Skráning í Ferðafélag Akureyrar

 Velkomin í Ferðafélag Akureyrar

GERAST FÉLAGI

Árgjald FFA fyrir 2025 er 9.800 kr. Rafræn félagsskírteini voru tekin upp 2021 í samstarfi við FÍ.

Félagar í FFA hafa öll sömu réttindi og í FÍ, sama félagsskírteini gildir. Um að gera að gerast félagi á sínum heimaslóðum.

Ferðafélag Akureyrar er áhugamannafélag sem vill stuðla að ferðalögum um Ísland, einkum Norðurland. Ekki þarf að hafa neina sérstaka reynslu af ferðalögum til að gerast félagi í FFA. Sömu skilmálar eru að félagsaðild og hjá FÍ, sjá hér. Hægt er að ganga úr félaginu hvenær sem er með því að senda tölvupóst á ffa@ffa.is. 

Makar/sambýlisfólk félagsmanna geta valið að greiða 5.400 kr. árgjald árið 2025 fyrir fjölskylduaðild. Þeir fá þá félagsskírteini og njóta allra fríðinda sem það veitir auk tímaritsins Ferða. Allir félagsmenn hafa atkvæðisrétt á fundum félagsins. Árbók FÍ er ekki innifalin í því gjaldi. Þeir sem hafa áhuga á því geta skráð sig eins og aðrir en taka fram undir "nnað" hver makinn er sem er félagi í FFA eða hafi samband við skrifstofu FFA.

Félagar í FFA voru rúmlega 700 þann 31. desember 2024 og hefur fjölgað talsvert síðustu sex árin. Markmiðið er að fjölga félögum enn frekar og vekja athygli á frábæru starfi FFA og hvað mikið felst í félagsgjaldinu.

Fríðindi og afsláttarkjör FFA félaga:

• Vegleg árbók Ferðafélags Íslands.
• Ferðir, ársrit FFA sem gefið hefur verið út síðan 1940.
• Afsláttur af ferðum og hreyfiverkefnum á vegum FFA, FÍ og deildum þess.
• Veglegur afsláttur af gistingu í skálum FFA og á tjaldstæðum við skála félagsins (sjá gjaldskrá).
• Félagsverð á gistingu í skálum FÍ og öðrum deildum þess en þeir eru 40 talsins víða um land.
• Félagsaðild gildir einnig fyrir maka og börn að 18 ára aldri.
• Skemmtilegur félagsskapur með fólki sem hefur gaman af ferðalögum.
• Félagsréttindi í norsku, sænsku og finnsku ferðafélögunum.

Jafnframt eru í boði afslættir í nokkrum fyrirtækjum á Akureyri og víðar. Munið að hafa félagsskírteinið með!

Gerast félagi