Fararstjórar

Til baka

Anna Sigrún Rafnsdóttir

Fararstjóri

Anna Sigrún ólst upp í þorpinu á Akureyri. Ástríða hennar fyrir útivist byrjaði snemma og var umhverfið sem hún ólst upp í góður vettvangur fyrir allskonar útivist. Snemma gekk hún til liðs við skátahreyfinguna sem styrkti áhuga hennar á útivistinni. Um leið og hún hafði aldur til gekk hún í Hjálparsveit skáta og síðar í Björgunarsveitina Súlur. Hún starfaði mörg ár í Björgunarsveitinni og var lengi skyndihjálparleiðbeinandi í Björgunarskóla Landsbjargar. Í dag er hún sjálfboðaliði hjá Rauða Krossi Íslands og kennir þar m.a. skyndihjálp.

Útivist af öllu tagi hefur alltaf átt hug og hjarta Önnu Sigrúnar og skipta fjöllin hundruðum sem hún hefur gengið á í gegnum tíðina. Skíðaáhuginn hófst snemma og gildir einu hvort það eru göngu-, fjalla- eða svigskíði, henni finnst allar skíðategundir jafn heillandi.

Anna Sigrún hefur lengst af starfað sem grunnskólakennari en er í dag ráðgjafi hjá Miðstöð skólaþróunar við Háskólann á Akureyri.

Anna Sigrún byrjaði sem fararstjóri hjá FFA 2020. Hún var þá með fyrsta gönguhópinn, "Komdu út" ásamt manni sínum Kristjáni Hreinssyni. Síðan þá hefur hún verið með fasta hópa hjá FFA og 2022 ætlar hún að bæta við sig skíðagöngunámskeiði ásamt Bryndísi Indíönu Stefánsdóttur. Þær stefna á tvö skíðagöngunámskeið 2023, grunnnámskeið og framhaldsnámskeið.

Ómissandi í bakpokann:
Skyndihjálparpakki
Vettlingar

Uppáhalds útivistarsvæði Önnu Sigrúnar:
Eyjafjörður með öllum sínum möguleikum