Skrifstofan
Félagið
Ferðir
Hreyfiverkefni
Skálar
Myndir

Leita

Íslenska
English

Forsíða / Myndir / Vinnuferðir / Skálar FFA

Skálar FFA

13 stk.
13.05.2005

Lambi GPS 65°34.880 - 18°17.770
Lambi stendur í Glerárdal suðvestan Akureyrar, byggður 1975. Frá vegi að skálanum er stikuð gönguleið, 10-11 km. Gistirými fyrir 6 manns. Olíukabyssa og áhöld eru í skálanum. Lækur skammt sunnan skálans. Fjölbreyttar gönguleiðir frá skálanum um fjöll og dali á Glerárdalssvæðinu.

Dyngjufell GPS 65°07.480 - 16°55.280
Dyngjufell í Dyngjufjalladal, norðvestan undir Dyngjufjöllum, var byggt 1993. Skálinn er 3,7 km í suðvestur frá Lokatindi. Gisting fyrir 16 manns í kojum. Kynding með steinolíukabyssu. Vatn fæst oft úr læk í grennd við skálann. Skálinn er öllum opinn en ætlast er til að göngufólk sitji fyrir um gistingu. Gönguleið frá Dreka um Öskju og Jónsskarð að skálanum og þaðan í Suðurárbotna.

Botni GPS 65°16.180 - 17°04.100
Botni stendur um 650 m suð-suðaustan efstu upptaka Suðurár, byggður 1996. Gistirými fyrir 16 manns í kojum. Kynding með steinolíukabyssu. Vatn má fá úr vatnsaugum við tjarnir suðvestan skálans eða úr upptakalindum Suðurár. Skálinn er öllum opinn en ætlast er til að göngufólk sitji fyrir um gistingu. Gönguleið frá Dyngjufelli að skálanum (20-22 km) og þaðan um Suðurárbotna að Svartárkoti (15-16 km).

Bræðrafell GPS 65°11.310 - 16°32.290
Bræðrafell stendur suðaustur frá samnefndu felli, við suðurrætur Kollóttudyngju. Skálinn var byggður 1976-77. Frá uppgöngunni á Herðubreið er stikuð leið, um 9-10 km, vestur að skálanum. Frá Bræðrafelli er stikuð leið suður í Dreka. Gistirými fyrir 12 manns. Í skálanum er kolaeldavél. Ekkert vatnsból.

Dreki GPS 65°02.520 - 16°35.720
Dreki er við Drekagil í Dyngjufjöllum, byggður 1968-69. Frá skálanum má aka til austurs í Herðubreiðarlindar og Kverkfjöll eða til suðurs á Gæsavatnaleið. Gistirými fyrir 20 manns. Í skálanum er olíukabyssa. Gæsla yfir ferðamannatímann í samvinnu við Náttúruvernd Ríkisins. Tjaldsvæði hjá skálanum. Gönguleiðir frá Dreka að Dyngjufelli og Bræðrafelli.

Þorsteinsskáli GPS 65°11.560 - 16°13.390
Þorsteinsskáli er í Herðubreiðarlindum, byggður 1958-60. Gistirými fyrir 30 manns. Í eldhúsi eru áhöld, gashella og olíuketill tengdur við miðstöð. Gæsla frá júní til ágústloka í samvinnu við Náttúruvernd Ríkisins. Góð snyrtiaðstaða með sturtu. Gott tjaldsvæði hjá skálanum

Laugafell GPS 65°01.630 - 18°19.950
Laugafell var byggt á árunum 1948-50. Skálinn stendur 20 km suður af botni Eyjafjarðardals og um 15 km norðaustur frá Hofsjökli. Upphitun með laugarvatni allt árið. Áhöld og eldunartæki. Gæsla frá FFA yfir sumarið. Gistirými: skáli FFA: 15 manns; svefnloft snyrtihúss: 20 manns. Tjaldsvæði hjá skálanum. Sundlaug og upphitað snyrtihús. Frá Laugafelli liggja slóðir til Eyjafjarðar, Skagafjarðar, Bárðardals og suður Sprengisand.

Valmynd

Ferðir 2024
Ferðir fyrri ára
Bygging þjónustuhúss
Bygging Bræðrafells
Bygging Lamba
Vinnuferðir
Aðrir viðburðir
Myndbönd
Hreyfihópar

Ferðafélag Akureyrar

Ferðafélag Akureyrar
Strandgötu 23
600 Akureyri
Sími: 462 2720
ffa@ffa.is
Kt: 670574-0249

Instagram | Facebook