal en fyrir botni dalsins er Uxaskarð (700m). Hvergi bratt fyrr en kemur undir skarðið. Í skarðinu sést vel niður Ámárdal, Ámárhyrnu og niður að láglendi innan við Héðinsfjarðarvatn. Sitt hvoru megin við skarðið bera við himin hæstu fjöll á fjallgarðinum milli Héðinsfjarðar og Fljóta, Almenningshnakki og Grænuvallahnjúkur, bæði um og yfir 900 m. Gengið er niður með Ámá eftir fallegu gili með fossum og flúðum. Síðan er vaðið yfir Héðinsfjarðará við ármótin og haldið út hlíðina að austanverðu í átt að munna Héðinsfjarðarganga. Staldrað verður við að tóftum eyðibýlanna Möðruvalla, Grundarkots og Vatnsenda. Vegalengd 16 km. Gönguhækkun 670 m.
Verð: 3.000/4.500. Innifalið: Fararstjórn.

Þeim sem hentar betur að mæta beint á upphafsstað göngunnar (við vegaslóða ofan við Brúnastaðaás) er bent á að hafa samband við skrifstofu FFA varðandi greiðslu. Skrifstofan er opin virka daga kl. 14:00-17:00. Netfang: ffa@ffa.is / sími: 462 2720

Hjólum lengra - fjallahjólanámskeið í ágúst

Thu, 28 Jul 2022 10:46:49 GMT

Vantar þig félagsskapinn eða hvatann til að prófa nýjar leiðir á fjallahjólinu? Þá gæti Fjallahjólahópur FFA – „ Hjólum lengra“ verið eitthvað fyrir þig! Námskeiðið er fyrir þá sem vilja hjóla með hóp, fara lengra og kanna ögn óhefðbundnari hjólaleiðir.

Tímabil: 11. til 28. ágúst , alls fimm skipti, þrisvar á fimmtudegi kl. 18 og tvær ferðir um helgar, sjá nánar á hér .

Umsjón hafa Unnur Ósk Unnsteinsdóttir , Guðrún Elísabet Jakobsdóttir og Sigfrid Einarsdóttir. Þær eru jafnframt fararstjórar.

Þaulinn 2022 - Harðarvarða - uppfært

Tue, 19 Jul 2022 09:04:52 GMT

Þátttakendur í Þaulanum athugið, nú á að vera orðið fært upp á Harðarvörðu.

24.-28. júlí: Öskjuvegurinn

Mon, 18 Jul 2022 14:56:59 GMT

Brottför kl. 17 með rútu frá FFA, Strandgötu 23.
Fararstjórn: Guðlaug Ringsted
Gist í skálum og gengið með lágmarksbúnað, ekið með farangur á milli skála.
1. d . (sunnudagur). Ekið í Dreka, skála FFA austan Dyngjufjalla, með viðkomu í Herðubreiðarlindum. Bíllinn heldur áfram og skilur eftir farangur ferðalanga í Dyngjufjalladal og í Suðurárbotnum.
2. d. Gengið eftir stikaðri leið frá Drekagili, yfir Dyngjufjöll að Öskju, e.t.v. farið í sund í Víti. Hópurinn verður sóttur á bílastæðið við Öskjuop og ekið til baka að Dreka. Vegalengd 13-14 km.
3. d. Ekið upp í Öskjuop. Gengið eftir stikaðri leið þaðan, yfir Dyngjufjöll um Jónsskarð og niður í Dyngjufjalladal. Gist í Dyngjufelli, skála FFA. Vegalengd 14 km.
4. d. Frá Dyngjufelli er gengið norður Dyngjufjalladal í Suðurárbotna. Gist í Botna, skála FFA. Vegalengd 20–22 km.
5. d. Lokadag göngunnar er fylgt gömlum jeppaslóða frá Botna niður um Suðurárbotna og meðfram Suðurá að Svartárkoti. Vegalengd 15–16 km. Ekið til Akureyrar.
Verð: 75.000/80.000. Innifalið: Fararstjórn, gisting, akstur og flutningur á farangri.
Þessa ferð þarf að greiða við skráningu.
Lágmarksfjöldi til að ferð verði farin: 8 manns. Hámarksfjöldi: 14 manns.

Næsta ferð 23. júlí: Laxárdalur í Austur-Húnavatnssýslu

Mon, 18 Jul 2022 14:27:42 GMT

Brottför kl. 8 með rútu frá FFA, Strandgötu 23.
Fararstjórn: Þorlákur Axel Jónsson
Ekið að bænum Gautsdal þar sem gangan hefst út dalinn út að Kirkjuskarði. Laxárdalur er eyðidalur þar sem sagan er við hvert fótmál. Fararstjórinn þekkir afar vel til og segir sögur af mönnum og byggð í dalnum en nokkur byggð var í dalnum fram á síðustu öld. Eftir göngu verður komið við í Kúskerpi rétt norðan við Blönduós þar sem Þorlákur stundar skógrækt. Vegalengd 13 km. Gönguhækkun lítil.
Verð: 13.000/15.000. Innifalið: Fararstjórn og rúta.
Staðfestingargjald 3.000 kr. Þessa ferð þarf að greiða að fullu þremur dögum fyrir brottför, því er æskilegt að skrá sig í ferðina eigi síðar en 20. júlí nk.
Lágmarksfjöldi til að ferð verði farin: 10 manns.

Fyrsta rafhjólaferðin 17. júlí: Timburvalladalur-Hjaltadalur

Wed, 13 Jul 2022 08:18:06 GMT

Brottför kl. 8 á einkabílum frá FFA, Strandgötu 23.
Fararstjórn: Stefán Sigurðsson
Ekið fram í Timburvalladal með hjól á kerrum. Ferðin hefst við Bakkasel í Timburvalladal. Hjólað yfir brú á Bakkaá og stefnan tekin á gangnamannskálann Staupastein í Hjaltadal. Hjaltadalur er vel gróinn og umhverfi mjög fallegt. Þetta er ferð sem hentar þeim sem eru að byrja á rafmögnuðum fjallahjólum. Vegalengd 36 km. Hækkun 250 m. Gátlisti fyrir ferð .
Verð: 5.000/6.500. Innifalið: Fararstjórn og flutningur á hjólum á sérhönnuðum kerrum.

Næsta ferð 16. júlí: Kerling, sjö tinda ferð 1538 m.

Mon, 11 Jul 2022 13:59:01 GMT

Brottför kl. 8 á einkabílum og með rútu frá FFA, Strandgötu 23.
Fararstjórn: Einar Bjarki Sigurjónsson og Þuríður Helga Kristjánsdóttir
Ekið að Finnastöðum og gengið þaðan á Kerlingu hæsta fjall í byggð á Íslandi og síðan norður eftir tindunum; Hverfanda (1320 m), Þríklökkum (1360 m), Bónda (1350 m), Litla Krumma, Stóra Krumma, Syðri-Súlu (1213 m) og Ytri-Súlu (1143 m) og niður í Glerárdal. Vegalengd um 20 km. Gönguhækkun 1440 m. Nauðsynlegt er að hafa brodda meðferðis og klæða sig eftir veðri.
ATH takmarkaður fjöldi.
Verð: 5.000/7.000. Innifalið: Fararstjórn og rúta.

Næsta ferð 14.-17. júlí: Bræðrafell-Askja - örfá sæti laus

Mon, 11 Jul 2022 13:35:20 GMT

Brottför kl. 8 á einkabílum (jeppum) frá FFA, Strandgötu 23.
Fararstjórn: Maria Johanna van Dijk
1.d. (fimmtudagur) . Ekið í Herðubreiðarlindir. Eftir kaffihressingu er gengið um fremur greiðfært hraun í Bræðrafell og gist þar, 17 km.
2.d. Gengið á Kollóttudyngju og Bræðrafell skoðað. Gist í Bræðrafellsskála.
3.d. Gengið frá Bæðrafelli í Drekagil. Vegalengd 17 km. Gist í Dreka.
4.d. Gengið frá Dreka yfir Dyngjufjöll að Öskju. Hópurinn sóttur á bílastæðið við Öskjuop og keyrður til baka í Dreka þar sem bílarnir bíða. Ekið heim um kvöldið.
Bílar þátttakenda verða ferjaðir frá Herðubreiðarlindum upp í Dreka.
Verð: 25.000/30.000. Innifalið: Fararstjórn og gisting.
Lágmarksfjöldi til að ferð verði farin: 8 manns. Hámarksfjöldi: 15 manns.

Næsta ferð 9. júlí: Þverbrekkuhnjúkur 1173 m.

Mon, 04 Jul 2022 14:36:57 GMT

Brottför kl. 8 á einkabílum frá FFA, Strandgötu 23.
Fararstjórn: Viðar Örn Sigmarsson
Farið er frá Hálsi í Öxnadal og þaðan gengið um Vatnsdal á Þverbrekkuhnjúk, síðan um Bessahlaðaskarð og Beitarhúsgili að Hálsi þar sem göngunni lýkur. Veglengd um 19 km. Gönguhækkun 940 m.
Verð: 3.000/4.500. Innifalið: Fararstjórn.

Næsta barna- og fjölskylduferð 2. júlí: Nýphólstjörn - veiðiferð

Tue, 28 Jun 2022 15:41:54 GMT

Barna- og fjölskylduferð: Nýphólstjörn. Veiðiferð

Brottför kl. 10 á einkabílum frá FFA, Strandgötu 23.
Fararstjórn: Fjóla Kristín Helgadóttir
Bílum er lagt við bæinn Stóru-Tjarnir í Þingeyjarsveit. Þaðan er gengið eftir slóða upp að vatni sem er á milli hæða í landinu. Þægileg ganga upp hæðina en aflíðandi hækkun á leiðinni að vatninu. Hægt er að veiða í vatninu svo gott er að hafa veiðistangir með og annað sem til þarf og tilheyrir veiði, s.s. flugnanet og eitthvað undir veiðina.
Heildarvegalengd 2,9 km. Gönguhækkun 250 m.
Ferðin tekur u.þ.b. 4 - 5 klst.
FRÍTT

10. júlí: Söguganga fyrsta ferð - yfirlitsferð

Tue, 28 Jun 2022 15:29:35 GMT

Brottför kl. 12 á einkabílum frá FFA, Strandgötu 23.
Fararstjórn: Erla Sigurðardóttir og Ingvar Teitsson
Fyrsti hluti raðgöngunnar verður yfirlits- og kynningarganga frá Ystafelli í Köldukinn, þar sem Jón Sigurðsson, skrásetjari ævisögu Helgu Sörensdóttur bjó. Gengið verður eftir slóða á Kinnarfellið suður á móts við Fellssel þar sem Helga bjó síðustu æviárin. Síðan verður gengið eftir melum og mólendi norður háfellið svo tekur gamall vegur við. Á leiðinni er horft yfir nánast allt „sögusviðið“ og komið niður að Hólsgerði en þar bjó Helga, fyrst með foreldrum sínum og síðar sem fullorðin kona. Frá Hólsgerði er gengið suður með þjóðveginum aftur í Ystafell. Á leiðinni verður sagt frá ævi Helgu og ævisöguritaranum Jóni Sigurðssyni.

Vegalengd um 12 km. Hækkun er um 200 metrar. Ekki þarf að gera ráð fyrir að vaða læki eða bleytur.
Áætlaður göngutími 4 klst.
Verð: 2.000/3.500 kr.

Ferðin átti að vera 3. júlí en var frestað um viku vegna veðurs.

Þeim sem hentar betur að mæta beint á upphafsstað göngunnar (Ystafell II, lagt af stað þaðan kl. 12.45) er bent á að hafa samband við skrifstofu FFA varðandi greiðslu. Skrifstofan er opin virka daga kl. 14:00-17:00. Netfang: ffa@ffa.is / sími: 462 2720

Nánar um sögugöngurnar hér

Næsta ferð 2. júlí: Rútuferð í Austur-Húnavatnssýslu: Sögu- og menningarferð

Mon, 27 Jun 2022 13:27:50 GMT

Rútuferð í Austur-Húnavatnssýslu. Sögu- og menningarferð

Brottför kl. 9 með rútu frá FFA, Strandgötu 23.
Fararstjórn: Bragi Guðmundsson
Ekið frá Akureyri um Blönduhlíð, Viðvíkursveit og til Sauðárkróks. Þaðan farið um Laxárdal bak Tindastóli og fyrir Skaga með viðkomu við Ketubjörg og í Kálfshamarsvík. Hádegisverður á Skagaströnd. Þaðan er haldið suður ströndina og um Refasveit til Blönduóss. Þar verður gengið út í Hrútey. Frá Blönduósi er farið fram Svínvetningabraut. Við Tinda er beygt af leið, ekið norðan við Svínavatn og um Svínadal uns komið er aftur á Svínvetningabraut. Farið yfir Blöndu við Brúarhlíð og þaðan á þjóðveg eitt við Ártún og síðan haldið áfram til Akureyrar.
Verð: 15.000/17.000. Innifalið: Fararstjórn og rúta.
Staðfestingargjald 3.000 kr. Þessa ferð þarf að greiða að fullu þremur dögum fyrir brottför.
Lágmarksfjöldi til að ferð verði farin: 12 manns.

Næsta ferð 1.-2. júlí: Krepputunga-Sönghofsdalur: Tjaldferð

Mon, 27 Jun 2022 13:14:21 GMT

Brottför kl. 16 á einkabílum (jeppum, jepplingum) frá FFA, Strandgötu 23.
Fararstjórn: Frímann Guðmundsson
Fólk sameinast í bíla og deilir kostnaði. Ekið um Möðrudal og síðar Kverkfjallaslóð inn í Arnardal og tjaldað. Þaðan ekið að Kreppubrú og bílum lagt. Þaðan er gengið á söndum út í tunguna í átt að ármótum, um Sönghofsdal og ummerki um gamla árfarvegi skoðaðir. Vegalengd um 18 km. Gönguhækkun óveruleg.
Verð: 6.500/8.500. Innifalið: Fararstjórn.

Gönguvika FFA 21.-24. júní

Mon, 20 Jun 2022 14:58:23 GMT

Brottför kl. 21 á einkabílum frá FFA, Strandgötu 23.
Fararstjórn: Roar Kvam
Ekið á einkabílum til Grenivíkur þar sem gangan hefst og er gengið eftir götuslóða upp á höfðann. Ferð við flestra hæfi. Vegalengd alls 4 km. Gönguhækkun 260 m.
Þátttaka ókeypis.

Brottför kl. 19 á einkabílum frá FFA, Strandgötu 23.
Fararstjórn: Björn Vigfússon
Gengið er frá Skjaldarvík meðfram fallegri strönd Eyjafjarðar að Hörgárósum þar sem Gáseyri skagar út í sjóinn. Misjafnt gönguland, fjara, tún, slóðar og gróið land. Gásir við Eyjafjörð var verslunarstaður á miðöldum og má sjá þar friðlýstar fornleifar. Gengið um svæðið, rýnt í söguna og ummerki fornrar byggðar skoðuð. Vegalengd um 7 km. Gönguhækkun óveruleg.
Verð: 2.000/3.500. Innifalið: Fararstjórn.

Brottför kl. 19 á einkabílum frá FFA, Strandgötu 23.
Fararstjórn: Roar Kvam
Gengið er á fjallið frá bílastæðinu á Víkurskarði og er þá fylgt stikaðri leið á Ystuvíkurfjall þar sem sveigt er til norðurs, stefnt á Kræðufell. Af fjallinu er mjög gott útsýni yfir til byggðarinnar vestan fjarðarins og til Hríseyjar. Vegalengd alls um 12 km. Gönguhækkun 400 m.
Verð: 2.000/3.500. Innifalið: Fararstjórn.

Brottför kl. 20 á einkabílum frá FFA, Strandgötu 23.
Fararstjórn: Bernard Gerritsma og Bóthildur Sveinsdóttir
Gengið upp á Múlakollu frá gamla Múlaveginum, upp dalinn norðan Brimnesár. Geysimikið útsýni til allra átta er af hátindi kollunnar. Vegalengd 8 km. Gönguhækkun 930 m.
Verð: 2.000/3.500. Innifalið: Fararstjórn.

Kynnið ykkur Þaulann 2022 hér.

Þaulinn 2022 - gönguleikur

Fri, 17 Jun 2022 11:51:27 GMT

Þaulinn, hinn sívinsæli gönguleikur Ferðafélags Akureyrar, er kominn á heimasíðu FFA. Þaulinn er skemmtileg afþreying fyrir alla fjölskylduna og tækifæri til hollrar útiveru í Eyjafirði. Fjölbreyttar útivistarvörur í vinninga fyrir þá sem verða heppnir þegar dregið verður úr innsendum svarblöðum.

Að þessu sinni verður ekki bæklingur fyrir gönguleikinn heldur er hann á heimasíðu FFA, þar er hægt að nálgast kort af leiðunum og lýsingar í Þaulanum 2022 og prenta út svarblöð fyrir þátttakendur. Svarblöð er einnig hægt að nálgast á skrifstofu FFA,
Strandgötu 23, Akureyri.

Söguganga - raðganga

Tue, 14 Jun 2022 22:21:24 GMT

Það hefur nokkuð verið spurt eftir söguferðum og af hverju ekki að byrja á sögu alþýðunnar?
Ferðafélag Akureyrar efnir til raðgöngu um slóðir Helgu Sörensdóttur í Köldukinn og Reykjadal í Þingeyjarsýslu þar
sem saga hennar verður rakin.

Þann 3. júlí verður boðið upp á yfirlits- og kynningargöngu og 10. júlí verður farin barna- og fjölskylduferð þar sem fjallað verður um bernsku Helgu og fræðst um blóm og nytjajurtir. Í ágúst (6., 21. og 28. ágúst) verður svo gengið í fótspor Helgu og sagðar sögu af henni og af ábúendum í Kinninni og í Reykjadal.

Kynnið ykkur þetta enn frekar á þessum tengli .

Sjálfboðaliðar óskast um næstu helgi 17.-19. júní

Mon, 13 Jun 2022 15:06:36 GMT

Góðan dag, nú vantar félagið nauðsynlega sjálfboðaliða í Herðubreiðarlindir um næstu helgi 17.-19. júní. Opnunarferð og jarðvegsvinna. Áhugasamir hafi samband fyrir hádegi á fimmtudag við Einar Inga Hermannsson í síma: 863 1432 sem einnig veitir nánari upplýsingar.

Næsta ferð 19. júní: Tyrfingsstaðir-Merkigil-Ábær-Skatastaðir

Mon, 13 Jun 2022 13:29:05 GMT

Brottför kl. 8 með rútu frá FFA, Strandgötu 23.
Fararstjórn: Herdís Zophoníasdóttir
Ekið vestur í Skagafjörð og fram á Kjálka. Fyrsti áfangi er Tyrfingsstaðir þar sem gamli torfbærinn verður skoðaður. Frá Tyrfingsstöðum er ekið áleiðis að bænum Gilsbakka þaðan sem gangan hefst og gengið niður og um gilið heim að bænum Merkigili. Síðan er gengið áfram sem leið liggur að Ábæ þar sem verður áð og kirkjan skoðuð. Gengið til baka að kláfnum til móts við bæinn Skatastaði vestan ár þar sem við erum ferjuð yfir Austari-Jökulsá þar sem rútan bíður hópsins. Lengd göngu er um 17 km. Gönguhækkun lítil sem engin nema upp úr gilinu.
Verð: 13.000/15.000. Innifalið: Fararstjórn og rúta.
Þessa ferð þarf að greiða að fullu þremur dögum fyrir brottför.
Lágmarksfjöldi til að ferð verði farin: 10 manns.

Næsta ferð 18. júní: Blóma- og jógaferð í Leyningshóla

Mon, 13 Jun 2022 13:04:14 GMT

Brottför kl. 13 á einkabílum frá FFA, Strandgötu 23.
Fararstjórn: Anna Guðmundsdóttir og Ingileif Ástvaldsdóttir.
Ekið verður upp á hólabrúnina í mynni Villingadals og gengið þaðan eftir vegi og stígum um hólana. Fræðsla og umræður um trjágróður og á leiðinni skoðum við þau blóm sem á vegi okkar verða og gildi þeirra í náttúrunni. Þátttakendur nota skilningarvitin til að dýpka upplifun sína af náttúrunni. Gangan fer að mestu fram í kyrrð þar sem tækifæri er veitt til að rækta sál og líkama í fallegri náttúru Eyjafjarðar með núvitundar- og öndunaræfingum ásamt því að staldra við til að gera nokkrar yogastöður undir berum himni. Létt ganga og ferð við flestra hæfi. Vegalengd alls um 8 km. Gönguhækkun lítil.
Þátttaka ókeypis.

