Fararstjórar

Til baka

Áslaug Melax

Fararstjóri

Áslaug ólst upp í Reykjavík og flutti til Akureyrar árið 2016. Þörf fyrir útivist og útiveru var alltaf til staðar en árið 2006 lagði hún upp í sína fyrstu ferð með allt á bakinu og var þá ekki aftur snúið. Áslaug var í öflugum gönguhópi í mörg ár og hefur gengið til fjalla í flestum landshlutum og tindarnir orðnir óteljandi. Þrátt fyrir fjallabakteríu leggur Áslaug áherslu á fjölbreytni í útivist og eiga hjól og skíði einnig stóran sess hjá henni. Áslaug hefur sérstakan áhuga á jöklagöngum og finnst fátt betra en að byrja vorið með góðri göngu á Öræfajökli. Árið 2014 kláraði Áslaug gönguleiðsögn frá MK og hefur síðan þá tekið að sér ýmis leiðsagnarverkefni.

Áslaug hefur lengst af starfað sem einhverfuráðgjafi á Greiningar og ráðgjafarstöð ríkisins en er nú ráðgjafi á fræðslusviði Akureyrarbæjar.

Áslaug byrjaði sem fararstjóri hjá FFA 2021 og leiddi þá hreyfihópinn Gengið inn í haustið með FFA. Haustið 2022 ætlar hún að vera Arnari Bragasyni til aðstoðar í sams konar verkefni.

Uppáhalds útivistarsvæði Áslaugar:

Hálendið í öllu sínu veldi, umhverfi Öræfajökuls og Þórsmörk er engri lík.