Hulda Jónsdóttir

Hulda JónsdóttirHulda er alin upp í Bárðardal. Hún hefur lengi haft áhuga á að ferðast utan alfaraleiða en byrjaði að stunda fjallgöngur árið 2020. Hún kann vel við að dýfa tánum í kalt vatn í göngum sínum og vill frekar njóta en þjóta.  

Hulda býr á Akureyri,  er með BA gráðu í nútímafræði, diploma í ferðamálafræði og MS gráðu í alþjóðaviðskiptum. Hún hefur mikla þekkingu á ferðaþjónustu á Norðurlandi eftir að hafa starfað í nokkur ár í  Upplýsingamiðstöð ferðamála a Akureyri. 

Börnin sín  tekur Hulda með í stuttar gönguferðir og telur nauðsynlegast af hafa með gott nesti, handklæði og aukaföt þar sem börnum hennar finnst mjög gaman að busla.  

Haustið 2021 byrjaði Hulda að starfa í nefnd um barna- og fjölskyldustarf hjá FFA og var ferðaáætlun um barna- og fjölskylduferðir fyrir árið 2022 fyrsta reynslan hennar af að starfa með félaginu. Hún verður fararstjóri í einni barna- og fjölskylduferð sumarið 2022.