Elliði í Hjaltadal -aflýst

Fri, 10 Jun 2022 15:24:21 GMT

Ferðinni á fjallið Elliða, sem fara átti á morgun laugardaginn 11. júní, hefur verið aflýst vegna dræmrar þátttöku og veðurútlits.

Næsta barna- og fjölskylduferð 11. júní: Fálkafell-Gamli-Hamrar

Wed, 08 Jun 2022 14:29:57 GMT

Barna- og fjölskylduferð: Fálkafell-Gamli-Hamrar

Brottför kl. 10 á einkabílum frá FFA, Strandgötu 23.
Fararstjórn: Ásrún Ösp Jónsdóttir
Lagt er af stað við gráa skúra Norðurorku við Súluveg. Þaðan er gengið eftir vegi að Fálkafelli og svo eftir slóða að Gamla og niður að læknum þar sem endað er á tjaldsvæðinu við Hamra. Gönguhækkun er í byrjun ferðar og svoaflíðandi ganga eftir það. Gönguferð sem ætti að henta flestum. Gott útsýni er inn og út Eyjafjörð á leiðinni, fjölbreytt landslag þar sem bæði er farið yfir mýrar og í gegnum skóg. Fararstjóri verður með bíl við Hamra og getur ferjað fólk til að sækja bíla á upphafsstað.
Heildarvegalengd er 5,5 km. Gönguhækkun 190 m.
Ferðin tekur u.þ.b. 4-5 klst.
Þátttaka ókeypis.
ATH. Áætlaður tími ferða er aðeins viðmið og fer eftir hópnum og aðstæðum hverju sinni.

Næsta ferð 11. júní: Elliði í Hjaltadal í Skagafirði

Tue, 07 Jun 2022 15:24:25 GMT

Brottför kl. 8 á einkabílum frá FFA, Strandgötu 23.
Fararstjórn: Una Þórey Sigurðardóttir
Ekið aðeins fram í Víðinesdal eftir nýjum bílfærum slóða og þaðan gengið eftir smalaslóða upp á Almenningsháls. Þaðan er gengið út Elliða og niður að afréttarhliði þar sem bíll hefur verið skilinn eftir. Mikið útsýni miðað við hæð, kannski ekki fyrir mjög lofthrædda en það er hægt að ganga vestan í fjallinu þar sem það er mjóst. Vegalengd um 15 km. Mesta hæð 894 m.
Verð: 3.000/4.500. Innifalið: Fararstjórn.

Þeim sem hentar betur að mæta beint á upphafsstað göngunnar (Víðinesdal) er bent á að hafa samband við skrifstofu FFA varðandi greiðslu. Skrifstofan er opin virka daga kl. 14:00-17:00. Netfang: ffa@ffa.is / sími: 462 2720

Árbók FÍ og Ferðir 2022

Fri, 03 Jun 2022 14:02:58 GMT

Félagar í FFA athugið, þeir sem greitt hafa árgjald vegna 2022 í netbanka og eru búsettir á Akureyri og nágrenni eru vinsamlegast hvattir til að sækja Árbók FÍ og tímaritið Ferðir á skrifstofuna í Strandgötu 23. Skrifstofan er opin alla virka daga frá kl. 11 til 13 .

Þeir sem ekki eiga netbanka og vilja greiða á skrifstofunni eru líka velkomnir.

Félagsskírteini eru nú rafræn, fyrir þá sem ekki geta nýtt sér rafrænt skírteini er einnig í boði að fá skírteini úr plasti.

Ferðir - ársrit FFA 2022

Fri, 03 Jun 2022 13:42:34 GMT

Í nýútkomnum Ferðum, ársriti FFA, má lesa um gönguferðir í Borgarfirði eystra, ferð um Gönguskarð í Kinnarfjöllum, heillandi gönguleiðir á Tenerife og byggingu þjónustuhúss í Dreka. Að venju er þar einnig að finna skýrslur um starfsemi félagsins á liðnu ári sem og ferðaáætlun yfirstandandi árs.

Ritið er innifalið í árgjaldi til FFA en kostar í áskrift eða í lausasölu 3700 kr.

Næsta ferð 4. júní: Málmey

Mon, 30 May 2022 14:01:14 GMT

Brottför kl. 12 á einkabílum frá FFA, Strandgötu 23.
Fararstjórn: Herdís Zophoníasdóttir
Ekið til Hofsóss þaðan sem siglt er út í Málmey með Drangey Tours. Fjölbreytt fuglalíf er í eynni, merkileg saga og náttúra. Gengið um eyna í um tvo tíma í fylgd staðkunnugs leiðsögumanns. Farið verður í útsýnissiglingu að Þórðarhöfða þar sem er stórkostlegt stuðlaberg og Drangey er einnig í sjónmáli. Ferðin tekur 7-8 tíma. Hámarksfjöldi í bátinn er 17 / 20 manns.
Verð: 20.000/22.000. Innifalið: Fararstjórn, sigling og leiðsögn.
Þessa ferð þarf að greiða að fullu þremur dögum fyrir brottför, því er æskilegt að skrá sig í ferðina eigi síðar en 1. júní nk.

Kaldbakur -aflýst

Fri, 27 May 2022 16:48:05 GMT

Ferðinni á Kaldbak, sem fara átti á morgun laugardaginn 28. maí, hefur verið aflýst vegna dræmrar þátttöku.

Börn og fjölskyldur í Kjarnaskógi - grillum og leikum saman

Thu, 26 May 2022 17:29:37 GMT

Börn og fjölskyldur í Kjarnaskógi - grillum og leikum saman

Mánudaginn 30. maí ætlar barna- og fjölskyldunefnd Ferðafélags Akureyrar að bjóða upp á grillaðar pylsur, leiki og spjall um barna- og fjölskylduferðir sumarsins.

Verðum á nýja grillsvæðinu við blakvöllinn í Kjarnaskógi kl. 17-18:30.

Öll börn velkomin í fylgd með foreldrum eða forráðamönnum.

Norðurorka styrkir barna- og fjölskyldustarf FFA 2022.

Næsta ferð 28. maí: Kaldbakur

Mon, 23 May 2022 13:43:26 GMT

Brottför kl. 8 á einkabílum frá FFA, Strandgötu 23.
Fararstjórn: Viðar Sigmarsson
Kaldbakur er ein af perlum Eyjafjarðar með útsýni allt austur á Langanes og inn á hálendi Íslands. Fjallið er talið vera ein af orkustöðvum Íslands og ferð upp á fjallið er ógleymanleg lífsreynsla. Þar er stór landmælingavarða hlaðin af dönskum landmælingamönnum 1914. Gengin er stikuð leið.Vegalengd alls um 12 km. Gönguhækkun 1140 m.
Verð: 2.000/3.500. Innifalið: Fararstjórn.

Næsta ferð 21. maí: Gengið um Hegranes

Mon, 16 May 2022 17:10:52 GMT

Brottför kl. 8 með rútu frá FFA, Strandgötu 23.
Fararstjórn: Ingibjörg Elín Jónasdóttir
Ekið er sem leið liggur til Sauðárkróks. Fyrst er gengið frá bænum eftir Borgarsandi að Vesturósi Héraðsvatna þar sem Jón Ósmann var ferjumaður. Frá ósnum er ekið svolítinn spotta fram Hegranesið að vestan. Síðari hluti göngunnar hefst sunnan við bæinn Helluland. Gengið inn að miðju Hegraness og eftir bergjunum en þaðan er prýðilegt útsýni til allra átta, m.a. yfir falleg stöðuvötn. Gangan endar við félagsheimilið í sveitinni. Leiðin liggur um mýrasund, grasi vaxna hvamma, holt, móa og hamra. Stansað verður einnig við hið forna Hegranesþing. Vegalengd um 12 km. Gönguhækkun óveruleg.
Verð: 13.000/15.000. Innifalið: Fararstjórn og rúta.
Þessa ferð þarf að greiða að fullu þremur dögum fyrir brottför, því er æskilegt að skrá sig í ferðina eigi síðar en 18. maí nk.

17. maí: Fuglaskoðunarferð fyrir börn

Mon, 09 May 2022 14:17:53 GMT

Barna- og fjölskylduferð: Fuglaskoðunarferð - Kristnestjörn

Brottför kl. 17 á einkabílum frá FFA, Strandgötu 23.
Fararstjórn: Jón Magnússon og Sverrir Thorstensen
Í maí er vorið að vakna og rétti tíminn til að skoða fuglana okkar. Í fuglaskoðunarferðinni ætlum við að reyna að sjá og heyra eins margar tegundir og mögulegt er og kenna ykkur að þekkja sem flesta fugla, bæði staðfugla og farfugla. Tveir skrýtnir og skemmtilegir fuglakallar ætla að leiðbeina okkur við skoðunina. Gott er að hafa með sér kíki og skriffæri svo þarf að klæða sig eftir veðri því það getur verið kalt. Ferðin tekur u.þ.b. 2 klst.
Þátttaka ókeypis.
ATH. Áætlaður tími ferða er aðeins viðmið og fer eftir hópnum og aðstæðum hverju sinni.

Næsta ferð 7. maí: Gerðahnjúkur-Skessuhryggur-Blámannshattur

Mon, 02 May 2022 13:26:52 GMT

Brottför kl. 8 á einkabílum frá FFA, Strandgötu 23.
Fararstjórn: Hermann Gunnar Jónsson
Ekið að bænum Grund í Höfðahverfi þar sem fjallgangan hefst. Gengið er upp Grundarhnjúk, þaðan á Gerðahnjúk og út á Skessuhrygg þar sem er feikimikið útsýni. Þaðan er stutt á Blámannshatt. Af hábungu fjallsins (1215 m) er stefnan tekin á Benediktskamb og þaðan að upphafsstað göngunnar. Mikil fjalla-hringleið. Vegalengd 13 km. Gönguhækkun 1300 m.
Allir þátttakendur þurfa að hafa meðferðis alvöru brodda og ísexi.
Verð: 3.000/4.500. Innifalið: Fararstjórn.

Fjallahjólanámskeið FFA sumar 2022 - í léttari kantinum

Sun, 01 May 2022 15:06:24 GMT

Vantar þig grunninn til að geta notið fjallahjólreiða á eigin spýtur eða félagsskapinn til að koma þér af stað á hjólinu? Þá er þessi fjallahjólahópur fyrir þig, námskeið sem allir geta tekið þátt í og fínt start á hjólasumrinu. Dagskráin byggist upp á fimm skiptum.

Þátttakendur fá grunnfræðslu um þann búnað sem er nauðsynlegur í fjallahjólreiðum og helsta viðhald á hjólinu og einnig tilsögn um hvernig best er að beita sér á hjólinu við mismunandi aðstæður. Kannaðar verða vinsælar fjallahjólaleiðir á Akureyri og í nágrenni og byrjað á leiðum sem ættu að vera á allra færi.

Verkefnið hefst 2. júní og því lýkur 3. júlí.

Umsjón með verkefninu hafa Unnur Ósk Unnsteinsdóttir og Guðrún Elísabet Jakobsdóttir . Þær eru jafnframt fararstjórar í ferðum auk Sigfríðar Einarsdóttur.
Fyrirspurnum má beina til Unnar eða Guðrúnar; unnsteinsdottir@gmail.com , gejako@visir.is eða í síma 869-7088.
Fyrirspurnir er einnig hægt að senda á netfangið formadur@ffa.is

Skráningu lýkur 27. maí . Nánari upplýsingar eru hér ásamt dagskrá .

SKRÁNING

Súlur -aflýst

Sat, 30 Apr 2022 21:31:00 GMT

Ferðinni á Súlur sem fara átti á morgun, sunnudaginn 1. maí, hefur verið aflýst vegna dræmrar þátttöku.

1. maí: Árleg ferð á Súlur

Tue, 26 Apr 2022 12:47:14 GMT

Brottför kl. 8 á einkabílum frá FFA, Strandgötu 23.
Fararstjórn: Viðar Örn Sigmarsson
Árleg ferð FFA á bæjarfjall Akureyrar. Gengið er eftir merktri gönguleið á fjallið. Af Súlum er afar fallegt útsýni. Göngubúnaður miðast við færi og aðstæður.
Vegalengd alls 13 km. Gönguhækkun 880 m.
Þátttaka ókeypis.

Skráning

Næsta ferð 30. apríl: Þingmannahnjúkur / Leifsstaðafell

Mon, 25 Apr 2022 12:42:40 GMT

Brottför kl. 8 á einkabílum frá FFA, Strandgötu 23.
Fararstjórn: Þuríður Helga Kristjánsdóttir
Ekið að Eyrarlandi, Þingmannavegurinn genginn þaðan upp í heiðina, upp á Þingmannahnjúkinn og áfram á Leifsstaðafell. Vegalengd samtals 8 km. Gönguhækkun 680 m.
Verð: 2.000/3.500. Innifalið: Fararstjórn.

ATH vegna óviðráðanlegra aðstæðna verður ekki gengið á Hólafjall að þessu sinni eins og ætlunin var.

Góð þátttaka í Stóra plokkdeginum hjá FFA

Sun, 24 Apr 2022 13:46:22 GMT

Mjög góð þátttaka var í Stóra plokkdeginum hjá FFA, stórir sem smáir mættu og einhverjir komu í kaffi eftir plokk.

Takk fyrir komuna og þátttökuna við að fegra umhverfi okkar.

Glerárdalur-Lambi -aflýst

Fri, 22 Apr 2022 09:46:13 GMT

Gönguskíðaferðinni sem fara átti á morgun, laugardaginn 23. apríl, hefur verið aflýst vegna snjóleysis.

Opið hús 28. apríl kl. 20

Thu, 21 Apr 2022 10:17:50 GMT

Hvað þarf góður fuglaskoðari að hafa til að ná góðum árangri?

Fimmtudaginn 28. apríl kl. 20 verða þeir Jón Magg og Sverrir Thorstensen fuglaáhugamenn með fræðslu um fuglaskoðun og hvað þarf til að ná góðum árangri. Þeir félagar hafa verið með fugla-skoðunarferðir á vegum FFA í fjölda ára og er alltaf jafn áhugavert að fara með þeim í slíkar ferðir. Opið hús verður í húsnæði FFA, Strandgötu 23. Allir velkomnir!

Þann 14. maí fara þeir í rútuferð á vegum FFA um Melrakkasléttuna þar sem Jón er á heimaslóðum. Um að gera að skrá sig í ferðina sem fyrst og ekki er verra að fá svolitla fræðslu á opnu húsi áður en farið er.

Sérstök barna- og fjölskylduferð verður þann 11. maí kl. 17 í nágrenni Akureyrar þar sem börnum gefst tækifæri á að forvitnast um fugla undir leiðsögn Jóns og Sverris. Börnin þurfa að koma í fylgd með fullorðnum.

Næsta ferð 23. apríl: Glerárdalur-Lambi -gönguskíðaferð

Tue, 19 Apr 2022 12:19:25 GMT

Brottför kl. 8 á einkabílum frá FFA, Strandgötu 23.
Fararstjórn: Bernard Gerritsma og Bóthildur Sveinsdóttir
Gangan hefst á bílastæði við Súluveg. Gengið er inn að Lamba, skála FFA á Glerárdal og sama leið farin til baka. Á leiðinni njóta þátttakendur dásemda fjallahringsins á útivistarsvæði Akureyringa. Vegalengd alls 22 km. Gönguhækkun 440 m.
Þátttaka ókeypis.

Stóri plokkdagurinn 2022

Sun, 17 Apr 2022 08:39:52 GMT

Sunnudaginn 24. apríl ætlar Ferðafélag Akureyrar að taka þátt í Stóra plokkdeginum í samstarfi við Akureyrarbæ. Félaginu hefur verið úthlutað svæðum til að hreinsa rusl á.

Mæting er við skrifstofu Ferðafélags Akureyrar að Strandgötu 23
kl. 10 sunnudaginn 24. apríl. Ruslapokar verða á staðnum svo og nokkrar plokktangir en fólk er hvatt til að taka með sér tangir ef það á og hanska. Að plokkun lokinni verður boðið upp á hressingu í húsnæði FFA í Strandgötu.

FFA hvetur alla til að tína rusl hvenær sem er á ferðum sínum um bæinn.

Komdu út og á fjöll í vor

Wed, 13 Apr 2022 13:21:59 GMT

Ef þú ert að leita að útivist þar sem gengið er á fjöll og farið á áhugaverða staði á Norðurlandi þá er Komdu út og á fjöll
hópurinn fyrir þig.

Verkefnið hefst 10. maí og því lýkur 26. júní 2022 .

Umsjón með verkefninu hafa Anna Sigrún Rafnsdóttir og Kristján Hreinsson og eru þau jafnframt fararstjórar í ferðunum.
Fyrirspurnum er hægt að beina til Önnu Sigrúnar á netfangið annasr45@gmail.com eða í síma 848 1090. Fyrirspurnir er einnig hægt að senda á netfangið formadur@ffa.is .

Skráningu lýkur 3. maí og verkefnið hefst 10. maí. N ánari upplýsingar eru hér ásamt dagskrá .

Kynntu þér málið!! SKRÁNING á biðlista

Komdu með í útivist hjá FFA

Wed, 06 Apr 2022 14:23:25 GMT

Ertu alltaf á leiðinni að hefja útivist og (fjall) göngur en kemur þér ekki af stað? Þá er þetta eitthvað fyrir þig. Stutt námskeið sem allir geta tekið þátt í og kemur fólki af stað.

Verkefnið hefst 26. apríl og því lýkur 21. maí.
Umsjón með verkefninu hafa Anna Sigrún Rafnsdóttir og Kristján Hreinsson og eru þau jafnframt fararstjórar í ferðunum. Fyrirspurnum er hægt að beina til Önnu Sigrúnar á netfangið annasr45@gmail.com eða í síma 848 1090. Fyrirspurnir er einnig hægt að senda á netfangið formadur@ffa.is

Skráningu lýkur 19. apríl og verkefnið hefst 26. apríl. Nánari upplýsingar eru hér ásamt dagskrá .

Næsta ferð 9. apríl: Þeistareykjabunga -gönguskíðaferð

Wed, 06 Apr 2022 13:12:30 GMT

Brottför kl. 8 á einkabílum frá FFA, Strandgötu 23.
Fararstjórn: Sigurgeir Sigurðsson.
Ekið að svæðinu við Þeistareykjaskálann þar sem gangan hefst. Þeistareykjabunga er ein stærsta dyngja landsins og eru upptök hennar í Stóravíti. Gengið verður upp í Bóndhólsskarð og að Litlavíti sem er mjög sérstakt og áfram að Stóravíti. Síðan er gengið á hæsta punkt Þeistareykjabungu, þaðan sem víðáttumikil hraun hafa runnið og víðsýnt er um svæðið. Vegalengd um 15 km. Gönguhækkun 200 m.
Verð: 2.000/3.500. Innifalið: Fararstjórn.

Þeim sem hentar betur að mæta beint á upphafsstað göngunnar (við Þeistareykjaskálann) er bent á að hafa samband við skrifstofu FFA varðandi greiðslu. Skrifstofan er opin virka daga kl. 11:00-13:00. Netfang: ffa@ffa.is / sími: 462 2720

Næsta ferð 2. apríl: Engidalur-Einbúi -AFLÝST

Mon, 28 Mar 2022 12:43:09 GMT

Ákveðið hefur verið að breyta ferðinni í gönguferð vegna snjóleysis.

Brottför kl. 8 á einkabílum frá FFA, Strandgötu 23.
Fararstjórn: Ingvar Teitsson
Ekið inn Bárðardal að Engidal eða eftir því sem færð leyfir. Gengið meðfram Kálfborgarárvatni og út heiðar og ása þar til haldið er niður að býlinu Einbúa þar sem farið er í bílana (bíll ferjaður að Einbúa). Vegalengd 21 km. Göngulækkun 200 m.
Verð: 2.000/3.500. Innifalið: Fararstjórn.

Komdu með í útivist hjá FFA

Galmaströnd -aflýst

Fri, 25 Mar 2022 11:39:40 GMT

Gönguskíðaferðinni sem fara átti á morgun, laugardaginn 26. mars, hefur verið aflýst vegna snjóleysis ofl.

Hreyfiverkefni sumarið 2022

Thu, 24 Mar 2022 08:41:55 GMT

Hreyfihópar fyrir sumarið 2022: Undirbúningur er í fullum gangi og hefjast nýir hreyfihópar í lok apríl og í maí. Dagsetningar eru ekki komnar.

Komdu út og á fjöll

Fjallahjólahópur

Haustgöngur

Hér er hægt að sjá hvað fyrirhugað er á árinu og hugsanlega bætist eitthvað við.

