Laugafell
Staðsetning: Laugafell er um 20 km suður af botni Eyjafjarðardals og um 15 km norðaustur frá Hofsjökli. Frá Laugafelli liggja slóðir til Eyjafjarðar, Skagafjarðar, Bárðardals og suður Sprengisand. Fólk sem hyggur á ferðir í Laugafell þarf að kynna sér vel ástand vega hjá Vegagerðinni.
Lýsing á skálum: Skálarnir eru hitaðir upp með laugavatni allt árið. Áhöld og eldunartæki eru til staðar. Gestir geta fengið aðgang að kolagrilli en þurfa að koma með kol sjálfir. Góð snyrtiaðstaða er á staðnum ásamt heitri laug.
Gistirými:
- Í skála FFA er gistirými fyrir 20 manns, svefnpokapláss á dýnum.
- Á svefnlofti yfir snyrtihúsi er gistirými fyrir 12 manns, svefnpokapláss á dýnum.
- Í Þórunnarbúð er gistirými fyrir 12 manns, svefnpokapláss með dýnum.
Gott tjaldsvæði er í Laugafelli, snyrtiaðstaða og heit laug.
Gæsla: Skálaverðir eru í skálunum frá lokum júní fram í september.
Gönguleiðir í umhverfi skálans: Nokkrar stikaðar léttar gönguleiðir eru um svæðið.
Byggingarsaga: Á árunum 1948 – 1950 reisti Ferðafélag Akureyrar skála í Laugafelli og byggði sundlaug á svæðinu árið 1976. Laugin var færð til og endurnýjuð árið 1987 hún var endurbætt enn frekar árið 2000. Árin 1991 – 1992 voru gerðar miklar endurbætur á skálanum og aftur 2015 en þá var t.d. utanhússklæðning endurnýjuð. Veglegt snyrtihús var byggt á svæðinu 1998. Á staðnum er skálavarðarhús, Þórunnarbúð, sem jafnframt er þjónustuhús, það var byggt 2009 - 2010.
Umfjöllun Hringbrautar um Laugafell er hægt að sjá hér.
Umfjöllun RÚV í Landanum 17. desember 2021 er hægt að sjá hér.
