Hreyfiverkefni

Hreyfiverkefni og námskeið 2025

Á árinu 2025 voru sex verkefni undirbúin.

Haustið 2025 verða Ásdís og Sirrý með fjallaverkefni sambærilegt og vorið 2024. "Fjöll, firðir og dalir með Ásdísi og Sirrý" það verður auglýst í ágúst.

Núvitund í náttúrunni hefst upp úr miðjum ágúst. Þuríður HelgaKristjánsdóttir verður með það.

Komdu út og á fjöll með FFA 2025. Lokið

Samstarfsverkefni við Krabbameinsfélag Akureyrar. Féll niður vegna þátttökuleysis.

Skíðagöngunámskeið, grunnnámskeið. Lokið.

Skíðaganga, framhaldsverkefni. Féll niður vegna snjóleysis

Hreyfiverkefni og námskeið 2024

Á árinu 2024 voru fjögur verkefni undirbúin. Þrjú voru haldin.

Skíðagöngunámskeið, grunnnámskeið. Lokið.

Skíðaganga, framhaldsverkefni. Lokið.

Núvitund í náttúrunni 2024. Verkefnið féll niður vegna færðar.

Fjöll, firðir og dalir með Ásdísi og Sirrý. Lokið.

Hreyfiverkefni og námskeið 2023

Á árinu 2023 voru níu verkefni undirbúin og sett af stað. Ekki náðist næg þátttaka í þau öll svo af þeim yrði.

Þessi verkefni voru undirbúin:

Skíðagöngunámskeið fyrir byrjendur og framhaldsverkefni. Færri komust að en vildu en fella þurfti framhaldsnámskeiðið niður vegna snjóleysis.

Fjallaskíðanámskeið. Féll niður vegna snjóleysis.

Núvitund í náttúrunni. Þetta reyndist afar vel og er vonandi komið til að vera næstu árin.

Komdu með í útivist, fyrir byrjendur en ekki síður þá sem vilja koma sér af stað aftur eða fyrir sumarið. Féll niður.

Komdu út og á fjöll, glænýr dagskrá á hverju ári. Vinsælasta gönguverkefnið enn sem komið er.

Ferðast með allt á bakinu. Féll niður.

Hlaupið úti í náttúrunni að hausti. Féll niður.

Útivistarsæla með FFA haust og vetur 2023. Féll niður.

 Hreyfiverkefni og námskeið 2022

Á árinu 2022 voru nokkur verkefni endurtekin frá 2021 og önnur bættust við. Þó verkefni séu endurtekin þá er alltaf nýtt prógram í gangi, nýjar ferðir, ný fjöll og nýtt fólk.

Komdu með í útivist, þar var talsverð fjölgun. Umsjónarmenn og ararstjórar voru Anna Sigrún Rafnsdóttir og Kristján Hreinsson.

Komdu út og á fjöll var endurtekið með góðum árangri og voru sömu umsjónarmenn og fararstjórar og áður.

Fjallaskíðanámskeið hjá FFA. Tvö námskeið voru haldin, eitt fyrir byrjendur og annað fyrir lengra komna. Umsjónarmenn og fararstjórar voru: Kristín Irene Valdemarsdóttir og Jón Marinó Sævarsson.

Skíðagöngunámskeið hjá FFA sem fylltist strax. Umsjónarmenn og fararstjórar voru: Bryndís Indíana Stefánsdóttir (Inda) og Anna Sigrún Rafnsdóttir.

Gengið inn í haustið með FFA. Þar var umsjónarmaður Arnar Bragason og voru nokkrir fararstjórar sem fór um honum í ferðir.

 Hreyfiverkefni og námskeið 2021

Á árinu 2021 voru nokkur verkefni endurtekin frá árinu 2020 og ný bættust við og gengu þau öll vel.

Komdu með í útivist. Fyrir þá sem vilja byrja að ganga á fjöll og þá sem vilja koma sér af stað fyrir sumarið.