Ferðakynning Ferðafélags Akureyrar

Tue, 22 Mar 2022 10:46:07 GMT

Ferðakynning Ferðafélags Akureyrar verður haldin fimmtudaginn 31. janúar klukkan 20.00 í Verkmenntaskólanum á Akureyri.
Örn Þór Emilsson kynnir ferðir ársins í máli og myndum. Eftir kaffihlé verður Stefán Gíslason með erindi um fjallvegahlaup og umhverfismál á fjöllum. Kynning á útivistarvörum frá verslunum. Aðgangur ókeypis og allir velkomnir.

Næsta ferð 26. mars: Galmaströnd -gönguskíðaferð

Mon, 21 Mar 2022 12:26:58 GMT

Brottför kl. 8 á einkabílum frá FFA, Strandgötu 23.
Fararstjórn: Frímann Guðmundsson
Gengið frá Syðri-Reistará og niður undir sjó. Síðan norður til Hjalteyrar og skoðað hvaðan við fáum heita vatnið. Svo út Arnarnesnafir og aftur að Reistará um Bjarnarhól. Vegalengd um 12 km. Gönguhækkun lítil.
Verð: 2.000/3.500. Innifalið: Fararstjórn.

Hrossadalur-Vaðlaheiði -aflýst

Fri, 18 Mar 2022 12:35:04 GMT

Gönguskíðaferðinni sem fara átti á morgun, laugardaginn 19. mars, hefur verið aflýst vegna veðurútlits og dræmrar þátttöku.

Næsta ferð 19. mars: Hrossadalur-Vaðlaheiði -gönguskíðaferð

Mon, 14 Mar 2022 12:43:42 GMT

Brottför kl. 8 á einkabílum frá FFA, Strandgötu 23.
Fararstjórn: Frímann Guðmundsson
Gengið er frá bílastæði efst á Víkurskarði og fram dalinn að austan og suður á Vaðlaheiðina. Þaðan er haldið áfram að Þórisstaðaskarði og að upptökum Hamragils. Þá er sveigt til norðurs að Víkurskarði. Á móts við Geldingsána taka skíðin rennslið niður vesturhlíðina. Vegalengd um 15 km. Gönguhækkun um 200 m.
Verð: 2.000/3.500. Innifalið: Fararstjórn.

Kristnes-Sigurðargil -aflýst

Fri, 11 Mar 2022 11:46:45 GMT

Gönguskíðaferðinni sem fara átti á morgun, laugardaginn 12. mars, hefur verið aflýst vegna óvissu um skíðafæri og dræmrar þátttöku.

Frá aðalfundi FFA 2022

Wed, 09 Mar 2022 13:35:28 GMT

Aðalfundur Ferðafélags Akureyrar 2022 var haldinn 7. mars. Þar las formaður ársskýrslu stjórnar fyrir 2021 og var þar komið inn á helstu verkefni allra nefnda 2021. Í skýrslu stjórnar kom m.a. fram að
1. desember 2021 voru félagar orðnir 628, góð þátttaka var í ferðum og verkefnum félagsins á árinu og að gistinóttum hefur fjölgað frá 2020, bæði í skálum og tjaldgistingu. Félagar eru hvattir til að lesa um starfið í Ferðum 2022 sem koma út á næstunni en þar birtast skýrslur allra þeirra 13 nefnda sem störfuðu á árinu.

Ársreikningar voru kynntir, ræddir og samþykktir. Nefndarmenn í þeim 14 nefndum sem verða starfandi 2022-2023 voru kynntir. Kosið var í stjórn en hún er óbreytt frá fyrra ári, skoðunarmenn reikninga og skjalavörður verða áfram þeir sömu. Endurnýjaðar upplýsingar um þetta koma inn á heimasíðu FFA við fyrsta tækifæri.

Lög FFA voru síðast endurskoðuð 1996. Á fundinum voru lagðar fyrir tillögur að lagabreytingum sem ný laganefnd FFA hefur lagt til. Góð umræða varð um þennan lið og að lokum var borin upp tillaga að breytingum á nokkrum greinum og þær samþykktar. Hægt er að sjá tillögurnar undir auglýsingu um aðalfundinn á heimasíðunni. Samþykkt útgáfa verður sett inn á heimasíðuna við fyrsta tækifæri.

Eftir kaffi og spjall fór formaður yfir það sem er framundan hjá félaginu. Þar kom m.a. fram að árið byrjar vel með þátttöku í ferðum og námskeiðum hjá félaginu. Auk þess eru að bætast við nýir félagar og er það góð þróun. Formaður sýndi jafnframt súlurit yfir þróun í ferðum og í þátttöku í þeim frá 2018 og kemur í ljós að nærri 1900 manns gengu með félaginu á árinu 2021 í ferðir á ferðaáætlun, barnaferðir, Tökum skrefið og hreyfiverkefni. Ennfremur kom fram að aðstöðuhúsið við Dreka verður tekið í notkun í sumar.

Nokkrar myndir frá fundinum.

Næsta ferð 12. mars: Kristnes-Sigurðargil -gönguskíðaferð

Mon, 07 Mar 2022 12:46:11 GMT

Brottför kl. 8 á einkabílum frá FFA, Strandgötu 23.
Fararstjórn: Ingvar Teitsson
Gengið er upp norðan við skógræktargirðinguna í Kristnesi og stefnt upp að Stóruborg. Greið leið norður á Stórhæð þar sem útsýni er gott. Þaðan hallar svo niður að Sigurðargili þar sem bílarnir bíða. Vegalengd um 9 km og hækkun um 440 m. Selflytja þarf bíla milli Kristness og Sigurðargils.
Verð: 2.000/3.500. Innifalið: Fararstjórn.

Fjallaskíðanámskeið II hjá FFA

Fri, 04 Mar 2022 14:18:01 GMT

Tvö pláss losnuðu á fjallaskíðanámskeiði II hjá FFA. Námskeiðið hefst 10. mars og stendur fram í apríl, það byggist upp á fimm lengri ferðum.

Umsjón með verkefninu og fararstjórar eru Kristín Irene Valdemarsdóttir og Jón Marinó Sævarsson.

Nánari upplýsingar og skráning hér .

Næsta ferð 5. mars: Skíðadalur -gönguskíðaferð

Mon, 28 Feb 2022 13:01:23 GMT

Brottför kl. 8 á einkabílum frá FFA, Strandgötu 23.
Fararstjórn: Kristján Eldjárn Hjartarson .
Ekið að bænum Þverá í Skíðadal og gengið þaðan inn að Sveinsstöðum með viðkomu í Stekkjarhúsum eða eftir því sem færð leyfir. Dalurinn er frábært skíðasvæði og mjög fallegur í vetrarbúningi. Vegalengd alls 17 km. Gönguhækkun 220 m.
Verð: 2.000/3.500. Innifalið: Fararstjórn.

Aðalfundur Ferðafélags Akureyrar

Mon, 21 Feb 2022 12:07:42 GMT

Aðalfundur Ferðafélags Akureyrar verður haldinn þriðjudaginn 19. mars klukkan 20.00 í húsi félagsins, Strandgötu 23.

Dagskrá: Venjuleg aðalfundastörf - Önnur mál

Kaffiveitingar - Niðurstöður úr stefnumótunarvinnu félagsins.

Félagar hvattir til að mæta.

Næsta ferð 26. febrúar: Skíðastaðir-Þelamörk -gönguskíðaferð

Mon, 21 Feb 2022 11:44:08 GMT

Brottför kl. 9 á einkabílum frá FFA, Strandgötu 23.
Fararstjórn: Frímann Guðmundsson
Gengið frá Skíðastöðum út hlíðina á Sjónarhól. Þægilegt rennsli niður að Þelamerkurskóla. Farið í heita pottinn ef vill (ekki innifalið). Ferð við flestra hæfi. Vegalengd 10 km. Gönguhækkun 160 m.
Verð: 2.000/3.500. Innifalið: Fararstjórn.

FFA hlaut styrk frá Norðurorku

Fri, 18 Feb 2022 15:30:56 GMT

Árlega veitir Norðurorka styrki til samfélagsverkefna og hlaut FFA einn slíkan vegna ferða sem sérstaklega eru ætlaðar börnum og fjölskyldum þeirra. Þetta kemur sér afar vel og munu börn og fjölskyldur sem þátt taka í barna- og fjölskylduferðum félagsins sumarið 2022 njóta þess.

Við þökkum kærlega fyrir okkur. Það munar um styrki þegar verið er að þróa nýjar hugmyndir.

Sjá frétt á heimasíðu Norðurorku um styrkveitinguna hér .

Næsta ferð 19. febrúar: Baugasel -gönguskíðaferð

Mon, 14 Feb 2022 12:51:20 GMT

Brottför kl. 10 á einkabílum frá FFA, Strandgötu 23.
Fararstjórn: Anke Maria Steinke.
Gangan hefst við Bug í Hörgárdal. Fremur létt og þægileg leið fram að eyðibýlinu Baugaseli í dalnum. Gil og rústir skoðuð á leiðinni. Vegalengd alls 12 km. Gönguhækkun 80 m.
Verð: 2.000/3.500. Innifalið: Fararstjórn.

Næsta ferð 12. febrúar: Þorvaldsdalur -gönguskíðaferð

Tue, 08 Feb 2022 12:48:50 GMT

Brottför kl. 10 á einkabílum frá FFA, Strandgötu 23.
Fararstjórn: Fjóla Kristín Helgadóttir
Ekið að Stærri-Árskógi. Gengið á gönguskíðum fram og til baka að skálanum Derri í vestanverðum Þorvaldsdal. Vegalengd 18 km. Gönguhækkun lítil.
Verð: 2.000/3.500. Innifalið: Fararstjórn.

Skálaverðir - sumarstörf

Tue, 01 Feb 2022 10:55:32 GMT

Skálaverðir - sumarstörf og sjálfboðaliðar

Ferðafélag Akureyrar leitar að skálavörðum til starfa í skálum félagsins í Laugafelli, Herðubreiðarlindum og Drekagili sumarið 2025.

Tímabil sem um ræðir er frá miðjum júní og fram í september.
Leitað er að fólki sem getur unnið stærstan hluta tímabilsins en einnig er möguleiki að ráða í styttri tíma.

Nánari upplýsingar um starfið veita þau Fjóla Kristín Helgadóttir, netfang fjola.k.helgadottir@gmail.com , og Einar Hjartarson
í síma 854-0247 eða í netfangi gjaldkeri@ffa.is .

Umsóknir sendist á netfangið ffa@ffa.is .

FFA leitar einnig að sjálfboðaliðum sem vilja taka að sér skálavörslu í Herðubreiðarlindum.
Upplýsingar um það veita þau Einar og Fjóla.

Næsta ferð 5. febrúar: Bakkar Eyjafjarðarár

Mon, 31 Jan 2022 11:10:00 GMT

Brottför kl. 11 á einkabílum frá FFA, Strandgötu 23.
Fararstjórn: Ingvar Teitsson
Gangan hefst við Leiruveginn að austan. Létt og þægileg gönguleið fyrir alla sem ekki langar í bröttu brekkurnar. Gönguhækkun lítil.
Þátttaka ókeypis.

Fjallaskíðanámskeið II hjá FFA

Sat, 29 Jan 2022 11:33:10 GMT

Fjallaskíðanámskeið II: Hefst 10. mars og er fram í apríl. Það byggist upp á fimm lengri ferðum.

Umsjón með verkefninu og fararstjórar eru Kristín Irene Valdemarsdóttir og Jón Marinó Sævarsson .

Skráningu lýkur 2. mars Nánari upplýsingar og skráning hér.

Viltu taka þátt í fjölbreyttu og skemmtilegu starfi hjá FFA?

Wed, 19 Jan 2022 10:56:49 GMT

Ferðafélag Akureyrar auglýsir eftir áhugasömu fólki í stjórn og nefndir félagsins.

Í stjórn félagsins eru fimm aðalmenn og tveir varamenn.

Nánari upplýsingar veitir Hjali Jóhannesson, netfang hjalti.johannesson@gmail.com.

Kynntu þér starf FFA á heimasíðu félagsins , þar er margt að gerast. Við hlökkum til að heyra frá þér.

Ferðakynningu frestað um óákveðinn tíma

Thu, 13 Jan 2022 12:19:33 GMT

Ferðakynningu FFA, sem til stóð að halda 3. febrúar, er frestað um óákveðinn tíma vegna aðstæðna í samfélaginu.

Enn er hægt að skrá sig á fjallaskíðanámskeið hjá FFA

Sat, 08 Jan 2022 17:58:54 GMT

Fjallaskíðanámskeið I: Hefst 20. janúar og er fram í febrúar. Það byggist upp á góðum undirbúningsfundi, fjórum æfingum og einni lengri ferð.

Fjallaskíðanámskeið II : Hefst 10. mars og er fram í apríl. Það byggist upp á fimm lengri ferðum.

Umsjón með verkefninu og fararstjórar eru Kristín Irene Valdemarsdóttir og Jón Marinó Sævarsson .

Skráningu á fyrra námskeiðið lýkur 12. janúar . Nánari upplýsingar og skráning hér.

Ferðaáætlun FFA 2022 og fleira áhugavert

Sun, 02 Jan 2022 16:01:02 GMT

Gleðilegt ár kæru félagar í FFA og aðrir áhugasamir um útivist.

Árið 2021 var metár hjá FFA í þátttöku í ferðum og verkefnum hjá FFA og ætlum við gera enn betur 2022 með glæsilegri ferðaáætlun sem er komin á heimasíðuna, skíðanámskeiðum og síðar á árinu gönguhópum. Hægt er að sjá ferðaáætlun FFA 2022 í heild sinni á heimasíðunni, einnig er hægt að fletta í gegnum „Næstu ferðir“ og sjá þar hverja ferð fyrir sig.

Á facebook eru allar ferðirnar komnar inn sem viðburðir og hægt að merkja við „Hef áhuga“ þá poppa þær upp hjá viðkomandi þegar kemur að ferðinni. Svo er alltaf hægt að deila og bjóða svo aðrir missi ekki af ferð. Þeir sem eru á gangi á Strandgötunni á Akureyri ættu að stoppa við húsnæði FFA nr. 23 og skoða áætlunina því þar er hún birt á skjá í glugga.

Við vekjum sérstaka athygli á miklum fjölda gönguskíðaferða frá febrúar og fram í maí svo og fjallaskíðanámskeiðum í janúar og mars. Sumarleyfisferð um Öskjuveginn hefur verið beðið eftir, Bræðrafell-Askja er vinsæl svo og gangan á Herðubreið. Í þessar ferðir þarf að takmarka fjölda þátttakenda og því um að gera að skrá sig sem fyrst.

Tökum skrefið sem eru sunnudagsgöngur hjá FFA hefjast í janúar eða byrjun febrúar, fylgist með.

Nýársganga FFA 2. janúar kl. 13

Sun, 02 Jan 2022 09:27:00 GMT

2. janúar, sunnudagur
Fararstjórn: Roar Kvam.
Brottför: Kl. 13 á einkabílum frá FFA, Strandgötu 23.
Þátttaka ókeypis og allir velkomnir út í óvissuna til að fagna nýju ári.

Almennur félagsfundur FFA

Tue, 28 Dec 2021 11:23:15 GMT

Fyrirhuguðum félagsfundi FFA sem vera átti í byrjun janúar 2022 er aflýst vegna samkomutakmarkana í samfélaginu.

Við vekjum athygli á fjölbreyttri ferðaáætlun FFA 2022. Þar kennir ýmissra grasa eins og fjölda gönguskíðaferða og áhugaverðra sumarleyfisferða. Kynnið ykkur þetta hér.

Skrifstofa FFA verður lokuð til áramóta

Fri, 17 Dec 2021 13:40:26 GMT

Skrifstofa FFA verður lokuð frá 21. desember til 4. janúar.

Hægt er að senda erindi sem ekki geta beðið fram yfir áramót á netfangið ffa@ffa.is

Gleðileg jól!

Fjallaskíðanámskeið hjá FFA

Tue, 07 Dec 2021 22:30:45 GMT

Eitt af hreyfiverkefnum FFA er fjallaskíðanámskeið með tveimur æfingum og fjórum ferðum í febrúar fram í mars, sjá dagskrána hér

Verkefnið hefst 21. febrúar og lýkur um helgina 25./26. mars.

Umsjón með verkefninu og fararstjórar eru Kristín Irene Valdemarsdóttir og Jón Marinó Sævarsson .

Skráning stendur yfir.

SKRÁNING

Skíðagöngunámskeið hjá FFA

Tue, 07 Dec 2021 22:23:24 GMT

Ertu byrjandi á utanbrautargönguskíðum og langar að fara í skíðagönguferðir? Ef svarið er já, þá er þetta námskeið fyrir þig .
Í ferðunum verður ekki gengið í troðnum brautum heldur verður reynt að fara ótroðnar slóðir.

Hvað eru utanbrautargönguskíði? Það eru gönguskíði sem eru breiðari en venjuleg brautarskíði og með stálköntum.

Námskeiðið hefst 20. janúar 2022 og stendur fram í febrúar. Það byggist upp á fimm kvöldferðum og tveimur dagsferðir.

Umsjónarmenn og fararstjórar eru Anna Sigrún Rafnsdóttir og Bryndís Indíana Stefánsdótti r.

Skráningu lýkur 14. janúar 2022. Nánari upplýsingar og skráning er hér .

Ferðaáætlun Ferðafélags Akureyrar 2022

Tue, 07 Dec 2021 12:13:01 GMT

Ferðaáætlun FFA fyrir árið 2022 er komin á heimasíðuna hér .

Ferðirnar verða kynntar nánar þann 3. febrúar 2022 klukkan 20.00 í Verkmenntaskólanum á Akureyri.

Ef fólk vill tryggja sér pláss í einhverri ferð strax er hægt að skrá sig hér í hvaða ferð sem er.

Skrifstofa FFA er lokuð dagana 2. og 3. desember

Wed, 01 Dec 2021 12:46:56 GMT

Skrifstofa FFA er lokuð dagana 2. og 3. desember.

Þingmannahnjúkur -aflýst

Fri, 05 Nov 2021 13:13:17 GMT

Ferðinni á Þingmannahnjúk sem fara átti laugardaginn 6. nóvember, hefur verið aflýst vegna dræmrar þátttöku ofl.

Næsta ferð 6. nóvember: Þingmannahnjúkur/Leifsstaðafell

Tue, 02 Nov 2021 09:47:35 GMT

Brottför kl. 9 á einkabílum frá FFA, Strandgötu 23.
Fararstjórn: Anke Maria Steinke
Verð: 2.000/1.500. Innifalið: Fararstjórn.
Ekið að Eyrarlandi, gengið þaðan eftir Þingmannaveginum upp í heiðina, upp á Þingmannahnjúkinn og áfram á Leifsstaðafell ef aðstæður leyfa. Vegalengd alls 8 km. Gönguhækkun 680 m.

Þátttakendur í ferðum FFA eru minntir á að huga að eigin sóttvörnum.

Skrifstofa FFA lokuð á mánudögum í nóvember

Mon, 01 Nov 2021 09:15:36 GMT

Skrifstofa FFA er lokuð á mánudögum í nóvember.

Opið hús 4. nóvember n.k.

Fri, 29 Oct 2021 12:42:48 GMT

Opið hús verður haldið í Strandgötu 23, fimmtudaginn 4. nóvember kl. 20:00

Skrifstofa FFA er lokuð 22. október

Thu, 21 Oct 2021 12:49:15 GMT

Skrifstofa FFA er lokuð föstudaginn 22. október.

Hvernig verður 2022 hjá FFA?

Tue, 19 Oct 2021 12:00:58 GMT

Nú stendur yfir vinna við ferðaáætlun FFA 2022 sem verður óvenju viðamikil að þessu sinni. Sem dæmi má nefna að gönguskíðaferðir verða um hverja helgi í byrjun árs. Ferð í Málmey verður endurtekin, sjö tinda ferðin er á sínum stað svo og gönguvikan í júní auk sögu- og menningarferða. Sumarleyfisferðir eins og Öskjuvegurinn og Bræðrafell – Askja verða í júlí og tjaldferð í Krepputungu. Meðal nýjunga eru rafhjólaferðir, blóma- og jógaferð og margt fleira.

Barna- og fjölskylduferðirnar sem prófaðar voru 2021 reyndust vel og verður næsta ár ekki síður áhugavert. Sem dæmi má nefna veiðiferð og helgarferð í Lamba auk fleiri ferða sem eru tilvaldar fyrir fjölskyldur. Ferðirnar verða fríar nema ef einhver kostnaður verður t.d. vegna gistingar fyrir fullorðna.

