DAGS

11.04.2026

Kl.

9-17

BROTTFÖR Kl.

9

Lýsing

2-3 skór 


Brottför kl. 9 frá FFA, Strandgötu 23. 

Sameinast í bíla ef vill. Þeir sem þiggja far taka þátt í ferðakostnaði, gerum ráð fyrir 2500 kr. á mann með göngunum.

Fararstjórn: Þóroddur F. Þóroddsson


Það tekur u.þ.b. 30 mín að keyra frá FFA að Fosshóli þar sem skilinn verður eftir a.m.k. einn bíll og svo ekið að línuvegi sunnan við Kálfborgarána og þar hefst gangan.


Gönguleiðin er um 15 km. Hækkun 150-200 m. Gert er ráð fyrir um 2-3 klst. göngu að Heiðarseli, 4 km og 150 m hækkun og síðan gengið um sléttar mýrar og ása norðurundir þjóðveg (8 km) og þaðan undan halla sunnan Rauðár niður að Fosshóli. Stefnt er að hámarki 6-7 klst. skíðagöngu.


Stoppað verður nokkrum sinnum á leiðinni en annars gengið greiðlega eins og færi býður upp á. Þetta er auðfarin leið í góðu færi en ef fyrirsjánlegt verður að of langan tíma taki að ná að Fosshóli er hugsanlegt að fara fyrr niður á þjóðveg og eins ef skíðafæri er mjög gott er hægt að bæta við fleiri km.


Nauðsynlegt að vera á skíðum með með stálkömntum. Skynsamlegt er að hafa fljótandi rennslisáburð í pokanum og svo nesti og skjólfatnað, minnt á eitthvað heitt í brúsa og setmottu.


Lámarksfjöldi eru 8 manns svo ferðin verði farin.


Verð: 2.700 / 4.400  kr.

Greitt við brottför


Skráning í ferðina

Búnaður

  • Dagsferðir á gönguskíðum

    Nauðsynlegur búnaður í dagsferð á gönguskíðum:

    Gönguskíði og skíðaskór. Best er að hafa skíði með stálköntum/utanbrautarskíði

    Skíðastafi (athugið að ólin sé þannig að þið komist í þykkum vettlingum í hana)

    Gott að hafa meðferðis skinn á skíðin

    Skíðagleraugu, sólarvörn og varasalvi

    Vind- og vatnsheldan jakka

    Vind- og vatnsheldar buxur

    Ullarnærföt

    Hanska/vindhelda vettlinga

    Drykkjarflösku og smá orku til að narta í t.d. orkustykki (alltaf eitthvað heitt að drekka)

    Sólarvörn og varasalvi

    Gott að hafa höfuðljós í lengri ferðir

    Sjúkragögn, hælsærisplástur, verkjalyf og annað smálegt

    Sjúkragögn (hælsærisplástur og annað smálegt)

    Gott að hafa létta úlpu og þurra vettlinga (gott líka að hafa „pokavettlinga“ til að hafa yfir aðra). Margir hafa líka með sér þurra húfu