Opið hús 2. október kl. 20 - Laxárdeilan

Opið hús  fimmtudaginn 2. október kl. 20 í húsnæði FFA við Strandgötu 23.

 

Benedikt Sigurðarson flytur erindi um Laxárdeiluna.

 

Árin 1968 til 1974 stóð ágreiningur um stórkarlalegar virkjunarhugmyndir í Laxá i Þingeyjarsýslu - með Suðurárveitu/Skjálfandafljótsveitu og tilheyrandi miðlunarlónum og allt að 60 m hárri stíflu neðst í Laxárdal. Virkjun Laxár við Brúarfossa og framkvæmdir við útfall árinnar úr Mývatni á sér rúmlega 90 ára sögu og samhengi. Laxárdeilan var kveðin niður eftir að Þingeyingar sprengdu stífluna i Miðkvísl i ágúst 1970 og sett voru sérlög um "verndun Laxár og Mývatns" árið 1974.

 

Í erindinu fjallar Benedikt um samhengi Laxárvirkjana og átökin sem risu um áformað rask með vatnaflutningum úr Skjálfandafljóti.

 

Kaffi og konfekt, spjall og spurningar.

Fjölmennið meðan húsrúm leyfir

 

Viðburðanefnd