Byrjað er að undirbúa hreyfihópverkefni fyrir næsta ár og verða þau auglýst jafnóðum og þau hefjast. Stefnt er að fjallaskíðahópi eins og í fyrra og sambærilegum gönguhópum og verið hafa. Anna Sigrún og Kristján ætla að vera með okkur aftur og verður eitt verkefnið hópur fyrir þá sem vilja hefja fjallgöngur. Fjallahjólahópur verður aftur auk fleiri spennandi verkefna.

Áætlunin verður birt á heimasíðu FFA í desember. Fylgist með.

Þaulinn 2021 - verðlaun og viðurkenningar

Mon, 11 Oct 2021 10:32:13 GMT

Dregið hefur verið í gönguleiknum Þaulanum. Haft hefur verið samband við þá sem hlutu verðlaun og öll börn sem skiluðu inn svarblaði fá sent viðurkenningarskjal.

Að þessu sinni skráðu sig 142 fullorðnir og 41 barn. 55 fullorðnir og 20 börn skiluðu inn svarblaði. Við þökkum öllum þátttökuna og þeim fyrirtækjum sem gáfu verðlaun þökkum við stuðninginn. Þau eru; Halldór úrsmiður, Hornið-útivist og veiði, Skíðaþjónustan, Sportver og Msport.

Næsta ferð 9. október: Glerárdalur/Glerárstífla, hringleið

Mon, 04 Oct 2021 11:03:48 GMT

Brottför kl. 10 á einkabílum frá FFA, Strandgötu 23.
Fararstjórn: Ingvar Teitsson
Þátttaka ókeypis.
Ekið að bílastæði ofan við skotsvæðið á Glerárdal og gengið þaðan eftir stíg að Glerárstíflu og hún skoðuð. Farið er yfir brúna á stíflunni, upp á Lambagötuna og eftir henni niður að gömlu göngubrúnni á Gleránni og að bílunum. Vegalengd 5-6 km. Gönguhækkun lítil.

Þátttakendur í ferðum FFA eru minntir á að virða gildandi sóttvarnareglur, gæta hreinlætis og hafa handspritt meðferðis.

Næsta ferð 25. september: Vaglaskógur -jógaferð

Mon, 20 Sep 2021 12:46:51 GMT

Brottför kl. 10 á einkabílum frá FFA, Strandgötu 23.
Fararstjórn: Tinna Sif Sigurðardóttir og Þuríður Helga Kristjánsdóttir
Verð: 3.500/2.000. Innifalið: Fararstjórn og jógaæfingar.
Ekið að bílastæðinu í Vaglaskógi. Þægileg ganga um stærsta skóg norðan heiða. Jógakennarar leiða þátttakendur í öndunar- og núvitundaræfingar í skóginum sem skartar fögrum haustlitum. Gangan fer að mestu fram í kyrrð þar sem tækifæri gefst til að rækta sál og líkama úti í fallegri náttúru.

Þátttakendur í ferðum FFA eru minntir á að virða gildandi sóttvarnareglur, gæta hreinlætis og hafa handspritt meðferðis.

Lokun skála á vegum FFA

Fri, 17 Sep 2021 14:03:26 GMT

Nú er búið að loka skálum og gæslu lokið á vegum FFA í Dreka, Herðubreiðarlindum og Laugafelli. Hægt er að panta vetrargistingu í gegnum skrifstofuna á netfangið ffa@ffa.is. Skrifstofan er opin alla virka daga kl. 11-13

Næsta ferð 19. september: Þorvaldsdalur -haustlitaferð

Mon, 13 Sep 2021 13:10:52 GMT

Brottför kl. 8 á einkabílum og rútu frá FFA, Strandgötu 23.
Fararstjórn: Anna Sigrún Rafnsdóttir og Kristján Hreinsson
Verð: 7.000/5.500. Innifalið: Fararstjórn og rúta.
Ekið á lokastað göngunnar þar sem bílar eru skildir eftir. Rútan flytur göngumenn á upphafsstað göngunnar við Stærri-Árskóg eða að Hrafnagilsá ef færð leyfir. Gengið þaðan í Fornhaga í Hörgárdal. Í Þorvaldsdal er að finna fjölbreytt og sérkennilega fagurt landslag. Mikill og fjölbreyttur gróður og sögulegar minjar eyðibýla. Vegalengd 25 km. Gönguhækkun 500 m.

Þátttakendur í ferðum FFA eru minntir á að virða gildandi sóttvarnareglur, gæta hreinlætis og hafa handspritt (og grímu) meðferðis.

Dagmálanibba -aflýst

Fri, 10 Sep 2021 16:43:46 GMT

Ferðinni á Dagmálanibbu sem fara átti sunnnudaginn 12. september, hefur verið aflýst vegna dræmrar þátttöku.

Sviðamessa FFA - 9. október 2021

Wed, 08 Sep 2021 16:08:35 GMT

Sviðamessa Ferðafélags Akureyrar verður haldin í Ljósvetningabúð laugardaginn 9. október nk. Takið kvöldið frá, boðsbréf verða send út síðar.

Kveðja: Stjórn FFA

Næsta ferð 12. september: Dagmálanibba

Mon, 06 Sep 2021 14:08:37 GMT

Brottför kl. 8 á einkabílum frá FFA, Strandgötu 23.
Fararstjórn: Þuríður Helga Kristjánsdóttir
Verð: 3.500/2.000. Innifalið: Fararstjórn.
Ekið að bænum Hofi í Svarfaðardal þar sem lagt er á fjallið norðan Hofsár og gengið upp hlíðina en síðan sveigt til norðurs ofan við Hofsskál. Gengið er skáhallt norður og upp Efrafjall. Komið er upp á fjallið sunnan við Dagmálanibbu og gengið norður á nibbuna. Vegalengd alls 10 km. Gönguhækkun 830 m.

Þátttakendur í ferðum FFA eru minntir á að virða gildandi sóttvarnareglur, gæta hreinlætis og hafa handspritt meðferðis.

Nýtt verkefni - september-október, sex ferðir

Tue, 31 Aug 2021 15:22:54 GMT

Gengið inn í haustið með FFA

Hópur fyrir fólk sem hefur áhuga á útiveru og fjallgöngum.

Gengið inn í haustið með FFA er fyrir fólk sem hefur einhverja reynslu af fjallgöngum eða er í ágætu gönguformi og langar að kynnast göngum í brattlendi betur. Göngurnar saman standa af þremur styttri göngum í nærumhverfi Akureyrar (2-3 klst.) og þremur lengri fjallgöngum (5-7 klst.).

Markmið hópsins verður að njóta fremur en þjóta og nýta göngurnar til að æfa sig og efla við ólík skilyrði hvað varðar veður og færð undir handleiðslu fararstjóra. Göngurnar henta engu að síður vel til að halda sér í góðu gönguformi eða bæta við sig styrk og þoli.

Fararstjórar leggja áherslu á að allir njóti sín, upplifi sig örugg og komi úr göngu full tilhlökkunar í þá næstu.

Allar ferðir og dagsetningar eru settar upp með fyrirvara um breytingar sökum veðurs eða færðar. Helgargöngurnar gætu farið yfir á sunnudaga ef veðurútlit er hagstæðara og einnig verður fjallstindur ákveðinn með tilliti til færðar, vindáttar og getustigs þátttakenda.
Hér má sjá áætlun fyrir ferðirnar .

Fésbókarsíða verður stofnuð fyrir hópinn þar sem veittar verða upplýsingar fyrir hverja ferð. Einnig er gott að nota síðuna til að bera upp spurningar, setja inn myndir og skoða myndir frá öðrum.

Verkefnið hefst 16. september og lýkur í lok október.
Lágmarksfjöldi: 12 þátttakendur.

Umsjónarmenn og fararstjórar eru: Áslaug Melax og Óskar Ingólfsson

Verð: 19.500 kr. fyrir félaga í FFA og FÍ. Makar félagsmanna greiða sömu upphæð. Fyrir aðra er verðið 22.900 kr. Greiða þarf þegar skráningu lýkur þann 14. september, krafa verður stofnuð í netbanka.

Hægt er að beina fyrirspurnum á netfangið ffa@ffa.is svo og hringja í síma 462 2720 á milli kl. 14 og 17. Fararstjórar svara einnig fyrirspurnum.

Fararstjórar:
Áslaug Melax aslaug@melax.com sími 897-3601
Óskar Ingólfsson oskariwild@gmail.com sími 896-4334

Átt þú eftir að sækja árbókina þína og Ferðir? Opið kl. 11-13

Tue, 31 Aug 2021 13:58:34 GMT

Félagar í FFA sem greitt hafa árgjald vegna 2021 í netbanka og eru búsettir á Akureyri og nágrenni eru vinsamlegast hvattir til að sækja Árbók FÍ og tímaritið Ferðir á skrifstofuna í Strandgötu 23 milli kl. 11 og 13 eða eftir samkomulagi.

Næsta ferð 4. september: Siglunes: Sigling, sögu- og gönguferð

Mon, 30 Aug 2021 11:24:54 GMT

Brottför kl. 8 á einkabílum frá FFA, Strandgötu 23.
Fararstjórn: Una Þórey Sigurðardóttir og Gestur Hansson.
Verð: 13.500/12.000. Innifalið: Fararstjórn, sigling og leiðsögn um Siglunes.
Siglt frá Siglufirði út á Siglunes. Gengið um Siglunes og saga staðarins rifjuð upp af staðkunnugum leiðsögumanni. Síðan haldið áleiðis fram Nesdal og yfir Kálfsskarð til Siglufjarðar. Vegalengd 15-16 km. Gönguhækkun 450 m. Þessa ferð þarf að greiða að fullu tveimur dögum fyrir brottför, krafa verður stofnuð í netbanka.

Þátttakendur í ferðum FFA eru minntir á að virða gildandi sóttvarnareglur, gæta hreinlætis og hafa handspritt meðferðis.

Næsta ferð 28. ágúst: Leirhnjúkur-Reykjahlíð

Mon, 23 Aug 2021 14:15:04 GMT

Brottför kl. 8 á einkabílum frá FFA, Strandgötu 23.
Fararstjórn: Þuríður Anna Hallgrímsdóttir
Verð: 4.500/3.000. Innifalið: Fararstjórn.
Ekið að bílastæði við Leirhnjúk norðan Kröfluvirkjunar. Fyrst er gengið að sprengigígnum Víti og þaðan að Leirhnjúk. Frá Leirhnjúk er fylgt stikaðri leið til Reykjahlíðar sem fylgir að mestu hrauninu frá 1727 sem kallast Eldá. Leiðin liggur við suðurrætur Hlíðarfjalls og hægt að hafa viðkomu á fjallinu. Vegalengd um 15 km og engin hækkun, en 300 m sé gengið á Hlíðarfjall. Selflytja þarf bíla á milli Reykjahlíðar og Leirhnjúks. Athugið að leiðin er grýtt á köflum og nokkuð seinfarin. Gott að hafa flugnanet með til öryggis.

Þátttakendur í ferðum FFA eru minntir á að virða gildandi sóttvarnareglur og eins metra fjarlægð, gæta hreinlætis og hafa handspritt meðferðis.

Ósóttar árbækur og Ferðir 2021

Thu, 19 Aug 2021 11:38:55 GMT

Sviðamessa 2021

Wed, 18 Aug 2021 20:48:42 GMT

Sviðamessu sem vera átti á fjöllum í september er frestað vegna ástandsins í samfélaginu. Fyrirhugað er að halda hana í byggð í október ef aðstæður leyfa.

Nánar um það síðar.

Næsta barna- og fjölskylduferð 19. ágúst: Berjaferð

Mon, 16 Aug 2021 14:01:22 GMT

Berjaferð

Mæting kl. 17 á bílastæðið við Hamra.
Fararstjórn: Fjóla Kristín Helgadóttir
Þátttaka ókeypis.
Þegar skuggarnir lengjast er fátt skemmtilegra en að fara í berjamó. Farið verður í berjaferð í brekkurnar ofan við Hamra. Börnin taka með sér ílát eða tína bara upp í sig. Ferðin tekur u.þ.b. 2 klst. Ekki þarf að skrá sig í þessa ferð. Þátttakendur í ferðum FFA eru minntir á að virða gildandi sóttvarnareglur og eins metra fjarlægð.

Afmælisraðganga FFA fjórði áfangi 22. ágúst

Mon, 16 Aug 2021 13:45:43 GMT

4. áfangi - sunnudaginn 22. ágúst: Gengið úr Bárðardal austur yfir Fljótsheiði í Mývatnssveit

Brottför kl. 8 með rútu frá FFA, Strandgötu 23.
Fararstjórn og leiðsögn: Ingvar Teitsson
Verð: 8.000/6.500. Innifalið: Rúta, fararstjórn og leiðsögn.
Ekið austur í Bárðardal. Frá brúnni yfir Skjálfandafljót hjá Stóruvöllum er gengið að bænum Sandvík og austur á Fljótsheiði. Gengið verður á Jafnafell (500 m) en af fellinu er mjög víðsýnt. Síðan er gengið að býlinu Stöng og að Helluvaði í Mývatnssveit. Ferðinni lýkur með sögustund og fótabaði í Laxá. Rúta sækir hópinn í Helluvað. Staðkunnugur fararstjóri mun segja frá áhugaverðum þáttum úr sögu heiðarinnar. Vegalengd: 20 km, lóðrétt hækkun: 300 m. Áætlaður ferðatími: 9-11 klst.

Þátttakendur í ferðum FFA eru minntir á að virða gildandi sóttvarnareglur og eins metra fjarlægð, gæta hreinlætis og hafa handspritt og grímur meðferðis.

Næsta ferð 21. ágúst: Vesturárdalsleið

Mon, 16 Aug 2021 13:38:00 GMT

Brottför kl. 8 með rútu frá FFA, Strandgötu 23.
Fararstjórn: Una Þórey Sigurðardóttir
Verð: 12.000/10.000. Innifalið: Fararstjórn og rúta.
Hér er genginn fallegur, fáfarinn fjallvegur á milli Skíðadals og Kolbeinsdals í Skagafirði. Ekið að Stekkjarhúsi í Skíðadal þar sem gangan hefst. Gengið fram Skíðadal og sveigt fram Vesturárdal. Farið upp í skarðið milli Staðargangnafjalls og Ingjalds og þaðan á Ingjald, ef vill. Af skarðinu er mjög falleg fjallasýn. Þaðan er gengið í Ingjaldsskál og Ingjaldsánni fylgt með mjög fallegum fossum. Farið yfir Kolbeinsdalsá á fjárbrú og gengið út Kolbeinsdal þar sem hópurinn verður sóttur. Vegalengd um 19 km með viðkomu á Ingjaldi. Gönguhækkun 1050 m. Þátttakendur í ferðum FFA eru minntir á að virða gildandi sóttvarnareglur og eins metra fjarlægð, gæta hreinlætis og hafa handspritt meðferðis.

Afmælisraðganga FFA þriðji áfangi 15. ágúst

Mon, 09 Aug 2021 11:07:09 GMT

3. áfangi - sunnudaginn 15. ágúst: Gengið úr Fnjóskadal austur í Bárðardal

Brottför kl. 8 með rútu frá FFA, Strandgötu 23.
Fararstjórn: Ósk Helgadóttir og Hermann R. Herbertsson. Með í för verður heimamaður úr Bárðardalnum sem fræðir okkur um sína heimahaga.
Verð: 8.000/6.500. Innifalið: Rúta, fararstjórn og leiðsögn.
Ekið austur í Fnjóskadal að eyðibýlinu Sörlastöðum. Gengið þaðan austur yfir Hellugnúpsskarð að Stóruvöllum í Bárðardal og að brúnni yfir Skjálfandafljót. Þangað sækir rúta hópinn. Staðkunnugir fararstjórar segja frá ýmsu áhugaverðu á leiðinni yfir í Bárðardal. Vegalengd: 14 km, lóðrétt hækkun: 330 m. Áætlaður ferðatími: 5-7 klst.

Þátttakendur í ferðum FFA eru minntir á að virða gildandi sóttvarnareglur og eins metra fjarlægð, gæta hreinlætis og hafa handspritt og grímur meðferðis.

Skráning

Næsta ferð 14. ágúst: Gönguskarð í Kinnarfjöllum

Mon, 09 Aug 2021 10:28:56 GMT

Brottför kl. 8 á einkabílum frá FFA, Strandgötu 23.
Fararstjórn: Ingvar Teitsson
Verð: 4.500/3.000. Innifalið: Fararstjórn.
Ekið að Ytra-Hóli í Fnjóskadal og að Hólsá. Gengið austur Gönguskarð. Farið í um það bil 500 m hæð á vatnaskilum. Vaða þarf tvær ár á leiðinni. Nokkuð er mýrlent á skarðinu. Vegalengd um 14 km. Gönguhækkun 220 m. Selflytja þarf bíla milli Hólsár og bæjarins á Hálsi í Kaldakinn. Þátttakendur í ferðum FFA eru minntir á að virða gildandi sóttvarnareglur og eins metra fjarlægð, gæta hreinlætis og hafa handspritt meðferðis.

Komdu út og á fjöll með FFA haustið 2021

Fri, 30 Jul 2021 19:02:52 GMT

Skráning í hreyfiverkefnið Komdu út og á fjöll haustið 2021 er í fullum gangi.

Hreyfiverkefnið Komdu út og á fjöll er fyrir alla þá sem eru í þokkalegu gönguformi og miðast þyngdarstig og gönguhraði ferða við tvo til þrjá skó og haft er að leiðarljósi að „njóta en ekki þjóta“. Nýir þátttakendur eru velkomnir.

Farnar verða fimm gönguferðir frá ágúst og fram í september.

Verkefnið hefst 12. ágúst, hópurinn hittist síðan samkvæmt auglýstu plani sem má sjá hér

Umsjónarmenn og fararstjórar eru Anna Sigrún Rafnsdóttir og Kristján Hreinsson .

Nánar um verkefnið sjá hér.

Verð:
16.500 kr. fyrir félaga í FFA og FÍ. Makar félagsmanna greiða sömu upphæð. Fyrir aðra er verðið 19.500 kr. Greitt er þegar lokað er fyrir skráningu.

Skráningu lýkur 10. ágúst og verkefnið hefst 12. ágúst og fer fram á ffa.is . Hægt er að beina fyrirspurnum til fararstjóra svo og á ffa@ffa.is eða hringja í síma 462 2720 á milli kl. 14 og 17.

Afmælisraðganga FFA annar áfangi 8. ágúst

Fri, 30 Jul 2021 11:45:57 GMT

2. áfangi - sunnudaginn 8. ágúst: Gengið fram Fnjóskadal

Brottför kl. 9 með rútu frá FFA, Strandgötu 23.
Fararstjórn og leiðsögn: Ósk Helgadóttir og Hermann R. Herbertsson
Verð: 8.000/6.500. Innifalið: Rúta, fararstjórn og leiðsögn.
Ekið að eyðibýlinu Grjótárgerði í Fnjóskadal og gengið þaðan fram Fnjóskadal. Staðkunnugir fararstjórar segja frá ýmsu áhugaverðu en dalurinn á mikla sögu og tilvalið að taka góða sögustund af og til á leiðinni. Hjá Illugastöðum er haldið austur yfir Fnjóská og síðan gengið inn dalinn austan ár að eyðibýlinu Sörlastöðum. Þangað sækir rútan hópinn. Vegalengd: 11 km, lóðrétt hækkun: 90 m. Áætlaður ferðatími: 5-6 klst. Þátttakendur í ferðum FFA eru minntir á að virða gildandi sóttvarnareglur og eins metra fjarlægð, gæta hreinlætis og hafa handspritt og grímur meðferðis.

Næsta barna- og fjölskylduferð 8. ágúst: Hraunsvatn -ganga og veiði

Fri, 30 Jul 2021 11:29:31 GMT

Hraunsvatn -ganga og veiði

Brottför kl. 13 á einkabílum frá FFA, Strandgötu 23.
Fararstjórn: Herdís Zophoníasdóttir
Þátttaka ókeypis.
Ekið verður að bænum Hálsi í Öxnadal, þaðan er gengin stikuð leið að Hraunsvatni. Gangan að vatninu tekur rúman klukkutíma. Börn eru hvött til að hafa með sér veiðistangir og beitu (maðk, rækju, maískorn) til að renna fyrir fisk. Mögulegt er að ganga kringum vatnið fyrir þá sem vilja. Vegalengdin er 6 km. Gönguhækkun 270 m. Ferðin tekur u.þ.b. 4-5 klst. Ekki þarf að skrá sig í þessa ferð.

