Bóthildur Sveinsdóttir

BóthildurHilda, Bóthildur Sveinsdóttir er fædd og uppalin í „Firðinum fagra“ (gæluorð brottfluttra Borgfirðinga um Borgarfjörð eystri). Hún byrjaði fljótlega að skríða upp á næstu hóla og svo upp
á fjöllin eftir því sem getan óx og hafði gengið á flesta fjallatinda sem sáust frá bænum hennar fyrir 20 ára aldur. Hilda gerðist félagi í FÍ 1984 og svo í Útivist. Var í ferðanefnd hjá Útivist í
nokkur ár og starfaði þar sem fararstjóri, aðallega á Hornströndum og Víknaslóðum, og í styttri ferðum á Suðurlandi. Hún hefur gengið mikið með eiginmanni sínum Bernard. Hilda gekk svo í Ferðafélag Akureyrar þegar hún fluttist norður og hefur verið í ferðanefnd félagsins frá árinu 2020. Hún vinnur sem gjörgæsluhjúkrunarfræðingur á SAK. Hilda stundar gönguskíði og hefur m.a. gengið á gönguskíðum yfir Vatnajökul, Laugarveginn og Kjöl auk flestra stærstu jökla landsins. Hún hefur farið á nokkur fjöll erlendis s.s. Toubkal hæsta fjall N-Afríku, Kilimanjaro og nokkra tinda í svissnesku Ölpunum. Hilda hefur mikinn áhuga fyrir náttúrunni. Með móðurmjólkinni fylgdi þekking á blómum og fuglum. 


Einn af uppáhalds stöðum hennar er Stórurð.