Fréttir

Föstudaginn 13. mars verður gengið frá Hólsgerði upp Vatnahjalla og í Bergland við Urðarvötn og gist þar. Síðan verður haldið í Laugafell á laugardeginum. Á sunnudag verður gengið norður að Urðarvötnum, með viðkomu í Berglandi, og niður Vatnahjalla aftur að Hólsgerði.

Toppupplifun fyrir fjallaskíðafólk - laugin notalega bíður í Laugafelli.

Fararstjóri verður Rúnar Jónsson. Verð verður kr. 6.000,- en kr. 5.000,- fyrir félagsmenn FFA. Innifalið í verðinu er fararstjórn og gisting.

 

Farið verður frá FFA kl. 13:00 þann 13. mars.

Vegna slæmrar veðurspár hefur verið ákveðið að skíðaferðin frá Hlíðarfjalli að Þelamörk, sem fara átti á sunnudag 8. mars, verður farin á morgun, laugardag 7. mars, ef næg þátttaka verður.

Miðað er við að fara kl. 9:00 frá FFA og fararstjóri er Frímann Guðmundsson.

Tilvalið tækifæri í að skella sér í góða, ókeypis skíðaferð og síðan í heita pottinn á Þelamörk (ekki innifalið). Létt ferð við flestra hæfi. Vonandi sjá sem flestir sér fært að mæta.

Stjórn FFA hefur ákveðið að bjóða þeim sem eru atvinnulausir frítt í dagsferðir félagsins gegn staðfestingu.

myndir

Um liðna helgi var farin vinnuferð í Dreka .  Veðurspáin fyrir helgina var hagstæð því ákveðið að leggja á fjöll

FFA efndi til skíðaferðar á Vaðlaheiði þ. 1. mars 2009. Smellið á MYNDIR til að sjá hvernig gekk.

Gengið frá Skíðastöðum út hlíðina. Síðan er þægilegt rennsli niður að Þelamerkurskóla. Farið þar í heita pottinn (ekki innifalið). Þetta er létt ferð við flestra hæfi.

Fararstjóri í ferðinni er Frímann Guðmundsson. Ferðin er ókeypis. Farið verður frá FFA kl. 9:00.

Smíði nýs skálavarðarhúss fyrir Laugafell hófst hjá FFA þ. 21.02.09. Smellið á MYNDIR til að fræðast nánar um verkið.

Ferðafélag Akureyrar auglýsir eftir fólki sem hefði áhuga fyrir að starfa í nefndum félagsins næsta starfsár, 2009 - 2010. Hér er um að ræða skálanefndir og aðrar nefndir á vegum félagsins. Áhugasamir hafi samband við Hjalta Jóhannesson í síðasta lagi 5. mars 2009, í síma 462 3812 eða með tölvupósti á netfangið: hjaltij@mi.is.