Næsta dagsferð 24. júlí: Almenningshnakki 929 m.

Tue, 20 Jul 2021 09:41:59 GMT

Brottför kl. 8 á einkabílum frá FFA, Strandgötu 23.
Fararstjórn: Björn Z. Ásgrímsson
Verð: 4.500/3.000. Innifalið: Fararstjórn.
Gangan hefst við afleggjarann að Lambanes-Reykjum í Fljótum. Gengið er fyrir mynni Torfdals í átt að Nautadal og síðan haldið upp Fellahlíðina. Þegar komið er í 500-600 metra hæð á Breiðafjalli blasir Almenningshnakkinn við. Greið leið er þaðan á Hnakkann, oft er snjór á leiðinni en yfirleitt ekki til trafala. Almenningshnakki er hæsta fjall í fjallahring Siglufjarðar. Héðinsfjörður, Siglufjörður og öll Fljótin blasa vel við. Gengið er sömu leið til baka að upphafsstað. Vegalengd alls 16 km. Gönguhækkun 880 m.

23.-26. júlí: Bræðrafell-Askja -laus pláss

Tue, 20 Jul 2021 09:36:14 GMT

Brottför kl. 8 á einkabílum (jeppum) frá FFA, Strandgötu 23.
Fararstjórn: Frímann Guðmundsson
Verð: 35.000/23.000. Innifalið: Fararstjórn og gisting.
1.d. (föstudagur) Ekið í Herðubreiðarlindir. Eftir kaffihressingu er gengið um fremur greiðfært hraun í Bræðrafell og gist þar, 17 km.
2.d. Gengið á Kollóttudyngju og Bræðrafell skoðað. Gist í Bræðrafellsskála.
3.d. Gengið frá Bæðrafelli í Drekagil, 17 km. Gist í Dreka.
4.d. Gengið frá Dreka yfir Dyngjufjöll að Öskju. Hópurinn sóttur á bílastæðið við Öskjuop og keyrður til baka í Dreka þar sem bílarnir bíða. Ekið heim um kvöldið.
Bílar þátttakenda verða ferjaðir frá Herðubreiðarlindum upp í Dreka.
ATH. Takmarkaður fjöldi .

Afmælisraðganga FFA fyrsti áfangi 25. júlí

Sun, 18 Jul 2021 21:07:55 GMT

1. Áfangi - Sunnudaginn 25. júlí: Akureyri – Fnjóskadalur.

Brottför kl. 09.00 frá FFA, Strandgötu 23. Ekið á einkabílum að bílastæði við Akureyrarflugvöll að vestan. Gengið austur yfir brýrnar á Eyjafjarðará upp Sprengibrekku, yfir Bíldsá og austur á Bíldsárskarð. Staðkunnugur fararstjóri segir frá ýmsu áhugaverðu á leiðinni. Þegar í Bíldsárskarð er komið sést vel yfir Eyjafjörð og tilvalið að taka góða sögustund. Síðan er fylgt greiðum götum niður í Fnjóskadal að Grjótárgerði. Rúta sækir hópinn þangað.
Vegalengd: 14 km, lóðrétt hækkun: 640 m. Áætlaður heildar ferðatími: 5-7 klst.

HÆGT er að ganga staka áfanga.
Fararstjórn og leiðsögn: Ólafur Kjartansson.
Verð: 6.500 fyrir félagsmenn og maka og 8.000 fyrir aðra. Innifalið: Rúta, fararstjórn og leiðsögn.

Allir skálar FFA eru nú opnir

Tue, 13 Jul 2021 14:02:43 GMT

Nú hafa allir skálar FFA, í Dreka, Herðubreiðarlindum og Laugafelli, verið opnaðir. Einnig er hægt að bóka gistingu í gönguskálum félagsins, Bræðrafelli, Botna og Dyngjufelli. Frekari upplýsingar um skálana eru á heimasíðu FFA, þar er einnig hægt að senda fyrirspurn um skálagistingu. Athygli er vakin á að börn að 18 ára fá fría gistingu í Þorsteinsskála í Herðubreiðarlindum sumarið 2021.

Næsta ferð 17. júlí: Fjórir fossar í Bárðardal

Mon, 12 Jul 2021 16:02:58 GMT

Brottför kl. 8 á einkabílum frá FFA, Strandgötu 23.
Fararstjórn: Ingvar Teitsson
Verð: 3.500/2.000. Innifalið: Fararstjórn.
Ekið fram Bárðardal að austan og niður hjá Stórutungu. Síðan farin vegslóð austan Skjálfandafljóts að Hrafnabjargafossum. Gengið norður með Suðurá og því næst niður með Skjálfandafljóti að Ingvararfossum og Aldeyjarfossi. Loks er gengið norður að Stórutungu þar sem bílarnir bíða. Selflytja þarf bíla milli Hrafnabjargafossa og Stórutungu. Vegalengd alls 7-8 km og gengið niður í móti.

11. júlí: Rútuferð í Húnavatnssýslur -sögu- og menningarferð

Mon, 05 Jul 2021 14:55:01 GMT

Brottför kl. 8 með rútu frá FFA, Strandgötu 23.
Fararstjórn: Bragi Guðmundsson
Verð: 16.000/14.500. Innifalið: Fararstjórn, rúta og aðgangur að Þingeyrakirkju. Þessa ferð þarf að greiða tveimur dögum áður.
Ekið í Húnavatnssýslur um Blöndubrú fremri, stansað á Sveinsstöðum. Hringferð um Vatnsdal og þaðan að Kolugili. Hádegisverður í Víðigerði (ekki innfalinn). Haldið til baka með viðkomu á Þrístöpum og Þingeyrum. Ekið um Þverárfjall, stansað á Sauðárkróki. Haldið áfram um Hegranes, Viðvíkursveit og Blönduhlíð til Akureyrar. Í ferðinni verður stoppað við Þrístapa en þar var síðasta aftakan á Íslandi árið 1830.

Viðbótarferð 10. júlí: Seldalur við Öxnadal

Mon, 05 Jul 2021 14:33:00 GMT

Brottför kl. 9 á einkabílum frá FFA, Strandgötu 23.
Fararstjóri: Árni Gíslason
Verð: 3.500/2.000. Innifalið: Fararstjórn.
Trúlega hafa fáir farið þessa leið. Gengið er frá veðurathugunarstöð í Bakkaselsbrekku og eftir gönguslóðum niður að gamla Bakkaseli. Síðan er gengið eftir áreyrunum fram að hólmunum þar sem eru brattar brekkur meðfram gilinu. Á leiðinni er margt áhugavert að sjá í þessum eyðidal, s.s. gamlar tóftir, fossar og fleira og mun fararstjóri segja sögur af lífinu í dalnum. Þegar komið er á flatann innan við brekkurnar opnast útsýni inn dalinn, ármótin og fram yfir Þorbjarnartungur. Ætlunin er að fara að Lambánni og aftur til baka. Gott að hafa vaðskó með til öryggis. Hægt er að fara lengra inn dalinn ef aðstæður leyfa og vilji er til, þá bætast við einir 5 km. Þá þarf að vaða Lambána.
Vegalengd um 14 km. Hækkun 180 m. Göngutími 5-6 tímar.

Ósóttar árbækur og Ferðir 2021

Thu, 01 Jul 2021 09:36:47 GMT

Félagar í FFA athugið, þeir sem greitt hafa árgjald vegna 2021 í netbanka og eru búsettir á Akureyri og nágrenni eru vinsamlegast hvattir til að sækja Árbók FÍ og tímaritið Ferðir á skrifstofuna í Strandgötu 23 sem er opin alla virka daga frá kl. 14 til 17 . Þeir sem ekki eiga heimabanka og vilja greiða á skrifstofunni eru líka velkomnir. Í ár er í fyrsta skipti gefið út rafrænt félagsskírteini fyrir félaga í FFA í samstarfi við Ferðafélag Íslands. Félagsmenn sem greitt hafa árgjaldið og eru með rétt netfang skráð hjá FFA eiga að hafa fengið tölvupóst frá passi.is með upplýsingum um hvernig sækja má skírteinið. Ef félagsmenn geta ekki nýtt sér rafrænt skírteini er einnig í boði að fá skírteini úr plasti.

Viðbótarferð 4. júlí: Niður með Skjálfandafljóti

Tue, 29 Jun 2021 17:06:55 GMT

Brottför kl. 9 á einkabílum frá FFA, Strandgötu 23.
Fararstjórn: Ingvar Teitsson
Verð: 3.500/2.000 kr. Innifalið: Fararstjórn.
Afar falleg leið niður með Skjálfandafljóti. Gengið verður frá Fremstafelli norður með Skjálfandafljóti um Barnafell og að Barnafossi þar sem verður stoppað og sagan rifjuð upp. Síðan verður gengið ofan við gljúfur Skjálfandafljóts í Fellsskóg og þaðan út í Ljósvetningabúð. Selflytja þarf bíla.
Vegalengd um 11 km, göngutími ca. 4-5 klst.

Næsta ferð 3. júlí: Trjá- og blómaskoðunarferð í Hörgárdal

Mon, 28 Jun 2021 14:24:12 GMT

Brottför kl. 8 á einkabílum frá FFA, Strandgötu 23.
Fararstjórn: Brynhildur Bjarnadóttir
Verð: 3.500/2.000. Innifalið: Fararstjórn.
Ekið að Miðhálsstaðaskógi þar sem bílum verður lagt. Gengið inn í skóginn, fræðsla og umræður um trjágróður. Síðan verður lagt af stað upp Staðartunguháls og á leiðinni skoðum við þau blóm sem á vegi okkar verða. Fræðsla um gróður og gildi hans í náttúrunni. Ferð við flestra hæfi. Vegalengd alls 8 km. Gönguhækkun 370 m.

Næsta barna- og fjölskylduferð 30. júní: Náttúruskoðun í Krossanesborgum

Mon, 28 Jun 2021 14:11:37 GMT

Náttúruskoðun í Krossanesborgum

Mæting kl. 17 á neðra/stærra bílastæðið norðan við Óðinsnes.
Fararstjórn: Brynhildur Bjarnadóttir
Þátttaka ókeypis.
Fjölskyldurölt um Krossanesborgir þar sem sjónum verður beint að blómum og smádýrum. Þægilegur göngutúr fyrir allan aldur þar sem við stoppum reglulega, skoðum blómin og kíkjum á dýr eins og köngulær, flugur og ánamaðka. Gott að taka með stækkunargler. Ferðin tekur u.þ.b. 2 klst. Ekki þarf að skrá sig í þessa ferð.

Viðbótarferð: Moldhaugnaháls - Hlíðarfjall

Wed, 23 Jun 2021 09:24:23 GMT

Brottför kl. 9 á einkabílum frá FFA, Strandgötu 23.
Fararstjórn: Marjolijn van Dijk
Verð: 3.500/2.000. Innifalið: Fararstjórn.
Gengið frá bænum Moldhaugum eftir hryggnum upp á Hlíðarfjall, endað á Stórahnjúk sem er 900 m hár. Komið niður hjá Ásláksstöðum. Gengið er um móa og grýtt landslag, aflíðandi upp á við svo til alla leið. Bílar ferjaðir á milli staða. Vegalengd um 12 km og hækkun ca. 850 m.

Villingadalur - jarðfræðiganga: Frestað til sunnudagsins 27. júní

Wed, 23 Jun 2021 09:16:50 GMT

Brottför kl. 8 á einkabílum frá FFA, Strandgötu 23.
Einnig er hægt að mæta við afleggjarann við Leyningshóla en þaðan verður lagt af stað um kl. 9.
Fararstjórn: Sigurveig Árnadóttir
Verð: 3.500/2.000. Innifalið: Fararstjórn.
Ekið verður að Leyningshólum og bílum lagt við afleggjarann, þaðan verður lagt af stað um kl. 9. Gengið inn Villingadal og til baka. Við gefum okkur tíma til að skoða jarðfræðileg fyrirbæri og fræðast um hina fornu Torfufellseldstöð sem setur svip á fjöllin í dalnum með sínum ljósu og litfögru líparítmyndunum.

Undanfarin ár hefur Sigurveig unnið að því að kortleggja jarðfræðina á svæðinu kringum fremstu bæi í Eyjafjarðardal og rannsaka innviði, uppbyggingu og líftíma hinnar fornu og löngu kulnuðu Torfufellseldstöðvar. Nýjar aldursgreiningar sýna að eldstöðin var virk fyrir 7 milljón árum og er því eldri en áður var talið. Ennfremur benda megin niðurstöður verkefnisins til að fyrri stig eldstöðvarinnar hafi einkennst af basaltgosum sem mynduðu apalhraun á meðan súrar og ísúrar bergmyndanir urðu til í hraun- og sprengigosum á seinni stigum.

Vegalengd alls 10 km. Gönguhækkun lítil. Göngutími er um 5 tímar. Góðir gönguskór.

Gönguvika - Fossaganga III - Myrkárgil í Hörgárdal

Tue, 22 Jun 2021 22:45:57 GMT

Brottför kl. 19 á einkabílum frá FFA, Strandgötu 23.
Fararstjórn: Svavar A. Jónsson
Verð: 2.000/1.500. Innifalið: Fararstjórn.
Svavar leiðir þátttakendur um Myrkárgil í Hörgárdal. Þar er meðal annars hægt að sjá Kálfafoss, Byrgisfoss og Geirufoss. Ferðin tekur um það bil þrjá tíma og er einhver hækkun upp með gilinu til að sjá fossana.

Gönguvika - Jónsmessuganga á Haus

Tue, 22 Jun 2021 21:53:35 GMT

Brottför kl. 22 á einkabílum frá FFA, Strandgötu 23.
Farastjórn: Bóthildur Sveinsdóttir
Verð: 2.000/1.500. Innifalið: Fararstjórn.
Gengið frá sumarhúsinu Seli upp brekkurnar að vörðunni nyrst á Hausnum. Mikið og fagurt útsýni. Stutt ganga. Gönguhækkun 270 m.

Gönguvika FFA 19.-24. júní

Mon, 14 Jun 2021 15:10:46 GMT

Brottför kl. 20 á einkabílum frá FFA, Strandgötu 23.
Fararstjórn: Einar Bjarki Sigurjónsson og Christina Finke
Verð: 3.500/2.000. Innifalið: Fararstjórn.
Gengið upp á Múlakollu frá gamla Múlaveginum og upp dalinn norðan Brimnesár. Vegalengd alls 8 km. Gönguhækkun 930 m. ATH. Takmarkaður fjöldi .

Brottför kl. 18.45 á einkabílum frá FFA, Strandgötu 23. Ferjan fer kl. 19.30 frá Árskógssandi.
Fararstjórn: Jóhannes Áslaugsson
Verð: Samkvæmt gjaldskrá ferjunnar.
Gengið verður um þorpið með staðkunnugum leiðsögumanni. Síðan er haldið norður eftir eynni að vitanum þar sem verður áð. Ferjan tekin til baka kl. 23.00.

Brottför kl. 19 á einkabílum frá FFA, Strandgötu 23.
Fararstjórn: Svavar A. Jónsson
Verð: 2.000/1.500. Innifalið: Fararstjórn.
Séra Svavar hefur gefið út bókina „Gljúfrabúi og giljadísir“ um fossa í nágrenni Akureyrar og mun segja frá henni í byrjun þessarar fyrstu ferðar.
Í framhaldinu verður haldið að Þverárgili í Eyjafirði, Þverá efri. Þar leiðir Svavar göngu upp með gilinu þar sem hægt er að sjá nokkra fallega fossa þar á meðal Foss í Mjaðmá og Litla-Goðafoss. Ferðin tekur 2-3 tíma og er einhver hækkun upp með gilinu til að sjá fossana.

Brottför kl. 19 á einkabílum frá FFA, Strandgötu 23.
Fararstjórn: Svavar A. Jónsson
Verð: 2.000/1.500. Innifalið: Fararstjórn.
Svavar leiðir þátttakendur um Fossárgil við Þelamörk. Í því gili er meðal annars hægt að sjá Háafoss og Hesthúsfoss. Ferðin tekur um það bil þrjá tíma og er einhver hækkun upp með gilinu til að sjá fossana.

Brottför kl. 22 á einkabílum frá FFA, Strandgötu 23.
Farastjórn: Bóthildur Sveinsdóttir
Verð: 2.000/1.500. Innifalið: Fararstjórn.
Gengið frá sumarhúsinu Seli upp brekkurnar að vörðunni nyrst á Hausnum. Mikið og fagurt útsýni. Stutt ganga. Gönguhækkun 270 m.

Brottför kl. 19 á einkabílum frá FFA, Strandgötu 23.
Fararstjórn: Svavar A. Jónsson
Verð: 2.000/1.500. Innifalið: Fararstjórn.
Svavar leiðir þátttakendur um Myrkárgil í Hörgárdal. Þar er meðal annars hægt að sjá Kálfafoss, Byrgisfoss og Geirufoss. Ferðin tekur um það bil þrjá tíma og er einhver hækkun upp með gilinu til að sjá fossana.

Þauli Eyjafjarðar 2021 - kynning

Thu, 10 Jun 2021 12:32:21 GMT

Þaulinn, hinn sívinsæli gönguleikur Ferðafélags Akureyrar, verður kynntur í húsnæði FFA Strandgötu 23, þriðjudaginn 15. júní kl. 17.00

Þaulinn er skemmtileg og góð afþreying fyrir alla fjölskylduna og tækifæri til hollrar útiveru í Eyjafirði. Fjölbreyttar útivistarvörur í vinninga fyrir þá sem verða heppnir þegar dregið verður úr innsendum svarblöðum.

Á kynningunni verða gefnar upplýsingar um gönguleiðir í leiknum og út á hvað hann gengur. Um leið er hægt að skrá sig í leikinn og fá Þaula-bæklinginn. Fyrsta stöðin í leiknum er á skrifstofu FFA.

Næsta barna- og fjölskylduferð 12. júní: Gönguferð í Mývatnssveit. ATH ný dagsetning

Mon, 07 Jun 2021 13:07:49 GMT

Gönguferð í Mývatnssveit. ATH ný dagsetning.

Brottför kl. 13 á einkabílum frá FFA, Strandgötu 23.
Fararstjórn: Herdís Zophoníasdóttir
Þátttaka ókeypis. Ef farið verður í Fuglasafn Sigurgeirs þarf að greiða aðgangseyri fyrir börn 7 ára og eldri.
Ekið verður austur í Mývatnssveit. Gengið á Hverfjall sem er skemmtileg ganga fyrir börn, frábært útsýni er af fjallinu. Tröllin í Dimmuborgum heimsótt og / eða Fuglasafn Sigurgeirs þar sem hægt er að skoða fuglana í nálægð og heyra hljóð þeirra. Gönguhækkun tæplega 400 m. Ferðin tekur u.þ.b. 4-5 klst. Ekki þarf að skrá sig í þessa ferð.

Næsta ferð 12. júní: Grasárdalshnjúkur

Mon, 07 Jun 2021 13:00:08 GMT

Brottför kl. 8 á einkabílum frá FFA, Strandgötu 23.
Fararstjórn: Viðar Sigmarsson og Una Þórey Sigurðardóttir
Verð: 4.500/3.000. Innifalið: Fararstjórn.
Ekið er að Reykjum í Hjaltadal í Skagafirði þar sem gangan hefst og endar. Gengið fram Grjótárdal og upp Fremri-Grasárdal og þaðan á topp Grasárdalshnjúks. Til baka yrði farin sama leið eða niður í Ytri-Grasárdal og Grjótárdal að Reykjum. Ægifagurt útsýni er af hnjúknum. Vegalengd alls 14-16 km. Gönguhækkun um 1060 m. Ráðlegt er að hafa meðferðis ísexi og brodda, þeir sem það eiga.

Nánari upplýsingar og skráning hér.

Toppaferð fyrir fjallaskíðafólk 5. júní: Útburðarskálarhnjúkur

Thu, 03 Jun 2021 11:16:09 GMT

Fjallaskíðaferð á Útburðarskálarhnjúk 1172 m.

Brottför kl. 8 á einkabílum frá FFA, Strandgötu 23.
Fararstjórn: Kristín Irene Valdemarsdóttir og Jón Marinó Sævarsson
Verð: 6.500/4.500. Innifalið: Fararstjórn.
Keyrt til Grenivíkur og áfram á grófum malarvegi (einungis fært jeppum eða fjórhjóladrifnum bílum) út með Látraströnd að eyðibýlinu Svínárnesi. Þaðan eru skíðin borin á bakinu upp í snjólínu (um 200 m.) svo er skinnað áfram upp Svínárdal, í Útburðarskál og þaðan upp á hnjúkinn. Þaðan er skíðað sömu leið niður. Heildarhækkun er um 1100 m.

