Fréttir

Ferðakynning 2009

Ferðakynning FFA 2009
verður í Ketilhúsinu á Akureyri fimmtudaginn 5. febrúar n.k. kl. 20.00.
 
Dagskrá:
  • Hilmar Antonsson, formaður FFA setur kynninguna.
  • Roar Kvam, formaður ferðanefndar kynnir ferðir ársins í tali og myndum.
  • Hjörleifur Guttormsson, náttúrufræðingur verður með erindi og myndakynningu er hann kallar „Austfjarðafjöll, meginstöðvar og rannsóknir dr. Walkers“.
  • Skíðaþjónustan og 66° Norður sýna úrval af útivistarvörum.
 Enginn sannur útivistarunnandi lætur þessa kynningu fram hjá sér fara.
Aðgangseyrir kr. 1.000, innifalið er kaffi og meðlæti.
Ferðanefnd FFA

Ferðaáætlun 2009

Jæja, gott fólk, nú er loksins ferðaáætlunin fyrir 2009 komin á sinn stað (smellið á tengilinn t.v.) skoðið hana vel og takið frá tíma fyrir ferðirnar sem ykkur líst best á.
Vonumst til að sjá sem flest ykkar í ferðum félagsins á árinu, af nógu er að velja.

Nýr póstlisti

Búið er að gera nýjan póstlista sem heitir " Næsta ferð "

Á þann lista verða sendar uppl. í byrjun viku um ferðir komandi helgar.  Áfram er til almennur póstlisti félagsins en á honum eru í dag 124 netföng.  Hægt er að skrá sig á listann hér til hægri.

Gönguhópur

Minni á óformlegan gönguhóp sem gengur alla mánudaga frá Sundlaug Akureyrar kl.19:00.

Fundargerð félagsfundar 8. janúar

Ágæt mæting var á almennan félagsfund sem haldinn var 8. janúar síðastliðinn eða um 30 manns.  Margt fróðlegt bar á góma, m.a. að stjórn áformar að hefja byggingu varðarhúss við Laugafell nú í vetur og miðar að því að ljúka smíði þess árið 2010.  Fundargerð má sjá hér.

Almennur félagsfundur fimmtudaginn 8. janúar

Stjórn FFA óskar félögum og öðrum gleðilegs árs og þakkar fyrir samstarfið á liðnum árum.

Eins og undanfarin ár verður haldinn almennur félagsfundur í upphafi árs. Fundurinn verður haldinn fimmtudaginn 8. janúar kl. 20.00 að Strandgötu 23.  Farið verður yfir helstu viðfangsefni sem framundan eru. Félagar eru hvattir til að mæta.

Nýársdagsganga FFA 2009 í Vaðlareit

Myndir úr nýársdagsgöngu FFA 2009 í Vaðlareit eru komnar á heimasíðuna. Smellið á MYNDIR.