Næstu ferðir FFA

Næstu ferðir í áætlun FFA eru: Grjótárhnjúkur í Hörgárdal, Glerárdalur-Skjóldalur, og Ljúfir dagar á Ströndum. Minnum einnig á Gönguvikuna.

3. júlí. Grjótárhnjúkur í Hörgárdal  
Ekið er að Staðarbakka og áfram vegslóða að Ásgerðarstaðaseli og þar meðfram túnum. Farið er yfir Hörgána á móts við Grjótárdal (hægt að fara á bíl yfir ána) og gengið fram dalinn. Farið er yfir Grjótána og upp á suðuröxl hnjúksins og síðan er gengið til norðurs út á Grjótárhnjúkinn. Mikið útsýni yfir Hörgárdalinn. 
Fararstjóri: Konráð Gunnarsson.
Verð: kr. 1.500 / kr. 2.000
Brottför frá FFA kl. 8.00

4. júlí. Glerárdalur - Skjóldalur  
Gengið er frá enda Súluvegar við heimari Hlífá sem leið liggur eftir stikaðri leið inn að Lamba þar sem gott matarhlé verður. Eftir matinn verður haldið áfram upp Glerárdal yfir Þröskuld í Ytri-Króksdal og niður í Skjóldal alla leið að Ystagerði þar sem ferðin endar. 
Fararstjóri: Ingimar Eydal.
Verð: kr. 1.500 / kr. 2.000
Brottför frá FFA kl. 8.00
Ferðasaga

5. - 9. (11.) júlí. Ljúfir dagar á Ströndum  -   
Farþegar koma sér á eigin vegum til Norðurfjarðar en þar hefst ferðin með siglingu til Reykjafjarðar að morgni mánudagsins 5. júlí. Gist í húsi og gengið sem veður og geta leyfir, um núpa og nes til 9. júlí, en þá sækir báturinn okkur fyrripart dags og siglir með okkur til Norðurfjarðar.
Þeir sem vilja geta gengið á þrem dögum í Ófeigsfjörð og gist í tjaldi á leiðinni.
Fararstjóri: Ólafur Halldórsson.
Verð: kr. 35.000 / kr. 38.000
Innifalið: Fararstjórn, gisting, sigling.
Brottför auglýst síðar.


Gönguvika verður á Akureyri og í nágrenni dagana 3.-11. júlí.
Dagskráin er svohljóðandi:

3. júlí: Þorvaldsdalsskokkið.
Göngumenn mæti við Fornhaga í Hörgárdal kl. 9.00, skokkarar kl. 12.00


4. júlí: Glerárdalur / Skjóldalur. Ferðafélag Akureyrar.
Gengið er frá enda Súluvegar við heimari Hlífá sem leið liggur eftir stikaðri leið inn að Lamba þar sem gott matarhlé verður. Eftir matinn verður haldið áfram upp Glerárdal yfir Þröskuld í Ytri-Króksdal og niður í Skjóldal alla leið að Ystagerði þar sem ferðin endar. Fararstjóri: Ingimar Eydal. Verð: kr. 1.500 / kr. 2.000 Brottför frá FFA kl. 8.00


5. júlí: Auglýst síðar.


6. júlí: Ystuvíkurfjall. Farið frá FFA kl. 19.00.
Frítt (þeir sem fá far ættu að borga bílstjóranum 500 kall) og þetta eru ferðir upp á ca. 3 tíma.


7. júlí: Skólavarða. Farið frá FFA kl. 19.00.
Frítt (þeir sem fá far ættu að borga bílstjóranum 500 kall) og þetta eru ferðir upp á ca. 3 tíma.


8. júlí: Kræðufell. Farið frá FFA kl. 19.00.
Frítt (þeir sem fá far ættu að borga bílstjóranum 500 kall) og þetta eru ferðir upp á ca. 3 tíma.


9. júlí: Hlíðarfjall. Farið frá FFA kl. 19.00.
Frítt (þeir sem fá far ættu að borga bílstjóranum 500 kall) og þetta eru ferðir upp á ca. 3 tíma.


10. júlí: Glerárdalshringurinn - 24 tindar.
Glerárdalshringurinn er stór og umfangsmikill fjallgönguviðburður sem genginn er árlega í júlí, með um 10 fjöll hærri en 1.400 m og er Kerling hæst þeirra um 1.540 m, gengið er á 24 tinda um 45 km leið með um 4.500 gönguhækkun. Reikna má með um 20 til 28 klst í gönguna. Allar nánari upplýsingar m.a. varðandi skráningarfrest má finna á vefsíðu göngunnar 24x24.is undir Hringurinn.
 

11. júlí: Fuglaskoðunarferð Hrísey - nánar auglýst síðar.