Þátttakendur þurfa að mæta með allan búnað; hjálm, ýli, snjóflóðastöng og skóflu. Best er að hafa bakpoka með skíðafestingum. Ferðin er miðuð við þá sem kunna á skíði og eiga eða hafa aðgang að fjallaskíðabúnaði. Þátttakendur þurfa að hafa reynslu af fjallaskíðamennsku, kunna að beita skíðunum í fjölbreyttum aðstæðum (hjarni, lausamjöll, vindbörðum snjó og í hliðarhalla). Áætlaður tími 7-8 klst. og því skilyrði að koma vel nestaður. Takmarkaður fjöldi.

Þátttakendur ferðast á eigin ábyrgð. FFA tryggir hvorki farþega sína né farangur þeirra og hvetur fólk til að kynna sér eigin heimilistryggingar eða kaupa ferða- og slysatryggingu.

Ný ferð 6. júní: Galmaströnd

Tue, 01 Jun 2021 16:59:18 GMT

Brottför kl. 9 á einkabílum frá FFA, Strandgötu 23.
Fararstjórn: Frímann Guðmundsson
Verð: 3.500/2.000 kr. Innifalið: Fararstjórn.
Áhugaverð gönguleið. Gengið frá Freyjulundi niður Pálmholtsveg og út á Hjalteyri. Gengið eftir nýjum stíg vestan tjarnarinnar og þaðan upp ásana að gamla Arnarnesveginum. Gengið suður ásana eftir hestagötum yfir Bjarnarhól og endað á sama stað við Freyjulund. Fjölbreytt leið og mikið fuglalíf. Nauðsynlegt að vera í góðum gönguskóm. Vegalengd um 12 km. Gönguhækkun lítil. Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum. Munið að skrá ykkur hér .

Skrifstofa FFA er lokuð 31. maí

Sat, 29 May 2021 08:32:59 GMT

Skrifstofa FFA er lokuð mánudaginn 31. maí.

Fréttatilkynning - viðbótarferðir

Tue, 25 May 2021 21:50:26 GMT

FFA ætlar enn að auka fjölbreytni ferðaáætlunar sumarsins og bæta við nokkrum spennandi ferðum, tveimur í júní og tveimur í júlí, sjá nánar hér .

Í júlí hefst afmælisraðganga FFA sem er frá Akureyri yfir í Mývatnssveit í júlí og ágúst, sjá nánar hér .

Frítt er fyrir börn að 18 ára aldri í dagsferðir og eru foreldrar, afar og ömmur hvött til að taka börn og unglinga með svo þau kynnist því að ganga sér til ánægju úti í íslenskri náttúru.

Við vekjum athygli á barna- og fjölskylduferðunum sem eru á áætlun í júní, júlí og ágúst. Frítt er í barna- og fjölskylduferðirnar.

Við vekjum líka athygli á tveimur toppaferðum fyrir fjallaskíðafólk en það er nýjung hjá FFA, sjá nánar hér .

Nánari upplýsingar um allar ferðir hér .

Næsta ferð 29. maí: Hjóla- og gönguferð í Mývatnssveit

Tue, 25 May 2021 13:17:17 GMT

Brottför kl. 8 á einkabílum frá FFA, Strandgötu 23.
Fararstjórn: Stefán Sigurðsson og Ingimar Árnason
Verð: 3.500/2.000. Innifalið: Fararstjórn og flutningur á hjólum á sérhönnuðum kerrum.
Hjólað verður rangsælis umhverfis vatnið. Í leiðinni verður gengið á Vindbelg og Hverfell. Ferðinni lýkur í Reykjahlíð. Vegalengd 42 km. Gönguhækkun: Hverfell 140 m og Vindbelgur 250 m. Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum. Munið að skrá ykkur hér .

Toppaferðir fyrir fjallaskíðafólk

Sat, 22 May 2021 11:10:44 GMT

Tvær „Toppaferðir“ fyrir fjallaskíðafólk eru fyrirhugaðar eftirfarandi daga: 29. eða 30 maí og/eða 5. eða 6. júní. Hvort af verður fer eftir hvernig viðrar til ferðar: Annað hvort báðar ferðir, önnur eða engin, en allt fer það eftir færð og snjóalögum eins og fjallaskíðafólk þekkir.

Þessar ferðir eru fyrirhugaðar:

KERLING í Eyjafirði

ÚTBURÐARSKÁLARHNJÚKUR

Við hvetjum áhugasama til að skrá sig í ferðirnar og taka sénsinn. Skráningin er ekki bindandi en þá er a.m.k kominn listi yfir áhugasama þátttakendur og svo verður haft samband með 2ja - 3ja daga fyrirvara um hvort eða hvor ferðin verður farin. Mjög áríðandi að staðfesta þegar fólk fær póst um ferðina . FFA ætlar að prófa að hafa þennan háttinn á við þessar ferðir í samstarfi við fararstjórana.

Fararstjórn: Kristín Irene Valdemarsdóttir og Jón Marinó Sævarsson .

Brottför frá FFA , Strandgötu 23, á einkabílum.

Fjallahjólahópur FFA 2021

Thu, 20 May 2021 12:41:59 GMT

Hér er eitthvað fyrir þig!

Fjallahjólaverkefnið verður byggt upp sem æfingar, styttri og lengri ferðir í bland við kennslu. Þátttakendur þurfa ekki að hafa mikla reynslu af fjallahjólreiðum en miðað er við að fólk kunni að hjóla og hafi áhuga á hjólreiðum utan alfaraleiða og eigi eða hafi aðgang að fjallahjóli og lágmarks öryggisbúnaði svo sem hjálmi og hönskum. Gert er ráð fyrir að fólk sé á fjallahjóli sem er í góðu lagi og með dempurum a.m.k. að framan. Auk ferða verður farið yfir það sem hafa þarf í huga við ástand hjóla þegar farið er í ferðir sem og þegar komið er heim.

Markmið verkefnisins er að þátttakendur læri inn á ferðamennsku á hjóli og fái reynslu af styttri og lengri dagsferðum á fjallahjóli. Í hópnum er miðað við að allir fái að njóta sín, vera saman, læra og hafa gaman. Haldið verður vel utan um hópinn meðal annars með öruggri fararstjórn og leiðsögn, fésbókarsíðu og góðri upplýsingagjöf.

Farið verður í níu skipulagðar hjólaferðir undir leiðsögn fararstjóra. Verkefnið hefst 20. maí með kennslu, síðan taka við ferðir og stendur verkefnið fram í lok ágúst (engar ferðir verða í júlí). Ferðirnar verða á fimmtudögum kl. 18 og sunnudögum kl. 9 og taka þær á bilinu 2-7 tíma. Þátttakendur koma á eigin bílum og þurfa einnig að geta ferjað eigið hjól. Innifalið í verði er flutningur á hjólum á þar til gerðri kerru í tvö skipti.

Þátttakendur ferðast á eigin ábyrgð. FFA tryggir hvorki farþega sína né farangur þeirra og hvetur fólk til að kynna sér eigin heimilistryggingar eða kaupa ferða- og slysatryggingu.

Verkefnið hefst 20. maí, hópurinn hittist síðan samkvæmt auglýstu plani, sjá hér

Lágmarksfjöldi er 12 þátttakendur og hámarksfjöldi 18.

Stutt myndbandskynning

Umsjón með verkefninu og fararstjórar: Guðrún E. Jakobsdóttir og Unnur Ósk Unnsteinsdóttir

Verð: 33.500 kr. fyrir félaga í FFA. Makar félagsmanna greiða sömu upphæð. Fyrir aðra bætist félagsgjald í FFA við sem er 8.700 kr. Þá þarf að skrá sig í félagið hér . Þátttökugjald verður innheimt þegar skráningu lýkur, krafa verður stofnuð í netbanka.

Skráningu lýkur 17. maí og verkefnið hefst 20. maí. Muna að taka fram hvaða hópur (Fjallahjólahópur). Hægt er að beina fyrirspurnum á netfangið ffa@ffa.is svo og hringja í síma 462 2720 milli kl. 14 og 17. Fararstjórar svara einnig fyrirspurnum.

Afmælisraðganga FFA sumarið 2021

Wed, 19 May 2021 16:16:29 GMT

Á árinu 2021 eru 85 ár síðan Ferðafélag Akureyrar var stofnað. Af því tilefni verður raðganga með sögulegu ívafi frá Akureyri yfir í Mývatnssveit í fjórum áföngum, fjóra sunnudaga frá lokum júlí og fram í ágúst. Þetta eru tiltölulega léttar göngur og er erfiðleikastigið metið 1-2 skór (sjá lýsingu á hverri ferð). Rúta verður í öllum ferðunum. Fararstjórarnir þekkja allir vel til þeirra staða sem þeir ganga. Verð í hverja göngu: 6.500 fyrir félagsmenn og maka og 8.000 fyrir aðra. Innifalið: Rúta, fararstjórn og leiðsögn. Nánari upplýsingar og skráning hér

Reistarárskarð-Flár -aflýst

Mon, 17 May 2021 12:10:51 GMT

Gönguskíðaferðinni sem fara átti laugardaginn 22. maí, hefur verið aflýst.

Næsta ferð 19. maí: Fuglaskoðun fyrir börn -breyting

Mon, 17 May 2021 12:04:01 GMT

Fuglaskoðun við Kristnesstjörn

Brottför kl. 17 á einkabílum frá FFA, Strandgötu 23.
Fararstjórn: Jón Magnússon og Sverrir Thorstensen
Þátttaka ókeypis.
Í maí er vorið að vakna og rétti tíminn til að skoða fuglana okkar. Í fuglaskoðunarferðinni ætlum við að reyna að sjá og heyra eins margar tegundir og mögulegt er og kenna ykkur að þekkja sem flesta fugla bæði staðfugla og farfugla. Tveir skrýtnir og skemmtilegir fuglakallar ætla að leiðbeina okkur við skoðunina. Gott er að hafa með sér kíki og skriffæri. Svo er nauðsynlegt að klæða sig eftir veðri. Ferðin tekur u.þ.b. 2 klst. Ekki þarf að skrá sig í þessa ferð.

Næsta ferð 15. maí: Fuglaskoðunarferð í Mývatnssveit

Mon, 10 May 2021 10:19:50 GMT

Brottför kl. 8 í rútu frá FFA, Strandgötu 23.
Fararstjórn: Jón Magnússon og Sverrir Thorstensen
Verð: 11.000/9.000. Innifalið: Fararstjórn og rúta.
Árleg fuglaskoðunarferð FFA undir leiðsögn kunnáttumanna og að þessu sinni liggur leið okkar í Mývatnssveit og víðar. Fararstjórar velja þá staði sem vænlegastir eru til fuglaskoðunar á þessum tíma. Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum. Munið að skrá ykkur hér .

Fjallahjólahópur FFA 2021

Wed, 05 May 2021 10:06:28 GMT

Ekki náðist lágmarksþátttaka í fjallahjólahópinn. Við erum samt ekki alveg af baki dottin og höfum breytt verkefninu aðeins ef einhverjir vildu prófa það þannig. Verkefnið verður því með eftirfarandi hætti:

Byrjað verður 27. maí og fram til 24. júní, alls fimm skipti, sjá nánara plan hér .

Farið verður í fimm skipulagðar ferðir undir leiðsögn fararstjóra. Verkefnið hefst með kennslu og ferð innanbæjar, síðan taka við ferðir og lýkur verkefninu með sólstöðuferð. Þátttakendur koma á eigin bílum og þurfa einnig að geta ferjað hjól.

Verð: 18.500 kr. fyrir félaga í FFA. Makar félagsmanna greiða sömu upphæð. Fyrir aðra bætist félagsgjald FFA við sem er 8.700 kr. Þá þarf að skrá sig í félagið hér . Þátttökugjald verður innheimt þegar skráningu lýkur, krafa verður stofnuð í netbanka. Innifalið er ein ferð með sérútbúinni kerru fyrir hjól.

Fjallahjólaverkefnið verður byggt upp sem æfingar, styttri og lengri ferðir í bland við kennslu.
Þátttakendur þurfa ekki að hafa mikla reynslu af fjallahjólreiðum en miðað er við að fólk kunni að hjóla og hafi áhuga á hjólreiðum utan alfaraleiða og eigi eða hafi aðgang að fjallahjóli og lágmarks öryggisbúnaði svo sem hjálmi og hönskum.  Gert er ráð fyrir að fólk sé á fjallahjóli sem er í góðu lagi og með dempurum a.m.k. að framan. Auk ferða verður farið yfir það sem hafa þarf í huga við ástand hjóla þegar farið er í ferðir sem og þegar komið er heim.

Umsjón með verkefninu og fararstjórar: Guðrún E. Jakobsdóttir og Unnur Ósk Unnsteinsdóttir.

Þátttakendur ferðast á eigin ábyrgð. FFA tryggir hvorki farþega sína né farangur þeirra og hvetur fólk til að kynna sér eigin heimilistryggingar eða kaupa ferða- og slysatryggingu.

Lágmarksfjöldi er 12 þátttakendur og hámark 18.

Stutt myndbandskynning

Skráningu lýkur 26. maí og verkefnið hefst 27. maí. Muna að taka fram hvaða hópur (Fjallahjólahópur). Hægt er að beina fyrirspurnum á netfangið ffa@ffa.is svo og hringja í síma 462 2720 milli kl. 14 og 17. Fararstjórar svara einnig fyrirspurnum.

Helgarnámskeið í rötun á vegum FFA 15. og 16. maí

Fri, 30 Apr 2021 11:49:42 GMT

Tími: 9.00 - 15.00 báða dagana.

Markmiðið með námskeiðinu er að kenna grunnatriði í rötun.

Á laugardeginum verður farið í kortalestur, mælikvarða, útreikning vegalengda, bauganet jarðar, áttavitastefnur og misvísun. Einnig verður fjallað um hvernig nota megi sól og tungl sem áttavita, svo og pólstjörnuna. Að lokum hvernig reikna má út flóð og fjöru þegar gengið er meðfram strönd. Endað verður á skriflegu lokaprófi til upprifjunar.

Á sunnudeginum verður farið út, þá fá þátttakendur hagnýta reynslu í að nota áttavita, kort, GPS tæki og loks að taka stefnu eftir sólinni.

Þátttakendur þurfa að koma með áttavita, reglustiku, skriffæri, GPS tæki og reiknivél.

Ingvar Teitsson sér um námskeiðið sem verður haldið í húsnæði FFA, Strandgötu 23.

Skráning er á ffa@ffa.is til 12. maí kl. 17 (nafn, kennitala og símanúmer). Gert er ráð fyrir að greitt verði fyrir námskeiðið þegar skráningu lýkur, krafa verður stofnuð í netbanka.

Verð: 8.000 kr. fyrir félaga í FFA og maka / 12.000 kr. fyrir aðra.

Innifalið: Kennsla, kort, matur (súpa í hádegi), kaffi og meðlæti.

Göngur og jóga fyrir konur 60+

Tue, 27 Apr 2021 10:16:07 GMT

Með sérstökum hreyfiverkefnum vill Ferðafélag Akureyrar koma til móts við þarfir og áhuga sem flestra. Eitt af metnaðarfullum verkefnum sumarið 2021 er verkefnið Göngur og jóga fyrir konur 60+ .

Verkefnið er fyrir konur sem hafa náð 60 ára aldri. Yngri konur sem hafa áhuga eru velkomnar líka. Þyngdarstig ferða miðast við meðalgöngur/-hraða og verður byrjað rólega og alltaf hitað upp í byrjun göngu; jógateygjur og jógaæfingar auk slökunar í göngu eða eftir göngur, allt eftir aðstæðum hverju sinni.

Um er að ræða gönguhóp sem haldið verður vel utan um meðal annars með öruggri fararstjórn, fésbókarsíðu og góðri upplýsingagjöf. Haft verður að leiðarljósi að fara eftir getu hópsins og að eiga góðar stundir saman.

Farið verður í skipulagðar gönguferðir og jóga iðkað inn á milli. Verkefnið stendur yfir frá maí og fram í september (engar ferðir verða í júlí). Farnar verða 13 ferðir á öllu tímabilinu,
á miðvikudögum kl. 18:00 og sunnudögum kl. 09:00 . Á sunnudögum er gert ráð fyrir að ferðirnar taki 5-7 tíma en á miðvikudögum eru ferðirnar styttri, eða 2-4 tímar. Þátttakendur koma á eigin bílum.

Verkefni hefst 12. maí, hópurinn hittist síðan samkvæmt auglýstu plani , sjá hér

Lágmarksfjöldi er 12 þátttakendur og hámark 25.

Umsjónarmenn og fararstjórar eru Herdís Zophoníasdóttir og Þóra Hjörleifsdóttir .

Verð: 39.000 kr. fyrir félaga í FFA. Makar félagsmanna greiða sömu upphæð. Fyrir aðra bætist félagsgjald í FFA við sem er 8.700 kr. Greiða þarf þegar skráningu lýkur, krafa verður stofnuð í netbanka.

Skráningu lýkur 10. maí og verkefnið hefst 12. maí. Hægt er að beina fyrirspurnum á netfangið ffa@ffa.is svo og hringja í síma 462 2720. Fararstjórar svara einnig fyrirspurnum.

Næsta ferð 1. maí: Súlur. Göngu- eða skíðaferð

Mon, 26 Apr 2021 12:36:11 GMT

Brottför kl. 8 á einkabílum frá FFA, Strandgötu 23.
Fararstjórn: Bóthildur Sveinsdóttir
Þátttaka ókeypis.
Árleg ferð FFA á bæjarfjall Akureyrar. Gengið er eftir merktri gönguleið á fjallið. Af Súlum er afar fallegt útsýni. Göngubúnaður miðast við færi og aðstæður.
Vegalengd 6,5 km hvor leið. Gönguhækkun 880 m.
Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum. Munið að skrá ykkur hér

Stóri plokkdagurinn 24. apríl 2021

Wed, 21 Apr 2021 11:53:06 GMT

Laugardaginn 24. apríl ætlar Ferðafélag Akureyrar að taka þátt í Stóra plokkdeginum í samstarfi við Akureyrarbæ. Félaginu hefur verið úthlutað svæðum til að hreinsa rusl á.

Mæting er við skrifstofu Ferðafélags Akureyrar að Strandgötu 23 kl. 9:30 laugardaginn 24. apríl. Ruslapokar verða á staðnum svo og nokkrar plokktangir en fólk er hvatt til að taka með sér tangir ef það á og hanska. Að plokkun lokinni verður boðið upp á smá hressingu í húsnæði FFA í Strandgötu.

Gaman væri að sjá sem flesta, fjölskyldur sérstaklega hvattar til að mæta. Árið 2019 var mjög góð þátttaka, vonandi verður það eins að þessu sinni.

FFA hvetur alla til að tína rusl hvenær sem er á ferðum sínum um bæinn.

Næsta ferð 24. apríl: Jógaferð í Garðsárdal

Mon, 19 Apr 2021 13:15:15 GMT

Brottför kl. 13 á einkabílum frá FFA, Strandgötu 23.
Fararstjórn: Þuríður Helga Kristjánsdóttir og Tinna Sif Sigurðardóttir
Þátttaka ókeypis.
Ekið fram í Garðsárdal. Létt ganga um Garðsárreit þar sem þátttakendur nota skilningarvitin til að dýpka upplifun sína af náttúrunni. Gangan fer að mestu fram í kyrrð þar sem tækifæri er veitt til að rækta sál og líkama í fallegri náttúru Eyjafjarðar með gönguhugleiðslu ásamt núvitundar- og öndunaræfingum. Ferð við flestra hæfi.

Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum. Munið að skrá ykkur hér

Komdu út og á fjöll

Mon, 19 Apr 2021 11:50:11 GMT

Upp til fjalla bíða okkar ævintýri og upplifun af ýmsum toga. Annað árið í röð býður Ferðafélag Akureyrar upp á skipulagða hópa í fjallgöngum. Í ár verða þær breytingar að „Komdu út“ verkefnið skiptist í tvo hluta. Í fyrri hlutanum verða átta ferðir og í seinni hlutanum verða fimm ferðir. Hægt er að kaupa aðgang að báðum tímabilum eða bara öðru.

Gönguhópurinn Komdu út og á fjöll er fyrir alla þá sem eru í þokkalegu gönguformi og miðast þyngdarstig og gönguhraði ferða við tvo til þrjá skó. Byrjað verður rólega. Um er að ræða fastan gönguhóp sem haldið verður vel utan um, meðal annars með öruggri fararstjórn, fésbókarsíðu og góðri upplýsingagjöf. Haft verður að leiðarljósi að „njóta en ekki þjóta“.