Komdu út og á fjöll var sams konar verkefni og eins konar framhaldsverkefni af Komdu út í íslenska sumarið, 2-3 skór, sömu fararstjórar.

Gengið inn í haustið með FFA kom í stað Fleiri fjöll og voru fararstjórar þar Áslaug melax og Óskar Ingólfsson.

Fjallaskíðanámskeið bættist við en það hófst í janúar og fylltist strax. Fararstjórar þar voru Kristín Irene Valdemarsdóttir og Jón Marinó Sævarsson.

Einng var prófað að hafa byrjendanámskeið í að ganga á fjöll Komdu með í útivist og voru fararstjórar Anna Sigrún Rafnsdóttir og Kristján Hreinsson.

Fjallahjólanámskeið fyrir byrjendur var einnig haldið og voru fararstjórar þar Unnur Ósk Unnsteinsdóttir og Guðrún E. Jakobsdóttir.

 Hreyfiverkefni og námskeið 2020

Á árinu 2020 hóf Ferðafélag Akureyrar að skipuleggja sérstök hreyfiverkefni í anda FÍ. Þeir sem taka þátt í þeim skrá sig í hóp fyrir ákveðið verkefni gegn gjaldi. Meginmarkmið hópanna er útivist, að takast á við eigin áskoranir og að ganga í góðum félagsskap. FFA stefnir að því að bjóða upp á fjölbreytta hreyfihópa til að koma til móts við þarfir og óskir sem flestra. Þess vegna eru allar góðar ábendingar vel þegnar. 

Fyrsti hreyfihópur FFA fékk nafnið Komdu út í íslenska sumarið og fylltist fljótt. Fararstjórar voru Anna Sigrún Rafnsdóttir og Kristján Hreinsson. Hópurinn hóf göngu sína í maí 2020 og lauk verkefninu í september, það tókst að halda áætlun þrátt fyrir COVID-19. Mikil fjölbreytni í ferðum einkenndi verkefnið og oftar en ekki var heimafólk fengið til að segja frá náttúru og sögu staðanna. Þyngdarstig verkefna hópsins var áætlað 2 skór. Fyrirhugað er að vera með svipaðan hóp sumarið 2021.

Annar gönguhópur hóf starfsemi í september 2020. Hann fékk nafnið Fleiri fjöll og fylltist hann einnig fljótt. Þar fá þátttakendur áskorun um að ganga á fjöll að vetri til og er áætlað þyngdarstig 3 - 4 skór. Þátttakendur fá m.a. fræðslu um útbúnað í vetrarferðum og innsýn og æfingu í notkun gps-tækja í fjallaferðum. Fararstjórar eru Einar Bjarki Sigurjónsson og Christina Finke. Áætlunin var að ljúka verkefninu í desember en fjöldatakmarkanir vegna COVID-19 hafa sett strik í reikninginn. Verkefnið stendur því eitthvað fram í janúar 2021.

Í byrjun desember 2020 var nýtt verkefni kynnt og auglýst. Það er fjallaskíðaverkefni sem fékk einfaldlega nafnið Fjallaskíðahópur FFA. Það verkefni hefst í janúar 2021 ef allt gengur að óskum. Mikill áhugi er fyrir þessum hóp og komust færri að en vildu. Fararstjórar eru Kristín Irene Valdemarsdóttir og Jón Marinó Sævarsson.

Mikilvægt!

Ekki er endurgreitt eftir að verkefni er hafið.

Í verkefnum og ferðum FFA ferðast þátttakendur á eigin ábyrgð. FFA tryggir hvorki farþega sína né farangur þeirra og hvetur fólk til að kynna sér eigin heimilistryggingar eða kaupa ferða- og slysatryggingu.

Hagstætt er að gerast félagi í FFA. Með félagsskírteini FFA fæst afsláttur í mörgum sportvöruverslunum s.s. Skíðaþjónustunni og Útivist og sport auk afsláttar í ferðir, verkefni og gistingu í skálum, sjá nánar: Gerast félagi í FFA, þar getið þið skráð ykkur í félagið.