Fréttir

Ferðafélag Akureyrar auglýsir eftir fólki sem hefði áhuga fyrir að starfa í nefndum félagsins næsta starfsár, 2009 - 2010. Hér er um að ræða skálanefndir og aðrar nefndir á vegum félagsins. Áhugasamir hafi samband við Hjalta Jóhannesson í síðasta lagi 5. mars 2009, í síma 462 3812 eða með tölvupósti á netfangið: hjaltij@mi.is.

Af Vaðlaheiðinni er fagurt útsýni yfir Akureyri og Eyjafjörðinn. Þetta er frábært svæði til skíðagöngu og útivistar almennt. Fararstjóri er Frímann Guðmundsson.

Verð er kr. 1.500,-, en kr. 1.000,- fyrir félagsmenn.

Brottför frá FFA kl. 9:00.

Gengið verður frá bænum Garðsá og inn dalinn og sömu leið til baka. Þetta er góð skíðaferð við flestra hæfi. Fararstjóri er Valur Magnússon.

Verð er kr. 1.500, en kr. 1.000 fyrir félagsmenn.

Farið verður frá FFA kl. 10:00.

Myndir úr þorrablótsferð FFA í Botna 14.-15. feb. 2009 eru komnar á heimasíðuna. Smellið á MYNDIR hér að ofan.

Gengið með Reyká upp á Súlumýrar. Þaðan til norðurs og komið niður með Heimari Hlífá við réttina.
Fararstjóri: Frímann Guðmundsson.
Verð: kr. 1.000 / kr. 1.500
Brottför frá FFA kl. 10.00

Myndir úr fyrstu skíðaferðinni á ferðaáætlun FFA fyrir 2009 eru komnar á heimasíðuna. Smellið á MYNDIR hér að ofan.

Ekið að Svartárkoti, gengið þaðan í Botna, skála FFA í Suðurárbotnum þar sem snæddur verður þorramatur um kvöldið. Gengið til baka næsta dag.
Fararstjóri: Ingvar Teitsson.
Verð: kr. 2.400 / kr. 3.000
Innifalið: Fararstjórn, gisting.
Brottför frá FFA kl. 11.00

Skrifstofa félagsins verður opin á föstudögum fram að hefðbundinni sumaropnun frá kl. 17 - 19.

Þar verður hægt að fá upplýsingar um næstu ferðir, skrá sig í þær og greiða þær.

 

Þá er ferðaárið að hefjast á fullu með fyrstu skíðaferð ársins.

Ferðakynning FFA 2009
verður í Ketilhúsinu á Akureyri fimmtudaginn 5. febrúar n.k. kl. 20.00.
 
Dagskrá:

• Hilmar Antonsson, formaður FFA setur kynninguna.
• Roar Kvam, formaður ferðanefndar kynnir ferðir ársins í tali og myndum.
• Hjörleifur Guttormsson, náttúrufræðingur verður með erindi og myndakynningu er hann kallar „Austfjarðafjöll, meginstöðvar og rannsóknir dr. Walkers“.
• Skíðaþjónustan og 66° Norður sýna úrval af útivistarvörum.

 Enginn sannur útivistarunnandi lætur þessa kynningu fram hjá sér fara.
Aðgangseyrir kr. 1.000, innifalið er kaffi og meðlæti.
Ferðanefnd FFA