Farnar verða átta gönguferðir á fyrra tímabilinu sem er í maí og júní og fimm ferðir á seinna tímabilinu sem er í ágúst og fram í september. Um er að ræða virka daga kl. 18:00, gert er ráð fyrir 3-4 tímum og á laugardögum eða sunnudögum kl. 09:00 og verða þær ferðir 5-7 tímar með akstri. Þátttakendur koma á eigin bílum.

Verkefnið hefst 3. maí, hópurinn hittist síðan samkvæmt auglýstu plani, sjá hér

Lágmarksfjöldi er 12 þátttakendur.

Umsjónarmenn og fararstjórar eru Anna Sigrún Rafnsdóttir og Kristján Hreinsson

Verð:
Ef bæði tímabilin eru keypt strax að vori kosta þau saman 39.000 kr. fyrir félaga í FFA og FÍ. Makar félagsmanna greiða sömu upphæð. Fyrir aðra bætist félagsgjald í FFA við sem er 8.700 kr. Greiða þarf þegar lokað verður fyrir skráningu, krafa verður stofnuð í netbanka.

Ef tímabilin eru keypt sitt í hvoru lagi kosta þau:

Vor 2021: 27.000 kr. fyrir félaga í FFA og FÍ. Makar félagsmanna greiða sömu upphæð. Fyrir aðra bætist félagsgjald í FFA við sem er 8.700 kr.
Haust 2021: 16.500 kr. fyrir félaga í FFA og FÍ. Makar félagsmanna greiða sömu upphæð. Fyrir aðra er verðið 19.500 kr.

Skráningu lýkur 29. apríl og verkefnið hefst 3. maí. Hægt er að beina fyrirspurnum á netfangið ffa@ffa.is svo og hringja í síma 462 2720 á milli kl. 11 og 13. Fararstjórar svara einnig fyrirspurnum.

Hvaða aðferðir henta þér til að minnka kolefnissporið?

Sat, 17 Apr 2021 17:19:19 GMT

Samstarfsverkefni FÍ og Landverndar

Loftslagsvernd í verki er námskeið á vegum Landverndar. Markmið þess er að styðja þátttakendur til að finna eigin leiðir til að draga úr kolefnissporinu. Námskeiðið er unnið í litlum hópum og með gagnvirkri þátttöku og því sama hvar á landinu fólk er. Það er endurgjaldslaust fyrir félaga í FÍ og þar með í FFA.

Kynnið ykkur þetta vel hér

Næsta ferð 17. apríl: Botnaleið -gönguskíðaferð

Mon, 12 Apr 2021 12:46:48 GMT

Brottför kl. 8 á einkabílum frá FFA, Strandgötu 23.
Fararstjórn: Björn Z. Ásgrímsson
Verð: 4.500/3.000. Innifalið: Fararstjórn.
Ekið til Siglufjarðar þar sem gangan hefst við gangamunna Héðinsfjarðar-ganga. Síðan er skíðað inn Skútudal og í Hólsskarð. Áfram er farið um Héðinsfjarðarbotn á milli Ámárhyrnanna fremri og neðri þar sem er fallegt útsýni yfir Héðinsfjörð. Síðan er komið fram á Möðruvallaháls þar sem er víðsýnt um Ólafsfjörð. Þægilegt rennsli er niður Skeggjabrekkudal. Gangan endar við golfvöllinn á Ólafsfirði. Vegalengd 19 km. Gönguhækkun 630 m.
Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum. Munið að skrá ykkur hér

Þorvaldsdalur - aflýst

Fri, 09 Apr 2021 12:49:11 GMT

Gönguskíðaferðinni sem fara átti á morgun, laugardaginn 10. apríl, hefur verið aflýst vegna samkomu-takmarkana.

Næsta ferð 10. apríl: Þorvaldsdalur -gönguskíðaferð

Tue, 06 Apr 2021 12:26:29 GMT

Brottför kl. 9.30 á einkabílum frá FFA, Strandgötu 23.
Þátttaka ókeypis.
Ekið að Árskógarskóla. Gengið á gönguskíðum fram og til baka að skálanum Derri í vestanverðum Þorvaldsdal. Ferðin er farin í samvinnu við Ferðafélag Svarfdæla. Vegalengd 18 km. Gönguhækkun lítil. Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum. Munið að skrá ykkur hér

Komdu með í útivist hjá FFA!

Wed, 31 Mar 2021 11:38:09 GMT

Ertu alltaf á leiðinni að hefja útivist og (fjall) göngur en kemur þér ekki af stað? Þá er þetta eitthvað fyrir þig. Stutt námskeið sem allir geta tekið þátt í.

Byrjað verður með fræðslu, góðum ráðum og búnaðarkynningu um það nauðsynlegasta og hvernig maður býr sig í gönguferðir svo og leiðarval. Umræður um mat á eigin getu í ferðum og áður en lagt er af stað. Rætt verður um þá tækni sem gott er að nota til að fylgjast með eigin árangri. Farið verður í fjórar æfingaferðir þar sem þátttakendur æfa það sem þeir hafa lært og finna sinn gönguhraða. Um er að ræða fastan hóp sem haldið verður vel utan um meðal annars með öruggri fararstjórn, fésbókarsíðu og góðri upplýsingagjöf.

Eftir námskeiðið ætti fólk að vera tilbúið til að fara í ferðir með FFA eða taka þátt í hreyfiverkefnum hjá félaginu.

Verkefnið hefst 14. og 15. apríl og hittist hópurinn fimm sinnum, sjá plan hér .

Lágmarksfjöldi er 12 manns og hámarksfjöldi 18 manns.
Vegna fjöldatakmarkana verða tveir hópar meðan 10 manna viðmið gildir. Þátttakendur þurfa að koma á eigin bílum.

Leiðbeinendur og umsjón: Anna Sigrún Rafnsdóttir og Kristján Hreinsson .

Verð: 14.900 kr. Gert er ráð fyrir að greitt sé við skráningu.

Skráningu lýkur 12. apríl og verkefnið hefst 14. eða 15. apríl. Hægt er að skrá sig (nafn, kennitala og símanúmer) á ffa@ffa.is . Þangað er einnig hægt að beina fyrirspurnum svo og hringja í síma 462 2720 milli kl. 11 og 13. Leiðbeinendur svara einnig fyrirspurnum.

Á facebook er stutt myndbandskynning um námskeiðið.

Galmaströnd - aflýst

Fri, 26 Mar 2021 12:35:44 GMT

Gönguskíðaferðinni sem fara átti á morgun, laugardaginn 27. mars, hefur verið aflýst vegna dræmrar þátttöku ofl.

Frétt af aðalfundi FFA

Wed, 24 Mar 2021 14:48:51 GMT

Aðalfundur Ferðafélags Akureyrar 2021 var haldinn 22. mars og var mæting góð. Venjuleg aðalfundarstörf einkenndu fundinn eðlilega s.s. kosning í stjórn og var ein breyting þar á, Þorbjörg Þorsteinsdóttir kom inn sem varamaður í stað Þuríðar Önnu Hallgrímsdóttur. Uppstillinganefnd gekk vel að fá fólk í nefndir og eru flestar vel skipaðar.

Formaður las starfsskýrslu stjórnar frá 2020 sem var ítarlegri en áður þar sem hún náði yfir skýrslur allra nefnda. Þar kom m.a. fram hversu ötullega nefndir innan félagsins vinna og að nokkuð góður gangur er í fjölgun félaga. Skýrslur nefnda verða birtar í Ferðum 2021 sem koma út í apríl og hvatti formaður fólk til að kynna sér þær. Stjórn FFA hefur kjörið sex nýja kjörfélaga en kjörið er viðurkenning fyrir störf í þágu félagsins og var þeim afhent viðurkenningarskjal þess efnis. Nýir kjörfélagar eru: Frímann Guðmundsson, Guðrún Helga Friðriksdóttir, Grétar Grímsson, Margrét Guðmundsdóttir, Ólöf Tryggvadóttir og Védís Baldursdóttir. Stjórn FFA þakkar þeim vel unnin störf í gegnum árin.

Eftir hefðbundin aðalfundarstörf og kaffi var farið yfir það sem er framundan hjá FFA. Hilmar framkvæmdastjóri FFA fór yfir framkvæmdir við skála sem eru fyrirhugaðar á árinu. Örn Þór talaði um stefnu ferðanefndar og það sem er framundan og að lokum komu Fjóla Kristín og Þorgerður og sögðu frá nýjungum eins og barna- og fjölskyldustarfinu og nýjum hreyfihópaverkefnum sem verða auglýst í vor.

Næsta ferð 27. mars: Galmaströnd -gönguskíðaferð

Mon, 22 Mar 2021 12:25:17 GMT

Brottför kl. 8 á einkabílum frá FFA, Strandgötu 23.
Fararstjórn: Frímann Guðmundsson
Verð: 3.500/2.000. Innifalið: Fararstjórn.
Gengið frá Syðri-Reistará og niður undir sjó. Síðan norður til Hjalteyrar og skoðað hvaðan við fáum heita vatnið. Svo út Arnarnesnafir og aftur að Reistará um Bjarnarhól. Vegalengd 12 km. Gönguhækkun lítil.

Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum. Munið að skrá ykkur hér

Gönguskíðaferð í Heiðarhús á Flateyjardal - fjögur laus pláss

Fri, 19 Mar 2021 11:34:29 GMT

Það eru fjögur laus pláss í þessa gönguskíðaferð sem til stendur að fara á morgun, laugardaginn 20. mars, brottför kl. 9, skráning hér

Brottför kl. 9 á einkabílum frá FFA, Strandgötu 23.
Fararstjórn: Einar Bjarki Sigurjónsson og Christina Finke
Verð: 12.500/9.500. Innifalið: Fararstjórn og gisting í skála.
Gangan hefst við afleggjarann út á Flateyjardal rétt hjá bænum Þverá í Dalsmynni. Gengið sem leið liggur út í miðjan Flateyjardal en dalurinn er frábært skíðasvæði og mjög fallegur í vetrarbúningi. Gisting í Heiðarhúsum. Við göngum sömu leið til baka. Vegalengd um 17 km hvorn dag með meðalhækkun um 250 m. Hver og einn þarf að sjá um eigin búnað og nesti og sjá um flutning á því hvort heldur er í bakpoka eða púlku. ATH. Takmarkaður fjöldi.

Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum.

Aðalfundur Ferðafélags Akureyrar

Mon, 15 Mar 2021 11:13:04 GMT

Aðalfundur Ferðafélags Akureyrar verður haldinn mánudaginn 23. mars klukkan 20.00 í húsi félagsins, Strandgötu 23.

Dagskrá: Venjuleg aðalfundastörf, hvað er framundan hjá FFA og önnur mál.

Kaffiveitingar.

Félagar hvattir til að mæta.

Kristnes-Sigurðargil - aflýst

Fri, 12 Mar 2021 12:44:38 GMT

Gönguskíðaferðinni sem fara átti á morgun, laugardaginn 13. mars, hefur verið aflýst vegna þátttökuleysis og slæmrar veðurspár.

Næsta ferð 13. mars: Kristnes-Sigurðargil -gönguskíðaferð

Mon, 08 Mar 2021 12:56:13 GMT

Brottför kl. 8 á einkabílum frá FFA, Strandgötu 23.
Fararstjórn: Ingvar Teitsson
Verð: 3.500/2.000. Innifalið: Fararstjórn.
Gengið er upp norðan við skógræktargirðinguna í Kristnesi og stefnt upp að Stóruborg. Greið leið norður á Stórhæð þar sem útsýni er gott. Þaðan hallar svo niður að Sigurðargili þar sem bílarnir bíða.Vegalengd um 9 km og hækkun um 440 m. Selflytja þarf bíla milli Kristness og Sigurðargils.

Þátttakendur í ferðum FFA eru minntir á að virða gildandi sóttvarnareglur og huga að persónulegum sóttvörnum. Munið að skrá ykkur hér

Vaðlaheiði -aflýst

Sat, 27 Feb 2021 20:38:35 GMT

Gönguskíðaferðinni á Vaðlaheiði sem fara átti á morgun, sunnudaginn 28. febrúar, hefur verið aflýst vegna slæmrar veðurspár og dræmrar þátttöku.

Vaðlaheiði-gönguskíðaferð frestað til sunnudagsins 28. feb.

Thu, 25 Feb 2021 12:44:38 GMT

Brottför kl. 9 á einkabílum frá FFA, Strandgötu 23.
Fararstjórn: Frímann Guðmundsson .
Verð: 3.500/2.000. Innifalið: Fararstjórn.
Af Vaðlaheiði er fagurt útsýni yfir Akureyri og Eyjafjörð. Svæðið er líka frábært til skíðagöngu og almennrar útivistar. Ferð við flestra hæfi. Þátttakendur í ferðum FFA eru minntir á að virða gildandi sóttvarnareglur. Munið að skrá ykkur hér

Næsta ferð 27. febrúar: Vaðlaheiði -gönguskíðaferð

Mon, 22 Feb 2021 13:03:00 GMT

100 ára

Sat, 20 Feb 2021 11:00:52 GMT

Álfheiður Jónsdóttir verður 100 ára þann 21. febrúar. Á árum áður var hún ötull liðsmaður í Ferðafélagi Akureyrar. Hún starfaði þar sem fararstjóri og fór ófáar ferðir í Laugafell.

Ferðafélag Akureyrar óskar Álfheiði til hamingju með daginn og þakkar henni gott starf með félaginu og hlýhug til félagsins. Í grein í Morgunblaðinu kemur vel fram hversu mikils virði fjallgöngur og þessi félagsskapur var henni.

Fyrir hönd Ferðafélags Akureyrar
Þorgerður Sigurðardóttir,
formaður FFA

Næsta ferð 20. febrúar: Skíðastaðir-Þelamörk

Mon, 15 Feb 2021 10:09:22 GMT

Brottför kl. 10 á einkabílum frá FFA, Strandgötu 23.
Fararstjórn: Frímann Guðmundsson .
Verð: 3.500/2.000. Innifalið: Fararstjórn.
Gengið frá Skíðastöðum út hlíðina á Sjónarhól. Þægilegt rennsli niður að Þelamerkurskóla. Ferð við flestra hæfi. Farið í heita pottinn ef vill (ekki innifalið). Vegalengd 10,5 km. Gönguhækkun 160 m. Munið að skrá ykkur hér
Þátttakendur í ferðum FFA eru minntir á að virða gildandi sóttvarnareglur.

Komdu í nefnd hjá FFA!

Mon, 08 Feb 2021 22:48:53 GMT

Starf Ferðafélags Akureyrar byggir m.a. á starfi nefnda sem skipuleggja starf félagsins og við auglýsum eftir áhugasömu fólki til að vinna með okkur. Nefndum hefur verið fjölgað til að allar hugmyndir fái farveg og til að fá fleira áhugasamt fólk með okkur. Nefndir sem starfa innan FFA eru t.d. skálanefndir sem fara m.a. í vinnuferðir tvisvar á ári, mjög skemmtilegur félagsskapur. Núna starfa þrjár áhugaverðar ferðanefndir innan FFA, ferðanefnd sem sér um ferðaáætlun og Þaulann, ný nefnd um barna- og fjölskyldustarf og ný nefnd sem skipuleggur hreyfihópa, allar vilja fá nýtt fólk með sér.

Viðburðanefnd, gönguleiðanefnd og ritnefnd hafa ákveðin hlutverk og vilja líka fá áhugasamt fólk . Félaga- og kynningarnefnd hefur það hlutverk að koma með nýjungar í starf FFA, fjölga félögum og kynna félagið út á við, sú nefnd þiggur liðsauka.

Frekari upplýsingar er hægt að fá hjá Þorgerði formanni FFA á netfanginu togga@simnet.is og sími 692 6904 eða Einari á netfanginu einhj@simnet.is eða í síma 842 7824. Við hlökkum til að heyra frá ykkur sem fyrst.

Kynnið ykkur endilega starf FFA, þar er margt að gerast og góður félagsskapur

Ferðakynningu frestað

Wed, 27 Jan 2021 10:06:49 GMT

Árlegri ferðakynningu FFA sem halda átti þann 4. febrúar hefur verið frestað um óákveðinn tíma vegna fjöldatakmarkana.

Tökum skrefið fellur niður 24. janúar.

Sat, 23 Jan 2021 16:24:23 GMT

Vegna veðurútlits og ófærðar þá fellum við sunnudagsgönguna 24. janúar niður.

Hálsaskógur - aflýst vegna slæmrar veðurspár

Fri, 22 Jan 2021 10:53:46 GMT

Skíðaferðinni í Hálsaskóg sem fara átti á morgun laugardaginn 23. janúar, hefur verið aflýst vegna slæmrar veðurspár.

Árlegur félagsfundur FFA fellur niður

Mon, 18 Jan 2021 16:00:37 GMT

Vegna fjöldatakmarkana í samfélaginu er ekki hægt að boða til árlegs félagsfundar í janúar 2021. Þess í stað setur stjórn inn svolítið yfirlit yfir árið á heimasíðu FFA ásamt myndum úr starfinu. Sjá tengil hér .

Við bendum áhugasömum líka á að skoða „Myndir“ 2020 á síðu FFA.

Aðalfundur FFA verður haldinn í mars ef allt gengur að óskum í samfélaginu.

Með von um gott ferðaár 2021 og að þið hafið ánægju af að renna yfir þetta yfirlit.

Þorgerður Sigurðardóttir, formaður FFA

Næsta ferð 23. janúar: Hálsaskógur -ferð fyrir alla á gönguskíðum

Mon, 18 Jan 2021 11:52:44 GMT

Brottför kl. 11 á einkabílum frá FFA, Strandgötu 23.
Fararstjórn: Ingvar Teitsson .
Þátttaka ókeypis.
Létt og þægileg skíðaganga fyrir alla sem ekki langar í bröttu brekkurnar. Hálsaskógur er fallegur skógur rétt norðan við Akureyri á leiðinni út á Gáseyri. Áætluð vegalengd 4-5 km. Gönguhækkun 80-100 m. Munið að skrá ykkur hér
Þátttakendur í ferðum FFA eru minntir á að gæta hreinlætis og virða gildandi sóttvarnareglur.

Tökum skrefið á nýju ári

Thu, 14 Jan 2021 10:30:32 GMT

Tökum skrefið heldur áfram á nýju ári og verða eins og áður léttar vikulegar gönguferðir næstu 10 mánuði. Fyrsta gangan á nýju ári verður sunnudaginn 2. febrúar kl. 10 frá Strandgötu 23. Gengið er í eina klukkustund, ca 3-4 km. Það þarf ekki að skrá sig og þátttaka er ókeypis. Við vonumst auðvitað eftir sama fólkinu og á síðastliðnu ári og endilega fleirum því það eru allir velkomnir í þessar göngur. Eftir göngu er notaleg stund með kaffi og spjalli í Strandgötunni.

Hægt er að fylgjast með á fésbókarsíðu FFA og á opinni sér fésbókarsíðu fyrir hópinn sem heitir Tökum skrefið - FFA.

Skrifstofa FFA verður lokuð til áramóta

Fri, 18 Dec 2020 11:54:56 GMT

Skrifstofa FFA verður lokuð frá 20. desember til 3. janúar.

Hægt er að senda erindi sem ekki geta beðið fram yfir áramót á netfangið ffa@ffa.is

Gleðileg jól!

Fjallaskíðahópur FFA - uppselt

Fri, 11 Dec 2020 12:52:10 GMT

Skráningar í fjallaskíðahópinn fóru fram úr björtustu vonum, nú er orðið fullbókað í hópinn og margir á biðlista.

Ferðaáætlun Ferðafélags Akureyrar 2021

Fri, 11 Dec 2020 09:17:03 GMT

Ferðaáætlun FFA fyrir árið 2021 er komin á heimasíðuna hér .
Ferðirnar verða kynntar nánar þann 4. febrúar klukkan 20.00 í Verkmenntaskólanum á Akureyri, ef aðstæður leyfa.

Ef fólk vill tryggja sér pláss í einhverri ferð strax er hægt að skrá sig hér í hvaða ferð sem er.

Þá er athygli vakin á áætlun fyrir Barna- og fjölskylduferðir FFA 2021 sem einnig er að finna á heimasíðunni hér .

