Lýsing

3. október, laugardagur

Brottför kl. 10  á einkabílum frá FFA, Strandgötu 23

Safnast saman í bíla ef vill

Fararstjórn: Ottó Elíasson


Ekið að Dalvíkurkirkju þar sem bílum er lagt. Vegi og slóða fylgt upp á fjallið. Síðasta brekkan upp á Böggvisstaðafjallið er nokkuð brött en vel lyng- og mosagróin. Þegar komið er upp á fjallið er gengið með brúninni að lítilli vörðu þar sem er gott útsýni yfir Dalvík og Svarfaðardal. Ef vill má ganga lengra til að fá enn betra útsýni.

Sama leið farin til baka 


Vegalengd: 8 km. Gönguhækkun: 778 m.


Verð: Verð: 2.200 / 3.900 kr. Innifalið: Fararstjórn.

Greitt er fyrir þessa ferð við brottför



Skráning í ferðina
Skráning í ferðina

Búnaður

  • Gönguferðir: 2 skór

    Miðlungserfiðar ferðir: Miðlungslangar dagleiðir, yfirleitt 5 - 7 klst. oftast utan slóða og/eða í hæðóttu landi. Bakpoki þarf ekki að vera þungur. Engar eða auðveldar ár. Þátttakendur þurfa að vera í nokkuð góðri þjálfun.


    Nauðsynlegur búnaður er meðal annars:

    Góðir gönguskór sem ætlaðir eru til dagsferða með góðum stuðningi

    Göngustafir ef vill

    Bakpoki (dagpoki) gott að hann sé með bakpokahlíf

    Sólgleraugu, sólarvörn og varasalvi

    Sjúkragögn, hælsærisplástur, teygjubindi og verkjalyf og annað smálegt

    Viðeigandi fatnaður, hlífðarföt, regnföt (vaðskór ef gefið er upp að það þurfi að vaða)

    Vatn/drykkir og nesti til dagsins (gott að hafa orkuríkt nesti og göngunasl)

    Alltaf gott að hafa í bakpokanum: Flugnanet, legghlífar, auka sokkar, buff og brodda; svokallaðir Esjubroddar eiga að duga í svona ferð.