Fjallaskíðahópur FFA - vetur og vor 2021

Tue, 01 Dec 2020 10:57:42 GMT

Verkefnið verður byggt upp sem stutt námskeið og æfingar í byrjun og endar á lengri ferðum. Þátttakendur þurfa ekki að hafa mikla reynslu af fjallaskíðamennsku en miðað er við að fólk sé vant á skíðum, kunni að beita þeim og eigi eða hafi aðgang að fjallaskíðabúnaði. Um er að ræða hóp sem haldið verður vel utan um m.a. með öruggri fararstjórn og leiðsögn, fésbókarsíðu og góðri upplýsingagjöf. Verslunin Útivist og veiði er í samstarfi við FFA um verkefnið og mun bjóða þátttakendum afslátt af búnaði til fjallaskíðamennsku.

Í hópnum er miðað við að allir fái að njóta sín, að vera saman, læra saman og hafa gaman. 

Verkefnið hefst 12. janúar með undirbúningi og kennslu og því lýkur í maí. Ákveðin óvissa er í dagsetningum vegna ófyrirsjáanlegra snjóalaga. Þó verður reynt að gera eitthvað einu sinni til tvisvar í mánuði fram í maí, sjá plan hér .

Námskeið og æfingar verða þrjú skipti á virkum dögum (þriðjudagar eða fimmtudagar) kl. 17.30 og gert ráð fyrir einum og hálfum til þriggja tíma í senn. Áætlað er að fara í fimm lengri ferðir á laugardögum eða sunnudögum allt eftir veðri og aðstæðum, þá verður lagt af stað kl. 9.

Umsjón með verkefninu og fararstjórar eru Kristín Irene Valdemarsdóttir og Jón Marinó Sævarsson .

Lágmarksfjöldi er 12 manns og hámarksfjöldi 18 manns.

Verð: 28.000 kr. fyrir félagsmenn í FFA eða FÍ. Makar félagsmanna greiða sömu upphæð. Fyrir aðra bætist félagsgjald í FFA við sem er 8.700 kr.

Skráningu lýkur 7. janúar 2021 og verkefnið hefst 12. janúar. Hægt er að skrá sig (nafn, kennitala og símanúmer) á ffa@ffa.is . Þangað er einnig hægt að beina fyrirspurnum svo og hringja í síma 462 2720 milli kl. 11 og 13.

Gjafabréf FFA

Tue, 17 Nov 2020 12:40:31 GMT

Hægt er að kaupa gjafabréf hjá FFA fyrir hvaða upphæð sem er. Þau gilda sem inneign til kaupa á vörum og þjónustu FFA, t.d. félagsaðild, ferðum, gistingu í skálum og árbókum FÍ.

Til að kaupa gjafabréf má hafa samband við skrifstofuna, netfang ffa@ffa.is eða í síma: 462 2720 á opnunartíma.

Bygging þjónustuhúss við Drekagil

Mon, 09 Nov 2020 11:44:04 GMT

Bygging þjónustuhúss við Drekagil gengur vel. Um síðustu helgi var húsið reist og því lokað. Áfram verður haldið í sumar og gert ráð fyrir að byggingin verði tekin í notkun á næsta ári. Húsið bætir mjög aðstöðu fyrir tjaldgesti og lausaumferð á svæðinu.

Fleiri myndir af byggingu hússins eru á myndasíðu FFA https://www.ffa.is/is/myndir/bygging-thjonustuhuss

Draflastaðafjall - aflýst

Tue, 03 Nov 2020 11:38:40 GMT

Ferðinni á Draflastaðafjall sem fara átti næsta laugardag, 7. nóvember, hefur verið aflýst vegna aðstæðna í samfélaginu.

Tökum skrefið - COVID-19

Fri, 30 Oct 2020 13:29:26 GMT

Fjallaskálar á Hringbraut - Lambi á Glerárdal

Thu, 29 Oct 2020 11:24:36 GMT

Áfram heldur umfjöllun um fjallaskála á Hringbraut, þar á meðal um skála FFA. Í fyrsta þætti í nýrri seríu er Lambi á Glerárdal heimsóttur, sjá hér

Þaulinn 2020 - verðlaun og viðurkenningar

Wed, 14 Oct 2020 10:09:31 GMT

Takk fyrir þátttökuna í Þaulanum. Vegna aðstæðna í samfélaginu verður ekki um formlega afhendingu verðlauna að ræða eins og undanfarin ár. Haft verður samband við vinningshafa og öll börn sem skiluðu inn svarblaði fá viðurkenningarskjal.

Ósótt árbók og félagsskírteini 2020

Mon, 05 Oct 2020 12:10:57 GMT

Félagar í FFA sem hafa greitt árgjald vegna 2020 og eru búsettir á Akureyri og nágrenni eru vinsamlegast hvattir til að sækja árbókina, félagsskírteini og tímaritið Ferðir sem fyrst á skrifstofu félagsins sem er opin alla virka daga frá kl. 14 til 17. Einnig er hægt að koma í hádeginu ef það hentar betur.

Næsta ferð 3. október: Þingmannahnjúkur

Mon, 28 Sep 2020 12:27:47 GMT

Brottför kl. 9 á einkabílum frá FFA, Strandgötu 23.
Fararstjóri: Vignir Víkingsson.
Verð: 3.500/2.000. Innifalið: Fararstjórn.
Ekið að Eyrarlandi, Þingmannavegurinn genginn þaðan upp í heiðina og upp á Þingmannahnjúkinn og áfram á Leifsstaðafjall ef aðstæður leyfa. Vegalengd samtals 8 km. Gönguhækkun 680 m. Munið að skrá ykkur hér
Þátttakendur í ferðum FFA eru minntir á að virða gildandi sóttvarnareglur og eins metra fjarlægð, gæta hreinlætis og hafa handspritt meðferðis.

Sviðamessa 2020 - aflýst

Thu, 24 Sep 2020 16:17:01 GMT

Sviðamessa FFA var fyrirhuguð þann 17. október, í ljósi aðstæðna í samfélaginu hefur henni verið aflýst. Þeim sem unnið hafa fyrir félagið verður boðið til sviðamessu að ári.

Seldalur við Öxnadal - aflýst

Fri, 18 Sep 2020 15:21:34 GMT

Ferðinni í Seldal við Öxnadal sem fara átti á morgun laugardaginn 19. september, hefur verið aflýst vegna slæmrar veðurspár.

Þaulinn - leiknum fer senn að ljúka

Tue, 15 Sep 2020 16:22:17 GMT

Við minnum á að lokafrestur til að skila inn svarblaði í Þaulanum er þann 20. september nk. Hægt að setja inn um lúguna utan opnunartíma skrifstofu FFA.

Næsta ferð 19. september: Seldalur við Öxnadal

Mon, 14 Sep 2020 14:37:00 GMT

Brottför kl. 9 á einkabílum frá FFA, Strandgötu 23.
Fararstjóri: Árni Gíslason.
Verð: 3.500/2.000. Innifalið: Fararstjórn.
Ekið inn að eyðibýlinu Bakkaseli í Öxnadal og gengið eftir götuslóðum um áreyrarnar fram dalinn eftir aðstæðum og síðan aftur að bílunum. Vaða eða stikla þarf yfir Lambá svo æskilegt er að hafa vaðskó meðferðis. Vegalengd um 18 km. Hækkun 300 m. Munið að skrá ykkur hér
Þátttakendur í ferðum FFA eru minntir á að virða gildandi sóttvarnareglur og eins metra fjarlægð, gæta hreinlætis og hafa handspritt meðferðis.

Næsta ferð 12. september: Skuggabjargaskógur-haustlitaferð

Mon, 07 Sep 2020 10:39:17 GMT

Brottför kl. 9 á einkabílum frá FFA, Strandgötu 23.
Fararstjóri: Anna Blöndal.
Verð 3.500/2.000. Innifalið: Fararstjórn.
Ekið að Draflastöðum og gengið þaðan út hlíðina og upp á Múlana og skógræktin skoðuð. Síðan út að Skuggabjörgum þar sem staldrað verður við hjá gömlu bæjarrústunum og fræðst um svæðið. Til baka verður farin neðri leiðin, skógargróður skoðaður og hugað að hrútaberjum - ef vill. Þá verður haldið að Draflastöðum, þar sem gott væri að fá sér kaffisopa - ef vill. Vegalengd 14 km. Hækkun um 200 m. Munið að skrá ykkur hér
Þátttakendur í ferðum FFA eru minntir á að virða gildandi sóttvarnareglur og eins metra fjarlægð, gæta hreinlætis og hafa handspritt meðferðis.

Ósótt árbók og félagsskírteini 2020

Mon, 07 Sep 2020 10:35:43 GMT

Enn á ný eru félagar í FFA sem greitt hafa árgjald vegna 2020 og búsettir eru á Akureyri og nágrenni vinsamlegast hvattir til að sækja árbókina, félagsskírteini og tímaritið Ferðir sem fyrst á skrifstofu félagsins sem nú er opin alla virka daga frá kl. 11 til 13.

Kambur við Flateyjardal - aflýst vegna snjóa

Fri, 04 Sep 2020 16:05:04 GMT

Ferðinni á Kamb við Flateyjardal sem fara átti á morgun laugardaginn 5. september, hefur verið aflýst vegna snjóa.

Næsta ferð 5. september: Kambur við Flateyjardal

Mon, 31 Aug 2020 12:32:50 GMT

Brottför kl. 8 á einkabílum frá FFA, Strandgötu 23.
Fararstjóri: Árni Sveinn Sigurðsson.
Verð: 3.500/2.000. Innifalið: Fararstjórn.
Ekið út á Flateyjardal á móts við Véskvíar og fólk ferjað á jeppa yfir ána ef færð leyfir, annars þarf að vaða ána. Þá er gengið í stefnu á fjallshrygginn og honum fylgt upp á Kambinn þar sem frábært útsýni er yfir dalinn og nærliggjandi fjalllendi. Vegalengd 5 km hvor leið. Gönguhækkun 1000 m. Munið að skrá ykkur hér
Þátttakendur í ferðum FFA eru minntir á að virða gildandi sóttvarnareglur og tveggja metra fjarlægð, gæta hreinlætis og hafa handspritt meðferðis.

Fleiri fjöll - nýr gönguhópur haustið 2020

Fri, 28 Aug 2020 13:52:16 GMT

Athugið að skráningu lýkur 9. september og verkefnið hefst 10. september.

„Fleiri fjöll“ er fyrir fólk sem hefur einhverja reynslu af fjallgöngum og vill halda áfram að bæta við þekkingu sína og reynslu í fjallamennsku. Hentar vel til að halda sér í góðu gönguformi og bæta þol og kraft. Byrjað verður á léttari gönguferðum en síðan aukið smám saman við gönguhraðann og farið í meira krefjandi aðstæður. Fjallgöngur að vetri, búnaður og rötun.

Þátttakendur þurfa að vera í ágætis gönguformi og miðast þyngdarstig og gönguhraði við þrjá til fjóra skó. Um er að ræða gönguhóp sem haldið verður vel utan um m.a. með öruggri fararstjórn, fésbókarsíðu og góðri upplýsingagjöf.

Verkefnið hefst 10. september og stendur fram í desember. Sjá ferðaplan hér

Farnar verða 10 ferðir auk nokkurra fræðslukvölda. Ferðirnar verða á fimmtudögum kl. 18 og laugardögum eða sunnudögum kl. 9.00 .
Um helgar er gert ráð fyrir dagsferðum sem taka 5 – 7 tíma en á fimmtudögum eru ferðirnar styttri eða 2 – 3 tímar.

Lágmarksfjöldi er 12 þátttakendur og hámarksfjöldi 20.

Umsjón með verkefninu hafa Einar Bjarki Sigurjónsson og Christina Finke sem einnig eru fararstjórar.

Verð: 39.000 kr. fyrir félaga í FFA eða FÍ. Makar félagsmanna greiða sömu upphæð. Fyrir aðra bætist félagsgjald í FFA við sem er 8.600 kr.

Ekki er hægt að hafa kynningarfund vegna COVID-19 en við bendum á kynningu á verkefninu sem komin er á fésbókarsíðu FFA https://www.facebook.com/einarbjarki.sigurjonsson/videos/3524915740861013

Skráningu lýkur 9. september og verkefnið hefst 10. september. Hægt er að skrá sig (nafn, kennitala og símanúmer) á ffa@ffa.is . Þangað er einnig hægt að beina fyrirspurnum svo og hringja í síma 462 2720 á milli kl. 14 og 17.

Ósótt árbók og félagsskírteini 2020

Tue, 25 Aug 2020 15:04:12 GMT

Næsta ferð 29. ágúst: Seljahjallagil

Mon, 24 Aug 2020 13:14:03 GMT

Brottför kl. 8 á einkabílum frá FFA, Strandgötu 23.
Fararstjórar: Herdís Zophoníasdóttir og Þuríður Hallgrímsdóttir.
Verð: 3.500/2.000. Innifalið: Fararstjórn.
Áætlaður göngutími er 6–7 klst.
Ekið að bænum Garði í Mývatnssveit þar sem bílum er lagt. Gengið eftir jeppaslóð í Seljahjallagil og sama leið til baka. Það er mögulegt að ganga upp úr gilinu og skoða útsýnið niður í gilið sem er afar stórfenglegt. Vegalengdin er um það bil 18 km. Hækkun 200 m. Þeir göngugarpar sem vilja geta farið í Jarðböðin (ekki innifalið í verði). Munið að skrá ykkur hér
Þátttakendur í ferðum FFA eru minntir á að virða gildandi sóttvarnareglur og tveggja metra fjarlægð, gæta hreinlætis og hafa handspritt meðferðis.

Gangnamenn óskast laugardaginn 5. september nk.

Wed, 19 Aug 2020 16:30:03 GMT

Fjallskilanefnd Eyjafjarðarsveitar auglýsir eftir gangnamönnum í smölun í Þverárdal, laugardaginn 5. september nk. Áhugasamir mega hafa samband við Hákon i síma: 896 9466

Næsta ferð 21.-23. ágúst: Herðubreið

Tue, 18 Aug 2020 15:03:47 GMT

Brottför kl. 17 á einkabílum frá FFA, Strandgötu 23.
Fararstjórar: Ingvar Teitsson og Leo Broers.
Verð: Í skála: 19.000/11.000. Í tjaldi: 7.500/4.500. Innifalið: Fararstjórn og gisting.
Ekið í Herðubreiðarlindir og gist þar í tjöldum eða skála. Gengið á Herðubreið 1682 m. á laugardegi og haldið heim á sunnudegi. Hjálmur, broddar eða klær og ísexi er nauðsynlegur búnaður. Hækkun um 1000 m. Munið að skrá ykkur hér

Næsta ferð 22. ágúst: Kaldbakur / Svínárhnjúkur

Tue, 18 Aug 2020 14:45:51 GMT

Brottför kl. 8 á einkabílum frá FFA, Strandgötu 23.
Fararstjóri: Baldvin Stefánsson.
Verð: 3.500/2.000. Innifalið: Fararstjórn.
Ekið til Grenivíkur og á bílastæði skammt utan Grenjár. Gengið eftir stikaðri leið upp á Kaldbak, 1173 m. Þá er genginn fjallshryggurinn út á Útburðarskálarhnjúk, 1172 m. og þaðan hryggirnir út á Eiríksskarðskoll, 1040 m. og Svínárhnjúk, 1058 m. Hægt er að ganga út á Þernu, 1060 m. ef tími er til áður en gengið er niður að Svínárnesi og þaðan í bílana. Vegalengd 18 km. Gönguhækkun um 1400 m. Munið að skrá ykkur hér
Þátttakendur í ferðum FFA eru minntir á að virða gildandi sóttvarnareglur og tveggja metra fjarlægð, gæta hreinlætis og hafa handspritt meðferðis. Ekki verður sameinast í bíla í þessari ferð.

Næsta ferð 15. ágúst: Bláskógavegur

Tue, 11 Aug 2020 15:26:20 GMT

Brottför kl. 8 í rútu frá FFA, Strandgötu 23.
Fararstjóri: Sigurgeir Sigurðsson.
Verð: 11.000/9.000. Innifalið: Fararstjórn og rúta.
Ekið til Húsavíkur og Þeistareykjaveg að Sæluhúsmúla eða Rauðhól. Þaðan verður gengin hin forna leið Bláskógavegur (ath. ekkert vatn er á leiðinni) að býlinu Undirvegg í Kelduhverfi þar sem rútan bíður göngugarpa. Komið við í Gljúfrastofu ef aðstæður leyfa. Vegalengd um 21 km. Lítil hækkun. Munið að skrá ykkur hér
Þátttakendur í ferðum FFA eru minntir á að virða gildandi sóttvarnareglur á hverjum tíma, gæta hreinlætis, hafa handspritt meðferðis og andlitsgrímu í rútunni.

Nýjar upplýsingar um Þaulann 2020 - Múlakolla

Fri, 07 Aug 2020 17:03:14 GMT

Ferðinni á Herðubreið er aflýst

Sun, 02 Aug 2020 09:42:11 GMT

Vegna hertra COVID reglna þurfum við að aflýsa ferðinni á Herðubreið sem átti að vera helgina 7. - 9. ágúst. Fyrirhugað er að reyna að hafa hana seinna í ágúst. Þeir sem eru skráðir í ferðina fá upplýsingar um það.

Næsta ferð 1. ágúst: Vesturárdalur-Kóngsstaðadalur

Mon, 27 Jul 2020 13:21:47 GMT

Brottför kl. 8 á einkabílum frá FFA, Strandgötu 23.
Fararstjóri: Una Þ. Sigurðardóttir.
Verð: 3.500/2.000. Innifalið: Fararstjórn.
Hér er genginn fáfarinn fallegur hringur um Vesturárdal og Kóngsstaðadal. Gengið frá Stekkjarhúsi í Skíðadal og fram dalinn. Við eyðibýlið Stafn er beygt fram Vesturárdal og gengið uppúr suðurbotni hans og gegnum skarðið milli fjallanna Ingjalds og Staðargangnafjalls. Þegar komið er upp í skarðið er rölt fram á Ingjald 1275m og síðan gengið fyrir Vesturárdalsfjall, fjallið á milli Vesturárdals og Kóngsstaðadals. Síðan haldið niður í Kóngsstaðadal og að Þverá í Skíðadal. Mjög falleg fjallasýn og útsýni yfir Skagafjörð og Skíðadal. Vegalengd um 22 km. Gönguhækkun um 1200 m. Munið að skrá ykkur hér
Í ferðum Ferðafélags Akureyrar þar sem sameinast er í bíla taka allir þátt í kostnaði með því að greiða bílstjóra hvers bíls fyrir sig. Þátttakendur í ferðum FFA eru minntir á að virða gildandi sóttvarnareglur á hverjum tíma, gæta hreinlætis, hafa handspritt meðferðis og taka tillit til ferðafélaga nú þegar tveggja metra reglan er valkvæð.

Næsta ferð 25. júlí: Heiðinnamannahellir-Heiðinnamannafjall

Wed, 22 Jul 2020 09:30:22 GMT

Gönguvika FFA í samvinnu við Akureyrarstofu: 20.-23. júlí

Mon, 20 Jul 2020 08:58:48 GMT

Brottför kl. 19 á einkabílum frá FFA, Strandgötu 23.
Fararstjóri: Ingimar Eydal.
Verð: 1.500/1.000. Innifalið: Fararstjórn.
Munið að skrá ykkur hér.
Þátttakendur í ferðum FFA eru minntir á að virða gildandi sóttvarnareglur á hverjum tíma, gæta hreinlætis, hafa handspritt meðferðis og taka tillit til ferðafélaga nú þegar tveggja metra reglan er valkvæð.

Bræðrafell-Askja mánudaginn 20. júlí - laus pláss

Fri, 17 Jul 2020 14:13:55 GMT

Vakin er athygli á að það losnuðu pláss í ferðina:

Brottför kl. 8 á einkabílum (jeppum) frá FFA, Strandgötu 23.
Fararstjóri: Frímann Guðmundsson.
Verð: 35.000/23.000. Innifalið: Fararstjórn og gisting.
1.d. Ekið í Herðubreiðarlindir. Eftir kaffihressingu er gengið um fremur greiðfært hraun í Bræðrafell og gist þar, 17 km.
2.d. Gengið á Kollóttudyngju og Bræðrafell skoðað. Gist í Bræðrafellsskála.
3.d. Gengið frá Bæðrafelli í Drekagil, 17 km. Gist í Dreka.
4.d. Gengið frá Dreka yfir Dyngjufjöll að Öskju. Hópurinn sóttur á bílastæðið við Öskjuop og keyrður til baka í Dreka þar sem bílarnir bíða. Ekið heim um kvöldið.
Bílar þátttakenda verða ferjaðir af landvörðum frá Herðubreiðarlindum upp í Dreka.